|
اكبر كارثة ممكن الشاب المسيحى يعملها
فى الموضوع ده انا بتكلم عن علاقة الشباب
بالشابات وعاوزه اقول حاجات مهمة فى غاية الخطوره اللى هى ان فيه كتير من الشباب المسيحيين بداو انهم يتعلموا طباع اهل العالم ويبصوا للفتبات على شيىء للمتعه والتسلية ولتمضية الوقت وكمان الاكتر ان فيه منهم بيعملوا رهان مع بعض على حساب مشاعر فتاة ويشوفوا مين اللى يوقعها فى دباديبه ورمش عينيه ويقولوا ان البنات دى حاجة يثبت بيها رجولته او مغامرة يفتخر بيها قدام زملائه ويقول انا البنت الفلانيه وقعت فى دباديبى وبتتمنى رضاى وانا اللى رميها زى ال .......او ال...... ومش عاوزه اقول انا احتراما لكرامة كل الفتيات عزيزى الشاب خلى بالك وخلى بالك كويس كما تدين تدان اوعى تفتكر ان بنات الناس لعبة تلعب بيهم الكورة كما تدين تدان لانك اذا كنت انت يامسيحى بمجرد ماتعرف سر عن بنت معينة بتفضح بيها الدنيا امال الغير مسيحى يعمل ايه اذا كنت انت بتلعب بعواطف البنات وتكدب عليهم وتخدعهم امال غيرنا يعمل ايه مع بناتنا اذا كنت انت بتحتقر بنت غلطت او ارتكبت خطية امال غيرك يعمل ايه فيها ان كنت انت بتذم وتقلل من كرامة بنت مسيحيه امال المسلم يعمل ايه قوللى يعمل ايه ؟؟؟؟؟؟ هى البنت دى مش مسيحيه زيك ولا انت من دين وهى من دين كما تدين تدان هناك بعض الشباب المسيحى كان السبب فى ان هناك فتيات تركت المسيح لانه لعب بيها الكورة ورماها رمية الكلاب فاضطرت خوفا من الفضايح انها تسيب المسيح واهلها وتترك ايمانها والسبب ايه السبب ايه شاب مسيحى حقيير هو اللى وصلها للحالة دى والشاب اللى زى ده ربنا هايحاسبه اضعاف لانه لعب ببنات الناس الكورة ووصلهم لمرحلة الياس اللى فيها تركوا المسيح كما تدين تدان لو انت مسيحى حقيقى ماتتكلمش كلمة حقيرة او بذيئة على بنت مسيحية وماتقللش من كرامتها انما العكس تشكر فيها ترفع من كرامتها لانك مش انت تقول كده وانت اساسا انسان خاطى لا والف لا انت لما بتقلل من شان بنت او امراة مسيحيه كانك بتقلل من كرامتك انت وبتشجع اى انسان غير مسيحى انه يتعدى عليها كما تدين تدان ان راحاب الزانية دخلت فى سلسلة نسب السيد المسيح لانها امنت بخطة الله اله العبرانيين وكمان صدقت المواعيد وكمان المراة اللى اتمسكت وهى بتعمل اخطية المسيح دافع عنها مع انها فعلا زنت يعنى فى حالة تلبس السامرية اللى كانت ليها اربع ازواج والخامس عايشة معاه بالحرام المسيح عاملها بكل محبه ماقلهاش ابعدى عنى يانجسة او انا مش بتكلم مع زوانى بالعكس معاملته كانت معاملته ليها فيها اقوى انواع الرحمة يبقى ازاى انت تحاسب بنت مسيحية او امراة نفترض انك عرفت اسرار حساسة عنها ليه هو انت احسن من السيد المسيح علشان تحاسب وتتكلم وهاتستفيد ايه قوللى كما تدين تدان ياربى يسوع المسيح خلينى انسان جديد ابعد عنى النظرة الردية نضف قلبى من الكره والحقد نضف عقلى من افكار اهل العالم يامدبر كل الامور استطيع كل شيىء فى المسيح الذى يقوينى |
