من الالف للياء

[MICKEY]

فكرت هذه القصيدة
ان ابياتها من حرف الألف للياء
وكانت تدعي من قبل القصيدة الجماعيه
وقد انزلناها بموضوع جديد منفصل عن القصيدة الجماعية
حتي نري ردودكم الأن عليها
انتظر اري المشاركات الجميلة
وعلي فكرة القصيدة دي انا مش كاتبها لوحدي .. في ناس كاتباها معايا
وانا بشكر كل واحد كتب حرف واحد فيها
ولو عاوزين تعرفوا مين اللي كاتب كل بيت من الابيات
ادخلوا في القصيدة الجماعية وانتوا هتعرفوا

وانا اهدي هذه القصيدة الي استاذنا ( روح المنتدي ) الأستاذ ظريف
وهو عارف ليه بهديهاله ... احم احم كلام في سرك يااستاذ ظريف
اوعي تفضحني وتقول ليه بهديهالك


حبيبتي بعد مابعدت عني انا **** تعبان بفراقها كفراق الأم للضنا
وبقيت تايه فوف السحاب **** بدون رجا وبدون عتاب
الشعر شاب والقلب بات **** فى ذكريات ودموع وآهات
وعشان حبك سبت الميراث **** ورحت الغيط سقت المحراث
هجيبلك مهرك لؤلؤ وعاج **** و100 جمل و100 نعاج
كنت زي الأرض وانتي الفلاح ** تجرحيها بفأسك ماتسمعلها نبااااح
والشتا بيرخ على طائر الرخ **** وقلبى بيضخ الدم فى المخ
وعاد القلب وزاد **** وكله شوق فى الفؤاد
قالتلى روح يالذيذ **** ده أنتا لسه تلميذ
قولتلها بالرغم اني خدت من جرحك كتير*عقلي برضه فيكي مش مبطل تفكير
ده أنا قلبى قوى ومالوش عزيز **** لاتفتكريه زى عيش الخبيز
وكنت فاكر قلبك زى الماس **** للأسف طلع خالى من الأحساس
وقلبى باش جوه الأنعاش **** وعلاجه أصبح مكروكروم وشاش
من كتر حيرتي بعد ماركبت الميني باص ** نزلت منه وركبت ميكروباص
ده الحزن فى قلبى كتر وفاض **** مش كنت تحزرنى من الحب ياض
الحب خلى قلبى فط **** وكرهت من يومها أكل البط
الحب فجر مصرانى الغليظ **** رحت الأسعاف قالولى يا حفيظ
صرخت بأعلي صوت ومحدش ليا سامع * ومن كتر دموعي عيوني بقي لونها لامع
ريح صوتك ياميكى ووجع الدماغ *** وأسمع نصيحة عمك سمعان الدباغ
ومن كتر العياط بقي شكلي مخيف ** وكل اللي يشوفني يقول يالطيف
أول الحب كلام ونفاق **** وآخر الحب زواج لا يطاق
ليه تعيش عبد ومملوك **** وأنتا أبوك ملك الملوك
متخليش قلبك بحب واحده مشغول ** حط جواه ربك وعمرك متعيش مزلول
كل مشاعرها كانت مجرد كلام ** شئ ياحبايبي ولا في الأحلام
فى أى مكان وفى أى زمان **** الحب جنان فى قلوب الشبان
وبعد اللي شوفته معاها من قسوه ** عرفت ان قلبها مفهوش رحمه
ياما عزمتك على مولتو **** وانتى زحلقتينى بالشامبو
دخلتك حياتى وقلتلك اهلا ... لكن فراقى كان عليك سهلا
دلوقتي هقولك وداع ياحياتي ** ياللي كنتي السبب في جرحي وأهاتي

[عماد حسنى]

ياما عزمتك على مولتو **** وانتى زحلقتينى بالشامبو
.................................................. ............
ايه الروعه دى يا ميكى ويا روح المنتدى استاذ ظريف
دى ماينفعش تتسمى قصيده دى تحفه نادره وعايزه متحف كبير ليها
ده فعلا السهل الممتنع اللى بيقولو عليه ... قمه الجمال لا وايه كل حاجه موجوده جوه القصيده
بط تلاقى ميكروباص تلاقى شامبو ومولتو برضو موجود وانعاش وشاش
بجد استاذ ظريف وميكى وكل من ساهم فى انتاج هذا العمل الضخم جدا جدا ده
بقولكم بصراحه ابدعتم .. ربنا يكتر من الشعرا والموهبين والمحترفين
ربنا يباركلكم فى صحتكم ويقويكم وتقدروا تمتعونا تانى بموضوع قصدى بأبداع جديد

