كيف تتخلص من الأفكار الشريرة والأحلام وكيف لا تسرح في الصلاة

[بيشوي تامر جيد]

سلام ونعمة يا اخواتي الكرام انا اخدت الموضوعين دول لأنهم موضوعين مهمين وبيحصلوا لأغلبية الناس
الموضوع الأول هو :---------
كيف تتخلص من الأفكار الشريرة والأحلام التي تصحب هذة الأفكار
الجواب هو انا أخدتة من اب اعترافي وهو الأب البركة الروحاني ابونا جرجس كاهن كنيسة السيدة العزراء مريم بأدفو وهو ان الأفكار دي بتاجي نتيجة الفرجة علي اشياء غير لائقة ودية بيسبب حاجتين وهما :
1- بتسبب الأحلام المزعجة دي واللي ما بنقدرش نتخلص منها بسهولة
2- اغلبية الناس مابيقدروش يعترفو بيها قدام ابونا لأن الشيطان بيسبب في فكرهم ان ابونا هيزعل مني وهيدايق ويقول ازاي ابني / بنتي يعملوا كدة ودية حيلة من الشيطان ان هو بيشيل الخجل منينا اثناء ما بنعمل الخطية وبعد ما نعملها وناجي نعترف بيها يرجع الخجل تاني فا منقدرش نعترف بيها وكدة هو يبقي انتصرعلينا والنصيحة هي :
1- ان احنا اول مانعمل الخطية نتزكر ان ربنا هدامنا والملاك الحارس جنبينا ونقول حاجة لو ربنا كان قاعد معايا اقدر اعمل الخطية دي ------- ورد علي نفسك وخلي الخجل جواك
2-اذا عملت الخطية برضو يبقي المرة دي شيل من جواك الخجل واعترف بيها علي طول
الموضوع التاني وهو السرحان اثناء الصلاة :----
الموضوع دة حلو بسيط جدا وهو قبل ما تصلي رنم ترنيمة أو اي حاجة روحية وانت بترنم ابتدي في الصلاة يبقي انت بترنم وتصلي في نفس الوقت إذا سرحت عن الصلاة هتسرح في الترنيمة والترنيمة هترجعك للصلاة تاني
وفي نقطة تانية ان لما انت بتصلي اذا سرحت اتكلم مع ربنا وشوف اذا فكر وحش صلي ان ربنا يشيلة منك وكمل صلاتك وإذا كان كويس استشير ربنا فية
شكرا لقراءة موضوعي وانا اسف اذا طولت عليكم

[بنت المخلص]

شكراااااااااا جدااااااااااااااااا
موضوع جميل ومفيد قووووووووووى
ربنا يبارك حياتك

[بيشوي تامر جيد]

يا اخواني انا عاوز اشوف ردود علشان اعرف اذا كان الموضوع كويس ولا لأ

[ماروجيرافك]

من اعماق قلبي يارب صرخت اليك انا لست علي حافه الخطيه بل في عمقها
لكني واثق ان يديك عليكي وستنقذني

اشكرك جدا علي الموضوع المعزي دي

[mohb]

موضوع حلو قوى يا بيشوى .... ربنا يعوضك كل خير
و ربنا يعطى الصحة لأبونا جرجس و يعطيه حكمة فوق حكمة و نعمة فوق نعمة .

[samer_magdy]

شكرا من القلب

[mary_osama]

موضوع جميل
ربنا يعوض تعبك

[جانو]

موضوعك جميل جدا ومفيد خالص
وصدقنى انا حاولت كتير بس هاخد بنصيحة ابونا وعلى ضمانتك
ربنا يباركك ويبارك فى حياتك وخدمتك
اذكرونى ف صلواتكم

[elphilasouf]

بيشو الوضوع جميل جدا
ممتاز بامانه ميرسي ليك كتير
وكمان عشان السرحان احنا ممكن تصلى بالحركه زي مالنيسه بتعلمنا
عند كلمه سجود نسجد بجسمنا
وعند كلمه الشكر نشر ربنا ونقبل ايديا من خلف والامام
كمان نحاول نخلى الصلاه كده عشان نكون مركزين
ميرسي ليك كتير ومنتظرين المزيد :)

[سارة@]

اشكرك كتير لان فعلا الموضوعنين بيوجهونى بس فى مشكلة انا بقع كتير فيها ساعات كتير مش عاوزة اعترف بيها امام ابونا اعمل اية ربنا يعوضك

[بيشوي تامر جيد]