موضوع مهم روز ونشكر الرب يسوع لوجودك ووعمله سلام الرب يسوع لكم |
ليتنا نتعقل ونحيا حياة التقوى والموضوع له أهمية خاصة النعمة معك كل حين آمين |
الموضوع جميل جدا وياريت كل الشباب تفهم الكلام ده ويعملوا بيه ... وكما تدين تدان
ربنا يعوضك وننتظر المذيد... |
موضوع مهم جداااااااااااا يا روز وبجد ميرسى علية
ويارب الشباب تفهم الكلام دا كويس وتقدرة ربنا معاكى ويستر علينا صلى علشانى |
موضوع حلو اوى وكويس انك قولتيلة علشان ممكن تحصل اى حاجة قدام واحد وما يعرفش ينصح اللى قدامة بس صدقينى مش كل الولاد زى ما انتى متخيلة فى ناس كويسة والبنت لازم طبعا والمفروض انها تخافظ على نفسها
|
الكلام مظبوط ومحدش يقدر يقول حاجة عنوا بصراحة
بس دة مش يمنع ان فى ناس كويسة وفى حاجة كمان احب اقولها ان مفيش بنات عبيطة دلوقتى يعني الاتنين الكلام موجه ليهم شكرا |
موضوع مهم اوىىىىىىىىى ياريت فعلا الشباب تستفاد بكلام دة لانو مهم جدا
|
فعلا يا مينا كموضوع مهم اوى
وكان المفروض ان احنا نتناقش فيه من زمان وميرسى لمروورك ربنا معاك |
ميرسى استاذ ايمن لمروورك
ربنا يبارك حياتك |
امين يا silaazez
يارب كل الشباب والشابات يفهموا الكلام دة وبعملوا بيه ميرسى لمروورك ربنا معاك |
ميرسى مارجو لمروورك الجميل
اتمنى ان الموضوع يكون عجبك ربنا يرعاكى ويحافظ عليكى |
طبعا يا مكاريوس مش كل الولاد كدة
اكيد فى ولاد كويسين جدا ومش بيفكروا فى كدة خالص واكيد لازم البنت هيا كمان اللى تحافظ على نفسها لان فى بنات كتير هى اللى بتخلى الولاد يفكر فى كدة ربنا يحافظ علينا كلنا وميرسى لمروورك ربنا يباركك |
لا ياهيما بالعكس فى بنات عبيطه
وهى اللى بتدى فرصه للشاب انه يفكر فى كدة بس طبعا مش كتير ربنا يحافظ على ولاده وبناته وميرسى لمروورك ربنا يباركك |
ميرسى مريم لمروورك الجميل
ربنا يرعاكى ويحافظ عليكى صلى عشانى |
مرسي اوي يا روزة علي الكلام الجميل ربنا يبارك |
العفو يا مرمر
وميرسى ليكى انتى ع مرورك الجميل دة اتمنى انا الموضوع يكون عجبك ربنا يرعاكى ويحافظ عليكى صلى عشانى |
موضوع جميل ومهم اوى ياروز ميرسى ليكى
|
ميرسى ليكى نرمو لمروورك الجميل
ربنا يرعاكى ويحافظ عليكى |
للاسف فى بنات مخدوعة فى كتير من الولاد ...............ميعرفش الولاد غير الولاد الزيهم
|
صح كلامك يا love_lorn199
وربنا يحافظ ع اولاده ربنا يبارك حياتك |
شكرا على الموضوع الجميل دة. ربنا يعوضك
|
موضوع جميل يا روزا و يا ريت كل الشباب يستفيده منه و يعرفوا ان بنات المسيح غليين عنده اوي زي ولاده . و اللي بيلعب مع بنت من بناته بيحزن قلب الهه جدا.
