الحب [الأرشيف] - †† منتدى ارثوذكس ††

مشاهدة النسخة كاملة : الحب

kottah_sh

03-08-2009, 07:33 PM

دى اول مره اكتب فيها حاجه
اهو مجرد كلام

تفتكروا ايه معنى الحب
كتير قالوا ان الحب تضحيه بس ايه معناها ؟

هى انك تضحى بروحك علشان غيرك ؟
طيب تسوى ايه لو مقابلها الجرح والاهانه والذل

طيب بلاش التضحيه

فى ناس قالت ان الحب عطاء

والعطاء دا ايه انك تدى من غير مقابل ؟
طيب لو العطاء ده للنفس والأنا قبل مايكون للغير
يبقى لزمته ايه ؟

فى ناس كمان قالت ان الحب بين حبيبين
بيترجم للحنان

حتى دى انعدمت ومش موجوده

يبقى لزمه الحب ايه ؟

تفتكروا بنحب ليييييييه ؟؟؟؟؟؟؟

اسفه طبعا لو ضايقت حد بكلامى
واسفه علشان الكلام مش مترتب اوى

nermos1982

03-08-2009, 09:43 PM

اسئلتك يا كوتا سالتها قبل كده وحاولت الاقيلها اجابة لكن للاسف معرفش الحب عطاء ولا تضحية ولا ايه خصوصا لما نلاقى ناس ماتستاهلش التضحية ولا العطاء
ربنا يفرح قلبك يارب ويكون معاكى

miso

03-08-2009, 09:47 PM

finyara

03-08-2009, 10:42 PM

الناى الحزين

03-08-2009, 11:49 PM

هى انك تضحى بروحك علشان غيرك ؟

اللى يحب لازم يضحى
حتى لو كان على حساب نفسه

اسئلتك صعبه يا كوتا
وللاسف معنديش اجابه
ربنا يفرح كل اولاده
وشكرا على الموضوع الجميل

سمر ماهر

03-09-2009, 12:52 AM

الحب هو كل شئ جميل بس اهم حاجة انك تدى قلبك للي يستاهل الحب دة ويحس فعلا بيك وربنا يباركك

حنين سنين

03-09-2009, 01:09 AM

الحب هو الاتنين يا مريم العطاء والتضحيه
لانك بضحى
وانتى مبسوطه وراضيه
وبتدى وانتى حاسه ان دا حق الحبيب عليكى
صدقينى الحب احساسه جميل بس احنا اللى بنستخدمه غلط وساعات بيكون فى استغلال وحاجات كتير بس دا مش حب خالص
لكن كل شئ موجود فى الحب واحساسه بس الاول لازم يكون موجود الانسان
بجد موضوعك جميل واجمل مافيه التلقائيه

عماد حسنى

03-09-2009, 02:30 AM

موضوعك عباره عن اسئله واجوبه عن الحب
طبعا كلام صح مليون فى الميه بس فى حاله واحده لما الحب اللى بتتكلميه عليه ده يكون لانسان مايستحقش ( انانى )
لكن الحب موجود وكل صفاته الحلوه موجوده بس الاهم من وجود الحب دلوقتى الانسان اللى يستاهل الحب
مفيش اسهل من الحب صدقينى بس لمين قبل ما يكون ليه

شكرا جدا يا مريم على الموضوع

وردة حزينة

03-09-2009, 03:28 AM

صدقينى يامريم ميش عارفه اجاوب
وكلامك واصل لقلبى لانه طالع من قلب تعبان
الحب ده اصله حاجه ملعبكه محدش فاهم ايه مكوناته اصلا
تعيشى وتكتبى يامريم
ربنا يفرح قلبك ياحبيبتى

ميلاد صدقى

03-09-2009, 03:51 AM

شوفى يا كوتة او يا مريم انا لى راى مختلف شوية
اولا لا يوجد حب بالمعنى المفهوم الان الحب كان زمان
الحب الان بقى كلام ومضيعة للوقت وكلة بيسرح بكلة
عارفة لية مافيش حب علشان اصلا مافيش قلوب تعرف تحب
ودة لا ذنبك ولا ذنبى ولا ذنب حد ولكن ذنب الحب اللى مش موجود
لو حد يفهمنى يعنى اية تضحية او عطا ء او سعادة او عواطف ابقى انا
اقولة يعنى اية الحب والمرة القادمة يا مريم هاقولك على المقادير
وطريقة الطهى وبالهنا والشفا رائعة يا رومة وممتازة فى اسئلتك
ومحيرة ايضا انا عن نفسى احب المواضيع اللى من هذة النوعية
ربنا يباركك ويكون معاكى دايما

kottah_sh

03-23-2009, 02:29 AM

اسئلتك يا كوتا سالتها قبل كده وحاولت الاقيلها اجابة لكن للاسف معرفش الحب عطاء ولا تضحية ولا ايه خصوصا لما نلاقى ناس ماتستاهلش التضحية ولا العطاء

