†† منتدى ارثوذكس †† - انا انخطفوا ولادي وتيتموا وكل الدنيا واقفه بوجهي الرجاء الدخول للاهمية البالغه

انا امراه فلسطينيه عايشه بالقدس اتوفى زوجي قبل سنه ونصف بجلطه فجائيه عندي طفله عمرها 9 سنوات وولد عمره 5 سنوات انا عشت عند دار حماي 7 سنوات بنفس البيت دقت منهم مرارة الحياة وكانوا يضربوني ويهينوني وانا ما عملتلهم شي سكتت عن ظلمهم وما خليت احد يدرى بالموضوع ولا حتى اهلي عشان ما يصير مشاكل بين العائلات وعشان ابوي المريض كمان وبعد السبع سنين انتقلت لبيت تاني انا وزوجي الي بنينا البيت وانا سحبت اموالي من البنوك اهلي عفشوا البيت كتبت كل ما املك باسم جوزي الي كان يعاملني انا واطفالي اسوء معامله ولما مات اهل زوجي عملوا في انا وولادي عمايل الله ما بيرضاها اتهمنوني بقتل زوجي اخدوا ولادي مني كانوا يمنعوني اشوف ولادي عملت عمل تطوعي واشتغلت بمدرسة اولادي عشان اقدر اشوفهم ومع هيك حماي كان ياخد ولادي من نصف المدرسه ما يخليني اشوفهم وبعد هيك انتقل حماي لنفس العمارة الي انا ساكنه فيها وبدون علمي سكن ببيت تحت بيتي وركبلي كمرات مراقبه على باب بيتي وعلى مكان سيارتي وصار يلاحقني من مكان لمكان يشوف شو بعمل يمنعني حتى اني اوصل ولادي على المدرسه وكان ياخد بنتي ويضربها ويفتح تمها ويحط سجاير مولعه بتمها عشان يتطفيهم فيها ويهددها اذا بتحكي اي شي لالي من الي بعملوه فيها بحرقها كان يخلي ابني يسوق سيارة لوحده مع انه طفل صغير يفرق بالمعامله بين الولد والبنت وبالاخر صلت سلفتي تضربني واتهيني امام اطفالي وحاول سلفي ياخد الاولاد ويبعدهم عني الا اني اتمكنت من اخد ولادي وطلعت عند دار اهلي بالقدس لاني انا كنت عايشه برام الله فهم ابوي الموضوع وحاول يرجعني لعندهم بنفس اليوم الي انا طلعت من بيتي فيه وعلما باني ما اخدت ولا اي غرض الا الاواعي الي كنا لابسينهم الا انه حماي رفض رجوعي وبلغ عني الشرطه والكنيسه الاتينيه لاني انا اتزوجت لاتين وبلغ عني باني اخليت بالوصايه المشتركه الي انا مضيتها وعلما بانه الكنيسه الاتينيه غدرتني وخلتني اوقع ورقه بالحضانه دون علمي وتحت اكراه وبعد القصة تبعت الضرب والاهانه انا بقيت عند اهلي حسب رغبة حماي وطلبت من المحكمه المدنيه حمايه الي ولاطفالي لانه كان مهددني بالقتل واعتطني المحكمه موافقه بعد ما سمعت اقواله الي ما كذب ولا اي معلومه من الي انا قلته واعترف بكل شي بس بعد هيك بكم شهر بعتلي عصابه ارهابية مكونه من 13 عنصر بتعمل عملايات ارهابية وبتاجر بالاسلحه وخطف ولادي مني وانا بالسيارة اعترضوا طريقي وخطفوا ولادي من السياره وضربوني بس قدروا سلطات الشرطه بانهم يرجعوا ولادي بعد مجهود شاق وبعد ما انا وقعت ورقه لحماي بانه يشوف الاولاد والا ما كان قبل يرجع اطفالي الي واذا انا اخليت فيها انا معرضه للحبس من قبل الشرطه الفلسطينية انا واخي كمان والمحكمه الكنسيه مستمره باعطاء حماي كل ما يطلبه وكل القرارات عم تطلع لصالحه لانه القاضي ما بده يسمع مني اي شي لانه حماي صاحب فضل على الكنيسه الاتينيه والقاضي مصمم ياخد ولادي مني وانا خايفه على اولادي لانهم بينهانوا وينضربوا وانا اولى فيهم لاني امهم وبحبهم وبدفع عمري لاجلهم انحرموا من ابوهم والمحكمه راح تحرمهم من امهم الكل هون بفلسطين عم يحكوا بقضيتي وانا تعبت كتير التجات لعدة كهنه للتدخل الا انه الكل متكاتف مع حماي انا انظلمت كتير بترجاكم بدي مساعدتكم بدي صلواتكم انا ما الي غير اولادي وانا مستعدة اربيهم واصرف عليهم وانا ما مخلية شي ينقصهم وانا ما بدي احرمهم من جدهم بس بدي اطفالي يكونوا عندي بترجاكم صلولي اذا مش عشاني عشان اطفالي الي حالتهم النفسيه تعبانه جدا وانا حاطه الهم دكتور نفسي وباحثين اجتماعين عشان يهدوهم الاولاد بدهم يضلوا معي بدهم امهم بس ولا احد عم يسمعهم اولادي راح ياخدوهم مني ما في الي غير صلواتكم مش طالبه كتير وللعلم انا حكيتلكم بعض التفاصيل من القضيه لانه القضيه كبيره كتير وبدها ايام عشان احيلكم كل شي ارجوكم باسم يسوع المسيح ترافوا في وباولادي واتصلولنا وانا بانتظار ردكم .

وكل عام وانتم بخير