ممكن تسمعوا حكايتى

[dod _dodo]

الحكايه دى مش حكايه وخلاص دى حكايتى انا
هى بتحصل كتير بس اول مره تحصل معايا علشان كده انا متلخبطه ومش عارفه اعمل ايه
دى اول مره انا بشارك فى المنتدى بموضوع وبجد المنتدى عجبنى اوى واتمنى تسمعونى وتردوا عليا وتقولوا اعمل ايه ؟؟؟

الحكايه بدات لما دخلت الكليه اتعرف بولد ومكنش زميلى كان فى كليه تانيه واكبر منى بحوالى اربع سنين بس هو علشان فى كليه طب فكان لسه بيجى الجامعه
فى البدايه اتعرفنا ببعض عادى كزمايل واصحاب واخوات مش اكتر... وهو كان بيحكى مع اصحابه عنى و عرفنى باصحابه وبقينا جروب واحد
بس بعدين بدات اتعرف عليه اكتر واتكلم معاه موبايل ونت وبعد سنه تقريبا حسيت انى بحبه اوى وهو كمان وقالى انه بيحبنى
بس فى نفس الوقت ده كان ليه صاحب اتعرف عليا وكنا بنكلم مع بعض وانا كنت بعتبره اخ ليا وكمان الحد اللى بحبه كان بيعتبره اخ ليه وبيحكيلوا عن كل حاجه
بس اللى حصل ان صاحبه ده طلب منى انه يكلمنى مره لوحدنا وقالى انه بيحبنى اوى وقبل كمان ما صاحبه (اللى انا بحبه ) يحبنى اصلا بس مكنش قادر يقولى ده ..واللى صعب عليه اكتر انه يقولى لما عرف ان صحبه بيحبنى وانا بحبه
انا مقولتش لحد اللى حصل ده بس ولو مكلمتش الصاحب ده تانى اللى انا بحبه هيشك ويقول ليه مش بتكلميه؟؟ حصل ايه ؟؟ولو كلمته هيبقا عاجبنى الكلام وعاوزه استمر
مش عارفه ممكن اعمل ايه وخايفه من اللى ممكن يحصل بينهم لو اللى انا بحبه عرف ان صاحبه قالى كده وهو عارف انه بيحبنى

سورى انى طولت عليكم اتمنى اسمع نصيحتكم وتقولولى اعمل ايه ؟؟؟؟؟؟


http://orsozox.org/up/images/40_1575_1604_1588_1576_1.jpg (http://orsozox.org/up/view.php?filename=40_1575_1604_1588_1576_1.jpg)

[Team Work®]

اولا احب ارحب بيكي معانا فى الموقع تانى حاجة بالنسبة للموضوع الخاص بيكي دة

ارجح التفكير بالعقل كويس جدا

واتمنى ان اللى جاهز وجاد فى كلاموا انوا يتقدم ويأخذ خطوة ايجابيه على الفور

اما بالنسبة للحب فا هايجي هايجي

[my_life]

اهلا بيكى معانا منورانا فى بيتك التانى
رد هيما جميل وزى ما قالك
فكرى كويس هل الحب دة حقيقي ولا تسالى وقت الجامعه
وشوفى الجاد فى كلامه واللى يقدر يتقدم هو اللى يستاهل حبك
لانك مش هتحبى وقت جامعه وتستنى لما يسيبك وتنجرحى جرح يتعبك
لما تشوفيه مع واحدة تانى مثلا او ييجى يقولك انا اسف مش هقدر اكمل
وانا من رائى اكتر تكلمى اب اعترافك وهو هيرشدك للصح
اهلا بيكى مرة تانيه

[la tristeza y el dolor]

فعلا انا مع مورا خالص فى كلامها الموضوع مش اختيار وخلاص , المهم نشوف قلبنا و عقلنا بيقولنا ايه ,

وربنا يختارلك الصالح .

