ممكن حل للمشكله دى ضرورى

[jako-80]

انا عاوزه اخد رايكم فى موضوع بس بليز عاوزه اكبر كميه من الردود والحلول
ايه رائيكم فى بنت اتعرفت على ولد يكبر عنها سننا بحوالى 9 سنين على النت وهو بيحبها حب اخوى بس هى اتشدت ليه واتقلب حبها الاخوى الى حب ارتباط وبدءت ترفض الناس الى بيتقدمولها علشان مش لاقيه المواصفات الى موجوده فى الشخص ده فى الناس الى بتتقدملها وهى بتحبه وتتمنى انه هو يكون الشخص الى ترتبط بيه فى نفس الوقت الى هو بيبادلها حب اخوى بيعاملها على انها اخته بس ممكن اقول بس على كام حاجه بيعملها(( بيخاف عليها جداا وبيغير اووى لو حد كلمها تانى غيره على النت وبيتصل بيها كتير يطمن عليها )) بس للاسف صارحها انه كان بيحب بنت تانيه بس لم يوفق فى الارتباط بيها وهى من الحظه دى اتصدمت انه هو عمره ما هيفكر فيها للارتباط
هى عاوزه تبعد عنه بس فى نفس الوقت عاوزه تحتفظ بالاخوه الى بينهم
ايه رايكم تتصرف ازاى تبعد عنه ازى
ملحوظه هى بتحبه اووى وهما اتقبل وقبل كده فى كنيسه مع بعض يعنى شافو بعض

[kamer14]

اممممممممممم هى مشكلة صعبة فعلا بس هى لازم تنساه لانها لو منستوش لاهتجوزه ولاهتجوز غيره وهتضيع عمرها على الفاضى فى الاول هى لازم تحط هدف قدامها انها لازم تنساه ويكون عندها اراده وعزيمه ومتقعدش تقول لامش هقدر لامش هينفع والكلام ايلى لايودى ولايجيب دة وكمان تحاول تشغل نفسها باى حاجة شغل دراسة خروج فسح اى حاجة تتلهى فيها وتضيع وقتها عشان متديش لنفسها الفرصة انها تفكر فيه وبردو تحاول متكلموش كتير حتى لو وصلت انها تفصل النت مثلا والموبايل تكلمه فى حدود المعقول على اساس انه اخوها لاكتر ولااقل وفوق كل دة ولدة تصلى لربنا انه يديها القوة والقدرة انها تنساه وتتناول وتتقرب من ربنا وسورى على الاطالة

[jako-80]

ميرسى لمرورك وردك على الموضوع
هو فعلا حل جميل

[فينا ناجى]

ربنا معاكى ياجاكو....صلى كتييييييييير ربنا يعديكى من التجربة دى على خيير لانها فعلا تجربة..لانك حتى انك شوفتيه مرة مايكفيش انك تحكمى انك مش لاقية فى العرسان اللى بيجولك المواصفات اللى فيه ...حبيبتى انا اسفة لرايى بس واضح انك حابة تجربى الحب...رغم ان هو قلبه مع حد تانى ومحبته ليكى اخوية صلى لربنا كتييييير انه يحددلك ارادته فى حياتك وفى شريك حياتك وهو يكون معاكى ....بس انصحك الناس بتبقى بينهم عشره ومابيفهموش بعض ازاى هتفهمى حد بتكلميه..وشوفتيه مرة..ربنا يدبرلك الصالح ويوريكى الطريق اللى هو عاوزك تمشى فيه...اسفة ان كان رايى هايضايقك

[nanaromeo]

بصراحة أنا مش عارفة أقولك إية بس لازم تحاول تقل معاه فى الكلام والمقابلات أنا عارفة أنه صعب بس لو هو بيفكر فيها كأخت مش أكتر فحرام عليها تظلم نفسها
الأحسن تبعد وهى قوية بدل ما يجى يوم تتصدم بأنه راح يخطب واحدة تانية وخصوصا أنه كبير مش صغير وهو لو بيخاف عليها لازم يبعد هو كمان
ربنا يديها قوة ويرشدها للصالح

[MICKEY]

لا صعبة ولا حاجه
يانحلة لا تقرصيني ولا عاوز عسل منك

شكرا

[hany1982]

ممكن تبعد عنه شويه بشويه وتشوف حاجه تانيه تشغلها عنه وأهم حاجه انها تقرب من ربنا وتدخله فى الموضوع وتاخد ارشاد اب اعترافها لحد ما هتلاقى نفسها نسيته خالص وقطعت معاه ولو كلموا بعض تانى يبقى بأخوه مش اكتر لحد ماربنا يبعتلهاا الشخص المناسب واللى ربنا مختارهولها

ميرسى يا جاكو على الموضوع

[jako-80]

ميرسى كتير ليكم على مروركم على موضوعى(فينا ونانا وملك الكوميديا وهانى)
هى فعلا بتحاول تبعد بس للاسف هو بيكلمها وهى عماله تصده علشان يبعد وبتقولو يلغى ايميلها وتليفونها بس هو بيقولها انا مش ممكن الغى حاجه لانك اخت غاليه عليا انا هسيبك وابعد شويه بس من فضلك طمنينى عليك باستمرار
بليز صلولها كتير علشان تقدر تبعد عنه او تحاول تتعامل معاه على اساس الاخوه
ربنا يبارك فى حياتكم وخدمتكم

[يسوع ربى]

انا مع اخوتى للى قالو رايهم انه تبعد وبسرعه كمان
ربنا معاه ويرشدها
مرسي

[rooma_nabel]

اهلا بيكى انا من رائى انك تحاول تحتفظى بشخص دة علشان دلوقتى مفيش حد من على النت بيعتبر حد اختة وحاولى تفكرى فية على انة اخ وصديق مش اكترواكيد فى العرسان الى بيتقدمة فى حد ولو يشبة فى حاجات قليلة

[bassem8800370]

امممممممممممممممممممممممم ممم
هو فى حل بس صعب انيك تصريحه وتصريحى نفسك اولا