هل فعلا ؟ [الأرشيف] - †† منتدى ارثوذكس ††

مشاهدة النسخة كاملة : هل فعلا ؟

Shosei

11-22-2009, 07:52 PM

هو صح اللى بعيد عن العين بعيد عن القلب ايه رائيكو فى المقولة دى ولا المثل دا حسيته او جربته او حتى عيشته قلنا رائيك فيه ايه
وانا هقولكو رائى بعد ردكم

kiromira

11-23-2009, 11:47 AM

اعتقد ان هذه المقولة صحيحة الى حد ما لان تعلقك بالانسان الذى تحب يكون مرتبط كثيرا برؤيتك له ولكن اذا ابتعد فمشاغل الحياة تلهى كل واحد ويبدأ الابتعاد شيئا فشيئا وقد يصل انك تسأل نفسك معقول هو دة الانسان الذى كنت احبه من كل قلبى دلوقت مبقاش حتى يخطر على بالى
وهو هناك مسألة اخرى تحدث فكل واحد ينتظر الاخر ان يبدأ بالسؤال عنه ليعرف معزته عنده وبذلك تطول المدة
ولكن الانسان الذى تراه امام عينيك وترى دائما لهفته عليك من الصعب ان يتغير شعورك نحوه ويتربع على عرش قلبك

rasha botrous

11-23-2009, 11:57 AM

صباح الخير اولا
ان عننسى شايفة ان لو الحب مش حقيقى ففعلا اللى بعيد عن العين بعيد عن القلب لكن لو الحب حقيقى بجد طبعا لا بيفضل فى القلب على طول حتى لو بعيد عن العين لان صورته مش بتفارق خياله لحظة واحدةةةةةةةةةة

samer seif

11-23-2009, 12:01 PM

هذة مسئلة نسبية
مثلا من هذا الشخص

saboor

11-23-2009, 12:10 PM

حقيقى ميه ف الميه
اللى بعيد عن العين داهيه
بعيد عن القلب والنيه
لان العين هى سراج الجسد
واللى تشوفه بالقلب هيتوجد

sally samy

11-23-2009, 12:12 PM

المقولة دية كنت فى الاول بقول انها صح بس دلوقتى لا مش صح لان فى مقولة تانية بتقول اللى فى القلب فى القلب
يعنى عشان مش شايف الانسان دة بعينى خلاص لا ممكن مثلا اكون مابشوفش حد غالى عليا اوى عشان بابا يسوع عايز كدة بس هوة فى قلبى مهما طالت الايام والسنين عليا دايما هوة فى قلبى
وممكن حبيب يكون بعيد عشان المسافات بس قريب اوى اوى من القلب صح ولا غلط

جيهان يوسف

11-23-2009, 12:20 PM

أعتقد أن هذه العبارة مش مع كل الناس بمعنى لو لك أخ مسافر كيف يكون بعيد عن قلبك ، ممكن مع أشخاص كانت لك بهم صلة وأنقطعت
ممكن يكونوا بعيد عن قلبك ، فهى مقولة نسبية فى معناها، وشكرآ

heshmat_azmy

11-23-2009, 12:44 PM

emadyonan

11-23-2009, 12:52 PM

لا مش صحيح لان الى فى القلب لا يمكن ان يتنسى حتى ولو فارق الحياه لان فى مقوله جديده بتقول ( الى فى القلب فى القلب )

labibaziz

11-23-2009, 12:59 PM

اللى فى القلب ..فى القلب ..مهما طال الزمن

basem65

11-23-2009, 01:00 PM

لا طبعا لان القلب يحفظ دواما الاشياء او الاشخاص الغالين عليه مهما بعدت المسافه او بعد الزمن المهم فى المقوله هى تفسير لمعنى اخر وهو اذا لم تجد الذى تحبه حب الذى تجده وهذا بعيد عن القلب فمثلا ام لها ابنان احداهما تحبه اكثر فمهما سافر او ابتعد فهو الغالى ام الاخر تحبه لوجودة بجوارها ولو سافر قد تنشغل عليه قليلا وشكرا

