|
حملة ضد الاباء الكهنة
انتوا طبعا مستغربين من عنوان الموضوع
صححح !!! واستغربتوا اكثر لما شفتوا انى انا اللى كتبتة لانكم مش متعودين منى على عصيان او تمرد على الاباء الكهنة لحظة يا احبائى ... انا تعمدت اكتب عنوان الموضوع علشان اجذبكم وانا فعلا عاوزة اعمل حملة اشجع الناس والشباب اللى بيخاف على الكنيسة وعلى البنات انهم يشجعوا الاباء الكهنة على الكلام اللى هقولة واللى كتير بيقولة -- انا فعلا عاوزة اعمل حملة بس عصيان ولا تمرد انا مستهلش التراب اللى تحت رجليهم لكن حملة ضد خوف الاباء الكهنة خوفهم على مشاعر الناس وزعلهم عاوزة كلنا نقولهم متخافوش من انكم تتكلموا فى موضوع لبس البنات متخافوش تتكلموا توبيخ وانذار متخافوش من بعد البنت عن الكنيسة لان الرأئ لو اتوحد بينكم وبقى قرار صارم هيبقى كلام ماشى على الكل وكل واحد لية اخت او او بنت او زوجة او ام هيساهم بالموافقة اكيييييد ولو البنت زعلت وابتعدت دة هيكون رد فعل مؤقت ولما تحس ان دة ماشى على الكل وفى كل مكان هتراجع تفكيرها وتفهم وتقدر مدى بشاعة جرمها فى حق نفسها وفى حق ربنا اللى دفع فيها اعظم ثمن ولو بنت ربطت وجودها فى الكنيسة باللبس وكان شرطها انها تعمل اللى هى عاوزاه مع عدم مراعاة اى حاجة تبقى مش جاية للكنيسة من اساسة ووجودها زى عدمة بالظبط وانت يا ابونا الكاهن برئ من ذنبها انا مش هتكلم عن اللبس نهائى لاننا اتكلمنا كتيرررر كتيرررر ومفيش نتيجة اصحاب السلطان يتكلموا بقى يقوموا بدورهم ومع احترامى ليكم كلكم ومطانية متنسوش انة يجب ان يطاع اللة اكثر من الناس الشباب والبنات المحترمة يوصلوا الرسالة للاباء الكهنة يشجعوهم ويساعدوهم يكفى ان ابونا يعرف ان معظم الشعب هيوافقة ودة هيشجعة ويقوية عاوزة انشر رسالتى فى كل مكان وغيرى هينشرها انا واثقة من دة واكيييد الرسالة هتوصل اية رايكم نعمل حملة ونوصل صوتنا للاباء الكهنة انا قلت ابدأ من هنا واشوف رد فعلكم موافقين ومشجعين ولا اية ؟ ومتنسوش ان اعظم طريق بيبدأ بخطوة وانا عندى امل |
رد: حملة ضد الاباء الكهنة
جميل اوي يا ايمي ان احنا نحاول نوصل الكلام ده للأباء الكهنة بس ياتري كلنا عاوزين الكلام ده يوصل للأباء اعتقد لا وللاسف الاكثر لايريد ان الاباء الكهنة يتكلموا في مثل هذه المواضيع واعتقد ان الاباء قبل ما يكلموا اخواتنا عن موضوع البس يكون الكلام في الاساس مع الاهل بس هي في مشكلة صغير وهي ان في فكر مسيطر علينا كامسحين وخاصتنا بعض الطبقات والفكر ده هو ان لو لبسك مش اووفر يبقي انتي مستواكي ضعيف اما لو لبسك اووفر وميكيب كامل وما شبه يبقي انتي اكيد من عائلة كبيرة ومبسوطة معلش بمكن الفكرة غريبة شوية بس موجوده في عقول بعضنا وانا ذكرت الاهل ان ليهم دور لسبب بسيط وتجربة حصلت معايا في ااحد المصايف الخاصة بالمخدومين لحظت بنت من البنات لبسة ملابس بحر اووفر جدا جدا جدا ولما منعتها من لبس الملابس دي وخلتها تغير هي وافقت بس عشان الموقف يعدي بس طبعا لما رجعت من المصيف لقيت والد هذه البنت (وهو احد الارخانة ) عامل اجتماع خاص بالاباء مخصوص لمعاقبتي لاني تدخلت في تربيتهم واجبرت بنتهم علي حاجة مش من حقي ولما شرحت لي الموضوعة وفهمته انها مسئولة مني في المصيف وكان ممكن يحصل مشاكل كتير بسببها كان رده انت فاكر نفسك ابوها ولي اخوها وكانت حكاية عشان كده بقول الرسالة تكون للاهل الاول اتمني تكون وجهه نظري وصلت |
