هاتفتكرينى

[نظره رجل]

طبع الحياه

أيوه خلص كل الكلام .. ودقات القلب وقفت
غمضت عينى ع الآهات .. والدموع من عينى نزلت
أزاى أشوف روحى بتتسحب منىّ
وقصه حياتى خلصت غصب عنىّ !!

حبيبى يا انا يا أغلى من حياتى .. فينك كنت هنا مشيت وخلصت حياتى
ازاى أعيش ... ازاى أكون ... ياريتنى موت ولا سبتنى

روحت أدور فى المكان اللى كنا فيه سوا
روحت أمسك هناك إيديك لا قيتنى بمسك الهوا
غمضت عينى ع الآهات .. والدموع من عينىّ نزلت
وشوفت صوره بتوجع أوى
وبتقولى خلاص دى مشيت
حبيبى يا انا يا أغلى من حياتى .. فينك كنت هنا مشيت وخلصت حياتى
ازاى أعيش ... ازاى أكون ... ياريتنى موت ولا سبتنى

حبيبى رد عليا قولى لو ناوى ترجع
دا كل حاجه هنا بتقطع فيا بتوجع
بعد منك ليا مـــــيــــــــــن
بعد منك هاروح لـــفـــين

آدى الدنيا وآآآآآآآدى الوجوع
آدى الرحله اللى مليانه وجوع
وكل ليله بقولها آه ومين غيرى بيسمعنى أنا

أنا بتقطع أنا .. أنا لوحدى هنا
روحتى ومشيتى عنى بعيد
هاتفتكرينى ولا هاتنسينى أكيد
..........................
هاتفتكرينى

هاتفتكرينى .. هاتفتكرى اللى كان بينك وبينى
هاتفتكرينى ..
لما كنتى فى حزنك فى تعبك بتندهينى
لما كنتى فى نفس الوقت بتلاقينى..
لما كنت باخدك واضمك جوه حضنى وجوه عينى
لما كنتى بتحسينى ...!!

هاتفتكرينى .. هاتفتكرى اللى كان بينك وبينى
لما كنت وقت وجعى بتخبينى
جوه صدرك بتطبطبى وتنيمينى..

هاتفتكرينى .. هاتفتكرى اللى كان بينك وبينى
هاتفتكرينى..
لما كنت فى كل سكه باخدك معايا إيدك فى إيدى
لما كان يومنا يخلص واجى أسيبك تحلفى ماهاتسبينى..

هاتفتكرينى .. هاتفتكرى اللى كان بينك وبينى
لما كنت أسهر معاكى وطول الليل بتكلمينى
وتجرى الساعات وتفوت قوام وانتى لسه على نفسى بتسألينى..

هاتفتكرينى .. هاتفتكرى اللى كان بينك وبينى
لما كنتى بتصبحى عليا وتقومينى
قبل ما أقولك صباح الخير الاقيكى انتى اللى بتصبحينى..

هاتفتكرينى .. هاتفتكرى اللى كان بينك وبينى
هاتفتكرى موتى على إيديكى لما كنتى بتودعينى
هاتفتكرى دموع عينيكى لما مسحتهالك بدموع عينى
لما قعدت جمبك وكنت بتنفسك وبتتنفسينى
هاتفتكرى نفسى اللى كنت باخده منك لما كنتى بتقربينى..

هاتفتكرينى .. هاتفتكرى اللى كان بينك وبينى
هاتفتكرى انى بتحرك جوه دمك أنى روحك انى عشقك طول سنينى..
هاتفتكرينى هاتفتكرى ان وعدك ان نسيتى حتى نفسك
هاتفتكرى انى منك ولا عمرك هاتنسينى..

هاتفتكرى حكايه هوانا
وكل مره كان عامل ازااى لقانا
هاتفتكرى كل لحظه عشنا فيها وكل لحظه عاشت معانا..

هاتفتكرينى .. هاتفتكرى اللى كان بينك وبينى
دى حكايات وذكريات وعمر فات
احساس واحد ودمع وآهات
قصه حنين عملتها السنين..

وحياتى عندك أوعى تنسينى
هاتفتكرينى ولا تسبينى
ولا ده طبع الحياه زى ما حيتينى هاتموتينى
............

[كيرو رافت]

يا خرابى عليك وعلى كلامك واحساسك المؤلم الرائع
قد ايه بتعرف تعبر عن احساسك
قد ايه بجد مبدع ورائع

ربنا يفرح قلبك دايما ويكون معاااااااااااااك
بجد جباااااااااااااااااااااار

[نظره رجل]

يا خرابى عليك وعلى كلامك واحساسك المؤلم الرائع


قد ايه بتعرف تعبر عن احساسك
قد ايه بجد مبدع ورائع

ربنا يفرح قلبك دايما ويكون معاااااااااااااك

بجد جباااااااااااااااااااااار

اخى بالحقيقه كيرو رافت
لا اجد من الكلمات مايفى امام محبتك وتعليقك هذا
حقيقى فى منتهى الامتنان والشكر لشخصك المحب
اشكرك على تعبك ومرورك بكلماتى
رب المجد يشملك برعايته ويحفظك من كل سوء

[حنين سنين]

على راى رافت بجد جبااااااااااااااااااااار
ايه كل الاحساس العالى دا انت موهوب والابداع فى كلماتك باهرنى
مش عارفه اكتب رد سامحنى بجد على عدم ردى لانك مبدع واى كلمه منى اخاف متكنش كافيه او معبره
ربنا يفرح قلبك

[nermos1982]

كلمات جمييييييييييييييييييييييي ييلة اوى وبتوجع اوى
ربنا يفرح قلبك يارب ويكون معاك دايما

[نظره رجل]

على راى رافت بجد جبااااااااااااااااااااار

ايه كل الاحساس العالى دا انت موهوب والابداع فى كلماتك باهرنى
مش عارفه اكتب رد سامحنى بجد على عدم ردى لانك مبدع واى كلمه منى اخاف متكنش كافيه او معبره

ربنا يفرح قلبك

انا متشكر ليكى يا حنين على رقتك فى التعليق وذوقك ومحبتك
تعليقك انار الموضوع مع مستر رافت وكل الاخوه الاحباء
رب المجد يسعدك ويفرح كل ايامك

[نظره رجل]

كلمات جمييييييييييييييييييييييي ييلة اوى وبتوجع اوى


ربنا يفرح قلبك يارب ويكون معاك دايما

اشكرك يا نرمين
على محبتك وتعليقك الجميل ده
رب المجد يشملك بكل رعايه ومحبه

[ادروسيس]

دى قصة مش ابيات شعر بامانة انا حسيت
انها قصة وعشت فيها فعلا على راى رافت
جبـــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــار
يارجـــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــل

[نظره رجل]

دى قصة مش ابيات شعر بامانة انا حسيت
انها قصة وعشت فيها فعلا على راى رافت
جبـــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــار
يارجـــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــل
اشكرك ادروسيس
وهى فعلا قصه وقصه ماحصلتش ولا هاتحصل زيها ابدا ابدا
هاكلمها وهابدها من بدايتها لنهايتها بالتفاصيل
عشان تتاكدى وكل اللى يقراها يتاكد انها قصه ماحصلتش ابدا ولا هاتكرر تانى لان بطلتها (تستحق كتب الدنيا وقصص العالم كله ولا يكفيها كمان )
اشكر على تعليقك
وربنا يعوض محبتك