Eman.ym

11-23-2009, 01:04 PM

سلام ونعمة
انا لا طبعا انا ضد المثل دة
لان المحبة لا تســـــــــــــــــــــقط ابدا
يعني لو وجدت المحبة فعلا فالبعد لا يؤثر فيها والكلام دة عام علي كل ما يوجد فيه محبة فعلا البعد لا يؤثر فيها

kado

11-23-2009, 01:05 PM

المقولة صحيحة لان الانسان اليى انتة بتحبة بتحتاج تشوفة على طول وطلاما هو بعيد مش هيئصرفيك

رشاد رشدى

11-23-2009, 01:06 PM

المقولة دى صح 100 % مهما كان الحب موجود .فالبعد يفتر هذا الحب واعتقد ان السيد المسيح اتخذ صورة الجسد مثلنا لكى نراة ويكون قريب منا وفى وسطنا

Katy_Archi-Mekhaeel

11-23-2009, 01:11 PM

بصراحة انا ماكنتش بقتنع بالجملة دى غير لما حصلت معايا

وهو بجد الى بعيد عن العين بيكون فعلا بعيد عن القلب

لان اى انسان بيحب يكون ليه حد مهتم بيه وحد يبادله نفس المشاعر مش يكون هو لوحده بيحبه والتانى بعيد ف مولد تانى

صعب الموضوع دا

ثانكس ياقمر ع المناقشة الحلوة دى

ربنا معااكى

هانى زيادة

11-23-2009, 01:15 PM

عن تجربة شخصية فعلا المثل صحيح تماما و هاتكلم من ناحية الصداقة فقد كان لى صديق اكتر من الاخ ليل نهار مع بعض و اسرارنا لا يعرفها احد غيرنا و لكن بعد الزواج ذهب الى محافظة بعيدة و كان الرابط بينا المحمول فقط و بعد ذلك غير الرقم ولا اعلم عنة شيئا الان ودة من حوالى سنة المثل فعلا صحيح

+tota+

11-23-2009, 01:22 PM

انا شايفة ان فعلا البعيد عن العين بيكون بعيد عن القلب بس لو فى اتصال بين الطرفين وكل واحد منهم يعرف اخبارالتانى ومش فى فجوة بينهم فى الحالة دى الشوق والحنين هيزيد داخلهم
اما لومش فى اتصال بينهم هيكون فى فتور فى علاقتهم والفتور للاسف لو دخل اى علاقة سواء صداقة او غيره هيعمل فجوة بين الطرفين حتى لو بيحبوا بعض حب حقيقى فى الحالة دى لو مش كل واحد منهم بيسال على التانى البعد هياثر على حبهم ومع مرور الوقت الزمن هينسى

goko

11-23-2009, 01:23 PM

طبعا ميه فى الميه لانى الانسان القريب من القلب

mah_rous

11-23-2009, 01:29 PM

هذه الكلام مش صح ببساطه لو حد في الغربه يعني اهله بعيد عن قلبه مستحيل لان الام صعب انها تكون بعيد عن القلب او الاب او الاخوات والاهم من ده كله ملك الملوك ورب الارباب لم يراه احد ولكن ساكن في اعماق القلب يبقي هذا الكلام غير صحيح وده رأيي

vompera

11-23-2009, 01:37 PM

البعيد على العين تشوفة بى القلب داة لو بيحب بجد الحب دى نعمة كبيرة جد بس الى بيحب عمرة ما يقدر ينسا الى بيحبة ابداء مهما بعد عنة ومع حبى وتقدير الى كل الناس

hossam ahmad

11-23-2009, 02:15 PM

أظن أن المقولة تتفق مع العمة وكذلك كل مالم يمس الروح فأن أرتبطت الأرواح ببعضها فلا يفصلها المكان عن بعضها وفي وسط زخم الحياة والتشويش على القوة العقلية لا تنشط القوة الكامنة للعقل ومقدرته على التواصل اللا مكاني وأظن أن المرء مرتبط بالأحداث وتقلبات النفس بدورات زمنيه تعاد وتتكرر داخل دوائر الزمن الصغرى والكبرى
محبتي

Booo

11-23-2009, 02:41 PM

اللى العكس ممكن يكون صح
اللى مش موجود فى القلب غايب عن العين (حتى لو انا شيفه)
واللى موجود فى القلب موجود جوه العين( حتى لو كنت مش شيفه)

رامز انيس

11-23-2009, 04:17 PM

بعد صباح الخير.....