رد: حملة ضد الاباء الكهنة
وجهة نظرك وصلت يا ماريو ومجرد موافقتك كلامى دى فى حد ذاتة مكسب كبير
وانا موافقة على رايك وبيحصل وعلشان مندخلش فى متاهات ويضيع هدف الموضوع مش هتكلم فى البنت اللى ذكرتها ولا الدافع للبس الازفر اوى والزايد عن حدة لدرجة العثرة للكل مين تانى موافق على توصيل الرسالة للاباء الكهنة والحملة ضد السلبية والخوف !! |
رد: حملة ضد الاباء الكهنة
اكيد طبعا يا ايمي الموضوع مش هيتطرق الي موضوع الموقف الي ذكرته هي بس كانت مجرد نموذج بعرض بي وججه نظري الخاصة بالاهل اولا |
رد: حملة ضد الاباء الكهنة
عندك حق يا ايمي ف كل الكلام دا
انا الكنيسة اللي بروحها فعلا الكهنه مهتميه بالموضوع دا كل وعظه بيختموها بتحذير للبنات بسبب لبسها ومشددين ع اللبس جامد ف الكنيسه دي علشان كدا لقينا البنات بتقل من الكنيسه دي وابتدوا يروحوا كنايس تانيه عشان مش بتشدد ع الموضوع دا وبيسيبوا كل واحد براحته لدرجة انهم سموا الكنيسه اللي بقولك عليها مشدده ع الموضوع دا "كنيسة المستويات المنخفضه من الشعب والفلاحين" شايفين !!! زي ماقال ماريو دلوقتي اللي بقا بيلبس محترم وبكم يبقي فلاح ومستواه منخفض ومش شيك ولا بيعرف يلبس لازم ابقي مبينه جسمي يعني عشان ابقي شيك وهاي!!!! وسامحوني ع الكلام اللي هقوله دا ليه كل لما حد يبعت لبابا ويقوله يا سيدنا كلم البنات اللي بيلبسوا لبس معثر عشان يبطلوا كدا يكون رد البابا سبوهم انا مش شايفهم لابسين وحش وكل واحد خليه ف نفسه البابا ليه محبه كبيره قوي ف قلوبنا ولو قال حاجه للبنات بطريقه عامه هيسمعوا كلامه لانهم هيتأثروا بيه مرسي يا ايمي ع موضوعك المهم قوي دا بجد وربنا يحمي بناته ويهديهم شويه |
رد: حملة ضد الاباء الكهنة
للأسف أحنا بنحاول نعالج النتيجه و مش بنعالج الأسباب و بالطريقه دى عمرنا ما هنوصل لحاجه.بستغرب أوى لما ألاقى حد بيقول اللبس ده مينفعش فى الكنيسه و كأنه ربنا موجود و شايفنا بس فى الكنيسه لو كل حد حس أنه هو نفسه أو هى نفسها كنيسه و ربنا ساكن فينا بروحه القدس و أحنا هياكل ليه حاجات كتيييييييير هتتغير.أنا شخصيا مش مؤمن أو مقتنع أنه التوبيخ و القسوه بيجيبوا نتيجه فى أى حاجه لو الأنسان ما كنش مقتنع من جواه مفيش حد هيقدر يخليه يعمل حاجه غصب عنه.عموما لبس الأنسان و مظهره فى الأول و فى الآخر حريه شخصيه و التغيير الحقيقى بيبتدى من جوا الأنسان و بينعكس على بره مش العكس. |
رد: حملة ضد الاباء الكهنة
االمفروض نبدأ الاول فى اجتمعات الشباب تكلم عن الكلام ده ويكون الاباء الكهنه مجوديين ولما يشوف انى الناس والشباب متقبله الموضوع هيتكلم
|
رد: حملة ضد الاباء الكهنة
اقتباس:
