فعل ورد فعل 5

اقتباس من: روفــــا;474219

انا بجد مستغرب الموقف دة مع انى من الناس اللى يلاقوا اى خطا فى اى مكان اى ان كان بس مكنتش اتوقع ان حكاية زى دى تحصل انا اعرف ان الخدام ممكن خادم يتكلم مع دى ويرغى مع دى وتسلية بالنسباله بس هما بيكونوا فاكرينه يتكلم بجد بس اول مرة اشوف موقف زى دة انا راى اقول لاب اعترافى واب اعترافه اقل حاجة مع العلم انها لازم تتكلم مع والدتها علشان تقدر تفكر تعمل اية والوالدة متعملش حاجة معها الا بحكمه علشان الموضوع موش يتطور بالنسبة للبنت بس بجد انا معرفش ازاى فى اباء كهنة متخدش بالها من خدام الكنيسة المفروض اول ناس ياخد اعترافتهم الخدام ازاى الكهنة مبيعملوش كدة صحيح كهنة الايام دى غير الكهنة اللى هما اللى يتقال عليهم كهنة انا بجد حسيت ان كهنة الايام دى كهنة كجول انا اسف جدا على الكلمة بس بجد انا بشوف كدة بعينى والموقف زى دة يخلى الواحد يقول اكتر من كدة والله يلمس قلوب الناس كلها ويهديهم ويصلح الموقف دة ويدبر الامور للخير دائما

اقتباس من: nona queen;474258

الموضوع فعلا حساس وصعب اوى على البنت
بس بصراحه انا بلوم البنت لانها كان لازم تبقى حريصه اكتر من كده وبعدين دول فى الخدمه ومامته برضه يبقى ازاى
كان ممكن تقابلها فى الكنيسه ولا بدون مقابله خالص
المفروض طالما الولد عايزها يبقى يروح يقابلها مع اسرتها فى اى مكان بره وبكده مامته تشوفها وتتعرف عليها
على العموم مش اقدر اقول غير ان ممكن تروح لابونا اللى ماسك الخدمه او اى اب كاهن مثلا اب اعترافها عشان يمكن ترتحله فى الكلام بدون حرج وتحكى على كل شىء وتخليه يتدخل واكيد هايعمل الصالح ويمكن يقدروا يتجوزوا بعد كده
انا عارفه انه صعب عليها لان صورته هاتبقى جواها صوره الوحش اللى غدر بيها مش صوره الملاك اللى كان بيحبها
وكمان صعبه عليه لانها سقطت من نظره بس بصراحه مش لاقيه حل غير كده وكويس انهم من دين واحد وربنا بيغفر ويمكن يدخل بيتهم لو اتملى صلاه ويزول اى كره من جواهم ويرجع يتحول لمحبه واحترام
ربنا كبير ومفيش حاجه تكتر وتصعب عليه بس اهم شىء الصلاه باستمرار داخل بيتهم فى المستقبل
ميرسى مجدى لمواضيعك الحيويه
قد ايه بستمتع بقرايتها والرد عليها لانها بتبقى مش مواضيه لا دى دروس وتنبيهات لكل واحده فينا
ربنا يباركك ويعوضك

اقتباس من: مجدي الخواجه;474463

هو اولا المفروض يكون في حرص اكتر من كده
وده ليس معناه فقد الثقه بالناس طبعا لا
لان المفروض علي الاقل هذه الفتاه تعمل تلفون صغير للام خصوصا انها تعرفها كويس
وكمان المفروض مدام الام عايزه تكلم الفتاه يبقي هي الي تتصل بالفتاه وتحدد المعاد بعتبار انها تعرفها
وكمان هيكلوا في ايه الخطوبه مثلا وحاجه زي كده يبقي المفروض الكلام كله بلقي من الام الي الفتاه
عامتنا انا شايف بمظرتي المتواضعه انها تلجأ لاحد الباء المقربين للطرفين لحل المشكله
ونطلب من ربنا انها تكون مجرد نزوه لهذا الشاب وبعد الزواج يجتهد بان يمحو هذا الموقف الصعب من ذاكره الفتاه بحتوائه لها بمحبته
وتدخل رب المجد
اشكرك جدا اخي لطرحك لهذا الموقف
اقبل مني كل محبه

اقتباس من: مادونا نبيل;474513

هو بصراحه يا مجدى الموضوع صعب اوى اوى

بس بصراحه من وجهه نظرى ان البنت غلطانه
انها تروح مع حد بيته مهما ان كان الحد ده خادم
و كمان الحاجات دى ياما حصلت فى الافلام
و الحاجات دى و عدين فعلا لو مامته فعلا عاوزة
تكلمها كانت كلكتها فى التليفون او قابلتها فى الكنيسه
لكن هى اظاهر زى مانتا تقول انها طيبه زياده عن اللزوم
و بصراحه ده مش معقول يبقا خادم للمسيح
لكن بالنسبه للبنت بقا فهى موقفها صعب
و بجد هى المفروض انها تكلم اباء كنيسته و اب اعترافه
لكن مش تثق فيه اصلا حتى لو جه اتقدملها لانه هو ماكانش
بيحبها فعلا و كمان مش خايف عليها

بس بجد مش عارفه البنت ممكن تعمل ايه

اقتباس من: koko spa;474560

بوص يامجدى اولا بحييك على فكره فعل ورد فعل عامه انا اول مره اشوفها

ثانيا من غير لوم ونقول الغلط فين

كل كاهن فى الابراشيه بيتخصص فى مواضيع معينه بمعنى
اكيد فى ابراشيتها فيه كاهن متخصص فى الحالات ديه

هاروح واحاول اقناعها انها تيجى معايا ونكلمه بمنتهى الصراحه ولازم تقول انها غلطت

واكيد الاب الكاهن عنده الحل لان لا ديه اول مشكله هاتمر عليه من النوع ده ولا هيه اخر مشكله لانه ببساطه متخصص فى الحالات اللى زى ديه

اقتباس من: lolaemo;474576

بص انا لو صديقة ليها هانصحها انه تقول لمامته ولو مقدرتش انا هاقول لمامته واتكلم معاها ولو معملتش الام حاجة هروح للاب الكاهن واحكيله ولقوله كل حاجة
ده مستقبل البنت وسمعتها وسمعة اهلها وانا ممكن كنت ابقى مكانها فى يوم من الايام
ربنا يستر على ولاده