رامز انيس

11-23-2009, 04:20 PM

البعيد عن العين ليس يكون بعيد عن القلب بل ان القلب يشتاق الية والعين تفتش عنه فى كل مكان......ودة لو فى حب حقيقى للشخص البعيد عن العين

يوسف فاروق

11-23-2009, 05:24 PM

المقوله صحيحه فى العلاقات العابره والعاديه لكن لما يكون فى حب حقيقى مهما حصل من بعد هيفضل فى القلب مثلا اللى بيفقد حد عزيز عليه هل بينساه طبعا لا

Shosei

11-23-2009, 05:28 PM

Shosei

11-23-2009, 05:29 PM

Shosei

11-23-2009, 05:29 PM

هذة مسئلة نسبية
مثلا من هذا الشخص

بمعنى ايه وضح اكتر

Shosei

11-23-2009, 05:31 PM

حقيقى ميه ف الميه
اللى بعيد عن العين داهيه
بعيد عن القلب والنيه
لان العين هى سراج الجسد
واللى تشوفه بالقلب هيتوجد

رد غريب بس نشوف فى الاخر نستنتج ايه

Shosei

11-23-2009, 05:32 PM

Shosei

11-23-2009, 05:33 PM

أعتقد أن هذه العبارة مش مع كل الناس بمعنى لو لك أخ مسافر كيف يكون بعيد عن قلبك ، ممكن مع أشخاص كانت لك بهم صلة وأنقطعت
ممكن يكونوا بعيد عن قلبك ، فهى مقولة نسبية فى معناها، وشكرآ
ممكن برضو انهم ناس عابرين فى حياتك مش عملت معاهم غلاقة جامده فلانهم بعاد مش بتفتكرهم

Shosei

11-23-2009, 05:35 PM

طبعا صح والا ماكناش ننسى اللى ماتو حتى لو هما اغلى الناس بعدها نعمل فرح ونتزوج
ولا الراجل مراتة تموت ويتجوز والست برضة ويعيشوا حب جديد
والمقصود ان اللى مش معايا مش فى اهتمامى الا بقى لو حد رومانسى اوى وانسان اوى

انتا دخلت الامور فى بعض عمر منحب حد وننساه حتى لو راح عند بابا يسوع بلعكس بيفضل جوانا بس بننسى اننا هنشوفة تانى بس كل يوم قضناه معاه بيفضل زكراه جوانا
طاب رد على اخر اخر لو حد فى بالك بس مش قدامك

Shosei

11-23-2009, 05:36 PM

لا مش صحيح لان الى فى القلب لا يمكن ان يتنسى حتى ولو فارق الحياه لان فى مقوله جديده بتقول ( الى فى القلب فى القلب )
اشطة عليك شوف الرد الجامد

Shosei

11-23-2009, 05:37 PM

اللى فى القلب ..فى القلب ..مهما طال الزمن

ومهما بعد المكان

Monna queen

11-23-2009, 05:50 PM

أحب أقول ان البعيد عن العين مكانة بيزيد فى القلب
حنى لو كان اخر مرة اتشاف فيها من 5سنين
أو حتى لو بعد لأخر الدنيا وراح الكويت حتى

Walid Sabry

11-23-2009, 05:55 PM

نقول حاجة مهمة أوى ف الموضوع ده
ونعتبرها قاعدة لمثل هذه الموضوعات
لو إعتبرنا إن البعيد عن العين بعيد عن القلب
يبقى ربنا بعيد تماما عن قلوبنا لأننا مش شايفيه بالعين؟؟؟
وعمره ما هيدخل قلوبنا إستنادا للمثل ده أو للمقولة دى
دى رقم 1
رقم 2
مفيش فى مفهوم الحب الصادق ما يفيد بمصداقية هذه المقولة
لأن المفروض الحب بيتجلى فى أعظم صوره فى غياب الحبيب قبل حضوره
ويندرج تحت المقولة أعلاه
إنه بيكون حب مادى قائم على الحضور المستمر من كلا الأحباء بالجسد
مفهوم الأخلاص للحبيب ف الحضور وف الغياب هيقل بل هيضمحل تماما
وهيكون أحد الطرفين محتاج لأشباع رغبته وهيبحث عن إشباعها خارج حبيبه وكدة هيدخل الأنشغال عن الحبيب وف نفس الوقت الكذب عليه أو الهروب منه لو سأله إنت مشغول عنى ليه
وفى حاجات تانى كتييييييييييييييييييييييي ييييييير
أخوكم وليد