البنات مش متعودين حد بتدخل فى لبسهم وبيقولوا دى حرية شخصية محدش لية دعوة بجد وهما للاسف مش فاهمين معنى الحرية من اصلوا بس دة فى الاول فعلا هتلاقوا انقلاب وتمرد وحاجات كتير لكن مع الوقت لو الاباء استمروا فى التحذير ورايهم بقى واحد الناس هتأخد بالها وتفوق بس شوية حزم على شوية صبر على شوية حكمة بس قوليلى يا مرمر هو سيدنا البابا قال كدة بصحيح قال سبوهم انا مش شايفهم لابسين وحش ؟؟ انتى سمعتية بنفسك ؟؟ |
رد: حملة ضد الاباء الكهنة
اقتباس:
احنا مشكلتنا اننا بنعالج النتيجة !! طيب ممكن تقولنا معالجة الجذور تبقى ازاى يا بيفن ؟؟ |
رد: حملة ضد الاباء الكهنة
اقتباس:
شكرا على مشاركتم يا باسم بس اشمعنى اجتماع الشباب طيب ما فى اجتماعات تانية عليها مسئولية اكبر واعضائها المفروض يبقوا قدوة اكثر زى اجتماع الخدااام والخادمات او اجتماع الاسرة على الاقل نحاول ندخل للجذور اللى هتأثر اكثر وتكون بداية اسها الشباب هما اصعب مرحلة واخرها لانهم فى سن مش هيسمح بالتوبيخ بالسهولة دى -- اية رايك ؟ |
رد: حملة ضد الاباء الكهنة
يعلم الله كنا لسه بنفكر نعمله علي الفيس بوك انا واصحابي بعد ما اتناقشنا فيه وشايفين ان الموضوع بقي اوفر ومحتاج ان الاَباء الكهنة يتكلموا فيه ويشددوا عليه لإن فيه ناس بتبقي داخلة الكنيسة كإنها رايحة رحلة مش داخلة تصلي |
رد: حملة ضد الاباء الكهنة
يعنى مش انا لوحدى اللى بتمنى دة كويس طيب يلا ايدى فى ايدك بقى معا نقضى على الخوف انا مبدأتش حاجة على الفيس الا لما اشوف رد فعلا الناس هما كمناقشة الاول واراء اشوف منها رد الفعل وبعدها هنشرها فى كل الجروبات |
رد: حملة ضد الاباء الكهنة
ايوه يا ايمي انا سمعت من البابا كذا مره ف اجتماعه بتاع يوم الاربع لما بشوفه ف التليفزيون
لما حد من الولاد او الرجاله يبعتله ويقوله شوف البنات يا سيدنا طريقه لبسهم ازاي معثره وبيتقال ايه ع بناتنا بره ونظرة الناس لبنات المسيح بقت ازاي بيرد ويقول كدا عارفه ليه؟؟؟ عشان يعلم الناس انهم مش يدينوا حد "لا تدينوا كي لا تدانوا" بس المشكله انه يبعالج حاجه بس بيسيب اصل المشكله يعني يبص ناحية السيدات ف الاجتماع ويقول اهم كويسين انا مش شايفهم لابسين وحش ولا حاجه وطبعا يقوموا هما يسقفوا ع الكلام دا ومبسوطين بيه جداااااااا لكن لو حد من البنات بقا نفسها هي اللي بعتت الموضوع دا لسيدنا البابا وتقوله انا بنت زيي زيهم ومش بقدر اشوف بنات المسيح يتقال عليهم كلام مش كويس من غيرنا وان اسم المسيح بيتهان بسببنا وسبب لبسنا وتفكرينا الغلط اعتقد ان الموضوع هيبعد عن الادانه خالص مش عارفه بصراحه انا نفسي سيدنا يبعد تفكره عن انها ادانه ويبص انها مشكله حقيقيه للاسف احنا بنجيب التجديف ع اسم رب المجد بسبب اعمالنا ايه القسوه دي؟؟؟ |
رد: حملة ضد الاباء الكهنة
يا نهار مش فايت هههههههه
دة كدة انا هطالب بحذف الموضوع نهائى طيب وبعدين يعنى ؟؟ اية الحل طيب ؟؟ شكلها ملهاش حل بقى بعد كلامك دة يا مرمر |
رد: حملة ضد الاباء الكهنة
لا طبعا يا ايمي
