انتوا مش شايفين حاجه غريبه بتحصل؟

[ماندى1]

انتوا مش شايفين حاجه غريبه بتحصل؟
هل انتوا حاسين بيها ؟ ولا انا للى مكبره الحكايه؟

هقولكم انا قصدى ايه
ارجع 5 سنين لوره كده وشوف حال الناس زمان وشوف البنات كانت بتعمل ايه وبتلبس ايه؟
شوف الناس كانت بتعامل نفسها ازاى ؟
شوفوا الشباب كانوا اازى؟ كانوا بيخافوا على البنت اللى بتبقى ماشيه ف الشارع من غير ميعرفها ويدافع عنها لو حد ضيقها؟ ولا عمو اللى كان يبقى عمره 60 سنه ويمسك الولد يضربه لو شافه بيعمل حاجه غلط؟
شوفوا كيلو اللحمه كان بكام ؟


دلوقتى الشباب بيكلم البنت ومتاكد انها هترد عليه وتتديلوا رقم الموبايل ولايميل
عمو اللى عنده 60 سنه اللى كان بيحارب الفساد دلوقتى هو اللى بيعاكس البنت وفاكر نفسه مراهق

حاجات غريبه جدا بتحصل من حوالينا

صدقونى انا فاكره انى كنت ماشيه ف الشارع مع اختى الكبيره واحد كان بيضيقها فلاقينا راجل كبير مسك الولد وبهدلوه ومسح بكرامته الارض

دلوقتى الراجل الكبير فاكر نفسه مراهق ويفضل يضايق البنات اللى جايه واللى رايحه


ايه رائيكم اللى بيحصل دلوقتى ؟؟؟؟؟؟؟؟؟؟؟؟

[kottah_sh]

دلوقتى الراجل الكبير فاكر نفسه مراهق ويفضل يضايق البنات اللى جايه واللى رايحه



بامانه انا مش بخاف غير من الناس الكبيره
بيقعدوا يعاكسوا ومش ببقى عارفه اتصرف ازاى
لانه راجل كبير

بجد بقت حاجه فى منتهى الغلاسه وحرقه الدم
ربنا يحافظ على ولاده وبناته ويحميهم

[جاسيكا]

بجد صح كل اللى بيتقال
الراجل العجوز دلوقتى الشاب هو اللى بيقولو عيب يا جدو
هههههههههه واللهى بجد وحصلت قدامى
ربنا يستر بقى هنعمل اية
لازم كل واحد يخلى بالو من سلوك ولادة الشباب
اشكرك ماندى

[elphilasouf]

عالم تيييييييييييييييت
وقله ادب
متمشيش لوحدك تانى فى الشارع
غير لما يكون معاكى راجل


ودي ثقافه الشعل الحالى
لنبدء فى التغير منك انت


وانت مالك تلبس ايه ولا ماشيه الساعه كام ولا مع مين
وانت مالك


المفروض ده الى يحصل
ميرسي ماندي ع الموضوع

[ELMAGEK]

ههههههههههههههههههههههههه ههه
موضوع جميل اوى
على فكرة الشباب بتاع مصر اتغير خالص
وحصل فية تغير جزرى
وعايزين نغير النشيد الوطنى ويبقى نشيد كول
ههههههههههههههههههههههههه هههه
كنت مرة ماشى وفى واحد جانبى بيعاكس وانا معدى من جنبو
راحت البت بصت وراها وقالتلى انتا يا قليل الادب ياتيييييييييييييييييييييي ييييييت
وياابن التيييييييييييييييييييييي يييت
قعدت ادور على الراجل الى عندو 60 سنة عشان يلحقنى
لاقيتو بيعاكس فى اول الشارع
ههههههههههههههههههههههههه ههههههههههه
موضوع جاااااااااامد

[mero monir]

بجد فعلا ربنا يحافظ على بناتة

[ماندى1]