Walid Sabry

11-23-2009, 06:02 PM

احييكى يا منى على ردك على موضوع البعيد عن العين بعيد عن القلب
ردك بيوضح مكنونك الداخلى وجوهر روحك
غالبية الشباب وخصوصا الغلابة بيحبوا البت الجدعة
برافو عليكى عندك إخلاص رائع
وليد

بيشو

11-23-2009, 06:46 PM

القلب له علاقة الحب و ارادتى هى القائد فاذا كنت احب شخص او شيئ اغذي حبى بالنظر اليه واتحدى بعده عنى فانا احبه حبا حقيقيا و اذا كنت لا احب هذا الشخص او الشيئ فساحاول نسيانه ربما بالبعد عنه او تغيير مسار حبى نحوه فالبعيد عن القلب بعيد عن العين حين احاول الهروب اما فى وجود علاقة حب اتحدى البعد عن العين

تماف ايرينى3

11-23-2009, 06:48 PM

سلام المسيح
اعتقد برضو ان حسب الانسان ده مين لو قريب منى اوى عمرى مااقدر انساه حتى لو بعيد عن عينى لكن لو شخص عادى فممكن تنطبق عليه المقوله دى وميرسى على فكرة السؤال الرب يعوضك

فوفو جورج

11-23-2009, 07:04 PM

راى ان المقولة دى صحيحة وعن تجربة

ero_mero

11-23-2009, 07:53 PM

باختصار هى مسألة نسبية........... يعنى لو اللى بتحبه فعلا بيحبك ومش بيتسلى بيك يبقي لو بينكم بلاد الدنيا يبقي الحب ف القلب لكن لو بيتسلى... انت حتى لو قدامه مش فارق لان وجودك وغيابك واحد بالنسبة له.. خارج حدود قلبه.. لكن الرجالة اسرع ف النسيان من البنات حتى لو فيه بينكم حب الدنيا و الاخرة لو بعيد عن العين ح يكون مكانك ف قلبه 20% لكن لو قدامه ممكن ممكن يعنى يبقي 80%.......وبعدين ليه الكلام ف الحاجات اللى بتوجع القلب دى فكرتونا باللى بنحاول ننساه ويا ريت نعرف نساه زى ما بسرعة نسينا

saydi

11-23-2009, 08:20 PM

ما اعتقده ان هذه المقولة غلط لو الموجود في القلب ثابت كثبات الجذوع الشجرة في تراب الارض لن يكون بعده عن العين سبب . قد يكون بعده عن العين الدافع للمثابرة بجهد حتى يود اليه

ASTEVEN

11-23-2009, 08:52 PM

اعتقد ان الموضوع ده حسب الاشخاص ومحبتهم عندنا او ارطباتنا بهم وشعورنا ناحيتهم فلاشخاص اللى بيكون بنحبهم اوى اكيد مش ممكن ننساهم او هما ممكن ينسونا والمحبه دائما فى القلب مهما بعدت المسافات صدقونى المحبه لا تسقط ابدا

الة السماء

11-23-2009, 09:30 PM

كلام الصح جدا طعبا

donah

11-23-2009, 09:51 PM

اذا كانت المحبة صادقة من القلب فمن المستحيل يزول مهما مرت السنين اما اذا كانت المحبة زائفة فتزول عند اي تجربة

nour6

11-23-2009, 10:38 PM

سلام المسيح
أعتقد ان المحبة الحقيقية ما بتتقاس بالبعد أو المسافات +++ لاءنها محبة حقيقية ربنا يتمجد أسمه ما شفناهوش لاكن بنحبه على طول ومعانا على طول وبنهدس فيه دايما في كل ثانية وكل خطوة بحياتنا وشوفوا البعد والمسافات أل بيننا وأل بيحبه حقيقي بيشعر أد ايه هو قريب منه وعايش معاه بكل لحظة من حياته
صحيح احنا بنستمر بحياتنا شغل وأكل وشرب وراحة وفرح وعزاء
لاكن الله محبة والحبيب عمره ما يفارقك حتى لو رحل بعيد عن العين أو انتقل الى الخالق لاءن المحبة أقوى من الغربة وعمرها ما تموت

