كلمه تعزيــــــــه

[magdy totti]

سألت كتير نفسي سـايبنى ليه يا يسـوع


وأزاى تسمح ليأسى يســـكن بين الضـلوع



وأزاى أكون أنا ليك وقــلبي أنا مـوجوع


تجارب العالم كويتني بنــارها يا يـــسوع



مشتاق أشوف أنا أيدك تــرشدني للـرجوع


يا بويا أنا مسـتني بصرخة قلـبي المــوجوع



ودمـوعي بقيت علامة لضـعفي يا يـــسوع


أمسح لي دمع عيوني وأروينـى من الـينبوع



من غيرك انا تايه في طريق من غير رجــوع


يارب ليه نسيني دا انا ابنك وقلبي موجــوع



وظنيت بأني وحــدي وفضلت أنادى ربـى


وفاجأه جاني صوت وقالي مالك خايف يابنـى



وبكيت بحرقه قلـبـي هو أنت فكرني ياربى


رد عليا وقــالي ده ضعـف أيـمان يا أبنى



انا واقف هنا جانبك من قبل ما تنــده يابنى


خوفك عدم إيمان وتعبك ملوش مكـان



دا أنت في قلبي مهما طـال الزمــان


دا انا سمحت لك بالتجربه وطلعت غلبان



تبكى وتقول انا سيبتك بقى دا اسمه كلام يا انسان


اسيب ابنى يدور فى طواحين المكان



دا انا سميتك ابنى ودعيتك ليا يا انسان


وكرمتك واديتك نعمه تقوى الابدان



خليك فاكر ياابنى لو دورت فى اى مكان


ما تلاقى قلب يضمك غير قلب ابوك الحنان



ولوهاجت الدنيا حوليك انا واقف جانبك يا انسان


حياتك ليها عندى خطه اتقبلها بحب وامان



دا انا مت بدالك انت واتحملت كل الاهوان


واخره تقول انا سيبتك عيب عليك يا انسان

[emmmy]

اللة يا مجدى كلمات جميلة حقيقى
اد اية مليانة عزاء وايمان ورجاء
مرسى ليك كتير حقيقى
ربنا يرحمنا ويفرح
قوبنا بمجيئة ع
السحاب

[nanas_2010]

نشكرك يارب لانك مش نسينا ....
دا لو اخدو عنينا وحرمونا من اهالينا هنحبك اكتر واكتر
ومهما داقت بينا هنصلي نصوم ونسجد وكفايه رضاك علينا

[اشرف وليم]

شكرا لتعب محبتك
الرب يبارك حياتك

[WENDY]

كلمات جميله ربنا يباركك

[elbashaseho]

نجع حماد كانو سته كانو في صورة واحدة ازاي حنحط 22 في صورة واحدة

[twaty]

كلمات حلوة اوى ميرسى يا مجدى

[jisica]

كلمات رائعة
بس اكيد الرب مابيترك حدا وديما بيسمعنا وبيوقع جنبنا

[ادوارد ادوارد ادوارد 3]

كلمات تعزية رائعة
ان نقد بيت خيمتنا الارضى فلنا اعظم فى السموات.
ربنا يعزى

[magdy totti]

لتكن مشئيتك يارب
الرب يعزى قلوبنا كلنا

[كرستين صفوت]

اجعلنا مستعدين ليك يارب دايما.ادينا الحكمه.
شكراااا يامجدى شعر جميل .

[ادوارد ادوارد ادوارد 3]

الرب يقاتل عنكم وانتم تصمتون