كدبه

عماد حسنى 2010/06/30 - 10:25 PM 6,098 مشاهدة 38 رد القسم الادبي

مفتوح

2010/06/30 - 10:25 PM · منذ 15 سنة

كدبه

كــتــير بنـصـدق أوهام
وبنفضل عايشين فكدبه
وغــيــرنا بيـعـرف يـنام
وهـو ســــبب اللـعـبه ..

خـلاص مــفـهـاش كـلام
فيــها بـس ضـحـكه !!!
ضحكتها علـيـنا الأيــــام
وبقينا تايهين فى رحله ..

رحله مشــــينا فيها
ناسين رايحين لفين
ولما وقفت خطاوينا
أفتكرنا احنا مين ..

احنا اللى ملناش تـمن
فـى دنيــــا الـغــداريـن
واحنا اللى دفعنا التمن
فى حاجه ماتسواش دمعتين ..

احنا اللى عشـنا الألـــم
ماسبناش حتى فى كلمتين
وبرغـــم دروس الـنـدم
على التعب متعـــودين ..

أتعودنا نشوف حزننـا
والفرح مش شــايفين
حتى لو غمضنا عينينا
مش فارقه فى الحالتين ..

هـاتـفـرق أيه !!!!!
كل شىء أخدنا عليه
بطلنا نسـأل حتى ليه
عشان مافيش جواب تلاقيه ..

مافيش حاجه تعوض سنين
مافيش ضمان لسنين جايين
لكــن ؟؟ فــى قــلـوب خاينين
راحتهم على حساب التعبانين ..

تعبانين لكن ساكتين !!
جفونهم مقفوله ودموعهم سهرانين
بتجرى بنار حـرقه وأنين
دموع بتغسل كدب السنين ..

كـتير بنصـدق اوهــــام
وبنفضل عايشين فكدبه
وغـيرنا بـيـعـرف ينـــام
وهو سبب اللعبه .....
...........

بطاقة الكاتب الموثوق

عماد حسنى

مسجل منذ: 2007 مساهمات: 9,092 الصفة: شاعر المنتدى

يتوافق هذا المحتوى مع معايير الموثوقية والدقة. يرجى مراجعة سياسة التحرير والنشر لمعرفة المزيد.

safrota el shakia

2010/06/30 - 10:32 PM · منذ 15 سنة

احنا اللى ملناش تمن
فى دنيا الغدارين
واحنا اللى دفعنا التمن
فى حاجه ماتسواش دمعتين ..

الله كلماتك فى منتهى الروعة دى فوووق الروعة بجد
كلمات كلها مشاعر واحسيس انسان مجروح ندمان ع غدر الزمن
تسلم ايديك ياشاعرنا وتعيش وتكتبلنا اجمل واجمل
ربنا يباركك ويبارك خدمتك

twaty

2010/06/30 - 10:34 PM · منذ 15 سنة

أتعودنا نشوف حزننا
والفرح مش شايفين
حتى لو غمضنا عينينا
مش فارقه فى الحالتين ..

الكلمات حلوة اووووووووى مش عارفة
اقول اية بس احساس عالى فى منتهى الرووووووعة
والجمال بجد تسلم ايدك وتعيش وتكتب
احلى كلام
ميرسى على الموضوع

عماد حسنى

2010/07/01 - 09:20 AM · منذ 15 سنة

اقتباس من: safrota el shakia;696048
احنا اللى ملناش تمن

فى دنيا الغدارين
واحنا اللى دفعنا التمن
فى حاجه ماتسواش دمعتين ..

الله كلماتك فى منتهى الروعة دى فوووق الروعة بجد
كلمات كلها مشاعر واحسيس انسان مجروح ندمان ع غدر الزمن
تسلم ايديك ياشاعرنا وتعيش وتكتبلنا اجمل واجمل

ربنا يباركك ويبارك خدمتك

متشكر جدا جدا يا كوكى لردك وحضورك
شكرا لمحبتك وزوقك ومشاركتك
ربنا يباركك ويفرح قلبك وحياتك

عماد حسنى

2010/07/01 - 09:23 AM · منذ 15 سنة

اقتباس من: twaty;696049
أتعودنا نشوف حزننا

والفرح مش شايفين
حتى لو غمضنا عينينا
مش فارقه فى الحالتين ..