ماحنا لو سبنا الموضوع كدا ومحدش اهتم بيه خلااااص يبقي عليه العوض ف بناتنا وهيلبسوا اللي عايزينه وهيتسابقوا ف مين يبين اكتر من جسمه !!!! لازم نشوف حل انا ما صدقت اني لقيت حد مهتم بالموضوع دا زيي نفسي بقا البنات دي تفهم انهم هياكل الروح القدس اللي عايش فيهم ازاي يهنوه بالطريقه دي ازاي قابلين انهم يسمعوا الكلام دا علي المسيح والصفات الصعبه اللي بنتوصف بيها دي لالالالا يا ايمي اوعي تقفلي الموضوع سبيه وشوفي مشاركات الجميع وارائهم اعتقد ان محدش يرضيه اللي بيحصل كدا ولا ايه؟؟؟؟؟؟؟؟؟؟؟ |
رد: حملة ضد الاباء الكهنة
مش عارفة اقولك اية يا مرمر بجد
بس كلامك غير حماسى حقيقى 180 درجة انا كنت ناوية على حاجات كتير وكلى ايمان بنهاية حلوة اعمل بس البداية حتى لكن سيدنا البابا كلامة غريب جدا وانا مقدرشى اقول حاجة بعد كلامة دة حتى لو كان وهو كدة فعلا انة هو لية نظرة مختلفة عن الناس بالنسبة للموضوع دة سيدنا نظرتة حلوة برئية خالية من الشهوة وصل لاعلى درجات القداسة والطهارة علشان كدة شاف البنات حلوين ولبسهم حلو بس دة مش معناة انة مش يقدر ضعف الشباب والعثرة اللى بتسببها البنات والمشاكل كمان عموما ربنا يكملها بقى |
رد: حملة ضد الاباء الكهنة
انااااااااااااااااااااااا اااا معاكى ف الكلام دا وكملى وربنا معاكى
|
رد: حملة ضد الاباء الكهنة
ربنا هيدبر صدقيني يا ايمي
انا فكرت ان حد من البنات الخادمات هو اللي يبعت للبابا ويقوله ع المشكله دي كمشكله من المشاكل اللي بتواجه الخدمه والخدام عدم قدرتهم ع اقناع البنات بان لبسهم لا يليق ببنات المسيح والروح القدس المحمول جواهم من المعموديه يأما كاهن من الكهنه هو اللي يقدم الشكوي دي لسيدنا فلو سيدنا اتكلم بخصوص الموضوع دا هيبقي للكهنه الحق ف منع البنات من الهدوم دي وربنا يكمل انشاء الله متقلقيش |
رد: حملة ضد الاباء الكهنة
موضوع ذات صله بموقع ارثوذكس: حملة ضد الاباء الكهنة - الصفحة 2 - †† ارثوذكس †† https://www.orsozox.com/forums/showth...#ixzz1VgF0t3aP
يأما كاهن من الكهنه هو اللي يقدم الشكوي دي لسيدنا فلو سيدنا اتكلم بخصوص الموضوع دا هيبقي للكهنه الحق ف منع البنات من الهدوم دي احضرني كلامك يا مرمر واقعة جميلة حكيتهالي طاسوني في الخدمة عن احد الاباء عندنا في الخدمة وهي ان احد السيدات حضرت الي القداس وساعه التناول دخلت الهيكل ولما جي دورها في التناول الاب الكاهن نظر اليها وقالها انا اسف مش هقدر اناولك واعطيكي جسد ربنا وانتي بالمنظر ده وده طبعا لان كان لبسها اوووفر وكمان الميكب طبعا مش كل كاهنتنا عندهم انا اسف (الجراءة ) انهم يصرفوا مثل هذا التصرف |
رد: حملة ضد الاباء الكهنة
احنا كهنتنا اللي ف كنيسة مارمرقس اللي بروحها علطول بيعملوا كدا بيمنعوا اي واحده تدخل بالميكب او حتي بنص كم لازم كم كامل والوش ميكونش عليه اي حاجه وهو دا الصح واللي نفسي يتنفذ ف كل الكنايس
بس للاسف بسبب اللي بيعملوه الكهنه عندنا مبقاش في ناس كتير تروح الكنيسه دي مش بيروجها غير الناس اللي ع قد حالها الناس البسيطه اللي ف قلبها ربنا بجد وبتحترمه ليه كل دا انا مش عارفه؟؟؟؟؟ |
