|
ارثوذكس مريض بالاحباط
اية يا ارثوذكس الاحباط اللى انتوا فية دة ؟؟؟؟
مالكم فى اية ؟؟؟ معظمكم ردودكم على احتمال فكرة غلق المنتدى قالوا لأ مش هيحصل بأذن ربنا - ربنا مش هيسمح بدة ربنا هيدبرها - احنا هنتصرف ونبعت الاشتراك علشان المنتدى يفضل معظمكم رفض حتى يتعامل مع الموقف على انة امر واقع غالبا ودة واضح جدا من الردود فى كل الموضوعات اللى اتعملت فى المنتدى سواء لماريو او ابراهيم او استاذ ايمن او اى حد تااااانى اذا فين بقى الايمان دة ؟؟؟ كلكم اصبتوا بالاحباط الحاد مرة واحدة مفيش غير اعضاء يتعدوا على صوابع ايد واحدة اللى بيدخلوا وعندهم امل لاخر لحظة ان المنتدى هيفضل وكلامهم متفق مع تصرفاتهم من غير تناقض موقفكم دة معناة انكم مش عندكم أمل وكل واحد فيكم مش عاوز يكتب ولا حتى مشاركة فى موضوع وبيقول لنفسة وعلى اية ما كدة كدة هيتقفل خسارة بقى الكلام يا جماعة المنتدى دة خدمة قبل اى حاجة تانية خدمة من كل نوع روحية وثقافية وعلمية ونفسية وادبية وترفيهية كمااان بنحتاجها احيانا فى اوقات معينة يعنى نفضل فيها لاخر لحظة والباقى نسيبة لربنا بقى يعمل اللى هو عاوزة والمشرفين بيحاولوا وربنا يكمل مفيش مانع طبعا من احساس الألفة والمحبة والترابط والصداقة والاخوة بين الاعضاء دة مهم اكييييد بس دة مش كل حاجة اصحوا يارثوذكس -- هو المنتدى بالنسبة لكم اية بالظبط ؟؟؟؟ انا عاوزة اعرف بجد ؟؟؟؟ غيابكم واحباطكم دة معناة ان المنتدى مكان بتتقابلوا فية لاسباب سطحية للاسف انا بدخل وبدور على اى حد يكون قال اى حاجة جديدة او موضوع جديد مش لاقية |
رد: ارثوذكس مريض بالاحباط
سلام في الرب كنت أظن أن الكل في هذه الأيام سيدخل ليعمل بقوة أعظم وبمجهود أوفر وبثقة في الله أكبر كما تحدث الكثيرين وقالوا أن المنتدى لن يُغلق وربنا هايحفظة ، ولكن عندي عتاب على الغالبية العظمى من الناس أنهم لا يعملوا بما يقولون ، ويظهر هدف المنتدى اتنسى تماماً ، ولا زال لا يوجد تواجد إلا لأجل موضوع غلق المنتدى والحيره فيه وماذا نفعل ، بدون ان نتفاعل مع الموضوعات الروحية ولا حتى أي موضوع آخر لا برد ولا بأي شيء وكأن المنتدى أصبح مهجوراً !!! مع اني كنت مستمر في الكتابة بدون أي اعتبار لغلق المنتدى من فتحه ، لأن الهدف هو توصيل كلمة الله للجميع ولكل من يحب أن يستفاد ، ولكن للأسف كم وضعت موضوعات في هذه الفترة ولم ينتبه لها أحد إلا اثنين على الأكثر ، بل ولا يوجد اهتمام بأي موضوع آخر على مستوى أي قسم كما كان المنتدى سابقاً !!!! فأن كان هذا هو حالنا ولا نهتم بالمنتدى كموضوعات ولا كردود ولا أي حاجة ، بل وتوقفنا عن كل شيء ، فما الهدف يا إخوتي من استمراره وهذا السعي لكي لا يتم غلقه ، فأن كان لا يوجد تفاعل وتوقف الكل بسبب الإحباط الغريب الذي أصاب الكل وانا قلت كلها يوم والا اتنين والناس تعود لنشاطها المعتاد بل وسيزيدوا جداً لأنهم حريصين على استمرار المنتدى وإثراءه ليكون موسوعة حقيقية تستمر لآخر لحظة بل وتزيد ، ولكن للأسف لم يعد للمنتدى معنى هذه الأيام ، فأن استمر على هذا الحال والذي اعتقد انه أن لم يُغلق وأُرسلت التبرعات في ميعادها ، سيستمر هذا الحال في الشهر القادم وما بعده بسبب انشغال الكل بموضوع التمويل والبحث عن أنه لا يُغلق ، وهكذا سنستمر من شهر إلى شهر في حالة من الجمود وحمل هم المنتدى أكثر مما ينبغي أن نُستفاد منه !!! فقلة قليلة صغيرة جداً لازالت تعمل في المنتدى لآخر لحظة ، ولكن أنا عن نفسي حتى لو أتت تبرعات أفضل انه يُغلق ويتحول لمدونة لأنه لا يوجد أي تفاعل أو حضور قوي كما كطان سابقاً ، فما معنى المنتدى وكل الردود = 0 أو = 1 أو 2 من الناس المعروفة والتي ترد دائماً !!! وأن وضع موضوع والا اتنين في اليوم يبقى عيد ، وأن حدث تفاعل في موضوع والا اتين يبقى فرحة عارمة ان لسه في ناس بتهتم !!! لأن - للأسف - الكل توقف والحركة بقت أضعف من أي وقت مر به المنتدى !!! أنا عن نفسي شعرت أن الذين من خارج المنتدى بيستفيدوا منه اكثر من المشتركين فيه ، وهذا واضح من العدد والزوار للموضوع ، لأن هيما فتح رؤية الموضوعالت للزوار ، لذلك فالأفضل أنه يُقلب لمدونة وننسى موضوع المنتدى نهائياً لأنه لا يوجد فيه أي روح تفاعل منذ فترة طويلة جداً ، وأنا عن نفسي مش عايز اكتب حاجة في المنتدى لا من أجل شعور بالإحباط بل لأن لا أحد يستفيد منه شيئاً ولا ينتبه لما يُكتب في هذه الأيام ، مع أن هذا يحدث منذ فترة طويلة ولا يتفاعل فيه أحد إلا نارداً والذين يهتمون هم الأشخاص المتعودين منهم دائماً بالرد والتفاعل .... غريب هذا الإحباط الذي هو عكس الكلام الذي قاله الكثيرين والذين يسعون لاستمرار المنتدى ولا أعلم ما هو الهدف الذي تاه مع الوقت من الجميع !!!! ولماذا نستمرونحن لا نهتم او نكترث لما يُكتب وبخاصة في الأقسام الرئيسية والتي اصبحت مهجورة تماماً منذ بداية هذه السنة على الأخص !!! أشكرك على هذا الموضوع الهام يا محبوبة الله ولو أن كثيرين لن ينتبهوا إليه ولو انتبه أحد سيقول الكلمات المعروفة في هذه الظروف والتي لا تُعَبِّر عن الواقع بل عن الكلام النظري الذي اعتدت ان اسمعه من كثيرين ، وإلى الآن لا يُشجعنا احد على استمرار هذا المنتدى ولا لكي نسعى لعدم إغلاقه ، وانا أفضل أن يُقلب لمدونة فيها اهم الموضوعات للي يحب يستفاد منه فقط .... أقبلي مني كل تقدير لشخصك المحبوب في الرب ؛ النعمة معك |