ogonia

11-23-2009, 10:50 PM

انا فعلا جربتة لان انا اعرف ناس وقولت استحالة انساهم ومع فترة كبيرة فعلان نسيتهم

مرمر مارو

11-24-2009, 12:47 AM

انا فعلا مقتنعة بالمثل ده جدا لاني مجرباه
واكتر من مرة الحقيقة

dodo_gogo

11-24-2009, 02:15 AM

لا طبعا في ناس بتسافر بعيد عننا وبردو بنبقي فكرينهم وفي ناس قريبين مننا ماتو واكيد عمرنا ما هننساهم ودايما فكرينهم

amir_nageb

11-24-2009, 09:27 AM

فعلا صح مليون المية مهما كان الحب للأسف
اللى بعيد عن العين بعيد عن القلب

bdnader

11-24-2009, 10:07 AM

صباح الخير عليكم
هذة المقولة هى صحيحة نسبية لانها فى حالات كتير تكون صحيحة ولكن فى حالات اخرة تكون غير صحيحة على الاطلاق

jjojo1234

11-24-2009, 10:55 AM

فى ناس بعيدة عن عيونا لكن قلوبنا شايفاهم وناس بنشوفهم كل يوم لكن قلوبنا مش حساهم
وطبعا الكلام دة للناس القريبين قوى زى الاخوات مثلا لو ليك اخ مسافر مش ممكن هتنساة او يغيب عن عينك او قلبك لكن لوهو صديق ممكن مشاغل الحياة تبعدهم عن بعض لو مسألوش على بعض ويبقى البعيد عن العين بعيد عن القلب ويكون صداقة جديدة لكن مش ممكن يجيب اخوات جديدة

مجدىفايز

11-24-2009, 12:42 PM

بعد صباح الخير

انا موافق تماما على هذة المقولة وانا جربتها فى حياتى كثيرا جدا لان القلب لا يتحرك الا من خلال العين وبعدها ياتى السمع
صلو من اجل ان يكون يسوع المسيح امامكم فى كل لحظة حتى يملأ قلوبكم بمحبتة

صلو من اجلى انا الخاطى

سيزر الروش

11-24-2009, 02:36 PM

الى بعيد عن العين بعيد عن القلب

المقولة جميلة اوى اوى

بس الى فى القلب بيبقى فى القلب على طووووول

ميخاى

11-24-2009, 04:04 PM

المقولة ده خطا لان اللى فى القلب فى القلب ويقول المثل اخر ابعد حبة تزيد محبة

manalamgad

11-24-2009, 09:32 PM

انا فعلا مقتنعة بالمقولة دى حتى لو افتكرت انك مش ممكن تنسى فى الاول بعد كدة بينسى مع الوقت وعلى فكرة دى نعمة كبيرة لان الانسان لو منسيش اللى مش بيشوفة ماكنش حد قدر يعيش

afrazerox

11-24-2009, 09:50 PM

(البابا شنودة) قال بخصوص مائدة الأفطار الرمضانية اردنا ان نلتقى مع أخوتنا المسلمون لان فى البعد جفوة

grm

11-25-2009, 07:36 AM

أعتقد أن هذه المقولة خطأ لأن لو كانت صح تبقي على الدنيا السلامه مش معقول انسى انسان كان واقف جنبي وقت الشدة لمجرد انه بعد بقي بالجسد وبعد سافر الى السماء وبقي ما فيش حب ولا اخلاص ولا حاجة خالص .. هيفضل اللى في القلب في القلب لأن الانسان دائماً في حاجة الى من يسمعه بحب ففي مواقف كثيرة يقول لو كان فلان موجود كنت اخذت رايه فبالتالى هو على البال وفى القلب