رد: حملة ضد الاباء الكهنة
اقتباس:
السيد المسيح نفسه قالها للكتبه انتم تطهرون خارج الكأس اما الداخل لا |
رد: حملة ضد الاباء الكهنة
ايوه صدقني زي ما بتقول
الستات يقا عندها دلوقتي الشياكه يعني يلبسوا قصير ويحطوا الميكب الكامل ع اخره والضيق هي دي الشياكه من وجهة نظرهم مش حاطين ف اعتبارهم جسد المسيح ودمه والروح القدس اللي جواهم |
رد: حملة ضد الاباء الكهنة
احنا مشكلتنا اننا بنعالج النتيجة !! طيب ممكن تقولنا معالجة الجذور تبقى ازاى يا بيفن ؟؟ أنا قصدى قولته فى آخر كلامى أنه التغيير الحقيقى بيبتدى من جوا و بينعكس على بره مش العكس.لو حاولنا نعالج المشكله بمجرد تغيير لبس و مظهر يبقى بنضحك على نفسنا و بنعالج أعراض بمسكنات و سايبين المرض نفسه زى ما هو.معالجة الجذور و تغيير القلوب دى جوابها مش عندى و لا عند أى حد لأنه ربنا بس اللى يقدر يعملها |
رد: حملة ضد الاباء الكهنة
بيعجبني قول لقديس انطونيوس وصراحة شفتة بموضوع له علاقة وهو اسمة عبادة الموضة بيقول
شوف ياتي وقت يصاب فية الناس بالجنون وحين يرون احداً ليس مجنونا مثلهم سوف يهاجمونه قائلين"انت مجنون ,انت لست مثلنا" رايبالموضوع ككل نركز على الاسرة لانها هي اعمدة كل فكر وكل تصرف وكل سلوك لو هي مشبعة روحيا حتثمر بنين روحين ولو هي فارغة حتكون كل ثمارها فارغة بسلو حطينا الحمل كلوا على الاباء حيتقل ولو تقل الحمل ميقدروش يشيلو لو فضلو يقول مفيش لبس ديقة ووووو حينفر الكل بالعكس جت منك مجتيش مني ههههههههه وتبيق الخسارة مضاعفة دا بقي مرض اصلا بدون دا الناس عمالا بتقل بالقداديس مشغولين لان الحياة ومستلزمات الانسان بقت صعبة المنال وكتيرة اوي وكلو بدة يلحق الركب بدون تفكير ولا تفحص يليق ام لا يليق بابناء المسيح بعد اخد الازن دا رابط موضوع عبادة الموضه http://www.holytrinityfamily.org/print/AandS/Fashion.pdf اسفة للمداخلة الطويلة دي بس بتمني نصل لحلو ل واجراءت تساعد في حل المشكلة ونبتدي بالجذور يعني من الاسره لان شو بينفع نظف ساحة بيتي من برا بينما الداخل عفن ويحتاج لاعادة هيكلة وترتيب الرب يقويكم ونقا ش حلو |
رد: حملة ضد الاباء الكهنة
المشكلة مش الاباء الكهنة و لا من الكنيسة اللي بتجمعنا كلنا المشكلة من الكنيسة الاسرية الاب و الام خصوصا الام دا بيبقي بموافقتهم فلازم القرار يطلع من البيت الاول |
رد: حملة ضد الاباء الكهنة
اقتباس:
ريم يا حبيبة قلبى انا معاكى بس صدقينى الاباء الكهنة عليهم المسئولية الاكبر لان الاهل نفسهم محتاجيين التوجيهة والفهم والوعى الروحى والثقافى فى منهم اللى مستهتر وعاوز التوبيخ ومنهم اللى مش فاهم وعاوز النصيحة والفهم ودة دور الاباء الكهنة والخداااام فى بنات كتير بتتجوز عندها 15 سنة عاوزاها تعلم اية دى لاولادها ؟؟ |
رد: حملة ضد الاباء الكهنة
اقتباس:
