اصعب سؤال اخطر اختيار !!!!!

[marmarina]

:36_3_15:
هل تقبل بشريك حياتك (ابكم ولا أصم).. جاوب بكل صراحة وبدون مجاملة ..
موضــوع واتمنى الكل يجاوب بصراحه..

اول شي ((فتاة)) :-

لــو كُــنتِ مخــطوبة أو تقدم ليكى إنسان..
مـــــــــــؤدب..
صاحب أخلاق عاليه ..
لــديه وظيفه مــرموقه..
مــحتـــــــــرم..
وســــيم..
لديه القدرة على توفيير كل متطلبات الحياة الــزوجيه..
ولكـــــــــــــن أبكــــم >> لايتــكلم
هــل تــقبليــن به زوجا لك؟

ثاني شي ((شاب)) :-

لــو أحببت أيهاا الــــرجل إمـــرأة
جميــــله..
ذات أخلاق عاااليه ومتدينة ..
مــحتـــــــــــــــرمه..
قادرة على تحمل هموم الكــون من أجلك..
حنـــــــــــــونه..
مـــــــــــــؤدبه..
ولكــــــن اكتشفت انها خـــرساء >> لاتتكـــــلم
هــل تقبل بهاا زوجـــةً لك؟؟
.........................................

أتمنى الكل يشارك بنااات وشبااب
واتمنـــــــــــــــى تكون الأجابات صريحه..
(( وتقولوا الاسباب إلي تخليكم توافقون او ترفضون .. ))
:36_13_1: :36_13_1: :36_13_1:

[Team Work®]

انا واحد من الناس اقبل وبشدة رهيبة واكون اسعد انسان فى الدنيا واشكر ربنا طول حياتى على النعمة دى

والاسباب معروفه للجميع

[marmarina]

اشكرك هيما على مرورك
وعلى ردك الجميل اوى ده

[peter_pop18]

+بصي لو الفتاه دي بتحبني وانا بحبها فعلا يبقي هوافق بدون اي تردد +
الاسباب عشان مافيش حاجة اقوي من المحبة
وشكرا علي الموضوع الرائع دة

[marmarina]

مرسى يا بيتر على ردك الرائع ده
وربنا معاك ويحفظك

[Narmar]

عارفه يا مارينا انا من الناس اللى هتقبل مش كلام و خلاص بس عشان ان فعلا انا ولاد خالى 2 صم وبكم وفعلا انا قريب منهم وبحبهم جدا وبحب كل الفئه دى بس على فكره الموضوع مكنش لازم تعمليه على الصم اولبكم بس انا شايف المفروض الكلام ده يتطبق على كل زوى الأحتياجات الخاصه يعنى زى اللى عنده حاجه فى رجله كده ...

[marmarina]

انا يا نارمر مش محددة شخص بعينه
انا مش قصدى انى اجرح بيى حد انا بس كنت عايزة ارائكم فى موضوع زى ده
لانه مهم جدا لان بجد انا شوفت حلات زى كده كتير وكمان انا كنت بخدم خدمة اعاقه
فعلشان كده انا كنت عايزة اعرف هل الناس الى زى دى ممكن انها تعيش حياة طبيعيه جدا تتجوز وتخلف
زى ما احنا عيشنها بالضبط
هو ده قصدى
لو يا جماعه الموضوع مش عجبكم ممكن يتشال
بس بصراحه انا شيفه انه موضوع مهم جدا
شكرا ليك يا نارمر

[اللة يرعانى]

لو بحبة هوافق بس كل بنت نفسها تسع كلمة بحبك من شريك حياتها ويترى هيقدرو يفهمو بعض دة سوال صعب الاجابة علية

[marmarina]

