ياريتنى مكانك
عارف انا قاعد فين .. قاعد دلوقتى فى مكانا القديم
قاعد ودموعى بتناديك .. قاعد وناسى بدور عليك
قاعد ودموعى بتناديك .. قاعد وناسى بدور عليك
قاعد فى نفس المكان .. اللى ياما جمعنا زمان
بس المره دى قاعد لوحدى .. قاعد وكان نفسى أحكى
بس المره دى قاعد لوحدى .. قاعد وكان نفسى أحكى
ياما رسمنا هانعمل أيه .. ماكناش نعرف اللى بكره مخبيه
كان حلمك كبير وبتحب الدنيا .. جه الموت أخدك فى ثانيه
كان حلمك كبير وبتحب الدنيا .. جه الموت أخدك فى ثانيه
قاعد بتقطع بقلبى عليك .. عمال أقول ياريتنى ياريت
ياريتنى أنا اللى كنت بدالك .. فى ناس كتير أوى محتجالك
ياريتنى أنا اللى كنت بدالك .. فى ناس كتير أوى محتجالك
وانا اولهم ببكى دلوقتى .. من غيرك تايه عايش لوحدى
نفسى أحكيلك اللى تاعبنى .. ماكنش غيرك بيتحملنى
نفسى أحكيلك اللى تاعبنى .. ماكنش غيرك بيتحملنى
مشيت وسبتنى لهمى وبكايا .. اول مره تخلف معايا
اول مره استناك ومتجيش .. كان نفسى انا ..وانت اللى تعيش
اول مره استناك ومتجيش .. كان نفسى انا ..وانت اللى تعيش
كنت انسان طيب وجميل .. عايش لغيرك من غير تمثيل
قلبك ابيض مليان بالخير .. ياما اديت من غير تفكير
قلبك ابيض مليان بالخير .. ياما اديت من غير تفكير
كنت بتحب من قلبك بجد .. كنت بتقدم بدون اى حد
حتى مشوار موتك عشانى .. حبيت تريحنى مارجعتش تانى
حتى مشوار موتك عشانى .. حبيت تريحنى مارجعتش تانى
جت الدنيا غدرت بيك .. خطفت شبابك وطفت عينيك
هافضل عمرى وحياتى ابكيك .. دى دموع عمرى شويه عليك
هافضل عمرى وحياتى ابكيك .. دى دموع عمرى شويه عليك
ربى يسوع انا عارف انك .. حنين اوى على كل خيلقتك
واللى انتقل من قلبه بيحبك .. ارجوك أرحمه واختاره جمبك
واللى انتقل من قلبه بيحبك .. ارجوك أرحمه واختاره جمبك
أذكره هو وكل اللى معاه .. كل اللى فاتونا وتركوا الحياه
عزانا ياربى فى عظيم رحمتك .. واللى سابونا راحوا لمحبتك
عزانا ياربى فى عظيم رحمتك .. واللى سابونا راحوا لمحبتك
-----
انا عارف ان الموضوع دمه تقيل
بس حاولت اكتب حاجه لصديق
عند ربنا دلوقتى ولو فى ايديا اكتبله اكتر من كده الف مره
ارجوكوا صلولوا هو وكل اللى انتقلوا ان ربنا يرحمهم
واسف للموضوع تانى
بس حاولت اكتب حاجه لصديق
عند ربنا دلوقتى ولو فى ايديا اكتبله اكتر من كده الف مره
ارجوكوا صلولوا هو وكل اللى انتقلوا ان ربنا يرحمهم
واسف للموضوع تانى