رد: ارثوذكس مريض بالاحباط
انا معاكم بجد وحاسه ان المنتدي مبقاش زي زمااااان
انا اللي شدني للمنتدي دا روح التفاعل اللي شفتها فيه والمحبه اللي بين الاعضاء هنا لكن مع الاسف الموضوع دا ابتدي يقل شويه شويه دانا كنت بدخل المنتدي ابص ع الموجودين حاليا الاقي الاسامي ماليه 4 سطور واقول بسم الصليب ربنا يزيد لكن دلوقتي بقا الاسامي يدوب بتكفي نص سطر بالعافيه ولو السطر اكتمل يبقي هنا بجد حرااااااام علينا ارثوذكس ميستاهلش منا كدا ربنا موجود وقادر يبدل الحال مرسي ليكي يا ايمي ومرسي ليك يا استاذ ايمن وربنا يعوض تعب محبتكم الغالي قوي دا |
رد: ارثوذكس مريض بالاحباط
المسيح إلهنا يتمجد وسطنا ويعطي نعمة للجميع ، وصدقيني انا افضل يُفتح كمدونة طالما توقف التفاعل ، وطبعاً هذا التوقف ليس في هذا الشهر ولا بدأ عند مشكلة إغلاق المنتدى بل هذا بدأ من أكثر من 9 شهور وكل يوم بيزداد إلى هذا اليوم !!!! فما معنى فتحه كمنتدى ولا أحد يتفاعل فيه إلا قلة قليلة جداً اتعدونا وجودهم الدائم وكأنهم وحدهم في قصر مهجور ، وكل من يدخل إليه يدخل بكسل وتراخي وترتسم على وجهه حالة من الإحباط والصمت فيتسرب منه الإحساس بالفشل للجميع !!! بالرغم من أن الله لم يعطنا روح الفشل !!! وعجبي !!! |
رد: ارثوذكس مريض بالاحباط
صدقينى يا ايمى انا واحدة من الناس ارثوذكس بالنسبة ليا زى خدمتى فكنستى بالظبط وانا بعتذر عن تقصيري بس ظروفي خارجة عن اراداتى وانا عندى امل فربنا خير وان ربنا مش هيسمح بحاجة وحشة لارثوذكس وكل واحد فينا يعمل اللى يقدر عليه علشان ارثوذكس مش بس يرجع زى زمان لا يرجع كمان احسن من زمان وربنا هيمد ايديه ومش هينسانا وانا بعتذر كتير عن تقصيري ياريت تقبلوا اعتذاري |
رد: ارثوذكس مريض بالاحباط
اقتباس:
ساعات كتير يا ايمي الواقعية بتكون مطلوبة بدل ما ندي أمل ومرة واحدة تلاقوا مفيش منتدي وصدقوني يا احبائي عندما اكتب اي رد بخصوص موضوع الغلق ده بتمزق بجد من داخلي لكن الصراحة موجودة يعني مش احباط يا ايمي يمكن عشان احنا متعمقين في موضوع الغلق اكتر منكم ولا اقصد مهتمين اكثر منكم لا لاني اعلم مدي محبتكم واهتمامكم بس احنا متابعين اكثر منكم النقط الي ماشين عليها وزي ما استاذ ايمن ذكر ان الموضوع ده احنا في من اكثر من 9 اشهر ومحدش فينا رد اي رد او موضوع يشير لحاجة لكن لما الامر خرج عن ايدنا كان واجب علينا ان احنا نقولكم لان المنتدي بيت ليكم زي ما هو بيت لينا وصدقني لسا عندنا امل برده لأخر لحظة الرب يباركم صلوا من اجل المنتدي |
رد: ارثوذكس مريض بالاحباط
تعرفى انا شعورى اية
عندما ارى انسان غالى جدا جدا لى يحتضر وانا اقف عاجزة عن التصرف او مساعدتة حتى اخفف عنة الالم هذا ما اشعر بة فلم اجد سوى الصمت والصلاة من اجل هذا المنتدى الغالى حقيقى بجد لى فوجدت فية عائلة كاملة والاصحاب وروح المحبة ورسائل من ربنا لى سامحينى لقلة تعليقى فى الموضوعات وهذا لكى اعود نفسى على الفراق |
رد: ارثوذكس مريض بالاحباط
الاعضاء كلها فقدت الامل ان المنتدى يرجع زى زمان
كل واحد بيدخل يشوف المنتدى ماشي ازاى كلة مبقاش لية نفس يشارك او يعمل مواضيع لان اعتقادة كلة انة هيتقفل وان كل دة بلا جدوى بس ربنا موجود وكل الاشياء تعمل معا للخير للذين يحبون الله |
رد: ارثوذكس مريض بالاحباط
اشكرك يا استاذ ايمن على تعليقك الاكثر من رائع انتى كملت كلامى وقلت اللى كنت عاوزة اقولة اكثر واكثر كملت كلامى اللى مكنتش عارفة اكملة بجد اشكرك كتير المنتدى يغنى تفاعل ويد واحدة وروح واحدة وخدمة ومحبة مش مكان للقاء الاحباء وبس
وانت يا ماريو لا احباط اللى المنتدى فية دى احباط وتراخى ويأس وكلام متناقض الاعضاء معظمهم قالوا لا المنتدى مش هيتقفل وكانوا بيتكلموا بثقة اوى وايمان ملوش حدود وفى نفس الوقت محدش منهم بيدخل ومفيش لا موضوع ولا مشاركة حتى لا يا ماريو احباط بيدل على عكس الكلام اللى بيتقال ثم فى ناس فعلا على رأئ استاذ ايمن مش بتدخل وبقالها زمان متعرفشى حاجة عن المنتدى وحزينة على غلقة طيب لية يعنى ؟ واحد مثلا داخل يكتب تعليق انا حزين على ارثوذكس وهو بيدخل كل مدة مرة يبص ويمشى وانتى يا نهى بتعتزرى على اية يا حبيبتى انا بتكلم بصفة عامة محددتش حد وياريت الكل كان بنفس نشاطك ومحبتك للمنتدى ربنا يديكى على اد ايمانك يا مرمر بتعودى نفسك على الفراق يا انستاسيا ؟؟ اومال لو كنتى عضوة قديمة بقى كنتى عملتى اية ؟؟ مش عارفة اقولك اية بس عن نفسى مش هتكلم عن الفراق معاكى لانك جوة قلبى ومعايا على طول وانت يا تيو احسن حاجة فيك صراحتك دى عجبتنى اوى ههههههه تحس انك تلقائى اللى فى قلبك على لسانك |
