انا جيت علشانك

[بنت الراعي]

انا جيت علشانك
يمكن تكون مسكين فا انت واحد من ضمن 8 مليار نسمة علي الارض و كمان فقير و اللي معاك يساوي كام في دنيتنا الكبييييييييييرة دي لكن الرب بيقولك
انا جيت علشانك
يمكن يكون قلبك مكسور نتيجة علاقة عاطفية للاسف فشلت او لانك فقدت اعز صديق او حتي حد من القريبن جداااا لقلبك او يمكن يكون قلبك مكسور نتيجة خطايا قديمة و مشاكل اتحفرت جواك مش قادر تنساها لكن الرب بيقولك
انا جيت علشانك
يمكن تكون مأسور في سجن من شرور كتير محدش حاسس بيها بتعملها في الخفا و محدش واخد بالة لكن بتلف في دوامة مش عارف تطلع منها لكن الرب بيقولك انا جيت علشانك
يمكن تكون حاسس نفسك اعمي و مانتاش عارف الصح و الغلط فين مش قادر تحس بوجود الله جنبك و لا قيادته لحياتك و ماشي في سكة طويلة لوحدك لكن الرب بيقولك
انا جيت علشانك
يمكن تكون ظروف و ضغوط الحياة داست عليك لحد ما انسحقت و شاعر ان الدنيا كلها متقفلة في وشك و الظروف بتضغط عليك من كل ناحية لكن الرب بيقولك
انا جيت علشانك
صديقي لو مهما كانت حالتك الرب جة مخصوص علشان هو بيحبك و مقدر جدا مشاعرك زي ما بتقول كلامات الترنيمة
لكني االيوم في زهولا
من حبك انك تعنيني
لو اني علي الارض وحيدا
لاتيت الهي لتفديني
ما اعظم حبك من حبا
يخترق القلب و يسبيني
يجعلني اتوجك مالكا
علي كل حياتي و سنيني
م
ن
ق
و
ل

[نبيل نصيف جرجس]

بجد تامل جميل اوى يا بنت الراعى ربنا يحافظ عليكى وتكونى دايما بنت الراعى وبنت الملك يسوع اللى بتكتبلنا مواضيعها الحلوة دى

[Malak sokar]

انا جيت علشانك انت وانا شغلي الشاغل انت مشتاق
لرجوعك وانت في عنادك زي مانت

بجد التامل دة سبب بركة كبيرة علي
قد ماموضيعك قليلة ياايمي علي قد مانها جميلة اوي ومختارة

ربنا يفرحك ويحافظ عليكي

[zaza2006]

بجد تامل جميل اوى يا ايمى ميرسى ليكى ربنا يفرح قلبك

[الناى الحزين]

صديقي لو مهما كانت حالتك الرب جة مخصوص علشان هو بيحبك و مقدر جدا مشاعرك


فعلا موضوع معزى جدا اشكرك عليه يا بنت الراعى
ربنا يعوضك

[nana222]

موضوع جميل جدا جدا

[ماروجيرافك]

يمكن يكون قلبك مكسور نتيجة خطايا قديمة و مشاكل اتحفرت جواك مش قادر تنساها لكن الرب بيقولك
انا جيت علشانك



ياريت كل واحد فينا يعرف بجد مقدار حب ربنا لينا
شكرا بنت الراعي علي التامل الرائع ده
الرب يبارك ثمره خدمتك

[adel baket]

الله على التامل الرائع بنت الراعى
الرب يبارك تعب محبتك

[بنت الراعي]

ميرسي اوووووووووي لمروركم ومحبتكم
ربنا يعوضكم ويبارككم ويفرح قلوبكم

[menalouka]

ونرجع ونقول :
" المر الذى تختاره لنا خيرٌ من الحلو الذى نختاره لأنفسنا "
فعلاً تأمل رائع يا بنت الراعى ربنا يحافظ عليكى ومنتظرين المزيد من التأملات الرائعة