ارف التعليم

[ميلاد صدقى]

التعليم
المنظومة التعلمية مين عنها مسؤول
مين علية يسمع ومين علية بس يقول
المدرس والطالب علاقة مش معقول
مدرس يموت طفل ونسى الاصول
ياترى اية السبب هو بس اكل الفول
ولا يمكن التكدس كتر فى الفصول
ولا مرتبطة فقط بالقصر والطول
معلم بعصاية واقف وطفل مذلول
بيعمل كدة اصلة متزوج وبيعول
الاطفال خايفة تروح المدرسة من الضرب تنول
ولا التعليم بقى بالضرب واللى يرفض مفصول
ولا المدرس بقى يروح المدرسة سكران مسطول
توصل لدرجة الموت يا مفترى وعضل مفتول
اللى يخالف مستر او ميس اصبح بس مقتول
طفلة مدرسة النزهة ماتت ومكان دمها مغسول
تتشطر على عيل برئ ضعيف عقلك مخبول
واللى ياخد درس الامتحان خلاص محلول
ومدرس فى قبض الفلوس يعمل فيها بهلول
والطالب الذكى مايخدش درس ينجح بمقبول
ودروس خصوصية اتفشت اصبحت غول
والضرب شغال على ودنة وتلميذ مشلول
وتلاميذ النهاردة محتاجين محيط محلول
لا نافع جزا ولا خصم ولا مدرس منقول
نعاقب مدير.ناظر.مدرس.تلميذ.ولا.كل. دوول

[نبيل نصيف جرجس]

الله كلمات حلوة اوى يا استاز ميلاد ربنا يخليك لينا يا رب

[miso]

ههههههههههههههههههههههههه ههههه لا حلوة بجد
هتزعل مدرسيين معانا فالمنتدى
بس فعلا اللى بتقوله صح
الحمدلله خلصت تعليم قبل الكوارث دى

[أميرة عبده]

الله ينور عليك يا استاذ ميلاد حقيقى الكلام فى منتهى الروعه وواقعى كله بدون اى مبالغات

[وردة حزينة]

ههههههههههههههههههه
جميل اسلوب السخريه ده ياميلاد لقضيه حقيقه بقيت موجوده تناولت المشكله بااسلوب جميل خالص
تسلم ايديك

[nermos1982]

الاطفال خايفة تروح المدرسة من الضرب تنول
ولا التعليم بقى بالضرب واللى يرفض مفصول
ولا المدرس بقى يروح المدرسة سكران مسطول
توصل لدرجة الموت يا مفترى وعضل مفتول
اللى يخالف مستر او ميس اصبح بس مقتول


:10800::10800::10800: احنا كده مظلومين دايما :10800::10800::10800:
يا ناس ياهو نفسى فى مرة تيجوا تحضروا حصة وتشوفوا اللى بيحصل .بامانة ربنا اللى احنا بنعمله فى العيال بيكون غصب عننا .والمشكلة الاكبر بقى انهم منعوا الضرب ومنعوا الواجبات الكتير وفيه مراحل مش فيها اعمال سنة يعنى العيال خلاص مكبرة دماغها على الاخر يبقى لينا حق فى اللى بنعمله
بس الموضوع بجد اكثر من رائع يا استاذ ميلاد .وسورى لو كنت طولت فى الرد بس احنا بجد مظلومين

[ميلاد صدقى]

الله كلمات حلوة اوى يا استاز ميلاد ربنا يخليك لينا يا رب

اشكرك يا بلبل على اهتمامك ومرورك الذى اسعدنى
كثيرا وربنا يخليك انت كمان ويفرح قلبك ميدو

[شمعة]

حلووووووووووووووووووووو اوى استاذ ميلاد
بجد حكاية وربنا يرحمنا
واسلوبك رائع
ومنتظرين المزيد والمزيد

[ميلاد صدقى]

ههههههههههههههههههههههههه ههههه لا حلوة بجد
هتزعل مدرسيين معانا فالمنتدى
بس فعلا اللى بتقوله صح
الحمدلله خلصت تعليم قبل الكوارث دى

ميرسى يا ميسو ردك اسعدنى وطمن فكرى
يارب يكون الموضوع عجبك ربنا يسعدك
ويفرح قلبك ونشوفك دايما موجودة معانا ميدو

[ميلاد صدقى]

الله ينور عليك يا استاذ ميلاد حقيقى الكلام فى منتهى الروعه وواقعى كله بدون اى مبالغات
وانا بلا مبالغة اشكرك كثيرا على مرورك
الجميل الذى اعتبرة اول رد منك يا اميرتى
اتمنى اشوف ردودك على موضوعاتى
ربنا يفرح قلبك طول الايام ميدو

[ميلاد صدقى]

ههههههههههههههههههه
جميل اسلوب السخريه ده ياميلاد لقضيه حقيقه بقيت موجوده تناولت المشكله بااسلوب جميل خالص
تسلم ايديك

ميرسى يا وردة وحزينة على ردك بهذة السرعة
مرورك الذى طمنى حقيقى ان الموضوع عجبك
بس اسلوبى عادى جدا يا وردة انت اللى اسلوبك
فى الرد هو اللى عجبنى وتسلم ايدك وربنا يسعدك
ويفرح قلبك كل الايام ميرسى كتير ميدو

[ميلاد صدقى]

:10800::10800::10800: احنا كده مظلومين دايما :10800::10800::10800:
يا ناس ياهو نفسى فى مرة تيجوا تحضروا حصة وتشوفوا اللى بيحصل .بامانة ربنا اللى احنا بنعمله فى العيال بيكون غصب عننا .والمشكلة الاكبر بقى انهم منعوا الضرب ومنعوا الواجبات الكتير وفيه مراحل مش فيها اعمال سنة يعنى العيال خلاص مكبرة دماغها على الاخر يبقى لينا حق فى اللى بنعمله
بس الموضوع بجد اكثر من رائع يا استاذ ميلاد .وسورى لو كنت طولت فى الرد بس احنا بجد مظلومين

اولا اشكرك يا استاذة نرمين على مرورك الجميل دى
وكمان عرفت منة انك مدرسة ربنا يوفقك وتكونى نعمة
المدرس ونعمة التعليم اما بخصوص الكلام اللى مزعلك
منى فالست انت المقصودة بية انا قصدت المعلم اما انت
لست معلمة بل مربية فاضلة حسب تعليم الهنا طبعا انت
فاهمنى ماذا اقصد انتم جميعا لست مظلومين بل اقلية
منكم وانت من الاقلية التى لا اقصدها ولكن عندما يحدث
شئ فى مجال معين يتهم كل الذين يعملون فية ولكن هناك
بينكم طيب وشرير اخيرا اشكرك كثيرا على اهتمامك
واظهار برائتك ربنا يكون معاكى ويباركك ميدو

[عماد حسنى]

موضوع جميل يا ميلاد فعلا واسلوبك حلو اوى
ربنا يهدى المدرسين ويحافظ على اولادنا فى كل مكان
الف شكر على الموضوع الرائع ده

[ميلاد صدقى]

]موضوع جميل يا ميلاد فعلا واسلوبك حلو اوى
ربنا يهدى المدرسين ويحافظ على اولادنا فى كل مكان

الف شكر على الموضوع الرائع ده
بجد يا استاذ عماد الموضوع عجبك
كان يهمنى رايك وتقيمك لموضوعى
ربنا يباركك ويحافظ عليك ميدو