شعبي حبيبي

[MICKEY]

بقلم : مايكل سامي




http://store2.up-00.com/Mar11/DqB13606.jpg




هما مش احلي مني ماهم بشر وانا بشر

حابب اتكلم معاكم عشان حسيت بخوفكم اللي انتشر



هو شهيد وهي شهيده سرقوا الملكوت في ثواني

وفيها ايه لما اموت بس اكون جمب اللي فداني



اقتلونا عزبونا مش هنخاف ابدا من الموت

طالما هروح جمب حبيبي واسرق لحظة الملكوت



اوعي تخاف اوعي تخافي ربنا رب كبير

قادر ينجي قادر يوري بس هو ليه تدبير


يارب شعبك محتاك لعطفك محتاج للنظرة من عينيك

محتاج توري للناس تخلي يعرفوا قيمة صنعة يديك



فجأة لقيت نور رهيب وصوت جالي من وراه

واحد بيقولي بصوت جميل مش قادر انسي صداه



ابني حبيبي كلامك تعبني بس انت ابني الحبيب

من ازاك ازاني ومن ضربك ضربني بس انا هتصرف قريب



ياسكندرية ألمك تعبني نزل بكايا من عنيا

بس حبايبك هنا ويايا جمب شهيد العمرانيه



ويانجح حمادي شهدائك في حضني واديتهم اكاليل كمان

مابقاش في فرق مابين مارجرجس او مابين ابانوب كمال



شعبي حبيبي منقوش في كفي عيني مش متشاله من عليك

قول يارب من جوه قلبك هتلاقيني ماسك ايديك

-----------------------
ملحوظة : انا اعلم جيدا ان هناك فرق كبير بين مارجرجس وابانوب كمال لأن الله قال في بيت ابي منازل كثيرة
ولكن اقصد بالمعني ان الاثنين حصلوا علي لقب شهاده
اي الاثنين مشتركين مع بعضهما في نفس الدرجة وليس في نفس الرتبه
وشكرا

[كيرو رافت]

اوعوا تخافوا
مدام معانا ملك الملوك هانخاف من ايه
وهو بنفسه قال لا تخافوا ها انا معكم كل الايام الى انقضاء الدهر
يبقى ازاى نخاف من من يقتل الجسد ولكن ليس له سلطان على الروح

كلمات فى منتهى الروعه يا مايكل وكلها ثقه وقوة وايمان
ويا ريت بجد كلنا نطرح الخوف خارجا

[maro-mrmr]

حلللللللللللللللللللللللل للللو جداااااااااااااااااااا الكلام
وبجد عايزين قلوبنا يملاها الامان

[elshbah]

ايييييييييييية الكلام الجميل دة شكرا لموضوعك الجميل دة يا استاذ:مايكل سامى

[فيولا توتا]

ربنا يعوضك

[كراكيب]

ربنا يعزينا
شكرا يامايكل للكلمات الجميلة دي

[emmmy]

عجبتنى كلماتك يا مايكل جميلة حقيقى
برافوا عليك -- حسيت فيها ايمان وثقة وتسليم
شكرا ليك كتير ربنا يملى قلوبنا بالامان
والفرح والايمان والصبر

بس انا ليا تعليق صغنون
مينفعشى نساوى مارجرجس بانوب كمال يا مايكل
مش للدرجة دى مارجرجس دة امير الشهداء صاحب سبع اكاليل
مرسى ليك كتيرر

[بحبك يامصر]

وأنا كمان معاكى يا إيمى مارجرجس راح للأستشاد بأرادته وأستحق أنه يكون أمير الشهدا
لكن الشهيد أبانوب أتاخد غدر وخوانه مش أستشهاد بإرادته فى فرق كبير ومنتظرين أعمال أخرى قصيده حلوة جدا

[MICKEY]

ياجماعه لحد امتي هتبصوا للي قدام عنيكم ومش هتبصوا للي بين السطور

مانا صدقوني كنت في مدارس الأحد وانا صغير وعارف ان مارجرجس اخد سبع اكاليل
وشوفت الفيلم بتاعه كمان اكتر من 15 مرة

وعارف كمان ان ربنا قال في بيت ابي منازل عديده

يعني فيه درجات
عارف كل ده صدقوني

ولكن انا هنا مش بتكلم عن درجات الشهاده
انا بتكلم علي المضمون
ان ده شهيد وده شهيد

ولم اتكلم عن الدرجات

انا بقول

ويانجح حمادي شهدائك في حضني واديتهم اكاليل كمان

مابقاش في فرق مابين مارجرجس او مابين ابانوب كمالربنا اده لمارجرجس اكليل شهاده ولشهداء القرن ال 21 اكليل شهاده

ياريت منخلطش الامور وقبل مانكتب تعليق نقرا اللي مكتوب اكثر من مرة

ولما تلاقوني كاتب مبقاش فيه فرق بين عدد اكاليل مارجرجس وعدد اكاليل ابانوب كمال
ابقوا اكتبوا اللي انتوا عايزينه

شكرا لجميع الردود وربنا يبارك الجميع

[كيرو رافت]

من ملك التكييس الى السيد ميكى القاطن بدير البدرشين لا تشرب الماء الذى ارسلت اخوك بولا فى طلبه المياه موش معدنيه المياه ميه عاديه

حبيب قلبى ميكى انا معاك فى رايك
وكمان ربنا عمره مافرق بين شهيد وشهيد وقديس وقديس مهما كانت اعمالهم الصالحه وجهادهم
بدليل قوله ان السماء تفرح بخاطئ واحد يتوب اكثر من تسعه وتسعين بارا لا يحتاجون الى توبه
يكفى هذا الفرح السماوى بتوبه الخاطئ
او الشهيد حتى وان كان اتاخد غدر زى مابيقول صديقنا الغالى
واعتقد انه لو اتيح له حق الاختيار ماكان ليختار اكثر من انه يكون شهيدا باختياره