Shosei

11-25-2009, 08:21 AM

كل واحد رد على حسب اختبار عاشة او حتى رد عقلانيا وفى اللى رد بقلبه وقال مينفعش حد حبيته لمجرد انو مش قدام عينى انساه
انا ردى انى مقوله دى غلط خطيبى مش قدام عينى لانى شغله بره مصر وعمره مغاب فوتو ثانية عن بالى او قلبى بس يمكن عشان دا خطيبى طاب لو حد تانى صحبى مثلا سافر ممكن لانو سافر انساه اكيد مش هنساه لانى كان فى بينا ايام حلوة كتير وهى اولا واخيرا على حسب الشخصيات

kamelfawzy

11-25-2009, 03:39 PM

هو مثل يطلق على الاشخاص فقط لاكن لايطلق على الله لان الله لم نراه ومع ذلك نحبة لان الله يحبنا وهو يرانا ويسمحنا

ايزيس سمير

11-25-2009, 04:15 PM

علي غكرة المقولة دي 50% صح و50% غلط اي طبقاً لمعزة الشخص
اي لو الشخص دة معزة كبيرة مهما طال الوقت ومهما كبرت المسافات هيفضل جوة القلب (الموضوع دة حصل مع صديقتي)
اما لو شخص معزة قليلة ينطبق عليه هذا الكلام (البعيد عن العين بعيد عن القلب)

بونبونه سكر

11-25-2009, 05:18 PM

لا خالص اللى ف القلب ف القلب مهما كان بعيد

امال رمزى

11-25-2009, 06:20 PM

لا طبعا اللى فى القلب فى القلب

emmmy

11-25-2009, 06:30 PM

لا صح فعلا البعيد عنالقلب بعيد عن العين
انا لما بعاشر شخص بيخلق الود والحب لكن لما يكون على طول بعيد
بيبرد الحب

donah

11-25-2009, 09:59 PM

تختلف المحبة من شخص لاخر اذا كانت محبتي لانسان له معزة خاصة في قلبي فلن أنساه لمجرد أنه بعيد عني لانه مسافر، المحبة موجودة فلن انساه حتى ولو كان بعيد فمحبتي له تربطني به اما محبتي لله مختلفة فلن تمحو لانها أزلية باقية مدى الدهور

MAGED GRIFFON

11-26-2009, 02:42 AM

sasw

11-26-2009, 01:43 PM

انا من رائي ان المقوله ديه غلط وهاثبت لكم
مين مننا مش بيحب انه يروح السما ويقعد مع ربنا والعدرا والملايكه ..............الخ
طبعا كلنا متخيلين المنظر مكان زي ما قال بولس الرسول ويوحنا الحبيب
ما لم يخطر علي بال بشر
وكلنا شايفين المنظر من خلال حبنا في ربنا محدش من الاباء عرف يوصف المكان بالظبط
حتي يوحنا الحبيب في رؤياه لم يوصف بالتدقيق
اذن كلنا بنحب السما من غير ما نشوفها وبنحب الللي في السما من غير ما نشفهم
يعني بكل بساطه اللي بيحب فعلا مش ممكن ينسي ابدا
ده علي المستوي الروحي اما عن المستوي المادي
لو ابو احد فينا مسافر . هل سوف ننساه ؟
طب الاصعب لو حد فينا ابوه او امه ماتوا . هل سوف ينسوهم .؟
اعني اكثر ان هناك نوعان من الحب
الحب الوهمي
وهو غالبا مايضيع في اقل وقت وهوة انا لا اعترف انه حب بل مشاعر كاذبه
الحب الحقيقي
هو الذي يكون راسخ في قلوبنا حتي الموت زي حبنا لربنا والشهدا والكنيسة واسرتنا وخدمتنا
الحب اللي قال عليه الرب
ان نسيت الام الرضيع انا لا انساه
ارجو ان اكون قد اوضحت رائ لكل عضو
شكرا لمحبتكم
صلوا من اجل ضعفاتي