ربنا يفرح قلبك يارب ويكون معاكى

طيب ياختى تعالى اقعدى جمبى
وانتى مسيرك تعرفى الاجابه

ههههههههههههههههههه

ميرسى ياقمر على مرورك وردك

kottah_sh

03-23-2009, 02:42 AM

حب لو قلبك بينبض
ومستناش تلاقى حب
ممكن جدا تلاقى جرح
بس المهم انا ايه
انا هقدر اجرح زى ما بتجرح
ولو فكرت اجرح يبقى ابعد احسن
مش هفضل اقول انا اتجرحت وحبيت ومش لقيت حب زى اللى اقدمته انا حبيت
ومدام حبيت يبقى مندمش لان محدش اجبرنى انى احب الشخصبة دى
حب وعيش زى ما انت ومتستغربش من اى رد فعل

ميسو ياقمر بحب ردودك جدا
هوه فعلا محدش يقدر يجبر حد انه يحب حد
بس لازم استغرب من الشخصيه اللى حبيتها دى لما تتقلب وتتغير
لازم ادور على السبب

على العموم ردك بيفرحنى جدا بجد
ربنا يفرح قلبك

كيرو رافت

03-23-2009, 02:46 AM

دى اول مره اكتب فيها حاجه

اهو مجرد كلام
ويا ريتها تكون موش اخر مرة

تفتكروا ايه معنى الحب
كتير قالوا ان الحب تضحيه بس ايه معناها ؟

الحب اجمل فضيله اوجدها ربنا على الارض وبدون الحل ما كانت لينا حياه ولا وجود على الارض
هى انك تضحى بروحك علشان غيرك ؟
طيب تسوى ايه لو مقابلها الجرح والاهانه والذل

طيب بلاش التضحيه
الجرح استحاله ييجى من انسان بيحب اكيد فيه حاجه غلط ولو فيه تضحيه لانسان يبقى اكيد لازم يستحق التضحيه

فى ناس قالت ان الحب عطاء

والعطاء دا ايه انك تدى من غير مقابل ؟
طيب لو العطاء ده للنفس والأنا قبل مايكون للغير
يبقى لزمته ايه ؟

دا يبقى اسمه انانيه ودى بتقتل الحب لان الحب اهم ما يميزة هو التبادل فى المشاعر ما بتكونش من طرف واحد

فى ناس كمان قالت ان الحب بين حبيبين
بيترجم للحنان

حتى دى انعدمت ومش موجوده
لو كل ده انعدم ومابقاش موجود يبقى ازاى يكون دا اسمه حب

يبقى لزمه الحب ايه ؟
الحب يصنع المعجزات ومهما حصل لازم يكون موجود لانه من الممكن يغير كتير فى اللى حوالينا وفينا

تفتكروا بنحب ليييييييه ؟؟؟؟؟؟؟
لان الله محبه وهو اللى زرع فينا الحب وبدون الحب لا توجد حياه لاننا به نحيا ونوجد

اسفه طبعا لو ضايقت حد بكلامى
واسفه علشان الكلام مش مترتب اوى

بتمنى دايما ان مواضيعك تصطبغ بالفرحه والامل والحب

ربنا يفرح قلبك يا اجمل مرمر فى الدنيا ويدبر لك كل امورك

ميرسى يا اغلى مرمر على التساؤل الصعب ده

kottah_sh

03-23-2009, 02:47 AM

والعطاء دا ايه انك تدى من غير مقابل ؟
طيب لو العطاء ده للنفس والأنا قبل مايكون للغير
يبقى لزمته ايه ؟

ايه يا كوتا كلام القلب المجروح ده !

العطاء لو للنفس مش للغير عمره ما هيبقى عطاء لانه اتسمى عطاء علشان انت تعطى للغير
و الحب عمره ماكان زل والا ماكانش اتسمى بالحب
بس كلام جمييييييييييييييييييييييي ل جدا

ميرسى يا مريومه ياقمر على مرورك
المشكله اننا احيانا بنسميه عطاء
واحنا مش واخدين بالنا انه بيكون للانا قبل ما يكون للغير

ميرسى ياحبيبتى لردك ومشاركتك الجميله دى

kottah_sh

03-23-2009, 02:52 AM

هى انك تضحى بروحك علشان غيرك ؟

اللى يحب لازم يضحى
حتى لو كان على حساب نفسه

اسئلتك صعبه يا كوتا
وللاسف معنديش اجابه
ربنا يفرح كل اولاده

وشكرا على الموضوع الجميل

ايه ده خط الصعيد ذات نفسه
مشرف موضوعى يااااااااااااااااه
نايين باشا منور بجد

وميرس اوى على مرورك ومشاركتك الجميله
اللى فرحتنى بجد
كان نفسى الاقى اجاباه عندك
بس يالا معلش
ابقى اعدى وقت تانى