لا بردوا صدقينى الاهل نفسهم محتاجين اللى يفوقهم انتوا بتتكلموا كأن الاهل على دراية كاملة ووعى روحى وثقافى الاهل نفسهم ضحية اكثر من الاولاد محتاجين حد يعلمهم - الام نفسها هى اللى قدوة سسئة بينتها ودى المصيبة الاكبر يا حضرات صدقونى بكل امانة فعلا - المشكلة الحقيقة فى الاهل اكثر من الابناء مين بقى يرشد ويعلم ويفهم الناس دى مين اللى سلطان يتكلم معاهم بسلطان ومحبة فى نفس الوقت اعتبرونى بتكلم عن الاهل نفسهم مش الابناء مين يوجهم ؟؟؟ انا مكنتش هرد تانى فى الموضوع دة بعد كلام مرمر بس كان لازم اوضح للناس اللى متعشمة فى الاهل يتصرفوا ان الاهل نفسهم محتاجيين اللى ينقذهم |
رد: حملة ضد الاباء الكهنة
أولاً أبدأ بهذا القول ( الأم مدرسة إن أعددتها أعددت شعباً طيب الأعراق ) فتشوا جيداً ستجدوا أن السبب الرئيسى وهذا من وجهه نظرى المتواضعة هما إثنان : الأب فى المقدام الأول ثم الأم فى المقام الثانى . فالأب لا أقول قد قلت رجولته وشهامته وهيبته فى المنزل بل أصبحت شبه منعدمة فى عائلات كثيرة وأنا أقول هذا الكلام ليس من فراغ بل نتيجة تجارب من بعض العائلات . انا عن نفسى عودت إبنتى بأن لا تخرج من المنزل بأى ملابس إلا بعد أن أعاينها أولاً وأوافق عليها وبدون تذمر منها بل بالعكس هى التى كانت تسألنى وتقول لى كده كويس كنت بقول رأيى بصراحة وكانت تنفذ ما أطلبه منها بمنتهى الطاعة والإقتناع . وللأسف الشديد ( الكثير من الرجال صوت عالى بس لكن عند الجد زوجته هى رجل البيت ) وتصوروا لو هذه السيدة ( رجل البيت ) لو ملابسها ومكياجها أوفر فكيف تكون إبنتها طبعاً النتيجة معروفه . بل مع الأسف الشديد كثير من الأمهات تشجعن بناتهن على إرتداء مثل مثل هذه الملابس الغير لائقة كبنات للمسيح قدوتهم والدة الإله العذراء مريم . وبصراحة البنت من هذا النوع يصعب تغييرها ( ولا أقول يستحيل تغيييرها ) بل يصعب بعد أن إعتادت على هذا النوع من الحياة منذ الصغر وأصبحت حياتها هكذا خاصة مع وجود أب مثل هذا الذى ذكرته والمدرسة ( أقصد الأم ) المستمرة بنفس طريقتها . والحل سيكون فى لمسة الله القوية لتغيير السلوك هؤلاء البنات . عن طريق أب كاهن أو خادمة أو قراءة موضوع كهذا أو عظة فالله طرقه قوية وعجيبة . وهنا التنبيه بين الحين والآخر ضرورى والنصح والإرشاد ضرورى أيضاً ولكن ليس بطريقة إدانة بل بمحبة لكى تكون بإقتناع فتأتى بثمارها المرجوة . شكراً على هذا الموضوع الرب يباركك ويعوض تعب محبتك ويباركك كل من له تعب محبة ولم يبخل بالمشاركة أو بالمناقشة أو بالرأى وسلام المسيح يكون معكم |
رد: حملة ضد الاباء الكهنة
أول مره يا إيمي تعملي ثوره ع الكهنه ههههههههههه
شوفي زي ما قال بوفن ايتالي - اللي متفق معاه جدا الموضوع مش السبب المباشر فيه الأهل أو بابا أو ماما الموضوع الحل بتاعه زي ما قال قداسه البابا إننا كتير بنلوم البنات و الولاد علي لبسهم و شعرهم وشكلهم عموما وبنحاول نوبخهم علي لبسهم والحل في الأساس من تغير قلوبهم مش طبيعي إننا نحاول نغير مظهر الناس بدون تغير قلوبهم ؟ عشان تغيري مظهر البنات لازم تكون كل طاقتك في تغير قلوبهم |
رد: حملة ضد الاباء الكهنة
هههههههههههه
