مجنون

[@M@R!N]

http://home.no.net/anyas/anyaflower13.gif

اهلا وسهلا باعضاء ارثوذوكس

في شريط ترانيم سمعته
عجبني جداااا وحبيت اني اكون اول واحده اتكلم عنه
هو لسه طبعا منزلش في معظم الكنايس
وكمان منزلش على النت

بس انا حبيت اقدملكوا برومو تحفه اوي
هيبينلكوا قد ايه الشريط روعه
بجد بجد نصيحه لازم تسمعوا الشريط ده لانه فعلا جبااار

http://home.no.net/anyas/anyaflower344.gif

واسم الالبووم

مجنون

http://home.no.net/anyas/anyaflower344.gif

وان شاء الله اول ماقدر اجيب الترانيم
هرفعها على طول في ارثوذوكس
بس تاخد وقتها الاول في الكنايس

http://home.no.net/anyas/anyaflower344.gif

اتفضلوا البرومو

:8: (http://www.orsozox.com/forums/redirector.php?url=http%3A%2F%2Frapidshare.com%2Ff iles%2F210836080%2FPROMOO__2.wma.html)

http://home.no.net/anyas/anyaflower344.gif

اما دي بقى فهي كلمات ترنيمة مجنون


.
.
.


مجنون قولوا ياناس لكني مش زيكم
انا قلبي مش مداس لعالم غشكم

قلبي اختار الطريق المليان بالعنا
لكن معايا رفيق يخلي مره هنا

http://fawaz518.jeeran.com/فاصل.gif

مجنون قولوا يا ناس مليش مكان وسطكم
افكاري طايره لفوق بعيد عن ارضكم

سايبه ارض الشقا وكل غش فيها
رايحة ارض الهنا دا يسوع مستنيها

http://fawaz518.jeeran.com/فاصل.gif

مجنون قولوا يا ناس افراحي مش زيكم
فرحي بحضور الهي ومستغني عن ارضكم

افراح الارض مر تحلى في عين الاسير
والهي ولدني حر ووعدني اكون امير

http://fawaz518.jeeran.com/فاصل.gif

فرحان انا بالصليب مش رافضه زيكم
حتى لو عشت غريب لو مجنون وسطكم

صليبي هو الطريق لدخول باب السما
وكل تعب وضيق يبقى مجد وغنا

http://home.no.net/anyas/anyaflower344.gif

واسم الفريق

فريق رئيس السلام
في كنيسة الشهيد العظيم جيؤرجيوس
بابي طاقية_حدايق شبرا

[مارينا ميشيل]

فعلا الشريط رائع جدا ياريت تدعمونا برأيكم لما تسمعوا البرومو بتاع الشريط
كنيسة الشهيد العظيم جورجيوس بأبى طاقية -حدائق شبرا
فريق رئيس السلام
الشريط الثانى
مجنون
للاستعلام وطلب الكميات
0120020002
0185250896
0222061099
وصلوا من أجل الخدمة
واذكرونى فى صلواتكم

[zaza2006]

شكرااااااااا ربنا يعوضك

[سالومي 92]

أنا سمعت البرومو ده قبل كدة فعلا لأنه جالي بالظبط من يومين بس بجد تحفة يا ريت أول ماتجيب الشريط تنزله لأني مش من القاهرة وصعب أنه يوصل لكنيستنا وبجد شكرا علي كلمات الترنيمة الجميلة
وأذكرني في صلاتك

[anosh]

بصراحه فكرة ترنيمة مجنون و اسمها فكرة مجنونه فعلا بس جااااااااااااااااامده

انا اول مره اسمع عن الشريط ده

بس جارى التحميل

ميرسى لتعبك كتييييييييييييييييييييييي ير

[مارينا ميشيل]

على فكرة يا جماعة الشريط جامد جدا
واوعدكم انه اول ماالشريط ياخد وقته فى التوزيع على الكنايس
هارفعه على الموقع

[boboyachanna]

سلام ربنا معاكم
أحب أعرفكم بنفسى أنا أبانوب القس يعقوب اللى بقول الترنيمة
أنا فعلا مبسوط ان الناس سمعتها بس يا ريت حكاية رفعها على الانترنت ده ما تحصلش
صدقونى يا جماعة احنا صرفنا مبالغ ضخمة على الشريط ده
ما ينفعش بعد لما الكنيسة تصف كل المبالغ ديه مجهودها يضيع
انا آسف لو كلامى يضايق
ربنا يبارككم كلكم
صلولى كتير
أبانوب

