ما هو سر مرحلة اليأس

[safrota el shakia]

ما هو الشئ الوحيد ألى يوصل الشباب أو الشابه إلى مرحلة اليأس وان الدنيا وحشه وغير كده أنه يفقد الأمل فى الحياه يفقد الثقه فى الناس ويرى أن الحياه أظلمت أمامه
وغير ذلك يهمل فى دراسته أو فى عمله ؛؛؛ ويفضل تعبان وينسى أن الرب يعرف أعماله
وكل ده ليه ؛؛؛ وأيه السبب ؛؛؛ او أيه الشئ ألى بيعمل كده فى الانسان ؛ وهو للأسف مفيش غير حاجه وحده بس وهو
الحب !!
† † † † † † †


أه الحب هو ألى بيعمل كده فينا ؛؛ بس مفيش حد فيكم سأل نفسه ليه بيحصل كده لينا كلنا وليه بنحس باليأس والعجز والتعب
بنت العدرا هاتقول لكم ليه بيحصل كده
للأسف علشان أحنا بنفهم الحب غلط ؛؛؛ وعمرنا مافهمنا أزاى نحب ؛؛ وامته الحب ده يتم بالزواج ؛؛ وأمته الرب يفرح قلوبنا كلنا
تعالو أقوللكم أيه هو غلطنا

أولاً ؛
الولد لما بيحب بنت أو العكس تلاقيه بيديها قلبه كله لدرجة أنه بينشغل بيها ليل ونهار وكل مايكون فاضى ومش مشغول تلاقى دماغه عماله تفكر فيها لدرجة انه يفضل يفكر فيها لغايت ما ينام وطول اليوم تليفونات ولو مرنتش عليه يزعل ويضايق جدا ×× وهو ده أول غلط أنك تعطى قلبك كله للانسانه الى بتحبها ++ وأحيانا يقولك الولد لوهو مثلاً خادم __ ياراجل دى بتدينى دافع للخدمه أكتر بسبب حبها ** ولكن للأسف هو نسه انه بيخدم ربنا بلسانه وليس بقلبه علشان قلبه كله مشغول ومليان بحب شخص معين
ويقول الرب يسوع
" ياأبنى أعطينى قلبك ولتلاحظ عيناك طرقى " (أمثال 23 ؛ 26 )
وكأن الرب يسوع يترجاك أنك تديله قلبك

ثانياً ؛
يوم ما الولد يفكر فى بنت && يبدأ عقله يفكر فى خطة حياته ويبدأ يرتب مستقبله ويقول أنا هاخلص الدراسه وأخد الشهاده ومعاها مش عارف أيه وأسافر سنتين بره وأجى أعمل بيت وأخطب وبعد كده أسافر وأجى تانى أعمل مشروع
ويفضل يرتب خطه لى حياته ويتكل على فكره وقدراته وزراعه .. المفروض أنك تعمل ألى عليك ومش وألى مفروض منك من تعب ولكن اوعى ترتب لى مستقبلك وحياتك ..لأن الله هو الذى يوهب لنا الحياه .. ويقول لنا الرب يسوع
" توكل على الرب بكل قلبك وعلى فهمك لا تعتمد "(امثال 3 ؛ 5)

