اللى امشى معاها متجوزهاش

[جوسى]

اللى امشى معاها متجوزهااش

http://forum.khleeg.com/imgcache/2/41024khleeg.jpg (http://www.orsozox.com/forums/redirector.php?url=http%3A%2F%2Fforum.khleeg.com%2 F26966.html)

جمله اترددت كتير اوى الايام دى.....انا مش عارفة ليه؟؟
ال ايه الواد يقولك مدام انا مشيت مع بت تبقى البت دى مينفعش اتجوزهاااا علشان هيه مشيت معايا وخرجت واتفسحت معايا .....وكمان كان ممكن تعمل كده مع حد غيرى...........؟؟
بذمتكوا مش فيه ناس كتير اوى بتقول كده........ولا ايه؟؟
انا مش عارفة ايه دول .........اكيد دول طبعا معندهومش دم ولا حياااء........
بقى علشان البنت بتحبه ومأمنه له وواثقه فيه.......يعمل فيها كده .......بقى هوه دا جزائهاااااا....؟؟
والله شبان اخر زمن................؟؟
عايزة رايكم فى المبدأ ده بس بكل صراحه ومن غير كسوف ...............!!!!
علشان نعرف مين الصح ومين الغلط..............؟؟
اتمنى يكون الموضوع والفكره عجبتكوااااااا.....................!!
شكراااااااااااا........مستنية ردكم ورايكم في الموضوع ......


مــــــــــــــع تحيـــــــــــــاتـــــى
:36_15_5: جــــــــــوســــــــــى :36_15_5:

[Team Work®]

اللى اقدر اقولوا ان الول هو اللى بيجري ورا البنت طبعا مش كل الولاد وفى بنات كتير بتجرى ورا الولد برضوا فا لو بصينا هانلاقى ان فى حاجة او حلقة مفقودة

وشكرا على موضوعك لانوا فعلا دة كتير وصح

[bolalover]

اولا احب اقولك يا جوسي ان مواضيعك جامدة جدا جدا و بجد شكرا علي تعب محبتك
ثانيا الشاب الي بيقول الجملة دي الي امشي معاها متجوزهاش دالاما عنده مرض نفسي لاما هو اصلا بيتسلا من الاول و دي حجته الي بيعلق عليها غلطه لما بسيب البنت في الاخر وطبعا دا ولد ندل و معندوش دم والمروض انا مشيت مع واحدة عرفتها صح و عرفتها كويس اذا كانت كويسة و اتاكدة انها محترمة وكويسة يبقا اخلصلها زي ما هي المفروض بتخلصلي و زي ما ادتني قلبها لازم احافظ عليه مش امرمطه في التراب و يا رب كل الشباب يكونوا فهموا قصدي

[جوسى]

صح بس الولد دلوقتى يمشى مع البنت زى ما هو عايز و بعدها يروح لمامته عشان تخطبله واحده هى تعرفها كويس
على اساس ان البنت اللى هو هيخطبها دى مش مشيت مع حد غيره قبل كده
ميرسى على مشاركتكوا و ربنا معاكو

[المحبة للمسيح]

الغلط من الطرفين ليه البنت تسمح لنفسها انها تمشى مع الولد و تخرج معاه وعلى فكره البنات هما اللى ادوا الفرصة للولاد انهم يقولوا عليهم كده لو البنت حست ان الولد بيحبها وصرح لها بحبه وعايز يرتبط بيها بجد يتقدم لخطبتها مش يمشى معاها وان كانت تنفعة يخطبها و ان كانت مش هتنفعه يدور على غيرها امال هما عملوا الخطوبة ليه ؟

[مرموره]

اولا احيكى يا جسى موضعاتك رائعه فعلا

ثانيا بنالنسبه للموضوع
الغلط اوللااا على البنت بمعنى : الولد من النوع الى عايز يبقى الصياد يجرى و بتعب عشان يوصل
البنت بتدى الفرصه له انه يلعب بيها
ليه تخرج معاه و الكلام ده كله طلما مفيش حاجه رسميه
هتقوليلى ماهى وثقت فيه اوك وثقت بس الغلط عليها انها معملتش حساب للى ممكن يحصل

