|
ازاى تعملى احلا سجق اسكندرانى ........
اولا الوصفه دى محدش علمهانى ولا قريتها فى كتاب
و لكن ده اللى انا الحمد لله بتميز بيه و هو النفس فى الاكل و بعرف ازاى ازبط الاكله بدون تحديد للمقادير فانا حبيت اقولكم كده عشان تعرفوا ان بعض الاكلات اللى هعرفهلكم هتعملوها بالويم زى ما بيقولوا يعنى بدون مقادير و لكن متقلقوش مش هتخرب الطريقه \ تجيبى طاصه او حله ( حسب الكميه ) و تحطى حبه زيت صغيرين على( قد تحمير التومه ) او معلقه سمنه لو تفضلى و تجيبى كام فص توم مدقوقين و على قد كميه السجق اللى هتعمليه حطى اللى يناسبه من التوم بس يستحسن على قد معلقه توم مفروم طبعا و تحمرى التومه و تكونى مجهزه عصير طماطم عباره عن طماطم متقطعه قطع صغيره و نصها معصور (يعنى عصير طماطم قطع و عصير سوا ) و بعد تحمير التومه حطى عصير الطماطم اللى يكون مناسب انه يغطى كميه السجق اللى هتعمليه و قطعى فلفله خضرا و حطيها عليهم و حطى واحده مرقه دجاج كنتاجى او فاين فودز و لو لسه عادب شويه ابقى حطى شويه ملح و سيبى الطماطم عالنار تتسبك شويه و بعدين تكونى جايبه السجق الاسكندرانى التخين اوى ده . و تفكى الكيس اللى عليه من بره و تفرتكيه و بعد اما تتسبك الطماطم حطى معلقه صغيره اوى فلفل اسود و بعدين حطى السجق اللى لازم يكون متغطى بعصير الطماطم و سيبيه شويه و باشريه لغايه اما يستوى و اطفى عليه و كلى و ادعيلى |
الله اكل اكل اكل انا عاوز من دة بس امممممممممممممممم |
شكرا يا وفاء بجد الموضوع ده جاء في معياده بذات اني بحب السجق الاسكندراني وانا هقول لـ(ماما) علي الطريقة . بس بس هيبقي ناقصلنا النفس !! |
ميرسى لمروركم و يارب تجربو الاكله و تعجبكم
سلام |
جميلة اوى الاكلة ده يا وفاء انا شامة ريحتها من قبل ما اعملها
ههههههههههههههههه ميرسى ليكى يا وفاء |
انا جوعت خالص هههههههههههههههههههه رااااااااااااائع |
جوعتينا لما قرينا الواصفة وعلى فكرة هوا اسمة سدق بالأسكندرانى مش سجق عشان يبقى الكلام فى المظبزط شكرا وفاء على الطريقة
|
شكراً وفاء الطريقة وعلى تعب محبتك فى كتابتها وممكن لو كان عندنا سجق ابقى اعمله هههههههههههههه يلا ما علينا سلام الرب يكون معكم ويملأ قلوبكم نعمة ومحبة |
مرسى على تعبك فعلا اكلة جميلة
|
شكرا ليك جدا صلى لى كتير |
| الساعة الآن 10:11 AM. |
Powered by vBulletin
Copyright ©2000, Jelsoft Enterprises Ltd.