ثالثاً ؛
أن الانسان لما بيجب بيدى قلبه كله ولما يدي قلبه إذاً هو بعد عن ربنا وعلشان ربنا بيحبنا وبيبقى عاوزنا معاه يقوم ربنا شايل من قدمنا الشئ ألى شغلنا عنه وده علشان بيحنى ..وهقول لكم أزاى بيحبنا ويقوم نازع الشئ ألى بيفرح كل قلب فينا
يقول الكتاب المقدس
"لأن الذى يحبه الرب يأدبه كأبً بأبن يسر به " ( أمثال 3 ؛ 12 )
ربنا بيأدبك وبيخليك تزعل علشان بيحبك علشان عاوزك ** لأنه شاف أن فى شئ مانع قلبك منه ** فى حاجه حكمه قلبك من نحيته يقوم الرب يشوف أيه ألى بيبعدك عنه
ويقوم نزعه من امامك
وفى الأخر أنت بتزعل علشان الحب ده راح وتبدأ فى حالة اليأس وفقدان الأمل وتوهم نفسك أن الدنيا وقفت أمامك وأن كل الناس خاينه وأن مفيش حد كويس وأن أنا لازم أبقى ضايع علشان الناس تخاف منى وتحترمنى ومحدش يغدر بيه
والأصعب من كده أنه مثلاً مايلاقيش سبب مبرر من انفصال الحب ويموت ويعرف أيه السبب فى أنتهاء الموضوع وفى الأخر ولا هو يعرف أيه السبب ولا البنت تعرف أيه السبب
وسعتها يا حبيبتى لازم تعرف أن ده عمل رب المجد لانه بيحبك وياريت تحفظ الآيات دى وتنفذها فى حياتك ديماً ومتنساش أن ألى جابك للعالم عاوزك تانى معاه فى السما وهو بيحبك ولازم تعرف أنه بيعمل كل حاجه علشانك ولازم تعرف أن رب المجد سهران عليك طول اليل وعينه عليك ولكن للأسف أنا وأنتا وأنتى بنفضل طول اليل نفكر فى الأنسان أو الانسانه الى بنحبها
فوق يا حبيبتى وأفهم معنى الحب كويس وهو ؛؛؛

† † † † † † †
" ياأبنى أعطينى قلبك ولتلاحظ عيناك طرقى " (أمثال 23 ؛ 26 )
" توكل على الرب بكل قلبك وعلى فهمك لا تعتمد " ( امثال 3 ؛ 5 )
"لأن الذى يحبه الرب يأدبه كأبً بأبن يسر به " ( أمثال 3 ؛ 12 )

† † † † † † †

اعطى لى ربنا قلبك وأنت هتكسب كل شئ فى المسيح هاتحب بجد وهتنج فى حياتك الدراسيه والعمليه وهتبقى أنسان مميز فى حياتك كلها ولكن الشرط هو أنك تدى لى ربنا قلبك " يا أبنى اعطينى قلبك " والثانى أنك تتوكل عليه " توكل على الرب بكل قلبك وعلىفهمك لاتعتمد "
وده يبقى سر الثلاث آيات
بقلمى سفروتة بنت يسوع

[samo1984]

ربنا يباركك اختى اغالية
واخنا بنسلم حياتنا للرب وقلبنا لية وبناخد قرار اننا نعيش لية وهو بيكمل المشوار معانا واحنا بنترك لية اختيار طرق حياتنا حسب قلبة ولتكن مشيئتة ونكون بنتحرك بالروح القدس
ويدينا نعمة ان عنينيا مش تشوف غيرة واذانا مش تسمع غير لية
وهو هيكمل وانا كلى ايمان بان الروح القدس اللى فينا بيقودنا ولابد فى اغلب الامور نطلب حضور الروح فى اى اختيار تحت اقدام الرب
ولية كل المجد والكرامة
ونكون اولاد لية حسب قلبة ومشيئتة ويقودنا ونكون محبين لبعضنا
ونكون كنيسة فى اسم يسوع
ويكون فرحان بينا
كل المجد ليك يا رب انا بطلب وجودك معايا فى كل قرار يا روح قدس اللة
فيض فينا يا روح قدس اللة
تيموثاوس2 (1-7)
لان الله لم يعطنا روح الفشل بل روح القوة و المحبة و النصح

[safrota el shakia]

تسلملى ع ردك روعة
ربنا يباركك ويقويك

[brokenheart]