[minabobos]

شكرا ليكى يا مارينا ع الكلمات الجميل ده
ربنا يعوضك
ومنتظرين المزيد

[wa7ed z3lan]

ده شريط تكلفته بالآلافات
تسجيل توزيع تلحين كلمات
ويادوبَك ينزِل هُمَّ يومين
ويكون على كُل المُنتديات

تتِعَوَّض فى الألبوم الجاى!
طَب وإحنا هَنِعمِل غِيرُه إزَّاى؟
ده إحنا ما جيبناش ولا حَق الشَّاى
إللى شرِبناه وَقت الحُجوزات

واحِد مش عارِف يُقصُد إيه
ياخُد مَجهودنا ويَسطو عليه
والشِّىء إللى بيدهِش. تلاقيه
كاتِب آيه وطالِب صَلوات

طَبعاً لازِم هنصلى لُه
مش علشان عِرفان بجميلُه
لكن هنصلِّى وندعى لُه
يفهَم إيه خِدمه وإيه سَرِقات

هُوَّ المَسؤل وللا الجُمهور؟
بَس الجُمهور غَلبان مَعذور
أزمه إقتِصاديَّه وغَلا وأجور –
ماتكَفِّيش عيش حاف مع كُرَّات

طَب يِدفَع ليه جنيه وللا إتنين
مـ النِّت يجيبُه فى دقيقتين
ببلاش . وأنا هاأنتِج تانى منين!
ومفيش حفلات ومفيش رَنَّات

المُشكِله سَهله ومَحلوله
أصحاب المُنتَدَيات دُولَه
يحذِفُوا لينكاتنا بِسهوله
من غير لا مشاكل ولا خِلافات

وَأمَّ يحِبُّوا يحُطُّوا حاجاتنا
ياخدُم قبليها موافْقَاتنا
ساعدونا نكَمِّل خِدمِتنا
أرجوكوا إمسَحوا كل اللينكات

لِحاجاتنا بلاش تِعمِلوا أب لوود
دى سِرقه للمال والمَجهود
وماتِنسوش إن الله موجود
بيبُص علينا مـ السَّمَوات

كلمات رمزى بشاره
http://www.facebook.com/photo.php?pid=2488145&o=all&op=1&view=all&subj=40855084708&aid=-1&id=595784907&oid=40855084708

[dracula_2006]

الترنيمه تحفه و اكثر من رائعه
كان نفسي نعملها كليب
بس للاسف الكلام اللي في اولها قتل اي ابداع اخراجي فيها
لان الكلام اللي في اول فيه كل افكار التصوير
ربنا يعوضكم و بجد ترنيمه تحفه تحفه تحفه

[متشو سمير]

انتظروا كليب جديد لترنيمة مجنون ....... رائع جدا تم الانتهاء من تصويره ومونتاجه 24/12/2009 وعرض 31/12/2009 بكنيسة الملاك ميخائيل بالظاهر ........

[Abanob Maher]

بالنسبة لموضوع ان الترنيمة تتعمل فيديو كليب هى معموله فعلا تلت فديوهات على اليوتيوب

والترنيمة اللى اتحطت ديه متاخده من الفيديو الاولانى

وحاليا بيتم تصويرها فديو كليب اخر ولكن بمعرفة الشركة والمرنم

[dracula_2006]

يا جماعه الترنيمه كويسه .. بس مش واو يعني انها تتعمل 3 فيديوهات و الرابع بيتصور .. ياريت اللي شغالين في المجال ده يعملوا ترانيم تانيه تكون ماظهرتش للناس علشان الناس تشوفها و تتعزى بيها .. لكن ايه الفايده اني اشوف حاجه اتعملت قبل كده ... و بعدين الترنيمه غريبه شويه برضه ان حد بيقول للناس انا مش ذيكوا و حتى لو بيقول كده لنفسه ... برضه في الترنيمه هو حاسس انه احسن من الناس كلها .. بس هي ترنيمه تشد جداااا .. اول ما سمعتها كان نفسي اعملها فيديو .. لكن بعد ما عرفت ان اتعملها خلاص فقلت يبقى وصلت للناس و نشوف حاجه تانيه

[منيمو]

ميرسى ليكى اوى انا عندى الشريط وهو شريط تحفة و جامد جدا و انا بحبة اوى و ربنا يعوضك

[@Sherif@]

شكرا علي الترنيمة الجميلة دي
ربنا يباركك

[bassem8800370]

http://www.basketfanfare.com/Thank_You_72.jpg