انا محتارة

[بنت الانبا بولا]

بصوا يا جماعة انا عندى مشكلة مش عارفة احلها ازاى انا هقولهالكم وياريت تساعدونى فيها بجد

:10800:انا محتارة فعلا مش عارفة اعمل ايه واتعامل مع الناس ازاى فى اوقات بلاقى نفسى محبوبة من الناس واللى حوالى بيحبونى وفى اوقات بقعد فيها مع الناس والاقى محدش طايقنى ولا عايز يتكلم معايا و لا ياخد برأيى انا مش عارفة ايه اللى بيحصل اصحابى بيحبونى فعلا ولا بيكرهونى كل لما الاقى نفسى محل محبة من الناس بفكر انى انسانة كويسة ولما الاقى نفسى محل كراهية منهم اقعد ادور فى نفسى على الحاجة الغلط اللى خلتهم يكرهونى انا بجد الموضوع دة مضايقنى جدا ياريت تساعدونى وتقولولى اعمل ايه وربنا معاكم

[emmmy]

بصى يا مرمر حبيبتى انتى محبوبة من كل اللى حواليكى بس احيانا الانسان بيحس انة عندة ازواج فى الشخصية بمعنى كل ساعة فى حال اقولك انتى لما تحسى انك مش محبوبة من اللى حواليكى اضحكى اااة صديقنى بجد اضحكى ضحكة بسيطة حلوة ابتسامة يعنى تبعث الصفاء لنفسك والهدوء ممكن جدا يكون دة حرب من عدو الخير علشان تبعدى عن الناس ويعلمك مش تحبى حد اوعى تسمعى كلامة اوعى وبعدين انتى ممكن تشوفى نفسك بحيقيقتها كويس من خلال صحبتك او ماما او اب اعترافك لو بتعملى حاجة معينة حلوة وانتى مش واخدة بالك منها هيقوولك بصدق وانتى مدام بتدور على الصورة بحيقيتها هتقبلى اى تعليق منهم وتصلحى من نفسك فى حالة لو انتى فيكى صفة معينة بتضايق الناس منك فعلا ان لم يكن حرب من عدو الخير ربنا معاكى يا حبيبتى ومتزعليش من الاحساس دة وسهل التخلص منةجدا بنعمة ربنا ومعونتة اطمنى ربنا معاكى يا قمر

[emmmy]

اااة معلش يا مرمر انا بعد اذنك نقلت موضوعك لقسم صندوق المناقشات افضل

[بنت الانبا بولا]

ميرسى خالص يا ايمى على اهتمامك بموضوعى

[انغام الملك داود]

علي فكرة انتي محبوبة من صديقتك الانتيم وانتي عرفة كده كويس

[ehab200549]

علي فكرة مش شرط ان الناس ممكن احيانا تبعد عنك وميخدوش رايك في حاجة انهم بالضرورة بيكرهوك ولكن ممكن هم منشغلين بكلام او موضوعات تانية ممكن تكون اهم شوية ولكن ثقي ان كان كل العالم ضدك فان هناك واحد دائما لا يتركك الا وهو المسيح صلي ان يعطيكي حكمة اثناء كلامك مع من حولك حتي تكسبيهم مرة اخري
سلام المسيح معاكي
اخوكي من اسيوط : ايهاب عوض

[bassem8800370]

خالى واثقه من نفسك شويه
واكيد انتى عرفها انتى بتعملى صح وغلط

[mno-z]

اختي العزيزة بنت الانبا بولا
في كتير من الاحيان الانسان بيعيش لحظان ملل وزهئ وضجر ميرضيهوش اي حاجة
ولاحظي اني هيا فترة زمنية اصيرة بيمر فيها كل البشر في كل الدنيا
ولا يهمك المشكلة مش باللي حوليكي ((( اكيد الكل بيحبك ))) بس ممكن توني
بهالفترة عم تمري بحالة الملل ديا انا بنصحك بهيك حالة حاولي ترسمي البسمة على وشك ولو بسمة كذابة حتلائي الوضع تغير ونفسيتك ارتاحت حتى نظرتك للحوليكي حتتغير وترجعي تشوفيهم يحبونك وهو انعكاس فقط لنفسيتك
يعني بوافق الاخت ايمي ...... ((اقتباس من مشاركة emmmy (http://www.orsozox.com/forums/member.php?u=49304) ضحكة بسيطة حلوة ابتسامة يعنى تبعث الصفاء لنفسك والهدوء ))
ودا شيئ علمي اكيد ......
ولمجرد انتي كتبتي هالموضوع هاد بدل على انك ذات شخصية قوية
واكيد محبوبة

[بنت الانبا بولا]

شكرا ليكم كلكم على ردودكم انتوا فعلا ريحتونى اوى اشكركم على محبتكم واهتمامكم بى وربنا يبارككم كلكم

[ميلاد رجائى حكيم مقار]

كل واحد بيشوف الدنيا على حسب الحالة المزاجية بتاعه يعنى لو انت فرحانه هتشوفى الناس كلها فرحانين ........... و هكذا فلابد لك أم تمتلئ من ثمار الروح و هى الفرح و المحبة و السلام و انت هتحسى ام كل حاجة اتغيرت فعلا

[بنت الانبا بولا]

اشكرك يا اخى ميلاد على النصيحة دى وربنا يباركك

[dodielpop]

ساعات كلنا بنقول الكلمة دي *محدش بيحبني بجد

اتصل بيوحنا 3 :16 لانه هكذا احب الله العالم حتى بذل تبنه الوحيد لكى لا يهلك كل من يؤمن به بل تكون له حياة ابدية
============ =========

[بنت الانبا بولا]

ميرسى ليكى يا دميانة فعلا عندك حق ربنا معاكى ومعكم كلكم

[ايزيس سمير]

احيانا كتير نحن نشعر بأن الاخرين لا يتقبلونا ولكن لانقف عند هذا الحد لانناسوف نشعر بالضيق والدنيا ضاقت بينا والحزن يملا حياتنا
ولكن عندما تشعرين بان الكل لا يريدون السماع لكي فتحدثي مع الله واو مع شفيعك.
الكل يحبك بس احيانا الشيطان بصور لكي هذا الشعور . نحن نحبك بكل قلوبنا وربنا معاكي