†† ارثوذكس ††

†† ارثوذكس †† (https://www.orsozox.com/forums/index.php)
-   القسم الادبي (https://www.orsozox.com/forums/forumdisplay.php?f=34)
-   -   طعم الموت (https://www.orsozox.com/forums/showthread.php?t=57310)

نظره رجل 08-29-2010 05:41 PM

طعم الموت
 
يعنى أيه موت





يعنى أيه موت
يعنى أندفن واموت ؟
يعنى قبر وسواد
يعنى أبقى شويه تراب ..

يعنى أستنى مصيرى
يالراحه يالعذاب

ماهو لو ده الموت
يبقى فعلاً راحه
أو حتى أستراحة
تبقى حياتنا وعرفناها
نبقى حتى نهيناها ..

( هو ده الموت )

مش الموت حاجه وبتفوت
نفس يدخل والنفس الخارج الانسان بيموت

مش هو ده الموت ..

طيب انا عايز اعرف حاجه
مع ان سؤالى ملوش أجابه

الموت اللى مش بيموت
ده أسمه أيه ؟

تبقى عايش وبتموت دى يبقى ليه ؟

اصل فى موت بيبقى كداب
سايبك عايش بس فى سراب ..
كل يوم يضحك عليك
تغمض عينيك وتقول خلاص
يجيلك ويقولك لأه هاخليك

يقولك انا الموت وانت العذاب
وهاقفل فى وشك كل باب
هاضيق عليك كل القلوب
من كاس المرار هاتشرب وتدوب

هاتنده وماحدش يسمعك
واقرب ماليك يوجعك
حتى دموعك هاتجرحك ..
وإيدين حبيبك هاتتمدلك
بس بقسوه هاتدبحك ..

هابنى حواليك حيطه كبيره
ماتشوفشى منها حتى السما
ويوم ماتقول ياربى تعبت
هتلاقى آمالك متحطمه

هاقفل عليك شعاع النور
هاتلف حوالين نفسك وتدور
يومك بالنهار بين الناس
وليلك معايا من سكان القبور

هاقطعلك كل خيوط الامل
الدنيا معايا ومفهاش عمل
كل مشوار هاتحاول تمشيه
هتلاقينى معاك مش هاسيبك فيه

هاضحك كل الدنيا عليك
هاكسر بخاطرك ومش هارضيك
هاتصعب عليا وهاسيبك شويه
بس هارجع واقطع فيك

انا هاخدك تملى فحضنى
ويبقى اسمك يكمل اسمى
مانا الموت وانت العذاب
ولو أخدتك هاتبقى تراب

الناس هاتشوفك تعرفنى
يحتاروا من امرك وتوصفنى
الألم هايبان عليك
والندم هايملا عينيك

حياتك هاتبقى ماتسواش
وعمرك هايضيع ومايستناش
هاتقولى يا موت خدنى
هاقولك هاخدك بس مش ببلاش

لما تطلع كل الآهات
لما تترمى وتبقى ف سبات
لما اشوف فيك ألف طعنه
وايامك تروح من غير أى معنى

هاخدك بس لما اشوفك بتتخنق
قلبك قبل اى شىء يتحرق
تدوق الظلم بكل انواعه
تتخان وتشوف الكدب وخداعه

اصل فى موت للميتين
وفى موت تانى للعايشين
انا بقى الموت الكداب
لا هاسيبك ولا هاقضى عليك

هاتفرج واشمت فيك
هاتتمنانى كل يوم
هاجيلك وهاسيبك مهموم
هاسيبك عايش وعمرك يفوت

هاسيبك عايش
بس عيشه .... بطعم موت
______________

هو ده الموت

هو ده الموت مش أنى اندفن واموت
ياريتنى كنت شويه تراب
لكن للاسف ده بحر غويط
بحر اسمه
الموت والعذاب
______

ها ياموت

هاتجيلى ولا اجيلك انا
دانا بقى عندى مليون سنه
كفايه بقى حرام عليك
ابوس ايديك ايه يرضيك