رد: ارثوذكس مريض بالاحباط
انا ردي يا ايمي كان الجزء الاص بكلامك بأن رودي فيها احباط كنت بحسبك بتقولي بلاش احباط عشان كده رديت عليكي وقلتلك الاحباط الي موجود عندنا ده من الي لمسنا من الموقف ده وخاصتنا الي اشار اليه استاذ ايمن بالأعضاء الي زعلانين وهما اصلا مش بيدخلوا الرب قادر ان يمد ايده |
رد: ارثوذكس مريض بالاحباط
اقتباس:
عزيزى ماريو انت نفسك مفتوحة للمناكفة طيب الاول علشان اعمل حسابى وانا برد عليك ؟؟؟ يا ماريو ركز انا فعلا قصدت اقول للكل بلاش احباط ومش من غلق المنتدى لكن من التفاعل والمشاركة والتواجد لان غلق المنتدى خلاص انا مش هتكلم فية وسبتها لربنا واللى قدرت اعملة عملتوا حتى لو معرفتش اقدم حاجة لكن حاولت بس !!! المفروض ان معظم الناس رافضين فكرة غلق المنتدى وبيقولوا لا ربنا مش هيسمح بدة يعنى فى ايمان بأن ربنا هيمد ايدة وينقذ الموسوعة دى والمرجع الحلو دة لكل الناس وفى نفس الوقت الكل زعلان وبيبعد وبيستخسر ان مشاركة من اى نوع فى المنتدى على اعتبار انة خلاص منتهى فى تناقض وعدم وضوح فى الكلام - بين الاحباط وبين الايمان المفروض انة كان يزيد التفاعل والمشاركة اضعاف اضعاف الاول على الاقل علشان لما دة يحصل اللى فى ايدهم يعملوا حاجة هيعملوها بحماس عن ما يشوفوا رد الفعل دة |
رد: ارثوذكس مريض بالاحباط
واولهم استاذ ايمن قال خلاص نخليها مدونة بقى احسن
ودة رد فعل منة طبيعيى ومعاة حق بصراحة مع ان مش دة اللى كان نفسنا فية بجد بس هو مش بيتكلم من فراغ ولا من غير سبب |
رد: ارثوذكس مريض بالاحباط
صدقتي في كل كلمة يا محبوبة الله الحلوة وهذا فعلاً الواقع ، لأن كل التصرفات الواقعية للناس تنفي كلامهم عن الإيمان وثقتهم أن الموقع لن يُغلق اشكرك كتير على التوضيح الحلو والواضح للجميع النعمة معك كل حين آمين |
رد: ارثوذكس مريض بالاحباط
انا بعترف اني من الناس الي احبطت ومبقتش قادرة ادخل المنتدي اولا عشان ظروف خاصة ثانيا عشان بجد مش عاوزة اقعد اتكلم او اقري المناقشات بتاعت الاعضاء احنا اترعضنا كتير ان المنتدي يتقفل وف كل مرة كان بيبقي عندي امل بس بجد المرة دي بالنسبة ليا غير اي مرة معنديش اي امل في استمرار ارثوزكس يمكن احساس اللة اعلم بس بجد بعتزر وسمحوني اني ليا فترةمش بدخل وبجد عندك حق ياايمي
|
رد: ارثوذكس مريض بالاحباط
بصراحة معاكى حق يا ايمى كلنا خايفين انو يتقفل بس مش احباط اوى ع اد ما هو خوف بس ربنا هيتصرف اكيد و ارثوذكس بجد بالنسبالنا بيت تانى و ربنا ميسمحش بقفلة و فعلا لو اتجدد امل انة هيفضل موجووود هنشوف ان المنتدى هيرجع احسنننن من الاول
|
رد: ارثوذكس مريض بالاحباط
مرسى يا ملاك على ردك وصدقينى مش انتى لوحدك
كتير اصابوا بنفس الاحباط واحساسك مش من فراغ ولا من غير سبب اشكرك يا مريم على كلامك واتمنى يتحقق كلامك ياااريت عموما ربنا يقدر ولتكن مشئتة |
رد: ارثوذكس مريض بالاحباط
بسم الثالوث القدوس أختى العزيزة والمباركة إيمى سلام ونعمة ..سلام ومحبة رب المجد فلتكن معك ومع كل إخوتى الأفاضل أعضاء هذا منتدانا الحبيب إلى قلوبنا جميعاً ... سلام ملؤه الثقة والتفاؤل بنعمة ربنا القادر على حفظ هذا المنتدى من كل شر وإستمرار الخدمة أما بالنسبة للموضوع الذى طرحتيه فأنا معك فى كل كلمة ذكرتيها وكأنك بتقولى كل ما يدور فى فكرى ... عموماً أنا قرأت الردود العديدة على موضوعك الإيجابية منها والسلبية وأنا كتبت الآن ليس لمدح أحد أو نقض أحد فكيف لى هذا وانا أقل واحد فيكم بل لكى نتكلم عن المفيد ــ فى العد التنازلى لإغلاق المنتدى لاقدر الله وخاصة فى الأيام الأخيرة إعترانى حزن وأسى وألم شيد لا أستطيع أن أصفه ..كل هذا إنعكس على تعاملى مع أسرتى من عصبية زائدة وزوجتى كان لها النصيب الأكبر وتحملتنى كثيراً دون أن تعرف السبب وحاولت ان تعرف إيه اللى مضايقنى دون فائدة فكرت كثيراً وقلت فى نفسى لازم أخاطب أخونا إبراهيم لكى يطمأن قلبى ولازم يكون فيه أى حل للموضوع .. قمت بإرسال رسالة خاصة وطويلة جداً يعنى تقريباً تقارب من ال 600 كلمة إلى أخونا إبراهيم وكان آخر ما قلته فى هذه الرسالة بالحرف الواحد (( فمرة أخرى أرجوك لو لى عندك معزة أعمل أى حاجة لأنى متأكد أنك قدها وقدود وتقدر تتصرف هتقول لى حضور الناس فى المنتدى وإهتمامهم قل هأقول لك إديهم فرصة أخيرة علشان خاطرى لو لى خاطر عندك ولو مليش نفذ اللى انت عاوز تعمله وربنا يسامحك ومن فضلك أرجو الرد وياريت رد يفرحنى )) وإنتظرت فترة طويلة لوصول الرد وكانت الدقائق تمر بى كالساعات إلى أن جاء الرد وكان بالتفصيل كالآتى (( ربنا موجود وبأذن ربنا تتحل المشكلة واشكرك جدا على المتابعة وعلى رسالتك وكلماتك صلى من أجلى بس وربنا