انا بقى ليه سؤال ليكم كلكم
بالنسبه للولاد لو شوفت بنت معاقه اى ان كانت نوع اعقتها
وحبتا بشده واتمسكت بيها وقولت فى نفسك ان انا عايز البنت دى
او هى دى البنت الى انا عايز اكمل معاها بفيت حياتى
بس للاسف الشديد روحي علشان تتكلم مع بباك وممتك اول مسمعو انها بنت معاق رفضوا الموضوع ده تماما وقلولك لو جيبت سيرت الموضوع ده تانى انت مش ابنى ولا اعرفك
ياريت تتنقشوا فى النقطه دى وتقولوى ايه رايكم
مستنيه مشاركتكم

[Narmar]

بصي يا مارينا هقولك حاجه
احنا ممكن ناخد الموضوع من زاويه تانيه اوكى

مثلا انا دلوقتى بحب واحده معينه
او واحده بتحب واحد معين
ولدرجه عاليه جدا
وفجأه
حصلت الأعاقه دى عن طريق حادثه مثلا او عن طريق اى حاجه جت باراده ربنا مثلا حاجه جت فى العين مثلا حاجه عملت صمم
اى حاجه ربنا سمح بيها للشخص ده ( بعد الشر عنكم كلكم طبعا ) .
فى الوقت ده هل هيرضي يكمل معاها
هل هى هترضي تكلمل معاه
هوهو نفس الفكره بس حبيت ازود النقطه دى لو العجز جة مفاجئ مش شئ قديم ده قصدى
بس على العمووووم اللى عاوز اقوله كرأى يعنى
انا لما بحب شخص وهرتبط بيه يبقى عشان 3 حاجات اساسين بعد كده اى حاجه تيجى مش مشكله عندى
اول حاجه عشان مخه هو وتفكيره وقوه زكائه وملاحظته
تانى حاجه مدى ارتباطه بربنا وده شئئ مهم جدا
تالت حاجه اسلوبه
وفى حاجات تانيه كتيير بس دى حاجات اساسيه
شكرا ليكى مارمارينا على الموضوع الأكثر من رائع ده بجد موضوع يشد فعلا .

[marmarina]

اشكرك نارنر
بس برده مجوبتش على سؤالى
لو شوفت بنت معاقه اى ان كانت نوع اعقتها
وحبتا بشده واتمسكت بيها وقولت فى نفسك ان انا عايز البنت دى
او هى دى البنت الى انا عايز اكمل معاها بفيت حياتى
بس للاسف الشديد روحي علشان تتكلم مع بباك وممتك اول مسمعو انها بنت معاق رفضوا الموضوع ده تماما وقلولك لو جيبت سيرت الموضوع ده تانى انت مش ابنى ولا اعرفك
هتعمل اي يا نارمر

[مرموره]

انا هقبل
للاسباب كتتتتتتتتير جدااا
اول حاجه ممكن الى يكون مش بيتكلم احسن 5000000000 مره من الى بيتكلم و يكون بيحبنى اتر من اى حد
و ثانيا لو على كلم بحبك البنت اه بتحب تسمعها بس ده مش سبب يمنعنى ما هو مكن واحد يقعد يعيد و يزيد فيها من غير محد يحس بس ده مجرد من انه يبصلى ممكن افهم هو عايز ايه
انا اقبل و بكل فرح اكتر من اى حاجه ده رأى
وميرسى بجد للموضوع الرائع ده

[marmarina]

انت كلكم بتقولو هقبل بس يا جماعه انتم ممكن تقبلوا بس اهليكم عمرها ما هتوافق على كده
سعتها ممكن تعملوا ايه
ارجوا الرد
بصراحه
شكرا ليكى مرمورة

[لونجينوس]

ايه ياجماعة كلكم موافقين

انا مش موافق اعتقد انه ممكن يكون التعامل بينا صعب والصوبة دى هتعمل مشاكل كتير بس المشكلة ان الشخص دا مالوش ذنب فى اللى حاصل معاى يعنى الواحد ضميره هيتعبة جدا لو قال مش موافق

