المساعد الشخصي الرقمي

مشاهدة النسخة كاملة : ترنيمة+لا يهود صلبوك ولا حتى رومان+

dolagy_jesus
03-23-2008, 06:51 AM
+لا يهود صلبوك ولا حتى رومان+
لا يهود صلبوك ولا حتى رومان
دا بايدى ياربى انا صلبتك
اعمالى وشرى فى ايدى كرباج
وبعزمى وجهلى انا جلدتك
اخرج من صمتك عنفنى
امسك كرباجى وكتفنى
وبقوة حبك اضعفنى
دا انا ياما غلط وعزبتك
تسليمك طبعى وغواية
وفلوس بيعك لسة معايا
مع انك محفور جوايا
سالونى عليك رحت نكرتك
اصرخ اصرخ من المك من ضربى
واضربنى بايدك على قلبى
شوف قلبى لية قسى على ربى
دا انا ياما رفضتك ياما سبتك
مسامير ايدك ايدى سنتها
اشواك المك بذرة نسيتها
زرعت معاها شجرة سقيتها
خدوا منها الخشبة وصلبتك
كسر اغلالك قيدنى اكسرلى قيودى ساعدنى
اخطفنى لحبك ابعدنى دانا ياما عنيدتك وبعدتك
انا بارباس لية تشيلى صليبى
قلع هدومك من الاعيبى
وقرع التوبة جات فى نصيبى
ومسكت الحربة وطعنتك
انزف انزف من المك من جنبك
واغسلنى بجسدك وبدمك
فتحلى عينيا على حبك
دا انا ياما بغمض وبخالفك
دا الخل اللى شربتة عصيرى
ومرار طعمة من تاثيرى
قصة قتلك من تدبيرى
نزلتك قبرى ودفنتك
اخرج من قبرك دا مكانى
واترك اكفانك دى عشانى
واصعد للسماء وارجع تانى
قومنى بموتك وقيامتك
قومنى بموتك وقيامتك

اذكرونى فى صلاتكم
+دولاجى+
جرجس رمزي
03-23-2008, 01:07 PM
شكرا ليكي كتييييييييييييييييييييير كلمات الترنيمة روووووووعة
بس كان نفسي اسمعها
أذكريني في صلاتك
Team Work®
03-23-2008, 01:27 PM
حلوة قوى الترنيمة دى ربنا يفرح قلبك امين
minabobos
03-23-2008, 03:40 PM
الله الله بجد مش عارف اشكرك ازاى ع الكلمات الجميل
وميرسى ليكى اوى ع انك اهتمامى بالكلامات
dolagy_jesus
03-23-2008, 08:19 PM
شكرا ليكي كتييييييييييييييييييييير كلمات الترنيمة روووووووعة
بس كان نفسي اسمعها
أذكريني في صلاتكميرسى يا جرجس لمرورك الجميل
وانا نزلتها فى قسم الترانيم ادخل وحملها واسمعها
ربنا يفرح قلبك صليلى كتير
+دولاجى+
dolagy_jesus
03-23-2008, 08:20 PM
ميرررررسى هيما لمرورك الجميل
وميرسى ليك مينا
اذكرونى فى صلاتكم
+دولاجى+
بنت الباباكيرلس السادس
03-08-2010, 12:15 AM
انظروا ترنيمة كورال ابناء الملكوت اعلن ذاعتك قريبا ع الموقع الترنيمة دى اهداي الي شهداء نجع حمادى