يعمل الصالح )) يعنى بإختصار الموضوع بإذن المسيح محلول لأنى عارف أن أخونا إبراهيم الآن بيبذل أقصى مجهود , والآن جاء دورنا وهو ... (( أن نساند أخونا إبراهيم بالصلاة ... أن يكون لنا وجود فى المنتدى بقدر المستطاع من مشاركات وتفاعل حقيقى فى طرح المواضيع والردود عليها ... أن نساند مالياً بقدر المستطاع ولو بالقليل ومتخافوش ربنا بيبارك فى القليل ... وفى حالة وجود إعلانات يجب الدخول عليها لزيادة رصيد المنتدى ))... لفت نظرى شيئ مهم جداً فى أحد ردود أخونا الحبيب أ / أيمن قوله ( أنا عن نفسى شعرت أن الذين خارج المنتدى بيستفيدوا منه أكثر من المشتركين فيه , وهذا واضح من العدد والزوار للموضوع , لأن هيما فتح رؤية الموضوعات للزوار ) وتعليقى هنا ده من الأسباب الرئيسية لقلة الأعضاء طالما الزائر بيأخذ ما يحتاجه يبقى يسجل نفسه ليه ؟؟؟ . أما لو الزائر لم يجد طريقه إلى موضوع من حصريات المنتدى ولا يستطيع الحصول عليه سوى بالتسجيل فسيضطر إلى ذلك ومع عدة مشاركات له سيتفاعل مع موضوعات المنتدى وأعضاءه وسيعرف الفرق بين المنتدى والمنتديات الأخرى ويبقى كسبنا عضو عامل فى وسطنا ... والنقطة الثانية وهى : بيتم أخذ كل ما يمتلكه المنتدى من حصريات ووضعها فى منتديات أخرى دون حتى الإشارة إلى المصدر وكثير منا يعرف العديد من المنتديات الخاصة والذين لا يملكون إلا موضوعات قليلة لا تؤهلهم لإنشاء منتدى وبعد فترة يكتب على منتداه أرض الحصريات وأغلبها مواضيع مش هقول مسروقة علشان عيب ههههههه ولكنى هقول مقتبسة ( يبقى إحنا كدة بنموت منتدانا وبنحيى المنتديات الأخرى ) فالرجا كل الرجاء بعدم دخول المنتدى إلا للأعضاء المشتركين فقط . معلش يا إيمى أنا طولت عليك فى الكلام بس كان لازم أطمنك أنتى وأخوتى الأعضاء أشكرك على موضوعك المهم وعلى غيرتك ومحبتك الشديدة للمنتدى الرب يباركك ويحفظ حياتك ويعطيك سؤل قلبك ومتخافيش المنتدى مستمر بنعمة ربنا وببركة السيدة العذراء والملاك ميخائيل |
رد: ارثوذكس مريض بالاحباط
اقتباس:
الله ينور عليك اخي شنوده انا ميش اتكلم ابدا في موضوع القفل بس ثقي بربنا ثابتة انة قادر يحل بطريقتة هو ميش نحنا حيث يكون اثنان اكون في وسطهم يبقي يكون وسطينا وميش يمد ايده اشك في دي على العموم النقطة اللى ذكرتها ودي نقطة مهمة وتاكيد لكلامك في اوقات كتير بدور على موضوعات وافكار للخدمة تطلع عيني لما اقدر انسخة مقدرش انسخة ويقولى لازم تسجل اسجل على شان اقدر انسخ تعرف ومقدرش برده انسخ الموضوع كل ما اجي انسخة تطلعي اشارة لازم تشارك بعدد مشاركات لحتى تقدر تنقل الموضوع وكمان لازم نشوفك تفاعلك بالموضوعات لتقدر تنقل اي موضوع ودي بتبقي موضوعات عادي يعني شوف لو كان في حصري يبقي شكل المحافظه على التفرد والتميز يكون شكلة ايه دا ميش انانية بقدر ما هو تفعيل للخدمة واحداث تميز للمنتدي بطريقة تفاعلية يعود بالفايده على الكل الاعضاء والمنتدي شكرا ليك اخي شنوده ربنا هو اللى قادر يدبر كل صالح ومتتعصبيش على شان صحتك اخي ربنا دايما موجود وهو اللى بيمد ايده بالوقت المناسب وبحسب مشيئتة وتدبيرة اشوفكم دايما بخير وبازن الله ارجع ليكم القى الكل متبت هنا ببركة من ربنا طبعاً وحسب مشيئتة صلواتك وبركة العدراء تكون معك وتحفظك |
رد: ارثوذكس مريض بالاحباط
سلام لنفسك يا أغلى أخ وأب حلو أشكرك على غيرتك الحلوة على المنتدى واهتمامك المعهود وإصرارك على نجاح المنتدى وتقدمه ، ولكن أُريد أن اقول بالنسبة لنقل الموضوعات في أمكان ومواقع أخرى ومختلفة بدون ذكر المصدر ، هذا يحدث قبل فتح الموضوعات لكل الناس ، بل يحدث منذ إنشاء المنتدى من أول يوم تم فتحه فيه ، فأغلب الموضوعات تُنقل عن طريق الأعضاء المشتركين فيه ، وانا عن نفسي قلت للجميع اي حد عايز ينقل اي شيء من الموضوعات التي أكتبها فله مطلق الحرية أن يفعل ما يشاء لأنها تخص عمل الله وحده لأني لم أحصل على المعرفة والفهم والإدراك من ذاتي بل هي عطية الله لي ، فمجاناً أخذتها ومجاناً أُعطيها ، ولكن ما علينا من هذه النقطة بالذات ، وانلا كل ما يهمني ان الناس تعرف الله وتحبه وتنال منه نعمة ويكون لها شركة حية معه لأنه مصدر حياتنا وفرح قلوبنا الحقيقي ... ولكن موضوع النقل بيتم في كلا الأحوال سواء المنتدى مفتوح للجميع أم مُغلق وقاصر على الأعضاء المتواجدين فيه ... ولا تنسى أيها الأخ المحبوب أنه سيظل هناك أُناس يشتركون فقط لأجل النقل وليس للتفاعل وهذا ليس بعيب إطلاقاً ، ولكني كنت اتكلم عن الأعضاء التي كانت نشيطة جداً ولها دور فعال وبصمات خاصة منذ فترة طويلة في المنتدى وتوقف نشاطهم يا إما كسل يا إما تراخي يا إما بانشغالهم بمواقع أخرى وتركوا المنتدى فترات طويلة جداً ولم يعودوا إلا عند سماعهم أن المنتدى سيغلق ، وهذا كان قصدي من الكلام كله ولا أقصد إطلاقاً أياً من الذين لا يقدرون على التفاعل .... أشكرك كتير على محبتك الحلوة لأنك أب وأخ غالي عندي كما عند الجميع أيضاً ؛ النعمة تملأ قلبك سلام ومسرة دائمة آمين فآمين |
