المساعد الشخصي الرقمي

مشاهدة النسخة كاملة : متنتظرش انى اعود

bisho03
05-23-2010, 07:46 PM
متنتظرش انى اعود

سعات بنسى اللى فات
ومفتكرش اهانتى ليك ...
وسعات بعمل حاجات
وعارف انى بدوس عليك ..
وساعات بتمر ناسى ..
وساعات انا ببقى قاسى ..
وساعات فى حياتى كاسى ..
بيكون مليان مرار ...
ساعات بكون قريّب ..
وساعات ببعد وأغيّب ..
وسنين فى التوهه بتعٍب
قلبك م الانتظار .....

متنتظرش انى اعود ..
انا تعبت من الوعود ..
مش قادر ابقى قد وعدى ياربى ليك
قرب انت ياربى ليا ...
خطوتى امشى قصادها ميه ... ..
ايوه لسه نارى فيا
بس قيدها انت بأديك !
بس قيدها انت بأيديك

سعات بنسى الوعود
ومفتكرش غير جراحى
وسعات بسرق ذنوب
ومفتكرش ان انت صاحى
وانت مملتش منى ؟!..
لساك برضه عاوزنى؟
لو كان فيه أمل منى ..
صدقنى انا كنت اجيك
انا قلبى فيه صخور ..
انا ارضى ناشفه بور
وذنوبى ياربى سور ..
حايش احساسى بيك

متنتظرش انى اعود ..
انا تعبت من الوعود ..
مش قادر ابقى قد وعدى ياربى ليك
قرب انت ياربى ليا ...
خطوتى امشى قصادها ميه ... ..
ايوه لسه نارى فيا
بس قيدها انت بأديك !
بس قيدها انت بأيديك

ساعات بلمس اديك
وكتير بلقاك قَريِب
وكتير ببعد اديك
واحاول اكون غريب
وانت برضه مهاودنى ..
ابعد .. تيجى تجيبنى
ولا عمرك بتطالبنى
بحاجه وهبتهالى
مشفتش حد زيك ..
لما اتغربت عنك
مكانى جوه حضنك ..
وبرضه لسه غالى

متنتظرش انى اغيب ..
انا تعبت من الغريب
وانت بس ياربى اقرب منى ليا
انا خلاص قررت اجيلك ..
قلبى منى هيشتكيلك ..
راح تاخدنى فى حضنك وتطبطب عليا

راح تاخدنى فى حضنك وتطبطب عليا


بيشوى جرجس
Sat. 15-5-2010
emmmy
05-23-2010, 10:48 PM
اللة يا بيشوى على كلامك الجميل دة بجد رائع احساسك جميل وحوارك مع ربنا كلة صدق
صادق فى مشاعرك وامين فى القائك
وجميل فى احساسك ورائع
فى تعبيرك حقيقى
اشكرك ربنا
معاااك
bassem8800370
05-23-2010, 11:08 PM
راح تاخدنى فى حضنك وتطبطب عليا

راح تاخدنى فى حضنك وتطبطب عليا

كلمات جميله جدااا يابيشو شكرا ليك جداااا
كيرو رافت
05-24-2010, 12:22 AM
موش عارف اقولك ايه واعيد لك ايه
بجد موش عارف اوصف لك مدى اعجابى وفرحتى بحروف كلماتك
الكلمات فى منتهى القوة والجمال
سعيد بجد لرجوعك وعودتك لمنتدانا الحبيب
bisho03
05-24-2010, 12:46 AM
اللة يا بيشوى على كلامك الجميل دة بجد رائع احساسك جميل وحوارك مع ربنا كلة صدق
صادق فى مشاعرك وامين فى القائك
وجميل فى احساسك ورائع
فى تعبيرك حقيقى
اشكرك ربنا
معاااك

ميرسى كتير ليكى
على الكلام الكتير قوى ده
بس مش شرط تكون دى أمانه بينى وبين ربنا
لكن هى موهبه من ربنا
وأتمنى ان الرسالة تكون وصلت
وبأمانة
bisho03
05-24-2010, 12:47 AM
راح تاخدنى فى حضنك وتطبطب عليا

راح تاخدنى فى حضنك وتطبطب عليا

كلمات جميله جدااا يابيشو شكرا ليك جداااا



شكرا لمرورك
وردك الرقيق
bisho03
05-24-2010, 12:50 AM
موش عارف اقولك ايه واعيد لك ايه
بجد موش عارف اوصف لك مدى اعجابى وفرحتى بحروف كلماتك
الكلمات فى منتهى القوة والجمال
سعيد بجد لرجوعك وعودتك لمنتدانا الحبيب



شكرا لكلامك الرقيق
والف شكر على الرد الجميل
nermos1982
06-01-2010, 06:09 PM
كلمات بجد راااااااااااااائعة يا بيشو وبتعبر عن اللى احنا مش قادرين نقوله لربنا . بجد كلمات جميلة اوى
ربنا يعوض تعبك ويفرح قلبك يارب
bisho03
06-06-2010, 10:52 AM
كلمات بجد راااااااااااااائعة يا بيشو وبتعبر عن اللى احنا مش قادرين نقوله لربنا . بجد كلمات جميلة اوى
ربنا يعوض تعبك ويفرح قلبك يارب


شكرا كتير قوى قوى
على المجاملة الرقيقة دة
صليلى
حنين سنين
06-06-2010, 11:40 AM
موضوع فعلا جميل اوى اوى يا بيشوى وكلماتك حقيقى خارجه بصدق من قلبك ربنا يفرح قلبك ويبارك حياتك