انا بشكركم اوى على ردودكم الجميله
وادعوا اننا نعرف نغير من مجتمعنا ونخليه يبقى احسن من كده

[ameerko]

فعلا ربنا يحافظ عليكو يا بنات الناس مش عارف جرالها اييييييييييييييييييييييه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟
؟؟
؟
ربنا يستر على ايامنا الجاااااااااااااية
محدش عارف أيه اللى ممكن يحصل بعد كده
كل اللى فى ايديكو تطلبو معونة ربنا

[b o b b a]

بصي مشكله المعاكسه مش مشكله ظهرت لوحدها كده
لاء دي ناتجه عن المشاكل الكتير اللي بتمر بيها الناس
ومش هتتحل غير لما بقيت المشاكل دي تتحل

[mero monir]

المعاكسة مظهرتش من مشاكل يا بوبا
بجد المعاكسة دى الولاد بتعملها عشان يحسوا انهم خلاص بقوا رجالة والولاد نفسهم بيقولوا على الولاد اللى مش بيعاكسوا انهم خام وخيخة ويعنى عاملين زى البنات بيتكسفوا ودة لا طبعا دى اخلاقهم هى اللى مش بتسمحلهم بكدة
والولاد لازم يعاكسوا عشان يلفتوا الانتباة ويحس انة بقى راجل ويقدر يعمل حاجة وكمان عشان يواكب عصرة والكومبيوتر والانترنت و...................
مع ان الولاد دى كانت زمان بتخاف على البنات زى اخواتهم ولو كانوا بيشوفوا بنت بتتعاكس حتى لو ميعرفهاش بيدافع عنها فعلا عجبت لك يا زمن

[ماندى1]

الشباب عايزين يقلدوا وخلاص من غير ميعرف هو ده ولا غلط
الولد المحترم يشوف البنت بعين الاخويه
ونشوف هل هو هيرضى انى اللى بيعمله ف البنت دىيتعمل ف اخته
صدوقونى اخويه كان ماشى ف الشارع وشاف شباب بيرزله على بنات المهم راح بقى عمل ايه فضل يزعق للاولا وقالهم لو ده اختك هترضى حد يرزل عليها المهم اتخانق معاهم والناس اتلمت وخلصتهم ومشى وهو بيحكى لى بقوله وانتمالك قالى يعنى انتى وماشيه وحد رزل عليكى مش هتخانق معاه
صدوقونى من ساعتها واخويه كبر ف نظرى اوى وبالرغم انه اغر منى بس بحس ان عقله كبير

[@M@R!N]

عندك حق يا ماندي كلامك مظبوووط
بس عارفه
انا اللى لاحظته ان ده في مصر بسسسسسس
انا كنت عايشه في الكويت
ومافيش حاجه من دي بتحصل
جيت هنااا ولقيت مجانين مش بني ادمين
الكبار اتهبلوا وبيقلوا ادبهم والاطفاااال الصغيرين انييييييييييييييييييييييي ييييييييل
بجد مش عارفه ليه اللى بيحصل ده
وهيفضل الحال ده كتير ولا ممكن في يوم يتغير:(:(
ياريت يتغير بجد لان اليومين دوول في رعب فظيييييييع

ميرسي ليكي يا ماندي الموضوع عجبني اوي

[ماندى1]

هى فعلا المشكله ده ف مصر بس مش عارفه ليه؟
ميرسى لردك الجميل وربنا يحافظ علينا

[وردة حزينة]

هى غريبه فعلا بشوف الافلام القديمه او صور اهالينا القديمه وبشوف لبسم كان متفتح اوى ولما كنت بسال كانوا بيقولوا كنا بنمشى ومحدش بيبص علينا خالص
يعنى احنا ميش بنتعاكس بسبب هدومنا لان زمان كانوا بيلبسوا كل حاجه براحتهم يبى المشكله بقيت فى الناس نفسها وفى الشباب وحتى العواجيز
ربنا يهديهم ويرحمنا