رد: ارثوذكس مريض بالاحباط
اقتباس:
أختى المباركة ريم بركة وسلام ونعمة رب المجد فلتكن معك صدقينى وأنا كمان ثقتى فى ربنا ليس لها حدود ولكن ربنا بيساعد المجتهد علشان كده بقول أن نصلى من أجل أخونا إبراهيم لأنه الآن أنا عارف أنه الآن بيجتهد وإحنا علينا الصلاة يعنى كل واحد بيقوم بدوره كعمل إنسانى ومنتظرين العمل السمائى ... أما بالنسبة لموضوع النسخ هو ده بالضبط اللى عاوزه يتم فى منتدانا يعنى العضو يسجل يبقى تمام يقرأ موضوعات يتفاعل معنا كأعضاء كله جائز على رؤسنا من فوق لكن كما قلتى نسخ أى موضوع مهم أو حصرى يبقى لازم فيه رابط .. وعاوز أقول حاجة أنا فيه موضوع حصل معايا عدة مرات وهو لو أى أخ بعت لى رسالة خاصة وعاوز أرد عليه بأكتب الرد أولاً على الكيب وورد ثم أنقله على الموقع وعند التحميل بلاقى نافذة طلعت امامى مكتوب فيها آسف ياغالى لأن مشاركاتك لم تصل إلى 500 مشاركة برغم أن مشاركاتى الآن 488 يعنى فاضل لى 12 مشاركة وهذه ضوابط وقوانين المنتدى أنا أحترمها برغم ما تسببه لى من إحراج بمعنى لو حضرتك أرسلتى لى رسالة خاصة وأنا لم أرد عليك وعدم الرد بيكون خارج إرادتى فممكن تصفينى بقلة الذوق ده طبعاً لو أنت ناسية قوانين هذه النقطة وأنا هنا طبعاً مش بأتكلم على ريم بالخصوص أنا بأتكلم عامة .. طيب وإذا كان الأعضاء بيتم التعامل معهم بهذا الإنضباط كان بالأولى الضوابط تكون أقوى مع الغير مسجلين وكذلك للمسجلين والذين يريدون النسخ لوضعها فى منتديات أخرى . عموماً أنا بأشكرك جداً على إهتمامك وردك وغيرتك على المنتدى وبجد أنا سعيد جداً بهذا الرد ربنا يبارك حياتك وبإذن المسيح وببركة أم النور المنتدى قائم ولن يغلق أبداً |
رد: ارثوذكس مريض بالاحباط
مش عارفة لية حاسة ان فى ضغط على ابراهيم
حاسة انكم بتضعطوا علية جدا مع انى واثقة ان الموضوع خارج ارادتة ابراهيم عمل المنتدى بارادتة ومحدش طلبة منة يعنى اكيييييد مبسوط بعملة ومش محتاج حد يترجاة ان المنتدى يفضل عموما يا اروع اخوة انا مبسوطة جدا بحواركم ومناقشتكم الجميلة اللى فيها لفتات مهمة جدا ومحتاجة اعادة تظبيط وتفكير واعتقد انها هتتحط فى الاعتبار من قبل الادارة لما تنتهى مشكلة الدفع وبسبب ايمانكم واصراكم اعادتوا لى الامل من تانى ربنا يديكم على اد ايمانكم مرسى استاذ شنودة واستاذ ايمن وريم على مناقشتكم الاكثر من رائعة الرب يبارك حياتكم ويبارك المنتدى |
رد: ارثوذكس مريض بالاحباط
أخى المبارك والحبيب إلى قلبى أ / أيمن سلام المسيح معك يحفظك ويرعاك عزيزى أنت قلت أُريد أن اقول بالنسبة لنقل الموضوعات في أمكان ومواقع أخرى ومختلفة بدون ذكر المصدر ، هذا يحدث قبل فتح الموضوعات لكل الناس ، بل يحدث منذ إنشاء المنتدى من أول يوم تم فتحه فيه ، فأغلب الموضوعات تُنقل عن طريق الأعضاء المشتركين فيه وإسمح لى أن أقتبس الجزء التالى من رد أختنا ريم الخورى فى أوقات كتير بدور على موضوعات وافكار للخدمة تطلع عينى لما أقدر انسخه ويقولى لازم تسجل أسجل علشان أقدر أنسخ تعرف ومقدرش برده انسخ الموضوع كل ما اجى انسخة تطلعى اشارة لازم نشوفك تفاعلك بالموضوعات لتقدر تنقل أى موضوع ودي بتبقي موضوعات عادى يعنى شوف لو كان حصرى يبقى شكل المحافظة ايه دى مش انانية بقدر ما هوتفعيل للخدمة واحداث تميز للمنتدى بطريقة تفاعلية يعود بالفايدة على الكل الأعضاء والمنتدى وقلت وانا عن نفسي قلت للجميع اي حد عايز ينقل اي شيء من الموضوعات التي أكتبها فله مطلق الحرية أن يفعل ما يشاء لأنها تخص عمل الله وحده لأني لم أحصل على المعرفة والفهم والإدراك من ذاتي بل هي عطية الله لي ، فمجاناً أخذتها ومجاناً أُعطيها ، ولكن ما علينا من هذه النقطة بالذات ، وانلا كل ما يهمني ان الناس تعرف الله وتحبه وتنال منه نعمة ويكون لها شركة حية معه لأنه مصدر حياتنا وفرح قلوبنا الحقيقي ... عزيزى أنا أعى جيداً هدفك وأفهم ما تصبو إليه نفسك لتوصيل كلمة الله إلى الكل هذا ممتاز وهدف رائع جداً وأجرته محفوظة عند إلهنا العادل ولكنى أقول من يريد القراءة والوصول إلى كلمة الله لا يمنعه ما قالته أختا ريم من تسجيل ومشاركة وترابط ووضع الضوابط لكل من يريد التحميل خاصة المهمة والحصرية منها . ولكن موضوع النقل بيتم في كلا الأحوال سواء المنتدى مفتوح للجميع أم مُغلق وقاصر على الأعضاء المتواجدين فيه ... ولا تنسى أيها الأخ المحبوب أنه سيظل هناك أُناس يشتركون فقط لأجل النقل وليس للتفاعل وهذا ليس بعيب إطلاقاً ، ولكني كنت اتكلم عن الأعضاء التي كانت نشيطة جداً ولها دور فعال وبصمات خاصة منذ فترة طويلة في المنتدى وتوقف نشاطهم يا إما كسل يا إما تراخي يا إما بانشغالهم بمواقع أخرى وتركوا المنتدى فترات طويلة جداً ولم يعودوا إلا عند سماعهم أن المنتدى سيغلق ... المنتدى يفيد العدد الكبير من