هل ترضى ان يصارحك احد ما بعيوبك!

[روفــــا]

هل ترضى ان يصارحك احد ما بعيوبك!

--------------------------------------------------

لكل إنسان مهما كان أخطاء و عيوب , فهو محكوم في هذا بقدر من الله أن خلق بشرًا

يعتريه النقص 'كل ابن آدم خطاء' .

وطبعاً أنا لا أقصد بالعيوب هنا العيوب الخِلقَية , ولكن أقصد

العيوب في التصرفات او الطباع ..
على سبيل المثال : لو كان لك صديق وهذا الصديق به من الصفات
الجميلة الشيء الكثير ولكنه نمّام أو كذّاب أو كثير الكلام ,, هل ستواجهه ؟؟

واذا كانت هذه الصفات فيك ( مثلاً ) هل سترضى اذا واجهك بها .
بصراحة هل ستعتبرها هدية ؟؟؟؟!!!!!
أم ستعتبرها إهانة وتدخل فيما لايعنيني أم وقاحة؟

انتظر .. وفكر قبل الإجابة قليلاً .

إذا كنت تعتبر المصارحة بالعيوب هدية اما اهانة( أقصد هنا الأسلوب ) الذي تحب أن

تغلّف به هديتك ؟
هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟

بصراحة :

هل أنت مع هذه المقولة .. هل ترضى أن يصارحك احد بعيوبك ؟
بدون تعجل جاوب بهدوء

[kamer14]

اممممممم على فكره انا وصحابى بنعمل يوم فى الاسبوع كل واحده بتقول صفات ومميزات وعيوب كل واحده فينا وبالعكس عمرنا مااتضايقنا لان دى حاجه حلوه لانها ممكن تقولى صفه وحشه فيا فانا اغيرها وكده عادى يعنى مفهاش حاجه لو حد صارحنى بعيوبى بس متكونش بطريقه جارحه بس

[ماروجيرافك]

وطبعا كل اسبوع بتنقصو واحد (هههههههههه)
بصي بقا لو صارحت صديقي بعيوبه من باب الاحساس بني افضل منه فهذا مرفوض اما اذا صارحته خوفا عليه ولاني اريد ان يكون افضل فهذه هي معني الصداقه فواجب كل صديق ليس انه يمدحه طول الوقت بل يكشف له بعض تصرفاته التي في بعض الاوقات لا ياخذ باله منها وهنا دور الصديق
اما من جهه تغليف العيوب فهذا يتوقف علي شخصيه الصديق ومدي قوه العلاقه التي بينهم ولكن في معظم الاوقات نقول الحقيقه واحده واحده لكي لا نحرج الذي امامنا
شكرا علي الموضوع الجميل دي ( ومعلش طولت عليكم )

[RoZaLeTa]

اولا ميرسي علي الموضوع الجامد ده...
ثانيا ... اةةةة.... انا اقبل ان حد يقولي عيب فيا بس مايجرحنيش... عشان لما يقولي العيب ده انا هاحاول اصلحه.....
بس هيا بتفرق من شخص لشخص ... يعني انا ممكن اقبل الكلام ده من حد قريب مني او انا بحبه وباثق في كلامه.... وممكنماقبلش خالص من حد تاني.... علي حسب يعني..
وميرسي ليييييييييك خالص ياروفا
ربنا يباركك

[kottah_sh]

حلوه اوى فكره الموضوع وكمان جميله جدا فكره كامر هيه واصحابها وانا عن نفسى بتمنى حد يقولى عيوبى علشان اصلحها بس بطريقه مفهاش تجريح لانى لو حسيت انها بتهنى او بتجرحنى هديها فى وشها بالى فى ايدى هههههههههههههه

[SAMOOOOO]

طبعااااااااااااا ارضى ان حد يقولى عيوبى
على الاقل لو انا اقتعنت انه عيب فعلا احاول اغير من نفسى

موضوع مهم وجميل يا روفا

[نبيل نصيف جرجس]

موضوع جميل يا روفا دايما النقاش الايجابى لصالح الخير وبيكون بناء الانسان اللى يمدح فيا كتير ومش يقولى عيوبى يبقى مش بيحبنى لان الانسان اللى بيحب الاخر يحب يقولة عيوبة علشان يصلح منها .......يا ريت الاقى اللى يقولى عيوبى علشان اصلح من نفسى ربى يسوع يرعاكى ويحافظ عليكى

[اللة يرعانى]

اكيد طبعا اوافق انى حد يقلى عيوبى بس ميجرحنيش
واحاول اصلح العيب الى فيا
مرسى يا روفا على موضوعك

[dana_dody]

انا بحب ان حد يقولي عيوبي علشان اغيرها بس بدون تجريح و احس انها فعلا بتقولي كده علشان هي بتحبني
و انا برحب جدا بالنقد البناء مش للنقد في حد ذاته
ميرسي كتير يا روفا علي الفكرة الجديدة دي
ربنا يباركك

[marmora_mrmr]

موضوعك جميل يا روفا بجد
بس مرمورة شخصياااااااا ممكن تسمع انتقاد كل الناس ليها ولعيوبهابس بتعرف مين اللي بيقولها عن محبة ومين اللي بيقولها تحطيم وكسر لمرمورة
بس عموما هي بتكون واثقة في نفسها اوووووووووي ويمكن ده اللي بيخليها مش بتتاثر اوي بكلام الناس او يمكن مش بتتاثر خالص
الا اذا كان فعلا اللي قدامها عنده حق في العيب ده وهي اقتنعت انه موجود فيها ولازم تغيره
لكن غير كده مش اي حد يقولها علي حاجة تقوم تهتز ثقتها بنفسها وتقعد تقول لاء عنده حق وهو بيشوف احسن مني وكل الكلام ده
يمكن يكون ده عيب او ميزة في مرمورة بس هي بصراحة بتثق في نفسها اوي لانها بتحاول بينها وبين نفسها دايما انها تكتشف عيوبها وتعالجها اول باول ومش بتدي فرصة للناس انهم يشوفوا العيوب دي او ينتقدوها
ميرسي ليك ياروفا وربنا معاك
pray for me

[روفــــا]

ميرسى ليكوا اوى يا جماعة على مكروركوا والردود الجميلة دى
ربنا يباركوا
اذكرونى فى صلواتكم