و الغلط على الولد برضو :عشان محترمش ثقة انسانه فيه
والى بيقولوا الحجج الجميله اليومان دول ( اصل ماما هتجوزنى بنت خالتى ) احنا مش عصر سى السيد عشان الولد يقول الكلام ده ولا الولاد دلوقتى بقت ملايكه كل واحد فيهم بقى بدماغه


الغلط واقع على الاتنان
هى مش بتفكر صح
و هو انانى و هايف بيتسلى بقلوب بنات


ميرسى للموضوع و اسفه للتتطويل بس بجد شدنى جامد
ميرسى كتير:)

[جوسى]

ميرسى يا شباب على ردودكوا
بس اللى قال ان البنت هى اللى ادت الولد الفرصه انه يقول عليها كده
لو هو بيحبها فعلا ليه ميخافش عليها و يوجها للصح بدل ما هو يمشى معاها و بعدين يبهدلها
البنت من طبيعتها رومانسيه و حساسة لو حبت بجد مش هترضى تجرح او تضايق حبيبها
ميرسى على مروركو و ربنا معاكو

[المحبة للمسيح]

يا جوسى بكلامك دة انتى بتحسسينى ان البنت بتكون غلبانة وممكن ينضحك عليها طيب ماهو ممكن البنت تتظاهر انها غلبانة ومش عارفه الصح من الغلط وفى نفس الوقت بتخطط للولد انه يقع فى شباك حبه ليها وتمشى معاه خطوه بخطوه لحد مايقول حددى لى ميعاد علشات اقابل عمو البنات اليومين دول صاحيين قوى والخوف اليومين دول على الولاد وربنا يستر .

[جوسى]

طيب تقدر تقولى البنت هتستفاد ايه لما تتسلى بالولد

؟؟؟؟؟؟؟؟؟؟؟؟؟؟؟؟؟؟؟

[اللة يرعانى]

انا من رائى دين تدان زى منتا مشيت مع بنت ومش تتجوزها اكيد حد هيعمل كدة مع اختك او اى حد بس دة حرررام هى بنت بطبعها الحنية بتصدق على حاجة موضوعك رائع يا جوسى شكرا ليكى

[مرمر]

مرسي اوي علي الموضوع الجميل
انا من راي ان البنت لم تمشي مع ولد يبقي تسلية او زواج
ربنا يبارك

[جوسى]

ميرسى مرمر على مرورك
بس مش فاهمه رايك
ياريت توضحيه اكتر اصل اختك فهمها على قدها

[جوسى]

شكرا يا مريم على رايك
وانا من معاكى فى كلامك

[aymonded]

السلام لنفوسكم جميعاً يا أحباء ربنا يسوع
أولاً أحب أهنيكِ على هذا الموضوع الرائع والمناقشة الحلوة والصريحة التي ظهرت بيننا

ولكن الموضوع له أبعاد مختلفة أولها الخلل في العلاقات السوية بين الولد والبنت ، وبين البنت والولد ، وهي عبارة عن أحلام الصبا ، بمعنى أحلام المراهقة التي قد تستمر لأيام وسنين طويلة وأخرها الفشل حتى لو تم خطبة وزواج ...
وهذا كله نتيجة عدم النضوج العاطفي والنفسي ، واستمرار الأحلام كل منهم عن الآخر دون كشف الذات والولوج لأعماق الآخر بالحب الصادق والأمين الذي ينمي الشخصية ويجعلها حرة في ذاتها دون التحكم فيها كسيد وعبد أو رئيس ومرؤوس ، أو حاكم ومحكوم ...

عموما الموضوع فيه خلل من الطرفين ، الولد يمشي مع بنت مش مجرد تسلية فقط بل لإثبات رجولته أو أثبات أنه محبوب أو جاذب للبنات ... الخ

والبنت تقبل لأنها تشعر أنها محبوبة أو مطلوبة أو لها من يسند ضعفها أو معجبه بالشخصية التي تكون في الغالب مزيفة ... الخ
وطبعاً لأن البنت مش عندها الخبرة أو المعرفة السليمة تنخدع وتركض وراء إعجابها بالشخصية أو مشاعرها المندفعة ... الخ

ولأن الأسرة لم تعطي البنت أو الولد المقومات السليمة للحب ولم يكونوا مثالاً واضحاً ، من السهولة أن يضل الولد أو البنت !!!