الناس فلماذا لا يستفيد هو أيضاً من هؤلاء الناس على الأقل بعدم الغلق . أنت تكتب موضوع لكى يستفيد منه أكبر عدد وتصل رسالة الله للجميع هذا حسناً جداً ولكن فكرة الغلق لمنتدى رائع يتمنى الكثيرين الحصول على ما به من معلومات وحصريات هذا يحزننى وحزن أناس كثيرون والنتيجة فى الآخر سلبية لأنه بغلق سيتوقف كل شيئ حلو جميل يفيدنا روحياً علاوة على الترابط والتفاعل والمحبة بين الأعضاء . ياريت يا أستاذنا الفاضل والمحبوب والذى يكرس أغلب وقته ومجهوده لتوصيل كلمة الله أن يكون لك دور فعال فى وضع هذه الضوابط والنتيجة بمعونة ربنا ستكون رائعة . أما عن الأعضاء الذين لم يعودوا إلا عند سماعهم بغلق المنتدى هذا جيد جداً وإن دل فإنما يدل على قيمة هذا المنتدى بالنسبة لهم وطبعاً أكيد كل واحد فيهم فكر بما سببه لهذا المنتدى بتركه وعدم تواصله فليسامحهم الرب وليسامحنا جميعاً ومن الواجب علينا أن ننهض بهذا المنتدى ليعود أفضل مما كان يارب آمين أخى الحبيب الغالى أرجو أن تسامحنى لو خرجت منى كلمة عفوية لا أقصدها فأنت تعلم جيداً محبتى لك ولكن كل ما قلته إنما بسبب محبتى لهذا المنتدى الرائع والذى لا يعوض. تقبل منى كل محبة وتقدير وإحترام لشخصك الغالى المحبوب والرب يبارك حياتك ويهبك نعمته وحكمته ومحبته ورعايته له المجد الدائمإلى الأبد آمين |
رد: ارثوذكس مريض بالاحباط
اقتباس:
يعنى يا إيمى أنا غلطان علشان كنت بأترجى إبراهيم يعنى عملت غلطة كبيرة لا تعليق ومقدماً انا مسامحك |
رد: ارثوذكس مريض بالاحباط
سلام لك في الرب يا اجمل اب غالي احبه من قلبي صدقاً ولو انه لم يخرج إطلاقاً كلمة عفوية تدل على شيء آخر أو معنى غير الذي كُتب فيه إطلاقاً ، وثم يا أجمل اب حلو أنت اب واخ رائع للجميع تقول ما تُريد وبأية طريقة حتى ولو كانت عتاب لأن عتاب الأحباء رائع وفيه نسائم المحبة الحلوة ، ثصم أنت أب غالي وأخ رائع من حقك تقول ما تريد ونحن نسمع ونصغي بالمحبة ونقول آمين حقاً لنا أخاً حلواً يخاف علينا ويحبنا جداً ... عموماً المنتدى كان مغلق وبيظهر جزء من الموضوع فقط قبل موضوع قرب غلقه والإعلان الموضوع فوق ، وهيما فتحة في آخر هذه الأيام للجميع ومش كان فيه داعي يترك جزء من الموضوع يظهر فقط وسيتم غلق المنتدى عن الجميع ، فهذا هو السبب الوحيد فقط لفتحه ولو لم يُغلق سيعود مثلما كان يا أروع أب حلو ، ولما رجعوا الناس علشان المنتدى هايتقفل برضو لم يتفاعلوا إنما فقط كتبوا رد علشان موضوع الغلق والفتح ، ففين التفاعل الحقيقي والعمل الجاد اللي بيظهر الاهتمام بالمنتدى وبقاءه وهذا هو تسائلي فقط ، أشكر محبتك الحلوة؛ النعمة تملأ قلبك سلام ومسرة آمين |
رد: ارثوذكس مريض بالاحباط
اقتباس:
لألألألألألألألألألألألأ يا أجمل أب حلو ، إيمي مش تقصد خالص مالص ن صدقني مش تقصد تلوم على شخصك المحب لأن من عشمك ومحبتك وقلبك الكبير بتحاول تعمل المستحيل علشان المنتدى يظل كما هو ، وإيمي قصدها - عن معرفة بهيما - أن هيما نفسه مش ساكت وعليه ضغط أكبرلا من أجل كلام الناس بل من أجل الظروف لأنه تعب في المنتدى جدا على مر 5 سنين ومش معقول يسيبه يُغلق بسهولة ، فاقبل اعتذاري الخاص لشخصك المحبوب في الرب ولا تؤاخذ إيمي لأنها لا تقصد شيء على الإطلاق وهي هاتشرح بنفسها لشخصك المُحب ، النعمة تملأ قلبك سلام ومسرة آمين |
رد: ارثوذكس مريض بالاحباط
اقتباس:
لا طبعا يا استاذ شنودة حضرتك مش غلطان مين قال كدة - انت فهمت قصدى غلط انا كل اللى اقصدة ان ابراهيم فعلا مضغوط بين محبتة للمنتدى ومحبتنا للمنتدى وبين انة يستمر وهو مش فى ايدة حاجة وبيعمل بقد مقدورتة وبين انة مش عارف يراضى الاعضاء حاسة انة نفسة يسعدهم بس مش فى ايدة حاجة واحنا عمالين كلنا مش حضرتك بس نقولة لأ يا هيما بلاش قفل المنتدى اعمل المستحيل اؤكد لك صدقنى انة مضغوط بس ضغط من محبتنا مش ضغط بمعنى الضيق يعنى لو انا عشمانة فيك تعملى حاجة معينة وبطلبها بمحبة وبنوة وانت مش فى ايدك حاجة ومش فى مقدورتك تعملهالى هتحس انى بضغط عليك - دة كل قصدى صدقنى ومحبتك للمنتدى وغيرتك دة جميل وانا شكرت كل اللى قالوا تعليقات وقلت انا مبسوطة من كلامكم دا انتوا رديتوا فيا الامل من تانى اشمعنى دى بقى اللى نسيتها ؟؟؟ انت يظهر بس عاوز تعرف معزتك عندى فعملت نفسك زعلان علشان تعرف اد اية انا بحترمك وبعزك مش كدة هههههه انا اسفة جدا يا افندم على اى حاجة وصلتلك غلط صدقنى مقصدتش حاجة خالص نهائى حقك عليا معلش ونا مستعدة لأى عقاب كمان لو تحب |
رد: ارثوذكس مريض بالاحباط
اقتباس:
اشكرك يا استاذ ايمن على التوضيح اشكرك على محبتك وقلبك الكبير دايما بنتعلم منك واللى قلتة صحححح فعلا ابراهيم مش ساكت يا ارثوذكس ابراهيم مطحون صدقونى بجد ابراهيم مفيش فىة ايدة حاجة يعملها ومعملهاش حقيقى وبيعمل قد ما يقدر كتر خيرة ربنا يعوضة دة اللى حاولت اوصلة ربما يكون التعبير خانى مش عارفة حقيقى بعتزر لاى حد زعل منى مرة تانية اشكرك يا استاذ ايمن حقيقى اشكرك كتير |