شكرا ليك يا ميكى بجد على الموضوع الرائع جدا جدا والكلمات اللى بجد فى غايه الروعه والتعزيه

[WENDY]

جميله قوي ربنا ينيح ارواحهم في فردوس النعيم
ويبارك حياتك

[MICKEY]

يارافت اصل نفس الكومينت لقيته علي الفيس بوك
واللي يحرق الدم ويشلك ان اللي كتبته بتقولي واشمعني مزكرتش غير ابانوب كمال
ماهو فيه شهداء تانيين كتير ولا عشان هو امور وحليوه


:@:@:@:@
قولتلها لا انا كتبته عشان يمشي مع الوزن والقافيه بتاع البيت


ارحمني يارب

وبعدين انت ايه اللي دخلك مابيني انا وايمي
هي بنت بلدي لكن انت ابن مين :)

[حنين سنين]

مساء الفل يا فل مو ضوعك جميل بس خليك فى حالك احسنلك يا مكمك بدل ما افوق عليك وانت عارف هقول ايه

[MICKEY]

مش انتي اللي هتقولي
البرفان والاسكارف والكرافات والترينج وال ................... هما اللي هيقولوا :(

اتكتمت اهو

[safrota el shakia]

ربنا يعزى اهاليهم
ويتشفعولنا امام عرش المسيح
بجد موضوعك فوق الروعة ياميكى
ربنا يباركك ع تعب محبتك
صلى من اجلى

[بحبك يامصر]

ياأخى العزيز كيرو رأفت أشكرك على ردك بس أنا كمان من حقى أعبر عن ال حسه وبعدين مع أحترامى لرأيك مين قالك أن لو الشهيد أبانوب جاله الأستشهاد هايقول ماشى حاضر انا جاهز مايمكن يكون مش مستعد أو جاهز
سيدنا البابا شنودة حكى قصة سريعة عن شخص معروف أنه قبل مايطلع السما المدام سمعته وهو بيكلم العدرا وبيقولها أنا مستعد يا عدرا أنا جاى
وفعلا أخدت روحه فى تلك اللحظة عشان هو مستعد على عكس شخص تانى جاله الموت مرتين وقال لربنا أتركنى هذه السنة أيضا يمكن أجيب ثمار
بالنسبة لأمير الشهدا كان مستعد وكان مش عايز أى حاجة من الدنيا بدليل أنه ساب كل المجد والكرامة والمناصب ال وصلها فى الجيش وأيه بأه الجيش الرومانى يعنى أعظم أنبراطورية وقتها لكن الشاب أبانوب أكيد كان ليه أحلام وطموحات كان نفسه يحققها وأكيد كان بيرسم حياته بصورة تانية مكنش متوقع المفاجأه دى ال هزت كل أركان بيته وأسرته وأصحابه حتى الناس ال ماتعرفهوش
وياأخ ميكى أنا مش بعلق على كلامك أنا أصغر من أنى أعالق خصوصا أنى ماليش فى الشعر ولا النثر ولا حتى الكتابة أنا صعلوج على أدى بس بحب مارجرجس
ومقصدتش أنك ماتعرفهوش أو مش بتحبه أو بتغلط فيه أو بتقلل من مكانته وكرامته ال /منحهاله رب المجد نفسه أنا بس بعلق على كلمة أن الأتنين أتساووا فى الأستشهاد
أسمح لى ده ال انا معترضة عليه ممكن نقول دمهم أتسفك من أجل عظم محبتهم للملك المسيح
لكن فى النية أسمح لى معتقدش نية البطل كانت واضحة لكن الشهيد أبانوب ربنا يعلم هو كان راسم لنفسه أيه على الأقل ربنا عرفنا قصة البطل العظيم دة ومشواره لكن الشهيد أبانوب مانعرفش غير انه أتاخد غدر وخيانة ومصممة ع الكلمة دى ياأخ رأفت غدر وخيانة لأنه مكنش عارف انه هايموت الليلة دى
أنا حبيت بس أوضح قصدى
لكن بأمانه الله قصيدة جميلة جدا جدا ومعبرة
الشئ الوحيد ال معجبنيش هو الشطر ده
والأختلاف فى الرأى لا يفسد للود قضية
منتظرين المزيد ياريت قصيدة بأه عن ميلاد رب المجد وهذا التجسد العجيب والمحبة الفائقة للطبيعة
ان يضع أحد نفسه من أجل أحبائة
صلوا من أجلى

[twaty]

اللة بجد الكلمات جميلة فى منتهى الروعة
ميرسى ليك وتسلم ايدك

[عماد حسنى]

شعبي حبيبي منقوش في كفي عيني مش متشاله من عليك

قول يارب من جوه قلبك هتلاقيني ماسك ايديك


موضوعك بكل كلماته بتلقائيه وتعبيراته بسيطه وواصله بمنتهى الوضوح
ربنا يباركك يا ميكى ويعوضك ويحافظ عليك وعلى كل ولاده

[الأمبراطور]

موضوع ذات صله بموقع ارثوذكس: شعبي حبيبي - †† ارثوذكس †† (http://www.orsozox.com/forums/showthread.php?t=62677#ixzz2AWErTLOO) http://www.orsozox.com/forums/showthread.php?t=62677#ixzz2AWErTLOO


ابني حبيبي كلامك تعبني بس انت ابني الحبيب

من ازاك ازاني ومن ضربك ضربني بس انا هتصرف قريب

إن كان الله معنا فمن علينا