|
موضوعك مهم جدا اشكرك على تعبك واطلب من الله ان يحافظ على اولاده بنات وولاد ربنا يعوض تعب محبتك
|
ميرسى اوى ايساك لمرووورك
ربنا معاك |
ميرسى اوى يا larasmy لمروورك وكلامك الجميل دة
ربنا يبارك حياتك صلى من اجلى |
ربنا يحافظ علينا كلنا اسامه
وعلى كل اولاده وميرسى لمرووورك الحلو دة ربنا يبارك حياتك |
بسم الأب والأبن والروح القدس إله واحد آمين
أولا : أشكرك يا روز على موضوعك الجريئ الحساس جدا اللى يهم جميع الناس ثانيا : ألومك على توجيهك اللوم على الشاب بل بالعكس أتحداكى وأمام جميع الأعضاء أن أى شاب لايستطتع أن يقع فى شباكه أى شابه من طرفه هو وحده إلا إذا كانت الفتاه عندها الأستعداد بل وهى تبدأ الأول وبعدين تعمل تقيله والشاب عبيط فاكر أنه دنجوان وهو للأسف قطعة شطرنج فى أيد الفتاه تحركها كما تشاء وده راجع مش لعدم تربية الفتاه ( حاشا لله ) أنما الفتاه عايزه تقلد صاحبتها التقليد الأعمى أو عاوزه تسبت لنفسها (لشطانها ) أنها بنت أحلى من كل البنات والشباب بيجرو وراها زى أزايز الحاجه الساقعه ده رئيى ولكى حرية الكلام 0 أخوكى ظريفhttps://www.orsozox.com/forums/images/icons/cross03.gif |
أما بالنسبه لرحمة السيد المسيح اللى ذكرتيها رجاء لانفهما خطأ على أنه تسيب بل أنها محبه لأن الخطيه حصلت خلاص زى آدم وحوا
عاملها بكل محبه ماقلهاش ابعدى عنى يانجسة نحن نجد السيد المسيح شديد جدا فى الوصايا لا تقتل لا تسرق لاتشهد زور لاتزن لا000 ألخ ونجده غيور جدا على كنيسته بيتى بيت صلا وأنتم جعلتموه مغارة لصوص 00000 أذهبوا عنى يا ملاعين أنا لا أعرفكم |
موضوعك رائع جداً يا روز ربنا يحافظ على بناتنا وشبابنا من كل سوء وشكرا لموضوعك الجميل |
اختي الجميلة روز بجد موضوعك هايل لكن كلامك كان جارح جدا للشباب بدون اي دلائل ولا اثباتات انا مع أستاذي الأستاذ ظريف في الرأي انا اعرف بنات بيتكلموا عن الشباب بنفس الطريقه اللي انتي ذكرتيها علي الولاد وحصلت قدامي بنت كانت بتكلم شاب .. الشاب غلبان جدا وملوش اي تجارب وهي حسسته انها بتحبه ولما مشي قولتلها شكله بيحبك فقالتلي رد غريب قالتلي ده ايه ياعم هو انا اصوم اصوم وافطر علي بصلة عزيزتي لماذا تعلقي شاب في حبك وانتي لا تحبيه ولما بتسيبه بينهار وبيتعب نفسيا وحياته بتضيع من ايديه وبيفقد كل حاجه حوليه ولماذا كثير من البنات يتصرفون مع الشباب بطريقه يجعلونهم يظنون بهم السوء طالما زي مابتقولي البنات والمسيح والولاد والمحبة ياريت كل بنت تسلك تعاليم المسيح في اللبس في الهزار في الكلام لكن بجد اغلبية البنات هما اللي بيدوا سكة للشباب يعملوا كده انا مش ببرر موقف الشباب ولا بساعدهم لكن قبل ما اصلح تصرفات غيري اصلح تصرفاتي انا الأول والشاب اللي يبهدل بنت المسيح او العكس بالنسبة للبنات لعنة الله عليه وربنا مش هيسيبه وبجد ميرسي كتير علي موضوعك ياروز واتمني اني لا اكون قد اطيلت عليكم واذكروني في صلواتكم |
ماااازلنا ننتظر الرد من كاتب الموضوع !!!!!!!!
