المساعد الشخصي الرقمي

مشاهدة النسخة كاملة : نشرة اخبار الساعة 9

miso
10-30-2008, 11:44 PM
قاعد فاضى والوقت مش بيمشى
قولت افتح التليفزيون اشوف حاجة تفتح نفسى
فضلت اقلب فالقنوات
اشوف الاغانى والافلام والمسلسلات
استقريت بقى على نشرة الاخبار
باتدت بجو مغيم وغبــــــــــــــار
كملتها باخبار العراق وفلسطين
ومين استشهد برصاص مين
غير مظاهرات فالجامعات
بسبب صعوبة الامتحانات
كل ده وانا ساكت وبتفرج
كأنى مش مصدق وبقول المذيعة بتهرج
فجأة جه خبر عاجل
اشتعال نيران ادى لمشاكل
قولت فنفسى ايه العالم ده
ليه بقينا بالشكل ده
وفوسط الكلام لقيت الريس سافر مكان
علشان يناقش الريس فلان
ونرجع نقول ياريتك يا ابو زيد
ونلف فالدايرة من اول وجديد
تاخد الناس راحة بفاصــــــــل
ونرجع نكمل ونتواصل
الاقى الخبر التانى
الريس افتتح مشروعات
والست سوزان لمت الستات
ولفت جولة على المكتبات
تعبت ولسة هحول
سمعت خبر انخفاض الاسعار
فضلت مركز ومتابع الاخبار
اتاريه الرز نزل 2 جنيه ونص
يا فرحة ما تمت وسعادة ما كملت
حلفت ما اسمع اى نشرة
ولا عايز اسمع خبر ولا بشرى
حولت على ميلودى افلام
ارحم من نشرة كلها قنابل والغام
المضحك ختام المذيعة
رغم انها كانت فقيعة
بتقول يارب المشاهدين ميكونش جالهم السكر
ونصيحة منى قبل ما تجيب المذيعة ابقى فكر
اشوفكم بكرة مع اخبار جديدة
بس موعدكوش تبقى سعيدة
وشفت بقى يعم النشرة
تجبلك فالاخر ضيق نفس وكرشا
بقلم misoooooooooo
عماد حسنى
10-30-2008, 11:47 PM
الله ينور على النشرات
ربنا يخليكى يا ميسو
ونشوف منك اجمل النشرات وفى انتظار
احداث اربع وعشرون ساعه
تحفه بجد كل كتابتك تحفه فعلا
دموع الورد
10-31-2008, 12:32 AM
ههههههههههههههههههههههه

وصفتى الدنيا حلو قوى

بجد عسل عسل
نبيل نصيف جرجس
10-31-2008, 01:06 AM
بجد موضوع رائع يا ميسو ربنا يسوع يحافظ عليك ويزيدك كمان وكمان
جاسيكا
10-31-2008, 01:23 AM
حلو يا ميسو وحقيقة
ميرسى ليكى
miso
10-31-2008, 12:14 PM
الله ينور على النشرات

ربنا يخليكى يا ميسو
ونشوف منك اجمل النشرات وفى انتظار
احداث اربع وعشرون ساعه

تحفه بجد كل كتابتك تحفه فعلا

ميرسى يا عماد انفع مذيعة مش كدة
هههههههههههههه هريح الناس من انها تتفرج على النشرة
miso
10-31-2008, 12:15 PM
ههههههههههههههههههههههه

وصفتى الدنيا حلو قوى

بجد عسل عسل
ميرسى دموع الورد على ردك الاجمل ده
miso
10-31-2008, 12:15 PM
بجد موضوع رائع يا ميسو ربنا يسوع يحافظ عليك ويزيدك كمان وكمان
ميرسى نبيل على اهتمامك وردك
هههههههههههه بس ميسو يحافظ عليكى
miso
10-31-2008, 12:16 PM
حلو يا ميسو وحقيقة
ميرسى ليكى
ميرسى يا جاسيكا مش كددة برضو مش ده اللى بيحصل
حنين سنين
10-31-2008, 09:01 PM
جميل اوى فكره النشره دى يا ميسو
ميرسى يا قمر على الموضوع الرائع دااااا
ربنا يفرح قلبك
nermos1982
10-31-2008, 09:09 PM
موضوع رااااااااااااائع يا ميسو .ربنا يباركك ويرحمنا من نشرات الاخبار اللى بنسمعها
miso
10-31-2008, 10:17 PM
ههههههههههههههههههههه يارب يابنتى
ميرسى على ردك يا نرمو الجميل ده