مش ثورة ولا حاجة يا جورج صدقنى انا اقدر بردوا ولا انا قد العمم السودا!! عموما كويس ان الاراء الحلوة دى اتقالت اعتقد ان الرسالة وضحت الى حد الما لعل اللة يمس كل القلوب ويكون التغيير من الداخل فينطبع على الخارج نور المسيح انا خلاص مش ناوية اعمل حاجة بعد كلام مرمر بخصوص تعليق سيدنا البابا اللى اكيد راية من نفس رايك ورائ بيفن التغيير محتاج يكون من الداخل من القلوب - وساعتها من فضلة القلب يتكلم اللسان والمظهر كمان شكرا لاستاذ العزيز شنودة على تعليقة الجميل ربنا يباركك |
رد: حملة ضد الاباء الكهنة
والتغير هيجي اذاي ويوصل اذاي للاطفال من صغرهم ماهو لازم يعرفو ويتعلمه ويتربي جواهم وجوه قلبهم من خلال تعليم الاهل ليهم هتترسخ المبادئ الروحية الجميلة وزي ما ذكرت في الاول واكد عليها باقي اخواتي ان الخطأ الاصلي مش بناتنا واخواتنا وده ما يمنعش انهم مشتركين في الخطأ بس الأساس هي الكنيسة االي في بيتك لان صدقوني كتير اوي من الاباء بيتعبوا وبيبكوا علي الشعب وهما ولا هنا ياخدوا الكلام علي انه مجرد عظه وخلاص نظري مش عملي الرب قادر ان ينير قلوبنا قبل عقولنا لنعرف كيف نكون مستحقين ان يطلق علينا اولاد ربنا |
رد: حملة ضد الاباء الكهنة
الاباء والامهات نفسهم محتاجيين يفهموا ازاى بيتهم يكون كنيسة
وازاى يحافظوا على الوزنة اللى ربنا ادهالهم وخلوا بالكم يا جماعة تيار العالم شديد جدا والبنات بتقلد بعض مش سهل على اى بنت انها تكون عكس التيار او تكون شاذة حتى لو كانت احسن وافضل بحشمتها هتسمع تعليقات لا تحتمل ونشوف نظرات تضايقها كل دة محتاج بنت من نوع خاص بنت عندها ثقة فى نفسها بنت قلبها نظيف جدا بنت ليها ام مميزة جدا جدا جدا طيب انا عندى بنت اخويا بتكلم معاها كتير كتير كتير فى موضوع اللبس دة وفى كل مرة بلاقيها شايفها اصحابها نماذج مشابهة وبتقولى بشكل مش مباشر اشمعنى انا يا عمتو اللى عاوزانى ابقى مختلفة عنهم - بحاول افهمها انها هتكون مختلفة للاحسن لكن المشكلة انها من جواها حابة اللبس المفتوح والقصير والضيق الموضوع مش سهل حقيقى بسبب ان كل البنات بقت كدة للاسف مفيش نماذج حلوة كتير يا ماريو علشان البنات يقلدوها ويشوفوا فيها المسيح |
رد: حملة ضد الاباء الكهنة
شوفي يا emmy
ابونا بيشوي كامل في الستينيات - و ما ادراكي ما الستينيات - و في عز ما الميني الجيب و الميكروجيب موجود - و اللبلوزات في النازل و الجيبات في الطالع - مكانش بيتكلم في موضوع الهدوم و لكنه عمل نهضة روحية حقيقية لحد مالبنات اللي مشيت مع الموضة دي بطلتها من نفسها و ده المفروض يحصل غلطش انا |
رد: حملة ضد الاباء الكهنة
واية المقصود بالنهضة الروحية دى بقى يا كيرلس ؟؟؟
|
رد: حملة ضد الاباء الكهنة
سرك باتع يا ايمى اهو منعوا البنطلونات فى الكنايس وسمعوا كلامك |
رد: حملة ضد الاباء الكهنة
دة مين اللى قال كدة بقى ياروما يا عبقرية ؟
محصلش ممكن فى بعض المناطق القليلة جدآ جدآ فى الصعيد والفلاحين وصدقينى شوية كدة ومش هينفع |
| الساعة الآن 06:43 AM. |
Powered by vBulletin
Copyright ©2000, Jelsoft Enterprises Ltd.