عموما في النهاية الخطأ خطأ الشخصين ولازم كل بنت تتيقن أن أي ولد يقول أنا احبك أو العكس مش لازم يكون صادق أو صادقة ، وكل بينت متيقنة تماماً أن أي علاقة برة الإطار السليم والوقت المناسب هي علاقة فاشلة تماماً ...

والسؤال ، كيف يكون طالب في مدرسة أو جامعة ليس له أي مؤهلات للزواج أو القدرة على التقدم ، فأمامه طريق طويل من الدراسة ... الخ ، أو شخص إلى الآن لم ينضج نفسياً أو عاطفياً يحيا في حالة مراهقة أو يحب أو يعجب بكذا شخصية مختلفة ويريد أن يملك الكل ،،، كيف ينشأ علاقة سوية فيها الحب العميق والوعد بالزواج !!!!!!!!!!!!!

[جوسى]

شكرااااااااااا يا مستر ايمن على الكلام الرائع ده
و مشاركه حضرتك للموضوع

[aymonded]

العفو يا أحلى جوسي أنا مش عملت حاجة أنا قلت مجرد ما اراه فقط لا غير
طالباً من الله السعادة للجميع لعل الكل يدرك أهمية الالتزام وعدم اللعب بمشاعر الآخرين وتنشأ علاقات سوية بين الطرفين بنضوج عاطفي ونفسي على قدر الإمكان
النعمة معك ومع الجميع كل حين آمين

[poula adel]

اللى اقدر اقولوا ان الول هو اللى بيجري ورا البنت طبعا مش كل الولاد وفى بنات كتير بتجرى ورا الولد برضوا فا لو بصينا هانلاقى ان فى حاجة او حلقة مفقودة

وشكرا على موضوعك لانوا فعلا دة كتير وصح
هاي جوسي انا ماري اهنئك على الموضوع الجميل دا بس عاوزة اقوللك حاجة انو البنت لازم تكون على قد المسؤليه وتتاكد قبل ما تمشي مع الشاب تتاكد انو بيحبها وعاوزها والا ما تمشي معاه بالشارع عشان الناس بيتكلمو عليها بعدين الشاب الايام دي معندهمش ضمير وميخافوش على البنات مخدين البنات وسيلة للتسلية بعدين البنت اللي لازم تحب شب يكون دا الشب بيعرف ربنا وبيفهم شكرا ارجو الرد على اللي انا كاتبته
ماري

[المحبة للمسيح]

البنت هتستفاد انها هتلاقى عريس فى الزمن اللى بتلاقى ولد وبتتجوزة بتبقى شاطرة دة من وجهه نظر غالبية البنات

[جوسى]

هاي جوسي انا ماري اهنئك على الموضوع الجميل دا بس عاوزة اقوللك حاجة انو البنت لازم تكون على قد المسؤليه وتتاكد قبل ما تمشي مع الشاب تتاكد انو بيحبها وعاوزها والا ما تمشي معاه بالشارع عشان الناس بيتكلمو عليها بعدين الشاب الايام دي معندهمش ضمير وميخافوش على البنات مخدين البنات وسيلة للتسلية بعدين البنت اللي لازم تحب شب يكون دا الشب بيعرف ربنا وبيفهم شكرا ارجو الرد على اللي انا كاتبته
ماري

هاى مارى اهلا بيكى فى المنتدى و شكرا على ردك الجميل ده
هو كلامك صح بس مش كل البنات بتفكر بعقلها يا مارى
يعنى فى بنات بتفكر بقلبها طالما قالهابحبك خلاص
ممكن تعمل اى حاجه عشان اللى بتحبه
ميرسى على مرورك و ربنا معاكى

[جوسى]

البنت هتستفاد انها هتلاقى عريس فى الزمن اللى بتلاقى ولد وبتتجوزة بتبقى شاطرة دة من وجهه نظر غالبية البنات


مش كل البنات كده
اللى بتقوله ده لو هى بنت مفتحه اوى او بمعنى مشيت مع ده و ده و ده
و بعدين انا بتكلم على مبدا اللى امشى معاها متجوزهاش ده مبدا مندرج اوى لشباب الجامعه فانا بتكلم على كده

[mora]