جميل اوى يا سفروته بجد كلللللللل الموضوع جميل بجد بس عارفه ايه اللى وقفت عنده شويه وقولت الناس ممكن تفهمه غلط؟؟ حته انه ميفكرش ف مستقبله اوك ماشى انا معاكى ان احنا نسيب كل حاجه لربنا بس بردو ربنا ادانا عقل هو قال اسعى ياعبد وانا اسعى معاك ياعنى من الاخر بيقولى اشتغل بس تحت عينى وفكر بس سيبها ليا انا هدبرها بردو وممكن ف التفكير يديله هو الحل عادى .. اصل فى ناس ممكن تكسل باه وتقول انا سايباها على ربنا طب مهو مينفعش .. لازم بردو اشتغل .. فاهمه كلامى؟؟ المهم انتى بت زى االعسل وموضوعك بجد جامد زيك


اسفه لردى الطويل دا

[safrota el shakia]

جميل اوى يا سفروته بجد كلللللللل الموضوع جميل بجد بس عارفه ايه اللى وقفت عنده شويه وقولت الناس ممكن تفهمه غلط؟؟ حته انه ميفكرش ف مستقبله اوك ماشى انا معاكى ان احنا نسيب كل حاجه لربنا بس بردو ربنا ادانا عقل هو قال اسعى ياعبد وانا اسعى معاك ياعنى من الاخر بيقولى اشتغل بس تحت عينى وفكر بس سيبها ليا انا هدبرها بردو وممكن ف التفكير يديله هو الحل عادى .. اصل فى ناس ممكن تكسل باه وتقول انا سايباها على ربنا طب مهو مينفعش .. لازم بردو اشتغل .. فاهمه كلامى؟؟ المهم انتى بت زى االعسل وموضوعك بجد جامد زيك


اسفه لردى الطويل دا

اكيد فهماك ودة كان اصدى فى كتابتى لموضوعى
مهو انا مش هعد كدة واسيبها ع ربنا
مانا لازم اشتغل واتعب بس تحت عيونة زى مانتى قولتى عشان هو يكون جنبى
مش اروح اشتغل وانشغل عن يسوع وحبة لية
واخصر واتبهدل وارجع اقول لية يارب مانا ماشى سليم
اوك ماشى سليم بس بعيد عن يسوع وحبة
لازم تكون حاطط يسوع قدام عنيك فى كل شىء انت بتعملة عشان حياتك تكون فى استقرار جميل

وانتى كمان ياقمر زى القمر وبيعجبنى ردك كتير فى اى موضوع
تسلميلى ع ردك الجميل

[soozy]

موضوع رائع سفروتة تعيشى وتكتبى ياقمر

[safrota el shakia]

موضوع رائع سفروتة تعيشى وتكتبى ياقمر

تسلملى ياقمر ع ردك
ربنا يباركك

[zaza2006]

موضوع جميل وفعلا هو ده اللى بيحصل

[elphilasouf]

إن الانسان لما بيجب بيدى قلبه كله ولما يدي قلبه إذاً هو بعد عن ربنا وعلشان ربنا بيحبنا وبيبقى عاوزنا معاه يقوم ربنا شايل من قدمنا الشئ ألى شغلنا عنه وده علشان بيحنى ..وهقول لكم أزاى بيحبنا ويقوم نازع الشئ ألى بيفرح كل قلب فينا

يعني هو احنا لما نحب حد ربنا هيغير فيشيل الحب ده ؟؟
طب ازاي
مش ربنا كده اناني انه بيجبرنا بطريق غير مباشر اننا نحبه
؟؟؟


لالا معلش اعزرينى انا مش معاكي في النقطه دي
هو الموضوع كله حلو لكن النقطع دي انا مش متفق معاكي فيها لان
ربنا مش بيتصرف سلوك زي كده خالص

[safrota el shakia]

موضوع جميل وفعلا هو ده اللى بيحصل


ميرسى ع ردك بس يارب نتعلم عشان منقررش دة تانى
ربنا يباركك

[safrota el shakia]

يعني هو احنا لما نحب حد ربنا هيغير فيشيل الحب ده ؟؟
طب ازاي
مش ربنا كده اناني انه بيجبرنا بطريق غير مباشر اننا نحبه
؟؟؟


لالا معلش اعزرينى انا مش معاكي في النقطه دي
هو الموضوع كله حلو لكن النقطع دي انا مش متفق معاكي فيها لان
ربنا مش بيتصرف سلوك زي كده خالص