إيلي سمير

11-26-2009, 04:15 PM

ياااااااااااااااااااااااا ااااااااااااااااااااااااا ااااااااااااااااااااااااا اااااه
الموضوع من كتر ماهو جذاب وبيعبر عن طريقة النظر في بعض أمورنا الحياتيه جذبني وخلاني أقرأ كل الردود حتى لحظة بدايتي في كتابة رأيي الذي لم يتأثر كثيراً بخصوص هذا الموضوع
ومن هنا أود أن تصبروا عليّ في سردي لما أراه
في البدايه لازم نفهم إن الموضوع مشاعر وطبعاً إنتم معايا في إن المشاعرمش بس بالعيون ولكن لأن العين هى نافذة المشاعر والوجدان ففي بعض الحالات لها تأثير واجب الحدوث وأنا أتحدث هنا عن المشاعر سواء حب أو كره .. وغير ذلك من المشاعر البشريه وأنا هنا لن أتحدث عن المشاعر الروحيه والشوق إلى الخلود الأبدي والحياه مع رب المجد في الكنيسه المنتصره في مدينة الملك ( أورشليم السمائيه ) لأننا جميعاً متفقين على أنها قصة حب أبدي بدأت قبل خلق الإنسان بحب الله وخلقه للإنسان فهي علاقه أقوى من الزمن والمكان والوجدان فهي علاقه أزليه أبديه كائنه مع الله الأزلي الأبدي ولكني أتحدث هنا عن المشاعر البشريه من شخص تجاه آخر ( محبوب مثلاً كالأب الأم الأبناء الإخوه الزوج الزوجه الخطيبان الصداقه العلاقه العابره التي قد تكون غيرت مجرى الحياه أو تلك التي تركت أثراً لا ينسى مع عدم طول وقت التلاقي فيها ) أو تجاه شخص غير مرغوب فيه وقد يكون ماثلاً أمام العين ليل نهار فيكون كالكابوس الجاثم على صدورنا ونتمنى زواله من أمام عيوننا
أرجو المعذره فهذه أيضاً مشاعر لا نستطيع أن ننكرها

* ما أود أن أقوله هنا أن العين هى نافذه للمشاعر سواء بإستقبالها أو بإرسالها والتعبير عنها فهي واجبه وضروريه في بعض العلاقات مثال العلاقات الزوجيه ففي كل مره تتلاقى العيون بالحب تعيد ري زهرة الحب التي زرعت في فترة الخطوبه وواجبه أيضاً في فترة الخطوبه لأنها فترة تعارف ولأن التليفون أو غيره من الوسائل الحديثه في الإتصال لا تكون كافيه لبناء علاقه سويه قويه قادره على بناء بيت على الصخر ( أقصد بالصخر هنا هو الحقيقه المبنيه على الصراحه ) وطبعاً العيون ضرويه في هذه الحاله أي أن الخطيبان يجب لقاءهما بكثره أمام العيون حتى لا يتدخل الخيال في رسم صوره خياليه للحبيب قد تكون فيها إخفاء لحقائق عده مع التركيز فقط على الأشياء الحالمه الجميله
* وفي بعض حالات الإختلاف يجب أحياناً البقاء بعيداً عن الوجه للوجه لإعطاء المشاعر الإيجابيه في تذكر الأشياء الجميله من الماضي لإعادة بعض المشاعر إلى نصابها
معلهش سامحوني أخذني الوقت ونسيت إني طولت عليكم الكلام في الموضوع ده حلو وجذاب ومع إني ماقولتش كل رأيي لكن سامحوني طولت عليكم
بس إسمحولي أشكركم وأطلب تصلوا علشاني

nerooo

11-26-2009, 04:22 PM

انا راى فعلا انها مسالة نسبية مش اكتر
ومش شرط اللى يبعد المحبة تقل لية

rania rona

11-27-2009, 01:11 AM

طاب ازاي لا يعني ممكن نقول علي حسب الشخص.لان ممكن واحد بيشوف الشخص دا بقلبه رغم انه بعيد عن عينه...

jacko

11-27-2009, 01:43 AM

فعلا اللى فى القلب فى القلب
الحب الحقيقى هو اللى بيدوم حتى لو اللى انا بحبه بعيد

moon_rora

11-27-2009, 01:51 AM

انا مش بقتنع بالمثل ده خالص......... اللى هيبعد عن العين وهو جوه القلب اساسا عمره ماهيبعد عن القلب حتى لو عارف ان عينك مش هتشوفه تانى. انا بتكلم عن تجربه. انا عندى 25 سنه اتقدملى عريس مكنتش اعرفه وكان زى مابيقولو جواز صالونات وافقت عليه لانه كان شاب فوق الممتاز قعدنا سنه مخطوبين حبيته حب كان كل اللى حولينا بيتكلم على الحب ده لدرجه انهم كانو شاكين ان احنا كنا بنحب بعض من زمان واتجوزنا وبعد 3 شهور من الفرح فجاءه ربنا حب ياخد وديعته منى وراح عريسى للسما من اكتر من سنه رغم انى معرفتى بيه كانت قليله جدااااااااا سنه و3 شهور الا انى لحد دلوقتى مش قادره اطلعه من قلبى رغم بعده عن عينى اكتر من ماعينى شافته لكن دخل قلبى فقلبى مش قادر يبعده علشان كده البعيد عن العين مش بعيد خالص عن القلب اللى فى القلب فى القلب حتى لو فاتت سنين

