المساعد الشخصي الرقمي

مشاهدة النسخة كاملة : اني اري الرب امامي في كل حين.1


موني
06-15-2007, 09:25 PM
المعجزات اللي حصلت معايا كتيرة جدا جدا و عظيمة و المسيح اتمجد معايا جامد جدا, وكان ندر عليا ان الناس كلها تعرف اللي حصل عشان يعرفوا عظمة المسيح و بركة شفاعة القديسين.
و اليكم الذي حدث(مع العلم انا مش قريبة من المسيح غير يا دوب اروح اتناول و كفاية كدة).......:
كان عندي مادة الترم دة اسمها Mangment و المادة دى فرعية اة بس رخمة جدا و الدكتور متعصب و حالتة حالة و انا كالعادة ما كنتش بذاكر المادة الفرعية ولا طبعا الاساسية كالعادة.
المهم امتحنت الكويز الاول ف المادة دي عكيت فية و كتبت اجابات من مادة تانية خالص اة هو هو نفس الدكتور بتاع المادتين بس انا دخلتلة الدنيا ف بعضها ...مش مهم عدوها يا جماعة.
جاة امتحان الميد ترمmid_term ودخلت اللجنة و انى اعرف اجاوب علي كلمة ما فيش
انتم متخيللين انا ما كتبتش و لا اي حاجة اجابة للسؤال بس عملت حاجة كدة و قلت اهو نشوفوا المعجزات و شفاعة القديسين قمت كتبتلة اول 3 سطور كلام اهبل و ف رابع سطر كتبتلة(هو لازم يكون فيلوباتير و يشتغل مع دميانة عشان يحلوا المشكلة دي) بس باللغة الانجليزية(he Must Be Flopateer And Work With Demyon To Solve This Problem)
و فوق ف اول سطر في ورقة الاجابة من فوق خالص رسمت صليب منور قد كدة مش كبير قوي بس يتلاحظ و نورتة كمان.
بس المهم حصلت علي 4 من 10 في امتحان الميد ترم.
و جاة امتحان اخر السنة وطبعا كالعادة يا جماعة انتم عارفنني ما فتحتش المادة غير في الساعة الا ربع اللي قبل الامتحان و كان لازم عشان اضمن اني اجح في المادة اجيب 30 من 50 يعني اقفل الامتحان بتاع اخر السنة وكانت الصدمة النفسية و العصبية التي اصابتني اني عرفت احل سؤالين من اربع اسئلة بس و مش كاملين كمان.
كانت معايا رملة ابونا العظيمابونا يسي فقمت حطيت شوية رملة ف ورقة الاجابة و كتبت بشفاعة ابو سيفين و دميانة اعدى في المادة بالقلم الرصاص و قمت مسحت اللي انا كتبتة.
و ها هما قد تشفعا لي عند الرب و عديت في هذه المادة بمعجزة عظيمة ببركة شفاعة الشهيد العظيم ابو سيفين و الشهيدة دميانة و ابونا يسي وحصلت علي مقبول مرتفع+d
ودة تقدير اعلي من تقدير اللي كانوا جايبين درجات اعلي مني في الكويز و الميد ترم
بركتهم فلتكون مع جميعنا امين
:36_1_44: صلوا لاجل ضعفي:36_1_44: باااااي

aymonded
06-15-2007, 11:03 PM
غنى النعمة والسلام لك في كل حين يا احلى غالية في ربنا يسوع
مكتوب اعطِ ما لقيصر لقيصر وما لله لله
طبعا انت غلطانة بكل تأكيد انك مش بتذاكري كويس وبحسب قولك : (( كالعادة ما كنتش بذاكر المادة الفرعية ولا طبعا الاساسية كالعادة ))، والمرة دية ربنا عداها كده علشان البساطة اللي اتصرفتي بيها وعلشان يفرح بابا وماما اللي تعبوا من أجلك كتير جدا

ولكن أحذري لأن ان كان الله بيسمح بمعجزة ولكن دوة مش على حساب القانون الطبيعي لأن كل شيء تحت السماء منسق ومنظم وأولاد الله معروف عنهم الإجتهاد والبذل والعطاء والأمانة الشديدة في كل شيء إنما ما تقولينة لا يرضي أحد على الأطلاقوعلى الأخص الله بل هو حزن للجميع وحتى القديسين ...