اولا ميرسى ع ردك
ثانيا انا مقولتش ان ربنا كدة انانى
بس مفيش حد يستاهل انوا نحبوا اكتر من يسوع
بس انت لو اخت بالك فى الموضوع هتلاقى 3 ايات وهما:

" ياأبنى أعطينى قلبك ولتلاحظ عيناك طرقى " (أمثال 23 ؛ 26 )
" توكل على الرب بكل قلبك وعلى فهمك لا تعتمد " ( امثال 3 ؛ 5 )
"لأن الذى يحبه الرب يأدبه كأبً بأبن يسر به " ( أمثال 3 ؛ 12 )
بتهيقلى الايات دى من الانجيل يعنى مش جيباها من دماغى
وانا مش بقول متحبش لاحب بس اهم حاجة يسوع يكون قدام عنيك عشان يباركك الموضوع ع خير
يارب تكون فهمت اصدى
ربنا يباركك
صلوا من اجل ضعفى

[elphilasouf]

اولا ميرسى ع ردك
ثانيا انا مقولتش ان ربنا كدة انانى
بس مفيش حد يستاهل انوا نحبوا اكتر من يسوع
بس انت لو اخت بالك فى الموضوع هتلاقى 3 ايات وهما:

" ياأبنى أعطينى قلبك ولتلاحظ عيناك طرقى " (أمثال 23 ؛ 26 )
" توكل على الرب بكل قلبك وعلى فهمك لا تعتمد " ( امثال 3 ؛ 5 )
"لأن الذى يحبه الرب يأدبه كأبً بأبن يسر به " ( أمثال 3 ؛ 12 )
بتهيقلى الايات دى من الانجيل يعنى مش جيباها من دماغى
وانا مش بقول متحبش لاحب بس اهم حاجة يسوع يكون قدام عنيك عشان يباركك الموضوع ع خير
يارب تكون فهمت اصدى
ربنا يباركك
صلوا من اجل ضعفى

:) انا مقولتش جيباها من دماغك
وانتي عندك حق في الموضوع كله
لكن انا بتكلم ع الجزء الى بيقول ان " احنا لما نحب حاجه ربنا هيحاول يبوظ الحب ده عشان نحبه هو " ماهو ربنا كده اناني وده مش تصرف لربنا يعني ... ربنا ارق من كده ومدينا حريه اكتر من كده :)

[safrota el shakia]

:) انا مقولتش جيباها من دماغك
وانتي عندك حق في الموضوع كله
لكن انا بتكلم ع الجزء الى بيقول ان " احنا لما نحب حاجه ربنا هيحاول يبوظ الحب ده عشان نحبه هو " ماهو ربنا كده اناني وده مش تصرف لربنا يعني ... ربنا ارق من كده ومدينا حريه اكتر من كده :)

انا بردة مش اصدى ان ربنا انانى
انا اصدى ان لازم تحط يسوع قدام عنيك فى اى حوار عشان يكمل ع خير
مش نروح نحب او نشتغل والشىء دة يبعدنا عن خدمتنا وعن بيت ربنا
فربنا لما بيشيل الشىء دة بينبهك لية بيقولك انت نستنى
ارجع فى حضنى من تانى
ولو انت حاطت ربنا قدامك فى كل خطوبة يبقى بالتاكيد هتكون عايش حياة مستقرة
ودة راى بصراحة

[elphilasouf]

تمام يا سفــــــــــروته
عــــــــــندك حـــــــــق :)

[samo1984]