dooda

11-27-2009, 04:24 AM

بتهيالى انها مش صح لان فيه انسان بيسافر اخ او قريب ومع ذالك يمكن شوقك ليه يزود محبتك
زى الاخوات مش ممكن مهما طال البعاد ينسو او يكرهو بعض جتى لو فيه حد من قرايبك مات ممكن الحياه تمشى بس لو كان شخص عزيز فعلا لايمكن تنساه

victor michael

11-27-2009, 08:08 PM

هذه المقولة صحيحة لماذا ؟
لاننا لا نرى الله ومع ذلك نحبه فلماذا نحبه لاننا نذهب الى الكنيسة ونقراء فى الكتاب المقدس فنرى الله ومن يبتعد عن الكنيسة والكتاب المقدس لفترة طويلة يصبح مع الوقت غير محب لله فيفعل الخطية بسهولة ومن يفعل الخطية هو غير محب لله

mrmrgad

11-28-2009, 01:30 PM

اكيد اللى جوة القلب استحالة العين تنساة لان هناك ناس كتير يسافروا الى الخارج ولكننا لا ننساهم لحظة لا اوافق على هذا المثل لان جربت هذا الاحساس ولم انسى خطيبى لحظة واحدة فهو دائما امام عينى رغم البعد

اسامة ابن المسيح

11-28-2009, 03:12 PM

:em16:[COLOR="Purple"][CENTER][FONT="Arial"][B]مصدر الحب هو القلب فاذا كان هناك حب حقيقي لشخص معين داخل القلب فمهما يكون بعيد عن عينك فهو داخل قلبك فعندما تراة تنفجر داخلك كل مشاعر الحب والود والاشتياق وتضيع فترة الغربة او البعد بمجرد رؤيتك لهذا الشخص بمعني انة البعد عن العين لايمحى الحب الحقيقي من داخل القلب .[CENTER]ربنــــــــا معكم

donah

11-28-2009, 04:14 PM

الحب الحقيقي صادر من القلب والعقل فمهما كان البعد تراه قريبا منك فيبقى متين لا تمحوه الغربة او شيء

ماجي 76

11-30-2009, 07:57 PM

ميرسى وشكرااااااااااااااااااااا ااااااااااااااا
موضوع شيق جدااااااااااااااااااااا

dooda

12-01-2009, 05:52 AM

فعلا مووع شيق واكيد لو الحب ده قوى اوبجد القول ده مش صحيح

برنسيسه ميرا

12-09-2009, 12:54 PM

بالنسبة لى غلط
لان اللى فى القلب قى القلب عمره مايتنسى ولكن ظروف الحياة بتلهى بس مش بتنسى

dooda

12-09-2009, 06:17 PM

الى فى القلب فى القلب استحاله يتنسى

donah

12-09-2009, 09:39 PM

اذا كان الحب الحقيقي اساسه صحيح بعيد عن الغش عمره ما يتنسي مهما كانت الظروف

marcos sadek

12-14-2009, 11:56 AM

يعني لو صححنا المقولة نقول اللي بعيد عن القلب لن تراه العين...! يعني لو مكانش في القلب العين مش هتحاول ان تراه

hanna elgazar

12-22-2009, 06:41 PM

انا شايفه ان المقوله دى غلط لان القلب اللى بيحب مش العين والدليل انك بتحب يسوع وهو ف قلبك من غير ماتشوفه واللى بيقول انها صح يقدر يقولى لو بابا او ماما مثلا مسافرين وبعيد عن عينك هتنساهم او مش هتفضل تحبهم ؟؟ !! انا شايفه انه لو الحب حقيقى هيكون العكس البعد هيخلى الحب اكتر والشوق واللهفه اكبر وجميله اوى المقوله اللى بتقول اللى ف القلب ف القلب انا اول مره اسمعها