الكلمات حلوة اووووووووى مش عارفة
اقول اية بس احساس عالى فى منتهى الرووووووعة
والجمال بجد تسلم ايدك وتعيش وتكتب
احلى كلام

ميرسى على الموضوع

شكرا جدا يا تويتى
شكرا لاحساسك بالكلمات وردك وتعليقك
نورتى الموضوع باجمل حضور
الف شكر يا تويتى
ربنا معاكى ويفرح كل ايامك
ودايما منوره القسم الادبى وكل المنتدى

كيرو رافت

2010/07/01 - 10:48 AM · منذ 15 سنة

احنا اللى ملناش تـمن
فـى دنيــــا الـغــداريـن
واحنا اللى دفعنا التمن
فى حاجه ماتسواش دمعتين ..

احنا اللى عشـنا الألـــم
ماسبناش حتى فى كلمتين
وبرغـــم دروس الـنـدم
على التعب متعـــودين ..

صدقنى يا عماد انت تستاهل الامانه كلها
ايه يا ابنى ده انا عاجز عن الكتابه
عاجز عن الرد
وايه ممكن اكتبه يساوى كلامك او يعبر عنه
ايه اللى ممكن قلمى يقدر يسطره
يعبر عن حرف واحد من كلامك
رائع يا عماااااااد وده العادى بتاعك
يا فنان يا ملك الاحساس

tigeregypt

2010/07/01 - 11:20 AM · منذ 15 سنة

كثيرا ما ينجح بنا الوهم فنتمادى في تضليل انفسنا
جربت تحلم ببكره
جربت تجرب ضحكة
ضحكة تخلق فرحة
فرحة من القلب حتي لو تبقي ذكري
فرحة ليوم واحد
حتكون بكل العمر
صديقي عماد
تقبل كلماتي المتواضعة تشارك مشاعرك الصادقة
كل الفرح لقلبك

dina_285

2010/07/01 - 11:50 AM · منذ 15 سنة

الله الله علي الاحساااااااس العالي
اللي بيوصف احلي واجمل مشااااعر بتضيع
في غدر الناااااااس والزماااااااان
مشاااااعر مكانها فوق الراااااس
بس الناس بحقدهااااااا عليها بتدوس
وبتمحي الحب والطيبه من الوشوش وتحب تكون غداره بكل الوشوش
تعيش تضحك علي دمعه بتنزل من قلب برئ
كل ذنبه انه حب الناس صحيح
يلاقي نفسه في كدبه كبيره يفوق بعد اوهااااااام كتيره
هو بس اللي عايش فيها هو بس اللي شايفها حقيقه
لكن الحقيه(كدبه)كبيره من وسط ناس خطيره
بجد ياااعمــــــــــــــــــــــاد انت رااااااائع وفناااااااااان
ربنااااااايفرح قلـــــــــــــبك ويحميك من غدر الزمـــــــــــان
اااااسفه علي الاطاله في الرد

nermos1982

2010/07/01 - 12:28 PM · منذ 15 سنة

مافيش حاجه تعوض سنين
مافيش ضمان لسنين جايين
لكــن ؟؟ فــى قــلـوب خاينين
راحتهم على حساب التعبانين ..

تعبانين لكن ساكتين !!
جفونهم مقفوله ودموعهم سهرانين
بتجرى بنار حـرقه وأنين
دموع بتغسل كدب السنين ..

كـتير بنصـدق اوهــــام
وبنفضل عايشين فكدبه
وغـيرنا بـيـعـرف ينـــام
وهو سبب اللعبه .....

كلمات بجد رائعة يا عماد.بجد مش لاقية تعليق ممكن اقوله
ربنا يفرح قلبك يارب ويكون معاك دايما

emmmy

2010/07/01 - 06:10 PM · منذ 15 سنة

#10

احنا اللى ملناش تـمن
فـى دنيــــا الـغــداريـن
واحنا اللى دفعنا التمن
فى حاجه ماتسواش دمعتين

كلماتك ملهاش مثيل يا عماد انا خلاص مبقاش عندى كلام اوصف بية جمالها حقيقى ابدعت يا فنان اد اية انا مبسوطة برجوعك ووجودك فى وسطينا تانى ورجعت تكتب وتبدع يا ارق احساس
بس مين قالك اننا ملناش ثمن يا عماد ازاى تقول كدة دا انت مدفوع فيك اغلى واعظم ثمن يا فنان انت نسيت ولا اية ؟
دا الثمن اللى اندفع فيك ميكفهوش جواهر ولالى العالم كلة
دم المسيح مكانشى رخيص يا عماد هو دة الثمن اللى اندفع فيك وفيا
اما اذا كنت انت دفعت ثمن فى شئ ميسواش دمعتين فدة ذنبك انت
وغلطتك انت او غدر من الزمن والظروف ممكن
مرسى يا عماد لكلماتك الرائعة

اشرف وليم

2010/07/01 - 06:40 PM · منذ 15 سنة

#11

jojo2020

2010/07/01 - 06:44 PM · منذ 15 سنة

#12

كلمااااات جمييييييلة جدا يكفى ان احنا غاليين اوى اوى عند ربنا

ريم الخوري

2010/07/01 - 07:44 PM · منذ 15 سنة

#13

أتعودنا نشوف حزننـا
والفرح مش شــايفين
حتى لو غمضنا عينينا
مش فارقه فى الحالتين ..

