†† منتدى ارثوذكس †† - كباب صيامي مية في المية

†† منتدى ارثوذكس †† (https://orsozox.com/forums/index.php)

- طباخك الخاص (https://orsozox.com/forums/forumdisplay.php?f=88)

- - كباب صيامي مية في المية (https://orsozox.com/forums/showthread.php?t=1316)

كباب صيامي مية في المية

االمكونات :
توست بدون لبن ، أو عيش فينو معمول على شكل مربع صغير مثل شرائح التوست (( ممكن نجيب عجينة فينو من الفرن ونعملها في البيت بالشكل اللي نريده )) كاتشب – ربع كيلو فلفل رومي حلو أصفر أو أحمر – ربع كيلو جزر أصفر مقطع شرائح طولية رفيعة – نصف راس فجل صيني مقطع قطع رفيعة طولية ( وان لم يوجد مش مهم ) – بصل أخضر مقطع طرنشات – بقسماط مطحون ( يباع في الأسواق جاهز ) – نصف كيلو طماطم جامده مقطعة مكعبات متوسطة – معلقتين دقيق معجونة بقليل من الماء – علبة ماشروم صغيرة مصفاه من السائل – زيت ذرة أو زيت زيتون

التوابل المستخدمة : ( المعالق المستخدمة في التوابل صغيرة – معلقة الشاي )
معلقة خلنجان مطحون ناعم جدا – نصف معلقة قرفة مطحونة ناعم – نصف معلقة فلفل اسود – ملح قليل ( وذلك بسبب وجود الكاتشب ) – معلقة مسطردة – 2 معلقة خل – معلقة سكر

الطريقة
نضع حلة على نار متوسطة الحرارة ونضع زيت الزيتون أو الذرة ، حوالي معلقتين كبار أو كمية معقولة ، ثم نضع الجزر أولاً ونشوحه على النار ثم الفلفل الرومي ونتركة دقيقة ثم نضع البصل الأخضر ونقلبهم ونضع التوابل ونغلق الحلة ونتركها مدة 5 دقائق ثم نضع الماشروم وننركه 3 دقائق ثم نضع الطماطم ونتركهم حتى تذبل الطماطم
ثم نضع ربع كوب كاتشب ونتركهم على النار حتى يخف السائل الموجود ويظهر المكونات وبها سائل خفيف جداً ، ثم نطفيء النار ...

نعد التوست أو الفينو بإزالة الجوانب البنية اللون ، ثم ندهن منتصف الفينو أو التوست بالمسطردة ثم نأتي بالحشو ونضعة على التوست أو الفينو ونترك حوالين داير مسافة صغيرة نضع عليها الدقيق المعجون بالماء حتى نقدر أن نلصق الطبقة الأخرى من التوسط حتى نقدر أن نحشي التوست أو الفينو كالسندوتش ..

ثم بعد ما نحشي الكمية كلها ، ندهن الوجهين بالكاتشب ثم نضع عليهم البقسماط الطحون ، ونقليهم في الزيت

وبالهناء والشفاء
كباب شهي

عاوز من دة انا صايم وعاوز من دة انا اعمل اية اعمل اية يا أما حد يعملوا ويعزمنى يا اما اقول لماما وهى اللى تعمل وربنا يخليك للغلابة يا رب

يا انا يا أنت يا شريف ماشي

ههههههههههههههههههههههههه هههه
انت ناوي تاكل بجد بقى
لأ ده بلاستيك مش للأكل

بنشكرك على الطريقة الحلوى دى اكيد هنجربه ربنا يبارك حياتك

اقتباس:

المشاركة الأصلية كتبت بواسطة مريم (المشاركة 11716)

بنشكرك على الطريقة الحلوى دى اكيد هنجربه ربنا يبارك حياتك

وانا موافق على التجربة بس مش تدعي عليَّ يا مريم
وربنا يستر بقى