رد: ارثوذكس مريض بالاحباط
طيب يا هيما لما هو المنتدي معمول باسم الكنيسة الفلانية ليه علي الاقل الكنيسة مش تشارك في مصاريفه؟ والا ايه لزمة ان اسم الكنيسة محطوط علي المنتدي علي الرغم انه مش موقع رسمي للكنيسة ؟ |
رد: ارثوذكس مريض بالاحباط
أشكرك يا أخى الحبيب أ / أيمن ياغالى على مقدمتك الرائعة والتى تدل على المحبة القوية التى تملأ قلبك بدليل كلماتك الرائعة وطيبة قلبك فى تقريب وجهات النظر بينى وبين أختنا إيمى أنا عارف أن إيمى لا تقصد ذلك بس كان لازم أقول كدة لأن بقولى هذا تتضح الأمور أمامى أكثر . يعنى ليتاكد لى الكلام هل انا المقصود بذلك أم غيرى . وعموماً هى بعهدنا بيها شرحت الموضوع بسماحة وطيبة قلب وأنا فى الأول والآخر وحتى قبل ردها قلت لها أنا مسامحك وحقيقى أنا فعلاً مسامحها بس عيبى انى حساس جداً . ندخل بقى فى موضوع المنتدى صدقنى ياأخى الحبيب المنتدى هيستمر ولكن سينقل فى الغد أو بعد الغد على لينك آخر ودى آخر المعلومات من أخونا هيما لأنه بيعمل كل ما فى مقدوره وربنا يكون معاه ويساعده . ربنا يخليك لى يا أجمل وأحلى أخ عزيز على قلبى ويبارك لى فيك ويعطيك الصحة والسعادة والفرح الدائم ويعوض تعب محبتك آمين |
رد: ارثوذكس مريض بالاحباط
ويخليك لينا أباً غالياً محبوباً لنا جداً اقبل مني كل احترام وتقدير خاص لشخصك الغالي فرح الروح القدس يغمر قلبك سلام ومسرلاة آمين |
رد: ارثوذكس مريض بالاحباط
اقتباس:
مش هارد على كل الكلام اللى قولتيه أمال فين ذكاءك وانتى عارفة معزتك وغلاوتك عندى قد إيه قولت لك قبل كده بأن غلاوتك من غلاوة جينا بنتى أنا كنت بس بعاتبك وعمرى ما أزعل منك أنتى معدنك نقى بدليل طيبة قلبك ربنا يباركك ياإيمى ودايماً تكونى فى فرح وسعادة دائمة ببركة ربنا القادر أن يعطيكى سؤل قلبك |
رد: ارثوذكس مريض بالاحباط
اقتباس:
عاش مش شافك يارويس - ازيك انت بتختفى تختفى تختفى وبعدين تيجى تقول نفس التعليق بجد انت قلت التعليق دة عشر الاف مرة قبل كدة :em0100: وانا قبلك 7 الاف مرة يبقوا 17 :em3900: ريح نفسك يارويس الكنيسة مش هتساهم فى حاجة لانها مش مستفادة من المنتدى بحاجة ملموسة بالنسبة لهم والكلام دة قالهولى احد الاعضاء المسئولين لانهم عرضوا المشكلة على الكنيسة بالفعل وموصلوش لحاجة يعنى ريح نفسك بقى انت واايمى هههههههه |
رد: ارثوذكس مريض بالاحباط
وهو لو كانت الكنيسة بتدعم أو حتى الخدام اللي فيها ولو كان بالقليل ما كان هناك مشكلة في الأساس اللي بنعاني منها الآن !!! المشكلة أن الموقع اتعمل في الأساس للكنيسة وحتى لما الأنبا موسى أعطى جايزة للمنتدى أعطاها باسم الكنيسة على أساس أنه نشاط ليها وخدمة تعبر عنها فماذا نفعل يا ترى !!! |
رد: ارثوذكس مريض بالاحباط
وادى استاذ ايمن كمهالك يا رويس علشان متزعلش يلا هههههه
فى عضو تانى اتمنى يقرا رد رويس ويرد علية مش هذكر اسمة احتراما لية علشان لو مش حابب يرد يبقى براحتة مبقاش فرضت علية حاجة بس عارف نفسة وعارف انى اقصدة ياريت يدخل يوضح الجزئية دى لو امكن |
رد: ارثوذكس مريض بالاحباط
حاضر يا ايمي العضو حضر بنفسه للرد هههههههه شوفوا يا جماعه كل الي اقدر اقوله ان الموقع خاص بكل مشرفي واعضائه اما دور الكنيسة فهو مقتصر علي الدعم المعنوي وليس المادي بمعني ان المنتدي ليس خاص بالكنيسة بصفة رسمية بل بصفة تشرفية والموضوع ده من زمان ومتعارف علي من جهتنا وعندما تسلم القس ابونا بموا جائزة الموقع كان بصفته راعي المنتدي وليس بصفته كاهن الكنيسة مع ان الجهة المكرمة لينا علي حد علمها ان الموقع خاص بالكنيسة حتي لما بلغوني بموضوع التكريم كانوا عاوزين يبعتوا دعوه خاصة للكنيسة بس اكتفينا بدعوه خاصة للقس يموا بصفته المسئول عن المنتدي وعشان ما نكلمش كتير في الموضوع ده ونهدر فكرنا اكثر من الازم نستبعد الكنيسة من الموضوع الرب يمد ايده وقريب جدا الرب سيفرح قلوبنا ولتكن ارادته |
رد: ارثوذكس مريض بالاحباط
شكرا يا ماريو اشكرك حقيقى انا كنت واثقة من استجابتك
انا بس كان نفسى فى ردك دة علشان نحط النقط على الحروف اعتقد كدة الامور وضحت يا احبائى وماريو بصفتة مسئول يبقى كلامة مصدر موثوق فية ويحترم الصورة وضحت يا رويس !!! ولا لسة عاوز تتكلم تانى فى موضوع دعم الكنيسة ؟؟؟ |
رد: ارثوذكس مريض بالاحباط
هو من الأفضل نسبنا من الموضوع ده خالص لأنه منتهي من زماااان وحقيقي أشكرك يا أجمل مارو على استكمال الصورة التي قد تكون غايبة عن كثيرين ويحتاجون للاستفسار النعمة معك ومع الجميع آمين |
رد: ارثوذكس مريض بالاحباط
انا يا جماعة متابع الموضوع والردود وخاصتنا الخاصة برويس بس كنت مستني اشوف باقي الردود عشان ارد عليهم مرة واحدة لتكن ارادتك يارب |
رد: ارثوذكس مريض بالاحباط