الخلل في المذاكرة والتواكل على الله من الأخطاء الشائعة عند الجميع وعلى الأخص في هذا الجيل ، هذا لا يمجد الله على الأطلاق ولا يشهد له ابداً ، فأن سمح الله بالنجاح أحيانا بسبب اننا غير مدركين لما نصنع فهذا ليس معناه أنه يتركنا نستمر هكذا بلا مجهود ، وبعدين المفروض تتوبي عن عدم مذاكرتك وتعرفي ان في ناس استحقت الدرجة لأنها تعبت وذاكرت وانت اخدتيها بس علشان الله حب يكافئ بابا وماما ويكلل تعبهم ولكن أعتقد أن دوة كفيل يخليكي تخلي بالك من مذاكرتك وتتعبي وتبذلي وتجتهدي فيها بشده وأكتر من أي حد تاني ...

المعجزات تحدث ولكن لا يكون الإنسان مهمل أو متكاسل او فيه تواكل على الله هذا غير مظيوط روحياً على الأطلاق ، لا يرضي الله ولا قديسية ، وأوعي تفتخري بما حدث لأنه خزي مش فخر يا احلى غالية وشيء محزن مش مفرح ، ولا أحد يتكل على هذا لأن اللي بيذاكر ويعتمد على مجهوده في نور الله وخضوعة لقوانين الطبيعة ينجح ويتمجد الله في نجاحة ويكلل مجهوده أمام الكل ويطلق عليه إنسان أمين ، أما من يتكاسل ويعتمد على معجزة فقد أحزن الله وقديسية ويطلق عليه إنسان قد تهاون في حق نفسه والواجب المفروض عليه ، وياريت لو تتأني وتقراي الكتاب المقدس وكلمة الله تعرفي أني اتكلم بالحق وصدق الإنجيل ، ولا تنسي الوصية كن أمبناً إلى الموت !!!

أشير على الجميع أن يبذلوا مجهود ولا ينسوا انه مكتوب لا تجرب الرب إلهك ويفتكروا ان كان الله احياناً يسمح بالنجاح رغم عدم أمانتنا إنما لكي نتعظ ونستيقظ من إهمالنا وتكاسلنا ونخلي بالنا وننتبه لحياتنا ولا نتهاون أبداً مهما كانت الأسباب أو الحجج ، هكذا علمنا الآباء القديسين محبي ربنا يسوع ...

النعمة معك ومع الجميع كل حين وننتظر ان الله يكلل كل تعب ومجهود بالنجاح والتوفيق

موني
06-16-2007, 04:24 PM
شكرا ع الرد . انا طبعا عارفة ان عدم مذاكرتي دة غلط كبير و طبعا ما انصحش حد يعمل كدة ابدا .
انا مش حبرر عدم مذاكرتي بس ربنا اعلم بالحال.
انا لما كتبت المعجزة دي و لسة في معجزات غيرها كتبتها عشان فعلا المسيح اتمجد معايا جامد.
انا عارفة ان عدم المذاكرة دي حاجة تزعل المسيح مني و تخزلة وتقصر رقبة ولاد ربنا اللي المفروض يرفعوا اسم المسيح.
بس انا برضوة ما كتبتش المعجزة افتخار بنفسي لاء لاء لاء انا كتبتها افتخار بالمسيح اللي اعني رغم تقصيري و فرحني و عزاني عن الحزن اللي كان امتلكني ف الوقت دة و وقف جنبي في وقت انا كنت فية في قمة الياس و ما كنتش شايفة اي حاجة قدامي حلوة.
المهم شكرا ع الرد الظريف دة و للمرة التانية انا ربنا اتمجد معايا في وقت كان من اصعب الاوقات اللي مرت عليا .
صلي لاجل ضعفي:)موني:)

اللة يرعانى
06-24-2007, 05:53 PM
يارب ربنا وقدسين يبقى معاك على طول بس لازم تزاكر برضك ربنا يحافظ عليك