اخدت ناس كتير قبل منى`
أغلى واحسن كتير عنى
اعتبرنى اقل واحد
بس كفايه
ارجوك خدنى

emmmy 08-29-2010 08:19 PM

رد: طعم الموت
 
لا هاسيبك ولا هاقضى عليك



هاتفرج واشمت فيك



هاتتمنانى كل يوم



هاجيلك وهاسيبك مهموم




هاسيبك عايش وعمرك يفوت



هاسيبك عايش



بس عيشه بطعم موت

انا مش عارفة اقتبس حاجة واعلق عليها لان كل كلمة تستحق التعليق
قصيدة فوق الرائعة وكلماتها حقيقى بقلم دهب برغم قسوتها ومرارة حلق صاحبها لية كدة لية كل دة مفيش فى الدنيا كلها حاجة واحد تستاهل صدقنى

هو ده الموت





هو ده الموت مش أنى اندفن واموت




ياريتنى كنت شويه تراب




لكن للاسف ده بحر غويط




اسمه العذاب



الكلام كان زمان يا نظرة رجل قبل مجئ المسيح ما يجى ويتم الفداء والخلاص
لكن دلوقتى الموت مجرد انتقال من دار الفناء لدار البقاء بين احضان القديسين




اعتبرنى اقل واحد



بس كفايه




ارجوك خدنى






بعد الشر عليك من الموت يا نظرة رجل بعد الشر عليك من الموت اللى بتتكلم عنة لانة هلاك وضياع احنا معندناش موت



الموت مش لاولاد اللة ربنا يفرحك وتشوف نورة ومجدة بيسطع فى حياتك
وتتغير كل حروفك من الاحتفاظ بالابداع

كيرو رافت 08-29-2010 08:19 PM

رد: طعم الموت
 
اخى الحبيب نظرة رجل

بعد قرائتى لكلماتك التى لا يجوز لى ان اعلق عليها
لانها اكبر بكثير جدا من امكانياتى

كلماتك ليس لها بداخلى اى رد
كلماتك اعظم واجمل ما قرأت برغم كل اليأس وبرغم كل البؤس
الا انها من اروع ما قرأت

موش عارف اقول لك ايه اواسيك ولا اشكرك على حروفك الزهبيه
احاول اهدئ من روعك ولا اقولك ما اروعك
احتارت فى ردى ولا اجد من الكلمات ما يوفيك حقك
فى اجادتك للتعبير عن حاله ممكن اى منا يعيشها

لكن اللى اقدر اقولهولك
الله فيه كل الملء
وهو قادر ان يغير ملامح حروفك وينزع عنك يأسك وخوفك

رائع كعادتك يا فنان يا قدير

حنين سنين 08-29-2010 09:16 PM

رد: طعم الموت
 
حقيقى مش عارفه ارد باى تعبير
الموت اصعب شئ على وجه الارض
الموت صعب يا نظره رجل
اللى انت كاتبه ده الموت نفسه
وبجد عندك اجاده التعبير والتفسير لاحساس كتير منا
اصعب اصعب اصعب احساس كتبته
مش عارفه اكتب اى رد لكن ربنا يفرح قلبك ويشيل عنك المك

dodielpop 08-29-2010 09:36 PM

رد: طعم الموت
 
بجد انا كمان مش عارفة اقولك حاجة من روعة الموضوع والاحاسيس الجميلة اللي فيه واللي نبعه من قلبك بجد مش عارفة اقولك ايه ولا ايه ربنا يفرح قلبك

nermos1982 08-29-2010 10:55 PM

رد: طعم الموت
 
الموضوع بجد جاااااااااااااااااااااااا اااااامد جدا. بامانة قريته ومش لاقية كلام اقوله . تقدر تقول كده تنحت قدام الموضوع معرفتش انطق.
بجد وحشتنا مواضيعك الجميلة دى . وانا من هذا المنبر اعلن اعتزالى القسم الادبى بعد ماقريت الموضوع ده. كنت ناوية انزل موضوع بس خلاص رجعت فى كلامى
الموضوع بجد هايل. ربنا يفرح قلبك يارب ويكون معاك دايما

نظره رجل 08-30-2010 12:22 AM

رد: طعم الموت
 
اقتباس:

المشاركة الأصلية كتبت بواسطة emmmy (المشاركة 719826)
لا هاسيبك ولا هاقضى عليك





هاتفرج واشمت فيك



هاتتمنانى كل يوم



هاجيلك وهاسيبك مهموم




هاسيبك عايش وعمرك يفوت



هاسيبك عايش



بس عيشه بطعم موت

انا مش عارفة اقتبس حاجة واعلق عليها لان كل كلمة تستحق التعليق
قصيدة فوق الرائعة وكلماتها حقيقى بقلم دهب برغم قسوتها ومرارة حلق صاحبها لية كدة لية كل دة مفيش فى الدنيا كلها حاجة واحد تستاهل صدقنى