موضوعك جميل جدا ومفيد خالص
وصدقنى انا حاولت كتير بس هاخد بنصيحة ابونا وعلى ضمانتك
ربنا يباركك ويبارك فى حياتك وخدمتك
اذكرونى ف صلواتكم
ان شاء ربنا تنجح النصيحة دي لأني انا مجربها ولما تنجح ابقي رد علينا وقولنا نجحت ولا لأ والطلب اللي بطلبة منك ومن جميع الأعضاء انكم تزكروني في صلواتكم وانا بشكر تعب محبتكم كلكم في انكم شفتو موضوعي ورديتو علية وياريت اشوف مشاركات تاني وزي ما قولتلقم انكم تذكروني في صلواتكم

[بيشوي تامر جيد]

اشكرك كتير لان فعلا الموضوعنين بيوجهونى بس فى مشكلة انا بقع كتير فيها ساعات كتير مش عاوزة اعترف بيها امام ابونا اعمل اية ربنا يعوضك
اولا شكرا لأنك شفتي موضوعي وانا عاوز اقولك حاجة اني انا بتحصل الحكايا دي كتير معايا ومرات فعلا بعترف ومش بقول الخطية اللي انا عملتها دي بس بطلع من عند ابونا كأني شلت خطايا اكبر من اللي اعترفت بيها لأني في خطية ما قولتهاش لأبونا لكن انا بعمل زي الأبن الضال وهو بيقول اقوم الأن واذهب الي ابي واقول له اخطأت يا ابتاه في السماء وقدامك ولست مستحقا ان ادعي لك ابنا بل اجعلني كأحد اجرائك فاأنا بقول اية فيها اذا قلت جمله واحدة والجملة دي هتخلصني من هم كبير زي مثلا ان عالم في معمل خايف ان الأختراع اللي اخترعة مينجحش وخايف ليجربة ليفشل والإختراع دة قعد يعملة من سنين كتير فهو إذا فضل خايف ومجربهوش الإختراع مش هينجح لكن لازم يجربة علشان يشوف إذا كان فية غلط ولا لا والخطية هي دي نفس الحكايا اني انا العالم والأختراع هو الخطية والتجربة هي الجملة اللي هتقوليها بس الأختراع دة ناجح طبعا ونتيجتة انك هتمشي من عند ابونا وانتي مرتاحة وشيلي الخجل منك في الدقيقتين دول ولما تعترفي بيها هتشوفي اذاي كانت الخطية دي صعبة ومكنتيش قادرة تقوليها لأبونا وبعدين اول ما تاجي تعمليها تاني هتفتكري الأعتراف بتاعك واذاي كانت صعبة عليكي تقولي الخطية دي ومش هتعمليها تاني وانتي ما تنسيش اني انت لما بتعترفي بتبقي قاعدة انتي وابونا بس مفيش حد تاني قاعد معاكم لكن اتصوري انك انتي قاعدة في يوم القيامة وربنا بيقول خطاياكي في اللحظة دي مش ابونا بس هيعرف بالخطية دي لكن كل الناس اللي في العالم ومنهم اب اعترافك ف انتي تقولي اذا كان ابونا في كل الأحوال هيعرف بخطيتي ف لية انا ما اعترفش بيها دلوقتي وابونا بس هيعرفها بدل ما تاجي في الأخر لما ربنا يقول خطاياكي كل العالم يعرفها ف انتي حاولي انك تتخطي المرحلة دي واعترفي بيها
وانتي شكلك طبعا زهقتي مني وبتقولي في نفسك يا ريتني ما كتبتلك حاجة ههههههههههههههههههههه علي العموم يا ستي انا اسف اني طولت عليكي وازكريني في صلاتك واي حاجة زي كدة ياريت تقوليها وان شاء الله هنلاقيلها حل وشكرا مره تانية علي انك قريتي موضوعي

[سارة@]

بيشوى انا متشكرة جدا جدا جدا وبنعمة ربنا هحاول اعترف من غير خجل و انا مزهقتش من الكلام دة ولا حاجة انتى بعتلى رسالة جميلة جدا صلى من اجلى علشان اروح بنعمة ربنا اعترف بكرة وبشكرك تانى وربنا يعوضك متنساش تصللى كتير علشان اطلع من الاعتلااف وانا فرحانة ششششششششكرا

[kimo tech]

شكرا على الموضوع الرائع والرب يعوضك

[busy cat]

الموضوع بخد جميل ربنا يباركك