مرموره
09-11-2007, 11:57 PM
بركتهم معانا ديما
ويارب تنجحى كل سنه و القدسين يقفوا معاكى بس تكونى بكل مجهودك †

kiko
09-12-2007, 09:51 AM
على فكرة ياااجمااااااااعة الموضوووووووع مش عاااااااارف اقولكم اية بس
هاقولكم
بس الى قرا الموضوع ورد استاذ ايمن ورد مونى علية ممكن يتعلم درررررررررس
من اجمل دروس الحيااااااااااااااااة
بجد فعلا مش عاااارف اقول اية شكراااا ليكى مونى على الدرس الجميل دة

موني
09-12-2007, 01:56 PM
ميرسي يا جماعة علي مروركم وردودكم بس صدقوني و بمنتهي الامانة انا كنت بمر بظروف حطمتني نفسيا لدرجة اني ما كنتش قادرة افتح كتاب من كتر الياس.....

و ندرت ندور عليا اني لو عديت صافي الترم دة رغم تقصيري و عدم مذاكرتي ندر عليا اكتب المعجزات دي والناس كلها تعرفها مش عشان خاطري انا و لا عشان الناس تقول دي انسانه كويسه لالالالالالالالالالالالال الالالالالالالالالالالا


انا كتبتهم و لسه حكتب عشان امجد المسيح و قديسيه و عشان في ناس كتيررررررررررررررررر بتمر في ظروف صعبة و بتياس و بتفتكر ان دي نهاية العالم و مافيش اي امل فانا حبيت اعزيهم بالمعجزات دي لان اصعب حاجة في حياتنا و اللي دايما بيبقي فيها مشاكل بالهبل هي مرحلة المذاكرة و الدراسة عموما

kiko
09-12-2007, 01:59 PM
شكرااااااا مونى

موني
09-12-2007, 02:43 PM
شكرا لمرورك كيكو

minabobos
09-12-2007, 04:04 PM
يارب ربنا وقدسين يبقى معاك على طول بس لازم تزاكر برضك ربنا يحافظ عليك

bishoy
09-19-2007, 03:08 AM
ربنا يبارككم على كل الردود نفسى بس اقول ان
ربنا حنين
واحيانا كتير ضعفنا واهمالنا بيظهر غنى نعمته وبركته
هى مش دعوه للتواكل وعدم المذاكرة بس اتمنى اننا نتعلم نشوف بركه ربنا فى وسط عجزنا
وغناه فى وسط فقرنا وقوته وقت ضعفنا
فيه دايما امل مهما اتاخرنا او اهملنا فيه دايما امل ان الله يتدخل ويعمل حاجه
انا نفسى استغل الفرصه بتاعه الموضوع ده واقول لكل شخص فينا انه فيه امل مهما كان حاسس انه متاخر او حتى انه ضاع
يمكن الأمتحانات والمذاكرة شىء بسيط
بس فيه امتحان كبير ناس كتير بتهمله ومش بتهتم بيه هو امتحان الأبديه
علشان كده نفسى اقول لكل بعيد اتشجع وتعال علشان ينفع ابوك يقبلك
ونفسى اقول لكل خادم وخادمة اوعوا تفقدوا الأمل فى توبة ورجعوا ولادكم للكنيسه مهما كان شكل الحاله انه بقى صعب اوى
دايما ربنا عنده حل
ربنا يبارككم كلكم

موني
09-19-2007, 07:16 AM
شكرا علي الرد الرائع دة و بجد انا مش لاقيه كلام اقوله لانك بجد قولت كل الكلام اللي ممكن يتقال

انا فعلا لما كتبت المعجزات دي كتبتها لان في ناس كتير بتمر بنفس الظروف دي و اصعب منها و بيفقدوا الامل فانا حبيت اعزيهم

ربنا يبارك حياتنا امين

مرمر
09-19-2007, 09:20 PM
شكرا اوي
بركة صلواتهم تكون معانا
ربنا يعوض تعب محبتكم

nrmo
09-19-2007, 10:56 PM
شكرا مونى وبركة صلواتهم تكون معانا كلنا وربنا معاكى

ميرا2000
02-07-2008, 10:08 AM
مونى انا عضوة جديدة وحبيت انقل معجزات اللى بتحصل للناس واللى حصلت معاكى عشان تعرف اد اية ربنا مش بيسبنا لو فيها زعل انا ممكن منقلهمش
ياريت تردى عليا بسرعة من فضلك