انا مش عارفه اقول ايه تانى يا جوسى
بجد ميرسى على الموضوع الجامد ده
بس انا شايفه ان الولد لما يعمل كده يبقى هو محبهاش اصلا و هى غلطانه انها اخترته ووثقت فيه
لانه اكيد مش قريب من ربنا او بيتظاهر بالقرب ده لانه لو كان مع ربنا اكيد كان هيكون تفكيره احسن من كده
عمره ما هيحب واحده و يسبها عشان مشى معاها

[جوسى]

ميرسى يا مورا على رايك وانا فعلا معاكى فيه
و فى انتظار باقى مشاركه الاعضاء

[poula adel]

جوسي هاي انا ماري ممكن تكتبيلي اميللك عشان انا بجد عاوزة اتعرف عليكي لانو بجد افكارك كتير عجبتني بليزانا كتير حابه اتعرف بيكي عشان اخد افكار اكتر على فكرة انا من فلسطين من بيت لحم وبحب كتير المصريين ممكن تكتبيلي اميللك

[اسامه]

اولا اشكرك على تعبك وربنا يعوضك واحب اقول ان الولد اللى يقول جمله زى دى لابد ان شاهد فى البنت عيب
بمعنى ان ليس خروج البنت مع الولد هو جرم لا لانها تحبه وتثق فيه ولذلك سمحت لنفسها ان تخرج معه ولكن لابد
ان تحذر فى تصرفاتها معه بمعنى لا تنسى انها بنت المسيح فليس ان خروجها معه يعنى خلاص الولد له مطلق الحريه
ليفعل ما يشاء لا بالعكس اذا راى الولد ان البنت كانت محافظه واخلاقها عاليه معه حتى وان كانوا يخرجون مع بعض
سيحترمها وسيتمسك بها اكثر والاشياء التى تجعل الولد يتراجع عن الفتاه لما يشعر انها كما يقولون سهله او كل شيىء عادى عندها طبعا انتم تفهمون ولذلك يبداء الشك فى قلبه انها تفعل ذلك مع اى شاب اسف للتطويل وربنا يبارك حياتك
ويحافظ على بناتنا واولادنا جميعا

[ايساك]

انا راى ان العلاقة بين الولد والبنت فيما يسمى بان الولد يمشى معاها انها علاقة صحيحة من الاول خصوصا اذا كان الولد بيحبها . وخايف يتاخر عليها فى الخطوبةفيخطبها واحد تانى. خلال الفترة اللى ماشى معاها فيها بيصرحلها بحبة وسالها اذا كانت ممكن تستناة وعبال ما يروح يخطبها ولا لو اى عريس جالها هتوافق. ارجو ان اكون وضحت راى

[melanora]

لا تعليق لان راي مش هيعجب حد وكلامي هيزعل الولاد والبنات
افضل اني اسمع الاراء وبس

[melanora]

موضوعك رائع وربنا معاكي

[^_^]

لايجوز ان البنت تخرج مع رجل لاتعرفه

اولا حرام ثاني شي تعتبر خلوه شرعيه وهذا محرم ..

ومافي اي شخص يرضى انه ياخذ وحده سمعتها مش حلوه


تسلمين حبوبه على طرحج

[جوسى]

لا تعليق لان راي مش هيعجب حد وكلامي هيزعل الولاد والبنات
افضل اني اسمع الاراء وبس


Melanora انا عايزة اعرف رايك و متخافيش احنا مش بنزعل من الاراء
دى حريه شخصيه لكل واحد
احنا بنسمع الكل و بنستفاد من بعض
اتمنى انى اسمع رايك

[جوسى]

لايجوز ان البنت تخرج مع رجل لاتعرفه

اولا حرام ثاني شي تعتبر خلوه شرعيه وهذا محرم ..

