مسابقة أكمل المعلومات الرياضية :

[kemo]

أنا أنهارده جاى بمسابقة جديدة وحلوة أوى ... عبارة عن خمس أسئلة أكمل كلها أكيد معلومات رياضية ومعاهم سؤال عن صورة لاعب وعليكم أنكم تعرفوا مين هو ؟ ... وأكيد طبعاً مسابقة زى دى مش هتنجح غير بيكم فأنا مستنى التفاعل وعلى فكرة هتعجبكوا كتير ..........

طريقة المسابقة هى عبارة عن حلقات كل حلقة فيها الخمس أسئلة وصورة اللاعب زى ما قلنا و كل حلقة ليها الفائز بتاعها وأكيد ليه هديته ومع كل عشر حلقات هيبقى ليهم الفائز بتاعهم .........

طريقة تجميع النقاط السؤال الواحد من أكمل بدرجة والصورة بدرجتين يعنى الحلقة بسبع درجات وإنشاء الله نلاقى فائزين كتير ... طبعاً السؤال اللى محيركم إيه هى الجوائز؟ ..........

الجوائز يا رب تعجبكم وهى تصميم للاعب اللى موجود فى الحلقة ده إذا كان فائز الحلقة الواحدة ... أما الفائز بالعشر حلقات فليه تصميم لللاعب اللى يختاره وفيديو كمان للاعب اللى أو الفريق اللى يختاره ......

وأكيد الإجابات هتتبعتلى فى رسائل خاصة علشان بلاش غش هاهاهاهاها

أنا أسف أنى طولت بس أنا بتمنى المسابقة تعجبكم وأنا بوعدكم أنها هتكون جامدة ........ بس ده بتفاعلكم معايا .......... المسيح معكم يا أحبائى ........

[kemo]

هنبدأ أول حلقة أنهارده وبعد تلات أيام هتكون أنتهت يعنى أخر يوم لتسليم الجوائز هو 19\6 الساعة 12 ليلاً :-
1-أول نادي سعودي فاز بمسابقة كأس الاتحاد السعودي لكرة القدم هو نادي .......
2-أول فريق عربي تأهل إلى الأدوار النهائية لكأس العالم بكرة القدم هو فريق دولة.... العربية عام ......
3-الدولة العربية التي فازت لأول مرة بكأس الأمم الآسيوية هي دولة..........
4-دورة الألعاب الأولمبية عام 1984 م أقيمت........ في الولايات المتحدة الأميركية.
5-عدد جولات مباراة الملاكمة .... ملاكمة .
صورة اللاعب :-
http://www12.0zz0.com/2009/06/16/20/601646605.jpg
مين اللاعب ده ؟....................
أنا عايز الكل يجاوب ولو مش عارف سؤال مش مشكلة أبعت اللى أنت عرفه وجمع درجات علشان تفوز بالعشر حلقا ت

[milano kaka]

الله ع المسابقة الجميلة وفكرتها رائعةوجارى الاجابة يا جميل
وسوف يتم الارسل

[kemo]

شكراً ليك يا milano kaka وأنا فى أنتظار باقى الإجابات .... ومستنى التفاعل من كل الأعضاء كده هو هيكسب لوحده .........

[M@@@NOOOO]

من عونيا ياكيمو وجارى ارسال الاجابات ياجميل
وميرسى ليك على المسابقه الجامده

[milano kaka]

لا احنا عندنا مسابقات محدش بيكسب بالتذكية
بس تشرب شاى بالياسمين وتنجحنى
هههههههههههههه

[kemo]

ممكن نتعرف ونشرب شاى بالياسمين بس بعيد عن المسابقة ..........

[bolalover]

فكرة جامدة يا باشا فعلا
تسلم ايدك
و جاري ارسال الاجابات

[kemo]

يا جماعة فاضل ساعة إلا ربع وباب تسليم الإجابات يغلق ..............

[kemo]

تم غلق باب تسليم الإجابات وتم إحتساب الفائز وده لأنه الوحيد اللى بعت الإجابات .......

[kemo]

إجابات الحلقة الأولى :_
1-الإتحاد السعودى .
2-مصر ـ 1934 .
3-الكويت .
4-لوس أنجلوس .
5-15 .
صورة اللاعب:- باولو مالدينى .

[kemo]

فاز بالجولة الأولى العضو milano kaka وده طبعاً لأهتمامه وأرسل الإجابات وأحرز 5نقاط من السبع نقاط يعنى جاب 5\7 وجائزته موجودة وهتوصله على الرسائل الخاصة ... ومن يريد أن يهنئه باب التهنئة مفتوح هنا فى نفس التوبك ... وأنا طبعاً حزين من عدم تفاعل الأعضاء ومستنيكم تتفعلوا فى الحلقات الجاية والحلقة التانية هتنزل أنهارده فى توبيك تانى وأرجو من الأعضاء التفاعل ........... ألف مبرووووووووووووك milano kaka