آاااااااه بقولها بمرارة لنفسى ولكل من يهمه الأمر من الذين يريد إغتيال منتدانا بدلا من تقديم المساعدة لنا وحتى إذا لم يريدوا المساعدة لماذا لا يتركننا وشأننا تحت بند ( إعلانات وإحتياجات ) الموجود بالرابط التالى تلاحظ فى الآونة الأخيرة وبالتحديد منذ وضع أخونا إبراهيم العداد الخاص بالعد التنازلى لغلق منتدانا وحتى قبلها حين علمت بعض المنتديات بالظروف المالية لمنتدانا وإنهالت إعلانات هذه المنتديات الأخرى لسحب أعضاء منتدانا إلى منتدياتهم وكأنهم يريدون الإعلان طرفنا... كنت سأتقبل هذا بفرح عندما كان المنتدى فى رونقه وإزدهاره ولكن الآن بالذات وفى هذه الظروف أنا شخصياً أرى بأن هذا إغتيال سريع لمنتدانا ولا أريد الرد أو التعليق فالمنتدى حقيقة البقية الباقية منه تم تدميرها بواسطة هذه الإعلانات كتبت هذا الموضوع ليكون شاهد أمام الله بينى وبينكم جميعاً والذى أترك له الأمر كليةً وهذه روابط المنتديات المعلن عنها لمن يريد التأكد ومعرفة حقيقته الأمر WWW.all-ch.com www.elmalak-tanta.com/vb http://www.elmaseeh-elahna.com/vb http://www.maranassa.com www.alanbamatoas.com www.chforever.com http://mar-girgis.info/vb/index.php http://www.alantony.com/vb/forum.php وأنا شخصياً من الآن مستمر فى أرثوذكس ولن أتركه قط ولكن لاقدر الله إذا تم غلقه سأبحث عن منتدى آخر أشعر فيه بأناس يعرفون المسيح بالحق وليس بالكلام والشعارات كهذه المنتديات التى تريد أن تنمو وتزدهر على أنقاض منتديات أخرى زى المثل البلدى اللى بيقول ( إن إتخرب بيت أبوك خد منه قالب ) وإحنا كمان بخرب بيتنا علشان نعمر بيت غيرنا وعلى رأى مظهر أبو النجا ( ياحلاوة ) لا أقولها للتهريج والدعابة لأن حالتى النفسية لا تسمح بذلك ولكنى أريد أن أقول لأخونا إبراهيم محبتك وطيبة قلبك فى خدمة المنتديات الأخرى هى اللى وصلتنا لكده ... والنتيجة خراب مالطة أنا الآن تأكدت بأن غالبية الأعضاء الذين تركوا المنتدى لم يتركوه من فراغ إنما لأسباب عديدة أنا ليس فى حل أن أذكرها.. وأخيراً وبإختصار أنا فى غنى عن أى ردود تتسبب فى غضبى ورفع ضغطى يعنى اللى عاوز يتعامل معى بأى رد يتعامل على قدر سنى وذكائى مش يقول الراجل ده عبيط نضحك علية بكلمتين نطيب بيهم خاطره أنا مش عاوز تبرير والسلام أنا عاوز حقائق أو حلول أنا مش ناقص أسبرين أنا كل يوم بأخذ حبايتين علشان القلب .. لأن الموضوع واضح ومش عاوز شرح وحتى لا أشعر بأنى غبى فى نظر من يريد أن يقنعى وهو فى قرارة نفسه مقتنع بما أقول لأن سامحونى لو حسيت برد مش مضبوط سأضطر آسفاً بعدم الرد وإلتزام الصمت . أما لو أى أحد رد على كلامى وقال لى أنا مش عارف أقول إيه أو مش لاقى كلام أقوله سوف أحترمه وأردعليه وأشكره وأضعه فوق رأسى لأنه لم ينافقنى ... والآن أطلب من كل عاقل أن يقرأ ويفكر جيداً يحكم عقله أخوتى الأحباء آسف جداً على الإطالة ولسيادتكم جزيل إحترامى وشكرى |
رد: ارثوذكس مريض بالاحباط
السلام لشخصك المحبوب في الرب أولاً يا اجمل أب حلو نحترمه ونقدره أشد التقدير أنا أُريدك ان لا تأخذ الأمر على محمل الضيق والحزن والتعب لأن كل الأشياء تعمل معاً للخير للذين يحبون الله، وكل ما يدبره الله لخيرنا جميعاً وبناء حياتنا حتى لو لم نرى ذلك قط ، فصدقني نحن لا نحزن ولا نتضايق مهما ما حدث أو سيحدث إطلاقاً، فياما مرينا بظروف أصعب واشد عنفاً ولكننا لم نهتز أو نكترث مما يحدث إطلاقاً بل بهدوء نُسلم الأمر لله القدوس الحي لأنه يرى وينظر ويعمل لأجل صالحنا وخيرنا وحياتنا الأبدية لأنه يعمل فينا بكل الطرق ليعطينا قوة في الإنسان الباطان مقوياً إيماننا ويشع فينا نصرته ومُعطينا باسمه حياة أبدية لا تزول وزارعاً في قلوبنا سلام دائم بحضوره الرائع والمفرح لنفوسنا جداً ، فلنا أن نفرح لأن أمورنا في يده وحده، ولو تم إغلاق مليون موقع ومنتدى فالرب لنا مُعين وسند دائم لنا فلن يتركنا وسيعمل بكل الطرق لنشر كلمته الحية ويجذب إليه الجميع ، فبنا أو بدوننا سيعمل لأننا لسنا شيئاً لأنه مكتوب : [ إذاً ليس الغارس شيئاً ولا الساقي بل الله الذي ينمي ] (1كو 3 : 7) ، [ والغارس والساقي هما واحد ولكن كل واحد سيأخذ أجرته بحسب تعبه [ (1كو 3 : 8) ... فلنُصلي أن يتمجد الرب في كل موقع وفي كل مكان ويتمجد اسمه ويتبارك ويعمل في القلوب لكي تعرفه وتحيا له ، ونشكر الله أن هذا الموقع قام بدوره على قدر طاقة من فيه لأجل مجد اسم الرب الذي يفتح ولا أحد يُغلق، ويُغلق ولا أحد يفتح، ولا يسرنا شيء سوى إعلان مشيئته وما يحسن في عينيه يفعل ونحن بين يدية نطيع ونشكر لأجل حبه وعنايته بنا ليلاً ونهاراً ... المسيح إلهنا القدوس الحي والحاضر معنا بملئ مجده ومجد أبيه والروح القدس يفرح قلبك رافعاً عنك كل ضيق ويهبك فيض دسم النعمة حسب غيرتك ومحبتك لعمل الله الثالوث القدوس الذي له المجد والكرامة إلى الأبد آمين |
| الساعة الآن 08:23 PM. |
Powered by vBulletin
Copyright ©2000, Jelsoft Enterprises Ltd.