هل تصلح الفتاة الدلوعة للزواج؟؟؟؟؟...للنقاش

[keroo82]

خطر ببالي اطرح عليكم هذا الموضوع لنرى الاراء حوله من قبل الجميع واتمنى ينال اعجابكم

الكثير من الفتيات ( وليس الكل ) يعيشون في حضن الاهل في دلال ابوي مفرط حيث طلباتهم اوامر وامنياتهن تتحقق

لكن هل يصدمن عندما يغادرن بيت الاهل الي بيت الزوجية؟؟؟

الزواج مسؤولية.حياة تستلزم العطاء قبل الاخذ وهو امر لا تستطيع فعله المدللة التي تربت على لا يرفض لها طلب


مثل ما نجد بعض البنات تقول انا لا ادخل مطبخ وغيره ......الخ ونسمع دائما كلمه عندنا شغاله؟

فماالذي ينتظر المدللة في بيت الزوجية؟؟؟

أهي مؤهلة لتصبح زوجة؟؟؟

ام دلال الاهل افسدها مما يحول حياتها وحياة زوجها الي جحيم ؟؟؟



وهل ممكن أن تتغير وتتأقلم بعد الزوااااااااااج ؟؟؟

ام انها ستبقى كما كانت ببيت أهلهااااااااااا ؟

أنتظر أرائكم أخوتي

[توتى2008]

مفيش حاجه مستحيله قدااااااااااااااااام الحب <الحب يعمل معجزات> بس المهم الاراده

[الناى الحزين]

الزواج مسؤولية.حياة تستلزم العطاء قبل الاخذ وهو امر لا تستطيع فعله المدللة التي تربت على لا يرفض لها طلب


بصراحه يا كيرو مواضيعك كلها جميله جدا
والموضوع اللى انت اثرته للنقاش ده موضوع مهم جدا جدا جدا

بس انا شايف انك رديت على سؤالك فى نفس موضوعك

الحياه صعبه واى زوجين لازم تواجهم مشاكل وصعبات فى اول الطريق

والبنت المدلاله مش تقدر تستحمل الصعبات دى
لازم تقدر المسئوليه وكفاح الحياه الزوجيه
لان فى الحياه الزوجيه مفيش بابا وماما
فى اطفال محتاجين رعايه
فى بيت واسره
فى مصاريف واللى داخل بيبقى على اد اللى خارج
وحاجات اكتر من كدا بكتير
يعنى لازم الزوجه تقدر كل ده
وطبعا البنت المدلاله من غير زعل
هتبقى زوجه فاشله من رائيى
الا اذا حاولت تغير حايتها من الحياه المدلاله
الى الحياه المعاصره الطبيعيه
مره تانيه بشكرك جدا يا كيرو على موضوعك الجميل ده وربنا يباركك

[kottah_sh]

ميرسى ياكيرو على مواضيعك الهايله دى
البنت المدلاله هتتعب فى سنه اولى جواز
لحد ماتتأقلم على الوضع الجديد
واكيد هتقابلها شويه صعوبات بس لو بتحب جوزها
اكيد هتحاول تستحمل وتعدى الصعوبات دى بسرعه
وميرسى كمان مره ياكيرو وربنا مايحرمنا من موضوعاتك
الجميله والمفيده دى

[kemo]

مينفعش تتأقلم مع الحياة الزوجية إلا لو كان الزوج قادر يوفر كل حاجة بالنسبة ليها زى زمان .
وبعدين الزمن ده مبقاش ينفع فيه الدلع .

[manal*mam]

انا رايي ان البنت الدلوعة لازم تتجوز حد يدلعها
والمسئولة تتجوز حد تشيل معاة المسئولية
ماهو المثل بيقول كل فولة ولها كيال
ولازم اللي يختار يختار من يتناسب معلة بواقعية لان دي عيشة العمر كلة وربنا يوفق الجميع ويفرح قلبهم

[روفــــا]

اظن انا معرفش ارد بعد رد الناى ورد الاعضاء
بس نا ممكن اقول حاجة بس صغيرة البنت المدلاله متعرفش يعنى اية مسئولية يعنى موش قد لجواز
لو هى متجوزة علشان بيتحب اللى هتتجوزه يبقى تستحمل وتتاقلم على الموضوع بقى
موضوع مهم وجميل
اذكرنى فى صلواتك

[SAMOOOOO]

صدقونى لما البنت بتتجوز وتحس بالمسئوليه تلقائى بتتغير
لان الحياه قبل كده غير بعد الجواز
زى بالظبط الشباب فى مرحله الجامعه وبعد ما بيخلصوا
بيبقى فى فرق كبير

ومش البنت بس بتتغير لالالالالالا
الولد كمان بيتغير

ميرسى يا كيرو للموضوع

[keroo82]

احب اشكركم على مروركم وردكم الرائع يا احلى اخوات
ربنا يبارك حياتكم ويفرح قلبكم