هو ده الموت




هو ده الموت مش أنى اندفن واموت





ياريتنى كنت شويه تراب




لكن للاسف ده بحر غويط




اسمه العذاب



الكلام كان زمان يا نظرة رجل قبل مجئ المسيح ما يجى ويتم الفداء والخلاص

لكن دلوقتى الموت مجرد انتقال من دار الفناء لدار البقاء بين احضان القديسين






اعتبرنى اقل واحد




بس كفايه






ارجوك خدنى








بعد الشر عليك من الموت يا نظرة رجل بعد الشر عليك من الموت اللى بتتكلم عنة لانة هلاك وضياع احنا معندناش موت





الموت مش لاولاد اللة ربنا يفرحك وتشوف نورة ومجدة بيسطع فى حياتك
وتتغير كل حروفك من الاحتفاظ بالابداع



اشكرك يا ايمى على تعليقك ورئيك وكلماتك
بس انا اعرف كويس ان الموت مش لاولاد ربنا واعرف برضه انه مش موت بل انتقال .. مش مختلف
لكن انا كتبت عن موت تانى الموت وانتى بالجسد

اشكرا ربنا يعوضك بكل خير

نظره رجل 08-30-2010 12:27 AM

رد: طعم الموت
 
اقتباس:

المشاركة الأصلية كتبت بواسطة كيرو رافت (المشاركة 719827)
اخى الحبيب نظرة رجل


بعد قرائتى لكلماتك التى لا يجوز لى ان اعلق عليها
لانها اكبر بكثير جدا من امكانياتى

كلماتك ليس لها بداخلى اى رد
كلماتك اعظم واجمل ما قرأت برغم كل اليأس وبرغم كل البؤس
الا انها من اروع ما قرأت

موش عارف اقول لك ايه اواسيك ولا اشكرك على حروفك الزهبيه
احاول اهدئ من روعك ولا اقولك ما اروعك
احتارت فى ردى ولا اجد من الكلمات ما يوفيك حقك
فى اجادتك للتعبير عن حاله ممكن اى منا يعيشها

لكن اللى اقدر اقولهولك
الله فيه كل الملء
وهو قادر ان يغير ملامح حروفك وينزع عنك يأسك وخوفك


رائع كعادتك يا فنان يا قدير

كتبت الموضوع وانا متوقع انه مش هايعجب حد
لكن تعليقك اسعدنى جدا
أكدلى انى لسه بعرف أكتب حتى وانا بموت
اشكرك على محبتك واحساسك وتشجيعك
ربنا يملاك بكل ملئه ومن روحه ومن مجده
أشكرك يا رافت من قلبى
ربنا يعوضك ويحفظ كل حياتك

[email protected]@@NOOOO 08-30-2010 12:35 AM

رد: طعم الموت
 
يــــــــــــــــــــــــ ــاه على العظمه
رغم انك بتتكلم عن الموت
بس حاسس انك بتتكلم عن حاجه كده غظيمه
اول مره احس برهبه الموت
غير لما قريت كلماتك
ربنا معاك ويحفظك من اي شر
وعاوزين نشوف كلمان جباره زي دي تاني وتالت ورابع بس بلاش حزن ويأس

نظره رجل 08-30-2010 12:38 AM

رد: طعم الموت
 
اقتباس:

المشاركة الأصلية كتبت بواسطة حنين سنين (المشاركة 719846)
حقيقى مش عارفه ارد باى تعبير

الموت اصعب شئ على وجه الارض
الموت صعب يا نظره رجل
اللى انت كاتبه ده الموت نفسه
وبجد عندك اجاده التعبير والتفسير لاحساس كتير منا
اصعب اصعب اصعب احساس كتبته

مش عارفه اكتب اى رد لكن ربنا يفرح قلبك ويشيل عنك المك

فعلا حنين سنين ده اصعب احساس بعيشه قبل ما اكتبه
وانا زيك امام روحك واحساسك ومحبتك موش عارف اردلك جميلك بالتعليق
الرب ينير حياتك بنوره العظيم
ويعزى كل اولاده تعزيه السمائيين


الساعة الآن 03:50 PM.

Powered by vBulletin
Copyright ©2000, Jelsoft Enterprises Ltd.