هل البنات بتحب تتعاكس ؟؟؟؟

[keroo82]

عارفين النكته بتاعة البت اللي مامتها بتقولها اتاخرتي ليه يابت وانتي بتجيبي العيش

قالتها الله كان في واحد بيعاكسني


قالتلها طيب ودا اخرك ليه


قالتلها اصله كان ماشي براحة

الموضوع بقي ايه


قاااااااااال ايه بيقولوا البنات بتحب تتعاكس

:em19:


ينهااااااااااااااار مش فااااااااااايت

اللي هقوله دا مش وجهة نظري انا عاوز اعرف دا صح ولا لا

وياريت طبعا اللي يردوا بالاكتر البنات علشان يقولولنا بس بصراحة الكلام دا صح ولا لا

بيقولك ان البنات بتحب تتعاكس

وبتبقي مبسوطة قوي وهي بتتعاكس


مش كدا وبس بيقولوا كمان ان اللي تقول كلام غير كدا تبقي كدابة

ايه بقي الحقيقة قولوا بس بصراحة

واياك حد يكذب

يلا كله يدخل يقول رايه

[Team Work®]

ههههههههه

بجد لا تعليق

[مادلين بنت المسيح]

بامانة ربنا لا ابدا مش بتحب تتعاكس ولا حاجة
بس المعاكسات دلوقتي بقيت رخمة اوي
يعني بالالفاظ اللي مش كويسة وممكن كمان يضايقه اي بنت ماشية
بالزمة دي حاجة ممكن تبسطنا او نحب انها تحصل ؟
هسيبك انت ترد علي سؤالي وميرسي كتير ليك

[اللة يرعانى]

تقدر تقولى اية كلام الى بيقولو شاب لبنت بيعكسها
اكيد كلام بنت مش عايزة تسمعو
انا عن نفسى بدا يق لما حد يقلى حاجة ومبحولش سمع بيقول اية
ولا بحاول ارد علية
مرسى لموضوعك

[بنت الراعي]

فعلا مادلين عندها حق
مين تنبسط وهي بتسمع الفاظ مش كويسه
مين تنبسط وفي حد ماشي وراها عمال يلقح عليها كلام
طبعا وجهة نظر غلط خالص علي فكره يا كيرو
واللي يقول ان البنت بتنبسط من المعاكسات يبقي غلطان وميعرفش حجاجه عن البنات ولا عن المعاكسات والالفاظ
وصدقني حتي لو كطانت الفاظ كويسه برده لا لانها كده هاتحس ان فيه حاجه ملفته للنظر او حاجه غلط
وده بيسبب قلق وتوتر كتير للبنت
عموما ده رايي يا كيرو وكل واحد حر في رايه
موضوع جميل ومهم
ميرسي كتير
ربنا يعوضك ويباركك

[kottah_sh]

مش كل البنات بتبقى مبسوطه انها بتتعاكس يعنى فيه بنات بتحب تسمع كلام المعاكسه ايا كان الكلام ايه بس بتحس ان فيه ناس بتبصلها او مميزه عن غيرها وفيه بنات مش بتحب تتعاكس
موضوع المعاكسه ده بقى عااااااااااااااادى دى العيال فى المدرسه عندى وابتدائى بتعاكسنى وبصراحه احيانا بتعاكس وبعدها بتخنق وممكن اروح لخطيبى واقوله وابكى بحس ان فيا حاجه ملفته بجد ربنا يرحمناااااااااااااااااااا ا

[moky]

انامع راي كوتا جدا جدا جدا ان في فعلا بنات بيبقوا نفسهم يتعاكسوا بتبقى ماشية في الشارع هتموت ان حد يقولها حاجة علشان تحس انها مميزة و انا امورة و ان كل الناس بيبوصلها ده في ناس اصحابي لو متعاكسوش وهما ماشين يبقى اليوم ده شؤم ونكد من اوله صدقني في ا بنات فعلا بيبقى نفسها انها تمشي و تتعاكس في الشارع
نيجي بقى للنوع التاني النوع التاني ده اللي مش بيحب يتعاكس لان فعلا هي دي وجهة النظر الصح احنا لو اتعاكسنا و حبينا المعاكسة يبقى احنا جوانا فراغ رهيب اذاي نسمح ان حد ايا كانت معاكسته الفاظ مش حلوة الفاظ حلوة ممكن تحب نسمعها
ايا كان اهي معاكسة
بيتهيألي ان البنت مهما كانت بتحب تحافظ على كرامتها و بتحب تحافظ على نظهرها
يعني بجد لما بتاعكس بروح البيت افصص لبسي انا لبسي في حاجة ملفتة بيخلونا نحس بجو من التوتر لاني ديما بفتكر الاية اللي بتقول ويل لمن تأتي بواستطه العثرات يعني انا لو ماشية و حاطة في دماغي اني اتعاكس لازم هعمل اي حاجة علشان الفت الانظار اذا كانت ماشية اذا كانت صوت اذا كان لبس ايا كان انتي ماشية عايزة تلفتي الانظار و تتعاكسي و بيتهيألي بنات ربنا مش ممكن يفكروا في كدة
فا من رأي ان فعلا في بنات بتبقى فنسها تبان ملفتة و تتعاكس و بنات تانية بتبقى عايزة تخلص مشوارها و تمضي بسلام لانها عارفة كويس نفسها و مش حابة انها تكون ملفتة او محط للأنظار

