المساعد الشخصي الرقمي

مشاهدة النسخة كاملة : اسكتش عيد الام المطلوب


كراكيب
03-16-2009, 09:48 PM
مسرح عرائس لعيد الام
تخرج عروسة من خلف الستار وتقول
صباح الخير ياولاد كل سنة وانتوا طيبين انا انهاردة هحكيلكم علي حكاية جميلة قوي حصلت معايا انا واخويا وماما اللي هي عيدها بيبقي امتي هه طيب انا بقي عاوزاكم تقعدوا ساكتين خالص ومتعملوش دوشة عشان اعرف احكيلكم الحكاية هه نرشم الصليب مع بعض عشان احكي لكوا الحماية ( بعدما يرشموا الصليب تخرج عروسة اخري هي اخوها وتقول )
عروسة 2 : صباح الخير ازايك يا موزة عاملة ايه ايه ده مين دول
عروسة 1 : دول يا بندق : تقول اسم الكنيسة ) وانا كنت هحكيلهم الحكاية اللي حصلت معايا انا وانت وماما
عروسة 2 : نعم لا انا اللي هحكي الحكاية ماليش دعوي
: لا انا اللي سبقتك وانا اللي قلنلهم الاول وانا اللي هحكيلهم الحكاية
: بقولك انا اللي هحكيها يعني انا اللي هحكيها وبعدين ده انا حافظها صم
: خلاص ياعم مش هتفرق احكي انت ياعم وخلص
: ايوة كدة يالله ياولاد ايه ايه ده مش تفكروني مش لازم نرشم الصليب الاول برده يالله بسم الاب ( بعد رشم الصليب تخرج عروسة ثالثة هي الام وتقول
الام : صباح الخير ياولاد
: صباح الخير ياماما
: ايه ياولاد الدوشة دي ده انتوا صوتكم واصلي وانا واقفة اقلي البتنجان في المطبخ هو انتوا مش عارفين ان بابا يسوع قال لنا قبل كدة اننا لازم نبقي هاديين
: ايوة ياماما
: طيب امال ليه كنتوا بتزعقوا
: انا هقولك ياماما
: لا انا اللي هقولك
: ياسلام يعني انت عاوز تحكي الحكاية وكمان تحكي لماما
: حكاية حكاية ايه
: اصل ياماما انا وبندق كنا عاوزين نحكي للولاد الامامير دول القصة اللي حصلت معانا السنة اللي فاتت يوم عيد ميلادك
: اه طيب انتوا بتتخانقوا ليه انا عندي اقتراح كل واحد هيحكي شوية وانا اللي هبدا خلاص موافقين
: موافقين ياماما
: يالله ياولاد نرشم الصليب مع بعض
: السنة اللي فاتت ياولاد وبالظبط يوم واحد وعشرين مارس اللي هو عيد ايه عيد الام ولادي حبايبي دول كانوا عاملين حاجة حلوة قوي قوليلهم ياموزة انتوا كنتوا عاملين
: انا واخويا بندق كنا جايبين علبة وحوشنا فيها فلوس كتيييييييييير عشان نجيب هدية لماما في عيد الام
: وبعدين يابندق كمل انت
: المهم ياولاد احنا قعدنا نفكر نجيب ايه لماما رحت قلت لاختي احنا لازم نجيب لماما حاجة مش عندها
: فعلا ياولاد هما في الاول كانوا هيجبولي طاسة بس لما لقوا ان عندجي اتنين قالول لا احنا هنجيب حاجة تانية هه كملي ياموزة
: المهم ياولاد احنا قعدنا نفكر وفي الاخر قلنا خلاص هنجيب لماما مبشرة بطاطس كبيييييييييييرة
: كمل يابندق
: احنا ياولاد فعلا جبناها بس حصلت مشكلة
:كملي ياموزة
: المشكلة ياولاد هو ان احنا لما جينا ندي لماماالهدية لقناها تعبانة قوي قوي وبابا مكنش معانا في البيت رحنا قعدنا نفكر نعمل ايه لازم نودي ماما المستشفي
: واحنا ساعتها كنا لسه صغيرين المهم قعدنا نفكر لغاية ماجتلي فكرة
: لا انا اللي جاتلي الفكرة
: وبعدين ياولاد
: خلاص ياماما احنا الاتنين فكرنا مع بعض واتفقنا ان انا انزل ادور علي توكتوك لماما وموزة تاخد بالها منها لحد مااجي
: وفعلا انا فضلبت قاعدة جنب ماما وعملتلها كمادات كتيرة
: وبعد شوية ياولادج لقيتهم داخلين عليا وسندوني لحد مارحت المستشفي وجابولي الدوا وانا ياولاد ساعتها فرحت باللي هما عملوا ده اكتر من فرحتي بالمقشرة وانتوا برده ياولاد لازم تساعدوا ماما في كل حاجة
( انا اسف للتقصير ولعدم خروج مسرح العرائس كما ينبغي ولكن ذلك لضيقة الوقت انا كتبته حالا في حوالي عشر دقائق اذكروني في صلواتكم ميلاد نبيل )

Nana_English
03-18-2009, 12:38 AM
حقيقى يعلم ربنا مش عارفه اشكرك ازاى
شفت اكتر من مسرحيه لكن مش لقيت ولا واحده لعيد الام
وكنت محتاجاها جدآ
شكرآآآآآآآآآآآآ ليك كتيررررررررر
وربنا يعوض تعبك فى هذه الخدمه

magdy totti
03-19-2009, 01:08 AM
ههههههههههههههههههههههههه هههههههههههههههههه
بجد الله ينور هاااااااااااااااااااااااا اااااااايل بجد ربنااا يعوضك
بس لاسف كنا عايزين اكتر من كده مش مهم المهم انت مش نسينا يا ميلاد
ربنااا يفرح قلبك
صلى من اااااااااجلى

شنودة سعيد
04-15-2009, 04:05 AM
هاااااااااااااااااااااااا اااااااااايل مش قادر اوصف

كراكيب
04-25-2009, 03:54 PM
ربنا يخلليك ياشنودة ويارب اعبك دايما

كراكيب
03-19-2010, 04:16 PM
كل سنة واتم طيبين

r3ed
03-13-2011, 10:02 PM
مشكورة كتير
الله يعطيكي العافية على المجهود الرائع

r3ed مر من هنا