ومافي اي شخص يرضى انه ياخذ وحده سمعتها مش حلوه


تسلمين حبوبه على طرحج


بصراحه مش فاهمه كلامك
و ياريت تعرفنا بنفسك الاول لانى مش عارفه انا بكلم مين
و بعدين احنا مش بنقول خلوة او غير خلوة او غير ذلك
احنا بنتكلم على الشباب اللى يقولوا للبنت بحبك و يمشى معاها فترة و بعد كده يسبها
مش معناه وحش زى ما وصل لحضرتك
لا معناه انه يخرج و يتفسح معاها و يمسك ايدها
اظن حضرتك فهمتنى
ارجو اشوف رد حضرتك تانى على الموضوع
ربنا معاكو

[SAMOOOOO]

اولا ازيك ياجوسى وعامله ايه يارب تكونى بخير وزى الفل - وبالنسبه لرايى فى الموضوع اولا البنت المفروض تشوف كويس الشخص اللى حبته او كلمته مش معنى انه واحد اظهر انه بيخاف على واحده يبقى على طول تمسك ايده والكلام ده
لازم تعرفوا ان ولاد كتير بتحب تتسلى والمشكله انه البنت بتصدق اغلب الولاد بسرعه
اما بالنسبه لحكايه ان يمسك ايدها والكلام ده اعتقد ده غلط اوى لان المفروض البنت اول واحد يمسك ايدها يكون خطيبها غير كده لا لا لا - بجد انا بحزر كل اخواتى البنات ان ياخدوا بالهم من نفسهم اوى وخصوصا فى الايام دى
وربنا يحافظ على كل البنات المسيحيين
سامو - المرشد السياحى

[جورج سيدهم انور]

الواضح من كل الاراء ان البنت بتغلط الواد والواد بيغلط البنت .
طيب مامكن الواد يروح يخطب البنت زي مالناس قالوا وبعد فتره يسيبها برضوا هل دا معناه انه بيتسلي .طيب امكن ماحصلش اتفاق بين الاثنين هل دا ينفع نقول عليه لعب بمشاعر البنت ؟ طبعا لأ .هنا هنقول بس انه ماحصلش نصيب.
والنت في اوقات كتير هي اللي ممكن تتبتدي بالكلام . هل دا معناه انه البنت بتجري ورا الواد ؟ولا في ناس كتير ممكن تقولك انه البنت ملهاش شخصيه !!! انا معاكو في ان البنت مفروض ماتفاتحش الواد في الموضوع دا بالذات .بس حتي ولو تلميح من البنت علشان في اوقات كتير ممكن في اولاد بتتكسف في الماضيع دي .دا مش عيب بس لازم تكون في صراحه بين الاثنين ولا انا غلطان ؟
ان اسف علشان طولت عليكم
وبجد ياجوسي موضوع بجد شيق وياريتك تتكتبلن علي طول
مواضيع ذي دي

[جوسى]

ميرسى جورج ميرسى سامو على مشاركتكوا للموضوع
بس انا يا جورج بقول انه بيتسلى مفيش واحد بيخطب و يرتبط رسمى الا لما يكون انسان جد و معنى انه فك خطوبته
اكيد فكها لسبب قوى يستلزم ان الطرفين ينفصلوا
وده مش معانه لعب بمشاعر البنت
انا بقول على اللى بيتسلى اللى كل اسبوع مع بنت شكل

[جوسى]

ميرسى جورج ميرسى سامو على مشاركتكوا للموضوع
بس انا يا جورج بقول انه بيتسلى مفيش واحد بيخطب و يرتبط رسمى الا لما يكون انسان جد و معنى انه فك خطوبته
اكيد فكها لسبب قوى يستلزم ان الطرفين ينفصلوا
وده مش معانه لعب بمشاعر البنت
انا بقول على اللى بيتسلى اللى كل اسبوع مع بنت شكل

[جوسى]

ميرسى جورج ميرسى سامو على مشاركتكوا للموضوع
بس انا يا جورج بقول انه بيتسلى مفيش واحد بيخطب و يرتبط رسمى الا لما يكون انسان جد و معنى انه فك خطوبته
اكيد فكها لسبب قوى يستلزم ان الطرفين ينفصلوا
وده مش معانه لعب بمشاعر البنت
انا بقول على اللى بيتسلى اللى كل اسبوع مع بنت شكل

[rmio]

بصراحة كده اغلب الشباب الي بيمشى مع البنت قبل الخطوبة بيتسلة
صدقونى احيانا فيه شباب بتتباه قدام اصحابوا انه بيمشى مع بنت واتنين وثلاثه واكتر

الاكثر من كده احيانن بيسمعوا اصحابهم المكلامات التى بدور بينه وبين البنت اللى بيمشى معاها
طبعا انا معاكم دى نداله
لكن ده الى بيحصل فعلا
وبعدين لو شاب قال لبنت انه بيحبها
يتقدملها
ومفيش مانع يخرجوا مرة او اثنبن قبل الخطوبة ولكن بعلم الاهل
اسف للتطويل
الف شكر ليكى جوسى
على موضيعك الجميلة