الحل الوحيد اننا نصلى منقعش فى التجربة دى

لونجينوس

[marmarina]

انا اشكرك لونجينوس على
صراحتك
ربنا يعوضك

[beshoy]

انا بقول الاساس

الاعجاب والاهتمام المتبادل بين الطرفين اساسى

لانه بدون لا يوجد ارتياح


اللله طبعا لازم يكون موجود فى الوسط

لو من عند اردته


يمشى بسهولة جدا

[marmarina]

اشكرك يا كينج
ربنا يعوض تعب محبتك

[توتة]

موضوع جميل اوى

انا فعلا وقت فى موقف زى ده بالظبط

اتعرفت عليه وارتبطنا ببعض وكان عايز يجى يقابل اهلى

لكن لما راح كلم علتة رفضت

وانا طبعا مش ممكن اوافق غير لما اهله يكونوا موفقين ومرحبين كمان

هم عندهم حق من حقهم يفرحوا بابنهم ويتمنوا له احلى وحدة فى الدنيا

لكن انا برده مليش ذنب فى ده يعنى انا مخترتش الاعاقة دى لنفسى

كل الناس اللى قالت موافقة دى بتتكلم وبس

لكن عند الخطوة الفعلية هايترددوا بدل المرة 1000 مرة

الحكاية مش قاصرة على الصم والبكم بس

زى ما يكون اللى عنده اعاقة اتحكم عليه انه ميعيش ومايحبش

ولا المفروض يجى على باله فى يوم انه يتجوز

وينسى انه ممكن يبقى اب او تبقى ام

[marmarina]

بصى يا حبيبة قلبى الموضوع مش زى مانتى متخيلاه
ثقى يا حببتى ان ربنا هيبعتلك ولد يحبك ويحترمك ويقدرك
وعيزاكى كمان تثقى بمحبة ربنا ليكى محبة ربنا ليكى هتغنيكى من محبة اى انسان
ان نسية الأم رضيعها فأنا لا انساكم

[توتة]

اشكرك ياحبيبتى على الكلام الحلو ده

بس انا بكلمك عن نظرة الاهل للموضوع

لكن انا اشكر ربنا انا مبسوطة بحياتى يكفينى ان ايد ربنا دايما ظاهرة فيها

[love_lorn199]

انا مش هكدب عليكى مش هوافق علشان انا عارف نفسى ممكن اوافق بس بعدين هحس بانى ظلمت نفسى و بالتالى انا كدة ممكن اظلمها

[اسامه]

صدقنى ومن كل قلبى بقولها لو هى تحبنى بحق وحنونه ومتدينه وبنت المسيح بجد ومستعده لتحملنى وتحمل مشاكل الحياه معى ومن اجلى حتى لو كانت خرساء ساتزوج بها واكون شاكر لربى وببساطه يمكن اتزوج واحده تكون تتكلم وبعد الزواج يحدث لها شيى يجعلها تصبح خرساء ماذا سافعل وقتها القى بها فى الشارع مستحيل طبعا

[remonvector]

طيب ممكن نستبعد الصم والبكم وممكن نقول اذا وجدت كل متطلبات شريكة حياتك في انسانة لكن شكلها غير مقبول علي الاطلاق هل توافق ان تتزوجها

[مينا نشأت]

بالنسبه لي طبعا اقبل لان من كرم ربنا علينا انه لو اخذ حاجه من الانسان بيعوضه بحجات كثيره العيب الحقيقي لاانه اصم او ابكم ولاكن العيب الحقيقي ان يكون اعمي القلب والحس

[مينا نشأت]