[kamel]

فعلا قصيدة من الألف الى الياء ومخلتش لنا جاجة نقولها ألا:
أ ب كلها
الرب يباركك ويكون مع مع الجميع

[MICKEY]

شكرا كتير علي التريقة
احم احم قصدي علي الرد بتاعك ياشاعر المنتدي
لكن بجد القصيدة حامله معاني كتير
منها في صورة الفكاهة ومنها في صورة التعبير
وانا بهدي هذه القصيدة لروح المنتدي الأستاذ ظريف

[MICKEY]

بوجه خالص الشكر والتحية الي soly777 علي بيتها الأخير الرائع
ربنا يبارك حياتك وكنا نتمني ان تشاركينا بأكثر من بيت

[kamel]

يامن قصيدتك شاملة من الألف الى الياء صدقنى أننى لم أجد حروف أكتبها لك تعبر عن مدى صدق كلامى وهذا ماقصدتة والرب شاهد لى سامحنى أن كنت قد فهمت عكس ذلك ياغالى...والرب مع الجميع

[عماد حسنى]

كده برضه يا ميكى تفهمنى غلط
تشجيعى ليكم ورفع روحكم المعنويه
تفهمها كده
عموما انتوا استمرو واكتبوا جماعه كده كتير
واتحد انت وظريف اكتر
وولا يهمك دوا الضغط والسكر متوفر كتير فى الصيدليات
الاعضاء هما اللى بيجبوا لنفسهم
سلامى وتحياتى لك يا ميكى وظريف طبعا وكل المجموعه

[Team Work®]

لا تعليق لان هو دة المتوقع من ميكي انا التانى كنت مستغرب جدا من الموضوعين الى فاتوا ازاى هو كتابهم

[MICKEY]

عزيزي الغالي كامل لم اقصدك بكلامي اطلاقا
ولا اريدك ان تزعل مني
انني اسف للغاية ولا استحق منك ان تشارك في مواضيعي
انه تواضع منك
ولكنني علقت علي رد عماد حسني
عماد حسني : بط تلاقى ميكروباص تلاقى شامبو ومولتو برضو موجود وانعاش وشاش
بجد استاذ ظريف وميكى وكل من ساهم فى انتاج هذا العمل الضخم جدا جدا ده
بقولكم بصراحه ابدعتم .. ربنا يكتر من الشعرا والموهبين والمحترفين
ربنا يباركلكم فى صحتكم ويقويكم وتقدروا تمتعونا تانى بموضوع قصدى بأبداع جديد
ولم اقصدك ياكامل صدقني

[kamel]

الرب يباركك وقد إستراح قلبى من...الى عدى وراح
الرب معك ومشكووووووووووووووووووووو ووووووور على ردك الجميل
طمنت قلبى

[MICKEY]

كل اعضاء الجسم تلتصق في جسد واحد
وكل اعضاء المنتدي اخوة في منتدي واحد
وكل اعضاء الجسم واعضاء المنتدي اخوة في المسيح
ملتصقين به وبكنيسته
سامحوني وصلولي
والرب يبارك حياتكم

[soly_777]

انا سعيدة انى لحقت اشارك ولو بحرف فى القصيدة دى وشكرا ليك انت يا ميكى وفعلا كان نفسى اشارك باكتر من حرف بس انا حقتها على اخر حرف وكان منسى كمان ودة من حسن حظى ياريت يبقى فيه حاجات زى كدة كتير

[MICKEY]

شكرا كتير علي كلامك وعلي ردك الجميل
والقصيدة كانت مجرد كلام وبكتابه الاستاذ ظريف بها اعطاها روح .. وذلك لأنه روح المنتدي
وببيتك هذا اعطيتيها رائحة عطرة لأنك ورده المنتدي

[miso]

ههههههههههههههههههههههههه ههههههههههههههههههههههههه ههههههههههه
دى تحقة بجد

[MICKEY]

شكرا ياميسو علي ردك الجميل