[ماريان سعد]

جوسى لوعايزة تعرفى مين الصح ومين الخطأ هقولك ان الآتنين خطأ لآن أنا كبنت مينفعش أخرج مع حد مش خطيبى ده أنا عن نفسى لكن فى بنات بتحب متقدرش تقول لآء لآن هى بتثق فية وفى وعوده ليها ولكن كون ان الولد يستغل الحب دة ويلعب بيها دة غلط أوى أكتر منعند الولد بس بردة شوفت فى الفترة الآخيرة أن البنات كمان بتعمل دة وتقول أخرج معاه وأدلع على حسه وفى الآخر مش هتجوزة بصراحة وأنا أسفة فى التعبير اللى بيعمل كدة يستاهل الحرق سواء كان ولد أو بنت

[اسامه سمسم]

راى انا وبصراحه
ليه البنت تمشى مع واحد اساسا هى
مش عارفه مصيرها معاه ايه
زنيجى نعيط فى الاخر ونقول يا ريت اللى جرا ما كان
ارجوكم يا بنات
خلو بالكم من نفسكم ويا ريت نتعلم من اخطاء غيرنا
ونفوق لنفسنا بقى
ربنا يا حافظ على ولاده وشكرا

[Angil]

بسم الثالوث الاقدس

موضوع جميل جدا انا رائى ان فيه غلط من الطرفين بمعنى الولد:
هل ينفع انى اعمل المستحيل علشان البنت تحبنى يعنى يعمل فيها راجل اوى اوى وبمجرد البنت لما تحبك وفعلا انك تبقى حاجه مهمه فى حياتها تيجى فى النهايه وتسيبها لمجرد انك مشيت معاها حرام عليك قوى قوى دى لو كانت اختك كنت حترضالها كده.
والبنت : انت حبتيه قوى هل ينفع انك تخرجى معاه لوحدك طيب هل اهله على الاقل عندهم خلفيه بمعنى على الاقل بيكلموكى عادى, وهل اهلك عارفين الموضوع داه ومواقين على الشاب ولا حتستنوا بعدين تبقوا تقولوا هههههههههههههه
صدقونى الولد الكويس الى بيحب بجد ومتربى بجد بيخاف على البنت الى بيحبها جامد جداااااااا تلقيه على الاقل فاتح اهله فى الموضوع مش بخطوبه لو كانوا صغيرين على الاقل انهم اصدقاء وهو معجب بيها بس لازم الاهل يعرفوا يا ريت نوضع ربنا هو الى يقود المسيره مش احنا البشر يا ريت تخلى بالكم من نفسكم يا بنات ويا ريت تخافوا على اخواتكم يا شباب احنا ملناش غير بعض مينفعش ناكل بعض مش اولاد المسيح الى يفكوا كده ربنا معانا ويرحمنا كلنا.

[البوب الجديد]

موضوع حلو يا جوسى بس انا بشوف الموضوع دة عندنا فى المسجية اوى وبناتنا مؤدبة ههههههههههههههه

موضوعك جامد يا جوسى

[Malak sokar]

موضوع جميل وحلو انة اتفتح من تاني
بس بردو انا مش هقول رايي عشان مزعلش حد مني

[Micheal Maher]

انا شايف ان الناس اللى بتقول ان الفتاة اللى امشى معاها لا يمكن ان اتزوجها هم للاسف يعانو ن من خلل فى تفسير هذا الموضوع واود ان اوجه لهم سؤال واحد ارجو التفكير به من زاوية اخرى:

لماذا ترفض الزواج بها هل لمجرد انها خرجت معاك ؟

واحذرك ان تقول لى انها ممكن تخرج مع حد غيرى وتعمل كده مع اى واحد غيرى . ارد عليك واقولك طيب من الممكن ان انت تخرج مع فتاة غيرها وتمشى معاها هتقولى انا ولد ومش فارقه معايا حاجة .لا يامنافق هو اللى انت تعمله صح وهى لا ما هو المعيار شغل مخك !
وهل جزاء الانسانة التى وثقت فيك يكون هذا !!!