شوفي السؤال الثاني عليه تحفظ لان لو انسانه حلوه الطبع والروح لازم تعكس علي شكلها الخارجي بغض النظر عن ملامح الوجه وبعدين خلو بالكم الارطباط قائم علي اشياء كثيره غير المظهر لان في الاخر مهما الانسان يكون وسيم وجميل مع تقدم العمر بيزول كل ده ويبقي الشخصيه والاخلاق وجمال الروح هوه الي مايتصبش بالشيخوخه وبخلاف ان شريكه حياتي الي حاتربي اولادي بالطريقه الي انا اتمنها ممكن تربيهم بجمال الملامح ولا بجمال الروح والاخلاق الحلوه

[مختار]

:10600::em4500::em18::7:عارفه يا مارينا انا من الناس اللى هتقبل مش كلام و خلاص بس عشان ان فعلا انا ولاد خالى 2 صم وبكم وفعلا انا قريب منهم وبحبهم جدا وبحب كل الفئه دى بس على فكره الموضوع مكنش لازم تعمليه على الصم اولبكم بس انا شايف المفروض الكلام ده يتطبق على كل زوى الأحتياجات الخاصه يعنى زى اللى عنده حاجه فى رجله كده ...

[مينا نشأت]

عزيزي مختار المقصد من الصم هوه مجرد مثل بس صدقني انا اعتبر ان الناس ديه ربنا معوضهم عن الكثير والكثير في شخصيتهم نتمنيى ان نكون مثلهم وغير ذالك للمره الثانيه اقول ان ان العيب الحقيقي للانسان ان يكون اعمي القلب والحس

[SNoW]

موضوعك مهم جدا انا كمان اسمى مارينا
انا شايفة انى عشان اقرر ارتبط بحد من زوى الاحتياجات الخاصة لازم اكون بحبة بجد و لازم يكون هو بيحبنى جداااااااااااااا و فى الحالة دى ممكن اقبل بس مش متأكدة

اكيد مفيش انسان كامل و كل حد فيه عيوب و انا مش شايفة ان ذوى الاحتياجات الخاصة فيهم نقص بالعكس بيكونوا حساسين و اطيب بكتير من ناس كتير عادية بس الارتباط باى انسان معناه تحمل مسؤلية اختيارى للابد ولازم انا اكون من جوايا مقتنعة بالحياة اللى هختارها مع اى انسان

[melanora]

اولا احب اشكرك علي موضوعك لانة بجد حلو اوي
بالنسبة للسؤال الاول اوافق وبشدة علي هذا الاتباط بس بشرط لازم تكون فية محبة لانة لو مفيش محبة هيعيشو مع بعض سنة اتنين تلاتة وبعدين هتبتدي المشاكل والطرف السليم هيبتدي انا اللي وافقت برغم ان الطرف التاني فيه وفيه وفيه ودة طبعا بمساعدة المجتمع اللي اغلبة هكون مش موافق وبفضلو بقي انتي مكنش ليكي دة دي مش ليك من الاول والطرف التاني هيشعر بمهانة وجرح وا لم نفسي شديد جدا عشان كدة لازم يكون فيه بينهم محبة بجد عشان الطرق المصاب ميشعرش انه دة او دي بيعطف عليا
اما بالنسبة للسؤال لو واحد بيحب واحدة معاقة ووالدة ووالدتة مش موافقين اولا طاعة الوالدين لازمة وكمان الحب مش ممنوع طاب اعمل اية مش عاوز اخسر اهلي وبحب البنت دي في راي الشخصي انة ميزعلش باباة ومامتة وكمان طاب ما يحاول يفكر يحب البنت دي بطريقة تانية لية ما يساعدهاش او يعاملها معاملة حلوةتحسسها انها زيها زي الباقين اوفرلها كل اللي تطلبة احاول احبها كصديق انه يكون سرها متهيالي لو عمل الحاجات دي وحاجات تانية كتير مش هتفرق غير انهم مش في بيت واحد لكن فية حب باخلاص
وكمان طاب ما ادور جوايا شوية يمكن الحب دة عطف زيادة وانا افتكرتة حب لشدة احساسي مثلا
في النهاية دة راي الشخصي
وموضوعك حلو اوي