ممكن اشارك
انا هقول على حاجة بسيطة
على موضوع انة انانى ان كان دة تعبير غريب
بس هقول على حلجة
فى اغلب الوقت لما بيكون فى نهضة اغلب المؤمنين بالرب هما اللى بيصلو انهم يتغيرو
ودة بيرجع اننا لما بنعرف المسيح وبنسلم حياتنا لية بيكون هو فوق الكل
فوق كل شئ
وبعد كدجى تيجى النهضة اللى بعد كدة بيكونو هما هما الناس اللى سلمو حياتهم فى الاغلب
ودة بيرجع
لان احنا بنبداء نهتم بالشغل ونحطة فى المقدمة
والارتباط ومشاكل الحياة
وبكدة تبداء تتعتمد على نفسك
ويكون يسوع للاسف اخر القائمة
وتبداء تتطلب فى النهضة اللى بعديها انة يكون هو الاول
ودة يرجع للى مش بيطلب وجود الروح القدش فى حياتة
فى كل شئ
المسيح لية كل المجد قال للتلاميذ انا ينتظرو وجود الروح القدس معاهم ولا يتحركو الا بوجودة
فى

1: 4 و فيما هو مجتمع معهم اوصاهم ان لا يبرحوا من اورشليم بل ينتظروا موعد الاب الذي سمعتموه مني
1: 5 لان يوحنا عمد بالماء و اما انتم فستتعمدون بالروح القدس ليس بعد هذه الايام بكثير
1: 6 اما هم المجتمعون فسالوه قائلين يا رب هل في هذا الوقت ترد الملك الى اسرائيل
1: 7 فقال لهم ليس لكم ان تعرفوا الازمنة و الاوقات التي جعلها الاب في سلطانه
1: 8 لكنكم ستنالون قوة متى حل الروح القدس عليكم و تكونون لي شهودا في اورشليم و في كل اليهودية و السامرة و الى اقصى الارض





غلاطية 5 16وإنما أقول: اسلكوا بالروح فلا تكملوا شهوة الجسد
17 لأن الجسد يشتهي ضد الروح والروح ضد الجسد، وهذان يقاوم أحدهما الآخر، حتى تفعلون ما لا تريدون
18 ولكن إذا انقدتم بالروح فلستم تحت الناموس








فا احنا بنطلب منة انة يقود حياتنا ويكون هو الاول فى حياتنا فيقطع اى علاقة مش يكون هو عايزك تكون فيها وبكدة هو مش انانى
انا مش متخيل
لو انا مش معتمد على وجود روح قدس اللة فيا وعمل الصليب انا كنت هكون ازاى

[safrota el shakia]

هو دة اللى كنت عاوزة افهمهولة
ميرسى كتير ع ردك الجميلة اووى دة
ربنا يباركك
وصلى من اجلى

[emmmy]

انتى مخلتليش حاجة اقولها يا سفروفة بصراحة موضوع جميل والمناقشات والردود كمان كانت جميلة جدا مرسى يا قمر ربنا يعوضك ويبارك حياتك

[بسمة يوحنا]

روووووووووووووووووووووووو وووووووووووووووعة

[نريمان]

انا بشكرك بجد ع الموضوع دا انا قبل ما اقرا الموضوع بتاعك كنت تعبانه اوى وكنت حاسه بكل اللى انتى كتباه لكن اتعلمت حاجه ان ربنا معايا ومحتاج قلبى فعلا اشكرك اختى انك نبهتينى وربنا يبارك حياتك ديما

[dody2011]

ميرسي علي الموضووع الجميييييييل اووووووي اووووووي وربنا يباركك

[bassem8800370]

ياأبنى أعطينى قلبك ولتلاحظ عيناك طرقى " (أمثال 23 ؛ 26 )
" توكل على الرب بكل قلبك وعلى فهمك لا تعتمد " ( امثال 3 ؛ 5 )
"لأن الذى يحبه الرب يأدبه كأبً بأبن يسر به " ( أمثال 3 ؛ 12 )

شكرا على الموضوع

[the daughter of the king]

انا بردة مش اصدى ان ربنا انانى
انا اصدى ان لازم تحط يسوع قدام عنيك فى اى حوار عشان يكمل ع خير
مش نروح نحب او نشتغل والشىء دة يبعدنا عن خدمتنا وعن بيت ربنا
فربنا لما بيشيل الشىء دة بينبهك لية بيقولك انت نستنى
ارجع فى حضنى من تانى
ولو انت حاطت ربنا قدامك فى كل خطوبة يبقى بالتاكيد هتكون عايش حياة مستقرة
ودة راى بصراحة