ربنا يفرح قلبك يارب دايما

kottah_sh

03-23-2009, 02:59 AM

الحب هو كل شئ جميل بس اهم حاجة انك تدى قلبك للي يستاهل الحب دة ويحس فعلا بيك وربنا يباركك

ميرسى ياسمر لمرورك

ربنا يفرح قلبك ياحبيبتى

kottah_sh

03-23-2009, 03:01 AM

الحب هو الاتنين يا مريم العطاء والتضحيه

لانك بضحى
وانتى مبسوطه وراضيه
وبتدى وانتى حاسه ان دا حق الحبيب عليكى
صدقينى الحب احساسه جميل بس احنا اللى بنستخدمه غلط وساعات بيكون فى استغلال وحاجات كتير بس دا مش حب خالص
لكن كل شئ موجود فى الحب واحساسه بس الاول لازم يكون موجود الانسان

بجد موضوعك جميل واجمل مافيه التلقائيه

هنا هنايا منوره موضوعى
وااااااااااااااو

هوه فعلا العيب فيا
احنا اللى بنضيع معنى الحب وحلاوته

ميرسى ياحبيبتى لمشاركتك الرقيقه دى

kottah_sh

03-23-2009, 03:04 AM

موضوعك عباره عن اسئله واجوبه عن الحب

طبعا كلام صح مليون فى الميه بس فى حاله واحده لما الحب اللى بتتكلميه عليه ده يكون لانسان مايستحقش ( انانى )
لكن الحب موجود وكل صفاته الحلوه موجوده بس الاهم من وجود الحب دلوقتى الانسان اللى يستاهل الحب
مفيش اسهل من الحب صدقينى بس لمين قبل ما يكون ليه

شكرا جدا يا مريم على الموضوع

فعلا ياعماد الاهم ان الحب لمين
مش ليه

ميرسى اوى لمرورك وردك
ربنا يباركك

kottah_sh

03-23-2009, 03:10 AM

بتمنى دايما ان مواضيعك تصطبغ بالفرحه والامل والحب

ربنا يفرح قلبك يا اجمل مرمر فى الدنيا ويدبر لك كل امورك

ميرسى يا اغلى مرمر على التساؤل الصعب ده

ابو الارافيت ياغالى
كلامك كبير اوى عليا وردودك تحير بجد

الاهم من دا كله هوه مرورك ومشاركتك اللى دايما بتفرحنى جدااااااااااا

اما بالنسبه انى اكررها فمظنش

بلاش يابنى اكتب

دا مش حلو علشانكوا خالص
ههههههههههههههههههه

ميرسى يا اجمل اخ بجد على كلامك الجميل ده

ربنا يسعدك ويفرك قلبك بهناك

سيزر الروش

12-27-2009, 11:28 AM

الحب هو احساس خفي قوي يهز المشاعر ويحرك القلب من مكانه الحب ليس كلام ولكن الحب افعال الحب ليس كلمة تقال الحب كلمة تقراء من العين ومن افعال وتصرفات من يحب كل سنة وانتى طيبة

ادروسيس

01-03-2010, 09:05 PM

سوال غريب مجاوبش علية
الحب فى مفهمى عطاء بلا حدود من غير
انانية
بس عموما نادر جدا وعملة صعبة فى ايامنا ال احنا فيها
حقيقى ميرسى كتير لكى ربنا يجعل كل ايامك حب

marian magde

01-03-2010, 10:12 PM

:em0400:اولا انا حابة اهنيئكى على اول موضوع ليكى وفعلا جميل جدااااا طرح اسئلة يمكن مش بنفكر فيها كتير ومش يعرفها كتير بس كلها حقيقية فى وقتنا دة وانا من راى لية احب حد مش يستاهل ولا بيقدر حبى والعطاء لو مش من طرفين يبقى ملهوش لازمة وحب منتهى الصلاحية فاسد وسمحونى على تعبيرى لانوا هيالم قلب ليس لهوا ذنمب غير حبوا عشان كدة انا من راى ان كل شخص عاقل ان يبعد قلبوا عن العذاب عن طريق الاختيار الصحيح دة اذا ماكنش وقع فى يد صياد ماهر استطاع خداعوا ويارب يحمينا من كل الالم ومرسى تانى ليكى واتمنى منك كتابة المزيدوالمزيد وكل سنة وانتى طيبة