ميش معقول هل احساس يا استاز عماد من وين عم بتفرغ كل هل طاقة من المشاعر
بس لى نظرة غير هيك اسمحلى علق خاصة لهل مقطع ايمي مشاللة ما قصرت لقطت الجانب الروحي وبايدها اكيد عليه بس انا هل مرة تعليق غير
الانسان براي سيد نفسة بارادتةبيصدق وبيعيش الكدبة بيسعد نفسة او يتعس نفسة والحالتين تفرق لية هو ميش للاخر
ورح يضيق على حالة ميش على الاخر لانة از بيحبس حالة بقوقعة الحزن واليائس الحياة اكيد رح تضل هيك لانة اصلاً ميش شايف غير هيك ورح يتعود كتيرورح تكلبش بيه اكتر الاحزن يعني متل المرض بالزبط از ما لحقتة واعطيت مضاد رح يتوغل اكتر ميش رحي يتركة ابداً باكدلك بخبرةةةةةةةةةةةةةة الانسان دايما بالمسيح يخلي بصيص امل واتكال بتدبير حياتنا وانا متاكدةمن ايمانك من هل شيء
ويهتدي بنور المسيح ليغير حياتة للافضل بعيد عن الحزن
والياس
الحياة صعبة اكيدبس مع شوية تفائل اكيد بتهون عن جد كلمات معبرة وقاسية جداً لنفس ميش لحد تاني
لان التاني ولا على باله هاد از حس بانة سبب لهيك حالة
وغـيرنا بـيـعـرف ينـــام
وهو سبب اللعبه .....
......
الرب يبارك حياتك ويحفظك بنورة
نفسي مرة بشعر متفائل بعرف هي احساس وكتير بتكون اقوي بس اهي امنية بقي يعني متفائلة ...........

عماد حسنى

2010/07/01 - 10:06 PM · منذ 15 سنة

#14

اقتباس من: كيرو رافت;696323
احنا اللى ملناش تـمن

فـى دنيــــا الـغــداريـن
واحنا اللى دفعنا التمن
فى حاجه ماتسواش دمعتين ..

احنا اللى عشـنا الألـــم
ماسبناش حتى فى كلمتين
وبرغـــم دروس الـنـدم
على التعب متعـــودين ..

صدقنى يا عماد انت تستاهل الامانه كلها
ايه يا ابنى ده انا عاجز عن الكتابه
عاجز عن الرد
وايه ممكن اكتبه يساوى كلامك او يعبر عنه
ايه اللى ممكن قلمى يقدر يسطره
يعبر عن حرف واحد من كلامك
رائع يا عماااااااد وده العادى بتاعك
يا فنان يا ملك الاحساس

حقيقى يارافت انا اللى بكون عاجز عن محبتك وكلامك واخلاصك
بجد انا اللى مش بكون عارف اكتب مقابل ردك ومحبتك ايه
الف الف مليون شكر لكل حاجه يا رافت
ربنا يخليك ويفرح كل ايامك ودايما دايما منور القسم بتاعك والمنتدى وكل الدنيا باحلى واجمل رافت فى الدنيا

عماد حسنى

2010/07/02 - 12:34 AM · منذ 15 سنة

#15

اقتباس من: tigeregypt;696327

كثيرا ما ينجح بنا الوهم فنتمادى في تضليل انفسنا
جربت تحلم ببكره
جربت تجرب ضحكة
ضحكة تخلق فرحة
فرحة من القلب حتي لو تبقي ذكري
فرحة ليوم واحد
حتكون بكل العمر
صديقي عماد
تقبل كلماتي المتواضعة تشارك مشاعرك الصادقة
كل الفرح لقلبك

حقيقى بجد يا حنان
متشكر ليكى جدا جدا جدا
لاضافتك للموضوع جمال
والاهم هو نورك فى المنتدى اللى مش ممكن نستغنى عنه
واثباتك لمحبتك الغاليه وحضورك اللى بنتمناه دايما
نورتى بكلماتك وحضورك ومشاركتك
ربنا معاكى ويقومك بالف مليون سلامه ودايما موجوده باجمل اضافات وموضوعات

الموضوع التالي الـــحب هـــو الـــحب

الموضوع السابق خـــايف