هو اولا الموضوع فعلا جامد وفعلا ساعات كتير لما بنخسر اى شىء بنحبه بجد
بنوصل ياعات لدرجه الياس

بس هو انا لى تعليق على كلامك مع الفيلسوف
لانه تعليقه بجد عجبنى جدا
وانا كمان معاه
فعلا ربنا ارق من كده بكتير
وعايزه اقلك حاجه
ربنا فعلا مش انانى خالص
ومش معنا انه الموضوع فشل او فشل فى اى شىء فى حياته
يبقى ربنا دخل وبوظه علشان احنا سيبنه وبعدين عنه وعاوزنه نقربله

لا خالص
لو الموضوع باظ اى موضوع حب صداقه شغل...........
يبقى الانسان نفسه بطريقه تفكيره وفهمه للمواضيع وتفكيره ليها
هو اللى بوظها ومش عرف يتعامل معاه
والاخر يقول اصله ربنا نسينا او ربنا عايزه يفشل اساسا
لا طبعا
ربنا عايزنا دايما فرحانين
وربنا عايزنا لم نرجعله ونحبه هو بعقلنا وطريقه وحبنا ليه
ونعرف انه مفيش احن منه
مش عشان موضوع فشل خلاص بقى ارجع لربنا
ولما الاقى موضوع تانى هاسيبه بقى
وربنا يبوظه
وارجع تانى وهكذا
كده مش اسمه حب لشخص ربنا ولا الحب اللى ربنا عايزنا نحبه بيه
دى مش طريقه تفكير ربنا ابدا

يارب اكون قدرت اوصلك اصدى كويس
وانه فى فرق جامد جدا
بين انى ارجع لربنا علشان انا بحبه فعلا
وانه رجعت ليه علشان الموضوع اللى بحبه فشل فمفيش حل غيره بقى


وكمان فى لحظه الياس فعلا لازم ارجع لربنا لانه هو الوحيد اللى عنده الحل والرجاء والتعزيه والامل وربنا عايزنا نرجعله بكل قلبنا وهو هيقلنا مش تزعلوا
ده اكيد مش مناسب ليكم ويفرحنا
عمره مهيعمل حاجه تزعلنا او يخلينا نفشل علشان نرجعله لا خالص
احنا اللى بنجيبه لنفسنا
وهو بيوجدلنا حلول علشان هو ابونا

وثانكس ليكى جدا يا سفروته على موضوعك الجميل
وربنا يفرح كل ولاده

[kiro.kiro33]

بجد موضوعك جميل بس انا برضوا معاهم لان عمر ما ربنا بيبوظ حاجة لولادة وعمره مكان انانى وبعدين ربنا خلقنا احرار يعنى مش ممكن ان ربنا يعمل كدة عشان يقربنى منه يعنى كدة فين بقى الحرية الى هو ادهانى .
وسورى لو دايقتك

[safrota el shakia]

انتى مخلتليش حاجة اقولها يا سفروفة بصراحة موضوع جميل والمناقشات والردود كمان كانت جميلة جدا مرسى يا قمر ربنا يعوضك ويبارك حياتك



ثانكس ياقمر ع ردك الجميل وبعدين مفيش فرق انا ارد او انت
ربنا يباركك

[safrota el shakia]

انا بشكرك بجد ع الموضوع دا انا قبل ما اقرا الموضوع بتاعك كنت تعبانه اوى وكنت حاسه بكل اللى انتى كتباه لكن اتعلمت حاجه ان ربنا معايا ومحتاج قلبى فعلا اشكرك اختى انك نبهتينى وربنا يبارك حياتك ديما

ثانكس ياقمرى ع ردك الجميل
ويارب تكون استفدى من الموضوع وتعلمتى من تجربتك
ربنا يباركك ويقويكى ويكون معاكى ديما

[safrota el shakia]