|
اقتباس:
من قال لأخيه يا أحمق يكون ..............؟؟! انا اسف جدا يا روز مش من حقك تجمعى كل الشباب فى مكان واحد و تجعليهم بطباع واحدة وبعدين البنت زى ما بتقع فربية ساعات كمان الولد بيقع فريسة بعدين البنت عندها عقل زى الولد تمام لايزيد و لاينقص عن عقله يعنى ربنا عملهاى عقلها علشان تركنه و تستعمل عواطفها بنسبة 100% ؟! وبعدين بدل ما نفضل نقول زيد و عبيد و ده عمل و ده سوى نقوم حالا نصليلهم علشان ربنا ينجى الكل من الشيطان و فخاخه و يخفف علينا الحرب و بعدين الأخت اللى بتسيب المسيح بسبب الشاب المسيحى ال........ دى فقدت كل رجاء فى المسيح و تعامل معاملة المنتحر كانت المفروض ترجع لخالقها و خالق الشاب المسيحى ال...... و هو يتصرف سامحينى ان كان كلامى جارح لكن متسمحيش للشيطان يلعب بأفكارك "أنت بلا عذر أيها الإنسان" صليلى و سامحينى يكونوا معاكى ما يكون عليكى |
ماتزعلش يا dodo1985 أخت عرفت غلطتها ومكسوفة ترد عليك وانتا قلبك كبير ومتسامح وهى مش هتعمل كده تانى وأنا باهدى النفوس وبس
|
مازلنا فى أنتظار كاتب الموضوع لكى يعتذر للشباب
|
أعتقد يا ظريف ان المخطئ فى حقنا لا يمكن يرد علينا مش يعتذر عموما انا قبلت الإعتذار علشان الحياه فيها بلاوى اكبر من لعب المراهقين بس للأسف لما بنشوف مشكلة بنستعمل فيها عاطفتنا و الشيطان استاذ و رئيس قسم فى إلهائنا عن محبة حبيبنا و فادينا و الغافر للسامرية خطيتها وده اعتذار منى لكل البنات و الولاد اللى وقعوا فى التجربة الصعبة دون معين بص و شوف السامرية راحت تملى من الميه لقت عند البير شخص بقلب كبير راحت عطشانة للمية رجعت رويانة من الحنية ياريت كلنا نبقى السامرية |
شكرا يا روز على الموضوع الجميل و المفصل الشرح الذى شد انتباهى من اول حرف الى اخر حرف شكرا لكى
و ان جيتوا للحق فى ناس كتير مش تستاهل اسم المسيح مش شرط اولاد ولا بنات و ربنا يهدى الجميع ___________ خارج الموضوع ـــــــــــــــــــــــــ ــــــــــــــ أرحمنى يا الله كعظيم رحمتك و مثل كثرة رأفتك أمحو كل آثامي و خطاياى مثلما قبلت دعوة داود عبدك اقبلنى لك . |
اجور المزيد من هذى المواضيع التى تخص شاب
gegeشكر اعلى تعب محبتكوم |
؟!؟!؟!ّ؟!؟!؟!؟!؟!؟!؟!؟!؟!؟!؟!؟!
|
كما تدين تدان يعنى مينفعش حد من بنات او الولاد انهم يتكلمو على بعض او يجراحو بعض ولكن ايضا فيه انت بلا عوزر ايوها الانسان يعنى مينفعش تسيب المسيح او تعمل اى حاجه غلط فى الهها عشان تراب ورماد وفيه شباب كتير صدقينى بيسيبو دنهم بسبب الجرح العاطفى ولو مسيبش دينو بيبعد عن ربنا كاننا مسيرين وليسو مخيرين يعنى لازم ربنا يسير البنت تحت طوع الولد او العكس عشان نرضى عن الله
|
| الساعة الآن 06:23 PM. |
Powered by vBulletin
Copyright ©2000, Jelsoft Enterprises Ltd.