أنا اللي خان [الأرشيف] - †† منتدى ارثوذكس ††

مشاهدة النسخة كاملة : أنا اللي خان

روماني عادل النمر

12-26-2010, 06:56 AM

1-أنـــا اللـي خـان ربـــه وبــاعه بـــاعـه قلـبي أنــا بــمــتاعــه
أنـــا اللـــي يــاما جــرحـت ربي وعمـر قلبي في يوم ماطاعه
أنــــا اللـــي بـعت كـتير بالســاهـل أنـا اللـي قلبه أعمـي وجاهل
أنــــا اللــي ربــه فــداه بــدمه وعـمري يـوم مــاكـنت أستاهل

أنـــا اللـــي تـــــايـها مــني خُــطايا أنـــا اللـي ضايع من يائــسه
أنســـان ضعــــيف مـــلـــيان خـــطايا هـدم نفــسه بـذنوب نفسه
أنا اللي حياته حـــزن وقـــهر ويــوماتي حمــله يـذيد ع الضهر
ولا بنبي بيته في يوم ع الصـخر أبليس خــلاص أســـره وحبسه

2- أنـــا الأبــــن اللــي تــارك أبــوه بــيمشي فــي أي سـكه يتوه
دايمــــــاً ببـــيع الغـــالي رخيص وبدالي ربي يسوع صلـــبوه
أنــا اللـي قــلـبه شــره عـمـاه خـــلاه يبـــيع ربــه اللـــي فــداه
فــــي نــــفسه بــنفسه زرع الشــوك لـــكن بنـفسه بردوا جناه

3-يايســـوع أنــا الخاطئ المـسكين أسـير همـومي وقلـبي حزين
ســـبـــب ألامـي يـارب أثـامـي وشهـواتـي فيـا يومـاتي تهــين
تــوبــني يــاربـي فــأتــوب ســامحــني وأغفــرلــي الـــذنوب
وأنــــا تـــوبــه أبـــعد عنــــك تـــانـي يــاللـي معاك الهم يدوب

كــــلــــمات الــــخـــــاطئ/ رومـــــانـــــي عــــــــادل

كيرو رافت

12-26-2010, 12:35 PM

كالعاده احساس عالى وراقى
كلمات فى منتهى الروعه وجمال المعنى
تسلم ايدك ودايما يا رب منور القسم الادبى بابداعك

اشرف وليم

12-26-2010, 05:50 PM

3-يايســـوع أنــا الخاطئ المـسكين أسـير همـومي وقلـبي حزين
ســـبـــب ألامـي يـارب أثـامـي وشهـواتـي فيـا يومـاتي تهــين
تــوبــني يــاربـي فــأتــوب ســامحــني وأغفــرلــي الـــذنوب
وأنــــا تـــوبــه أبـــعد عنــــك تـــانـي يــاللـي معاك الهم يدوب

روماني عادل النمر

12-27-2010, 03:01 AM

متشكر جدا أ/ كيرو وأنت بردوا كالعاده جميل جدا في ردودك وراقي وربنا يباركك ويباركنا أجمعين ومتشكر لكل اللي مروا....+++

emmmy

12-27-2010, 06:55 PM

اشكرك يا رومانى على كلماتك الجميلة
بس مش كنت تستنى اسبوع الالام وتنزلها
كانت هتبقى اجمل ومناسبة اكتر كدة هنغرمك واحدة تانى لما يجى اسبوع الالام انت اللى جبتة لنفسك بقى هههههههههه
افرح بميلاد يسوع يا رومانى واكتبتلنا من ابداعك عنة
الرب يباركك

روماني عادل النمر

12-27-2010, 08:10 PM

شكرا أيمي علي مرورك وعلي ردك اللذيذ وحاضر هانزل حاجه قريب عن الميلاد
ويارب تكون مواضيعي بتعجبكم بجد والرب يباركنا أجمعين

twaty

04-15-2011, 05:54 PM

-يايســـوع أنــا الخاطئ المـسكين أسـير همـومي وقلـبي حزين
ســـبـــب ألامـي يـارب أثـامـي وشهـواتـي فيـا يومـاتي تهــين
تــوبــني يــاربـي فــأتــوب ســامحــني وأغفــرلــي الـــذنوب
وأنــــا تـــوبــه أبـــعد عنــــك تـــانـي يــاللـي معاك الهم يدوب

اللة بجد كلمات حلوة اوووى
تسلم ايدك وربنا يعوض تعب محبتك

دميانة لطفى

07-15-2011, 03:42 PM

موضوع فى غاية الروعه والجماااااااااااااااااااا اا
بجد كلنا بنحس الاحساس دى كتير
ربنا يعوض تعب محبتك

عماد حسنى

07-23-2011, 12:56 PM