ميرسي علي الموضووع الجميييييييل اووووووي اووووووي وربنا يباركك
ثانكس ياقمر ع ردك
ربنا يباركك

[safrota el shakia]

روووووووووووووووووووووووو وووووووووووووووعة
ثانكس ياقمر
ربنا يباركك

[safrota el shakia]

ياأبنى أعطينى قلبك ولتلاحظ عيناك طرقى " (أمثال 23 ؛ 26 )
" توكل على الرب بكل قلبك وعلى فهمك لا تعتمد " ( امثال 3 ؛ 5 )
"لأن الذى يحبه الرب يأدبه كأبً بأبن يسر به " ( أمثال 3 ؛ 12 )

شكرا على الموضوع
ثانكس ياقمر ع ردك الجميل
وربنا معاك ويقويك ويكون جنبك
ويباركك

[safrota el shakia]

هو اولا الموضوع فعلا جامد وفعلا ساعات كتير لما بنخسر اى شىء بنحبه بجد
بنوصل ياعات لدرجه الياس

بس هو انا لى تعليق على كلامك مع الفيلسوف
لانه تعليقه بجد عجبنى جدا
وانا كمان معاه
فعلا ربنا ارق من كده بكتير
وعايزه اقلك حاجه
ربنا فعلا مش انانى خالص
ومش معنا انه الموضوع فشل او فشل فى اى شىء فى حياته
يبقى ربنا دخل وبوظه علشان احنا سيبنه وبعدين عنه وعاوزنه نقربله

لا خالص
لو الموضوع باظ اى موضوع حب صداقه شغل...........
يبقى الانسان نفسه بطريقه تفكيره وفهمه للمواضيع وتفكيره ليها
هو اللى بوظها ومش عرف يتعامل معاه
والاخر يقول اصله ربنا نسينا او ربنا عايزه يفشل اساسا
لا طبعا
ربنا عايزنا دايما فرحانين
وربنا عايزنا لم نرجعله ونحبه هو بعقلنا وطريقه وحبنا ليه
ونعرف انه مفيش احن منه
مش عشان موضوع فشل خلاص بقى ارجع لربنا
ولما الاقى موضوع تانى هاسيبه بقى
وربنا يبوظه
وارجع تانى وهكذا
كده مش اسمه حب لشخص ربنا ولا الحب اللى ربنا عايزنا نحبه بيه
دى مش طريقه تفكير ربنا ابدا

يارب اكون قدرت اوصلك اصدى كويس
وانه فى فرق جامد جدا
بين انى ارجع لربنا علشان انا بحبه فعلا
وانه رجعت ليه علشان الموضوع اللى بحبه فشل فمفيش حل غيره بقى


وكمان فى لحظه الياس فعلا لازم ارجع لربنا لانه هو الوحيد اللى عنده الحل والرجاء والتعزيه والامل وربنا عايزنا نرجعله بكل قلبنا وهو هيقلنا مش تزعلوا
ده اكيد مش مناسب ليكم ويفرحنا
عمره مهيعمل حاجه تزعلنا او يخلينا نفشل علشان نرجعله لا خالص
احنا اللى بنجيبه لنفسنا
وهو بيوجدلنا حلول علشان هو ابونا

وثانكس ليكى جدا يا سفروته على موضوعك الجميل
وربنا يفرح كل ولاده
ثانكس ع ردك للموضوع بس انا بردة مش اصدى كدة خالص
بس انا كدة اللى مش عارفة اعرفكوا وجهت نظرى
ميرسى ع ردك ياجميل
ربنا يباركك

[safrota el shakia]

بجد موضوعك جميل بس انا برضوا معاهم لان عمر ما ربنا بيبوظ حاجة لولادة وعمره مكان انانى وبعدين ربنا خلقنا احرار يعنى مش ممكن ان ربنا يعمل كدة عشان يقربنى منه يعنى كدة فين بقى الحرية الى هو ادهانى .
وسورى لو دايقتك
ثانكس ع ردك
ربنا يباركك