[اسامة ابن المسيح]

اهلا بيكى اختي الحبيبة انتي نورتينا في منتدانا الجميل وشكرا ليكي علي صراحتك ووضوحك فيما يخصك ودة يدل علي انك واضحة مع نفسك جدا ودي حاجة كويسة المهم احب اقولك ان الاختيار شئ صعب .انتي الان وفي هذا السن غالبا بيكون التفكير تفكير عاطفي بحت وهي دي المشكلة لازم الاختيار يكون عقلي اولا ثم عاطفي والاهم في هذا الموضوع انك تسلمية بأمانة لربنا وتشعري اختيار ربنا واللجوء الي شخص تثقي في مشورته وانا افضل ان يكون من المقربيين ليكي جدا وليكن والدك او والدتك لانهم اكثر الناس .غالبا . اهتمام بيكي ويهمهم مصلحتك وعندهم من الخبرة ما يكفي لارشادك او اب اعترافك واحب اقولك لا تستعجلي امامك لسة وقت كتير ونصلي ان ربنا يرشدك للصالح . اما بخصوص الشخص الاخر لازم تكوني حازمة وواضحة مع الطرفين لان الوضوح والصراحة هما افضل شئ في مثل هذة المواقف وفي بداية حياتك . ربنا معاكي . واحب ان اطمئن عليكي.

[emill]

بصى يا اختى
اولا اهلا بيكى
المهم انو زى ما قالولك اخواتك اللى قبلى وانا عاوز اقولك
المفروض علشان ترتاحى وتريحيهم متفكريش فى دة ولا دة ومتديش حد كلمة واللى عاوزك هيتقدملك وانا بدعى من ربنا انو يختارلك واحد غير دول علشان مايبقاش فى مشاكل بينهم بكرة وبعدو
اسألينى انا
واهلا بيكى

[جاسيكا]

انا من رايى الاتنين لا
وحكمى عقلك ومتفكريش بقلبك
لان هيحصل مشاكل بعد كدا لما تختارى واحد وتسيبى التانى اكيد هيزعل ويحاول انو يفرق بينكم ولو اللى انتى بتحبية وافقتى علية وعرف ان الشخص التانى بيحبك وصادفت وشافو واقف معاكى هتحصل مشاكل بينكم
وبعدين انتى لسة صغنونة خلصى دراستك وصدقينى لو ليكى نصيب فى اى واحد فيهم هتاخدة
ربنا يختارلك الصالح
وصلى صلاة طلب مشورة الله اللى فى الاجبية وكلمى ربنا بيها وهو صدقينى هيختارلك الصالح
ربنا يوفقك يارب

[rooma_nabel]

اهلا بيكى عايزة اقولك ما تعمليش حاجة وترجعى تندمى عليها صلى لربنا واطلبى المشوارة منة اما رائيى انا انك تكون صادقة مع الشخص الى انت حبيتة وتصرحية ان الصديق اباح بحبة ليكى علشان دة ما ينفعش يكون صديق لية لانة مهما كان مقدار حبة ليكى المفروض انة ماكنش صارحك لانة عارف ان صديقة بيحبك وانت بتبدلية نفس الشعور اما عن الشخص الى انت بتحبية انت عارف ظروفة كويس هو فعلا حد ينفع انة يفتح بيت مسيحى ولا وهو جاهز ولا لسة فى فترة والموضوع ها يطول فكرى فى كل حاجة كويس علشان ماتندميش على قرار اخذتية

[mira44]

اولا اهلا بيكي في المنتدي بصي هاقولك حاجه الكليه ديه بتيقي فتره اختبار لكل الناس وكل الناس بتقعد ترسم علي بعض صدقيني انا جربتها المهم انك تعرفي الشخص اللي قدامك كويس قوي هل هو صادق معاكي ولا لا هل هايفضل متمسك بيكي لغايه لما يخلص ويشتغل ولالا اسالي نفسك اولا انت عايزه ايه وشوفي صدق اللي قدامك وقبل كل ده اسالي ربنا هل يارب انت رايد ولا لا حاوريه بلغه انك بنته وطالبه ارشاده وصدقيني عمره ماهايتخلا عنك وافضل انك تقوليله علي الكلام اللي قالهولك صاحبه لان هو فاهم معني الصداقه غلط وربنا يرشدك بجد وينور طريقك