اسقة جدا لو كنت طولت في ردي بس بجد سؤال حلو اوي اوي
ربنا يبارك حياتك و خدمتك و يعوض تعب محبتك امين يا الهي

[روفــــا]

هو اية كله بنات هما معدش فى ولاد فى المنتدى ولا اية
نحن هنا
انا اسف يا هيما بس ملقتش ردود غير للبنات
بص يا كيرو هما موش كل البنات بصراحة
بس فى بنات تحب تتعاكس وبيتلبس لبس ياربنا نانسى بجرم ماشية والناس كلها هتموت وتف عليها علشان لبسها وناس هتموت وتكلمها على اساس انها موش كويسة وهى عملت كدة علشان تتعاكس وفى بنات بيتكون بصراحة وبامانة ربنا ودى حصلت قدامى ان فى بنت لبسها عادى ممكن تقول على الموضة واية لبسها يخلى الواحد يقول انها بنت موش كويسة ولقيتها البنت موش عارف بقى انا استغربت الموقف لقيتها محترمة وموش عارف هى لبسة لية كدة وبعدين انا بقى موش اتكسفت وسالتها سؤال قلتلها انتى اتعاكستى عارفة لية ؟ قالتلى لية قولتلها علشان لبسك وانتى شكلك من بعيد كانك عايزة تتعاكسى بيتقول انا بصراحة حبيت اجرب البس دة علشان اشوفه هعرف البسة ولا لاء وموش قصدى اتعاكس وقعدت تحلف وقعدت تتكلم فى حاجات فى قمة الاحترام قلتلها طب انتى تحبى انك تلبسى كدة علشان تتعاكسى قالت بصراحة موش بحب اصلا الشباب اللى بيعاكسوا قلتلها امال اية لبسك دة يعنى بيتشتغلى وزيرة بعد الظهر ولا اية بيتقولى لاء انا بجد كنت بجربه وانا اول مرة البس كدة
بس لقيت فى بنات كدة وفى بنات من النوع التانى ويارب يحافظ على بناتنا
بس
بس بصراحة لقيت فى بنات لبست لبس كدة علشان تتعاكس ولبس مجرد عادى موش فى دماغهم حاجة
واسف جدا لو طولت عليكوا وبكرر اسفى تانى علشان بجد الموضوع دة كانه مهم بالنسبة لاى شاب بيحب اخواته البنات
وموضوع هايل وربنا يبارك خدمتك بجد
واذكرنى فى صلواتك واسف على الاطالة تانى واسف لو ردى موش عجب حد او ضايق حد بس انا حبيت اجيب مثل كان قدامى وقولته علشان بس مجرد الافادة لاخواتى البنات
اذكرنى فى صلواتك

[كرستين]

مش اى حد مشى على الموضه لازم يتعاكسواكيد مفيش بنت محترمه تحب انها تتعاكس او تسمع كلمه من ولد مش محترم انا فى راى انى الولد الى بيعاكس ده بيكون مش محترم لانى ممكن ده يحصل مع حد من اخواته ومفيش اى بنت تحب انها تكون ماشيه فى الشارع ووراها شله شباب بيعكسوهاده بيرجع للتربيه اساسا اذا كان للبنت او للولد
ميرسى على موضوعك وربنا يباركك

[yousty]

موضوع فعلا جميل, و بيحصل و انا سمعت الكلام دة من ولاد كتير.... وفى فعلا بنات بيبقو ماشيين فى الشارع مخصوص علشان يتعكسو و لو ماتعكسوش يحسو انهم شكلهم وحش و مش لابسين كويس.
و دة بيرجع للبنت...
بس طبعا مش كل البنات كدا . مش شرط علشان انا طالعة متزوقة و لابسة كويس ابقى عاملة كدا علشان عايزة اتعاكس ... بس طبعا البركة فى شباب مصر مش لاقين حاجة يعملوها غير انهم ينزلو الشارع يعكسو .
موضوع حلو و صح بس مش كل البنات زى ما بيقولو..

[ELMAGEK]

كيرو حبيبى موضوع جميل بجد
بص يا سيدى الموضوع ان حسب الى بيعاكس يعنى
لو كان بيعاكس بدك خفيف اكيد البنت هتحب تتعاكس ولو رخم هياخد على دماغو
هههههههههههههههههههههه
انا بهزر بص يا كيرو طبعا مش كل البنات بتحب
تتعاكس ومش كل البنات مش بتحب تتعاكس

شكرا على الموضوع ليك يا جميل

[dolagy_jesus]

هو فعلا فى بنات بتحب تتعاكس وبنات لا طبعاااا
وراى ان البنت اللى بتحب تتعاكس
دى عندها نقص
دى الواحدة بتبقى ماشية وبتقول
ليكن الناظر الى مباركا
علشان مفيش حد يضايقها يبقى ازاى بتحب تتعاكس
ميرسى كتير لسؤالك الجميل
ربنا معاك واذكرنى فى صلاتك

[نيرو12]

ااولا ميرسى ياكيرو على الموضوع الجميل





وعل فكره البنات اغلبهم بيحبوا اوى ان حد يكلمهم او حتى يبص عليهم
بس دول بيبقوا معروفين
من لبسهم ومن طريقه ماشيتهم
من ضحكهم فى الشارع
المشئ ببطئ قدام اى حد
وده للاسف بيشوه صوره المسيحين قدام اى حد











وزى مابيقولوا السيه بتعم والحسنه بتخص