هل نيست حبك الاول؟؟؟

[keroo82]

هل ينسى الإنسان حبه الأول ؟
وإذا أحب الإنسان للمرة الثانية ,
فهل سيأخذ هذا الحب نفس المكانة التي أحتلها الحب الأول في حياته ,
سؤال أطرحه على الأصدقاء في هذا المنتدى
وياريت المشاركة منكم بأرائكم الشخصية

[me&er]

انا حاولت اقكر فى حب تانى بس للاسف فشلت على شات كنت بحب واحدة من زمااااااااااااااااااااااا ااااااااااااان

[وردة حزينة]

حلو سوالك ده ياكيرو من راى ان اى حاجه ممكن تنسى بس لو لقيت اللى يعوضك وينسيك
يعنى سهل انسى حب حقيقى لو حل مكانه حب تانى بنفس قوه الحب القديم لان الانسان الجديد هايبقى مسول مسوليه كبيره انه يعوضنى عن حبى القديم وعشان كده لزم الاختيار يكون صح من البدايه

[keroo82]

انا حاولت اقكر فى حب تانى بس للاسف فشلت على شات كنت بحب واحدة من زمااااااااااااااااااااااا ااااااااااااان

ميرسى على مرورك معلش صعب قوى انك تنسى بس حاول تنسى
ربنا يباركك

[keroo82]

حلو سوالك ده ياكيرو من راى ان اى حاجه ممكن تنسى بس لو لقيت اللى يعوضك وينسيك
يعنى سهل انسى حب حقيقى لو حل مكانه حب تانى بنفس قوه الحب القديم لان الانسان الجديد هايبقى مسول مسوليه كبيره انه يعوضنى عن حبى القديم وعشان كده لزم الاختيار يكون صح من البدايه

ميرسى ليكى يا وردة على مرورك وردك الجميل
ربنا يباركك ويفرح قلبك

[dana_dody]

انا من رايي ان الحب الاول ممكن يتنحي جانبا عن العقل لكن الانسان مش هيقدر ينساه تماما و يمحيه من ذاكرته كانه لم يكن
لا اكيد هيبقي ذكريات لكن الحب التاني ممكن يعوض الحب الاول
مرسي يا كيرو للموضوع الجميل ده
ربنا يباركك

[keroo82]

ميرسى ليكى يا دانا على ردك الجميل كلامك مظبوط
ربنا يبارك حياتك ويفرح

[kottah_sh]

اولا ميرسى يا كيرو على الموضوع الحلو ده
ثانيا الحب الاول غالبا ما يكون مراهقه يعنى مش حب حقيقى لكن الواحد بعدها بيكبر وبيحب ويكتشف ان الحب القديم ده كان حب عاطفى ومراهقه وبيقعد يضحك على الايام دى

[MANIA_MONY]

انا من راى ان الحب الاول اكيد هيسيب اثار فى النفس فى البداية وحزن لكن لما يلاقى حب تانى اقوى من الاول او مثل قوة الحب الاول ممكن يخفف شوية من اللى فات
ومع الزمن وحسب قوة العلاقة التانية ممكن يزول الالم الاول
وبرضة ممكن العلاقة الاولى تتعلم منها وتفيدك بعد كده وتشوف اذا كان ده كان بسببك او لا
بس يفضل ان تفكر فى الكلام ده قبل ما تكون ابتديت فى العلاقة التانية علشان مش تأثر عليها
ده راى وممكن يكون صح او غلط
مرسى كتير ليك يا كيرو
ربنا يسعدك ويحفظك
god bless you

[روفــــا]

اولا موضوع جميل زى كل مواضيعك يا كيرو
وبجد ربنا يبارك خدمتك الكبيرة دى

ندخل فى الموضوع بقى

اولا انا ممكن انسى الحب الاول اذا كان غلط فى حقى علشان موش هقدر احبه علشان موش احترمنى او غلط فى حقى يبقى انا مقددرش ادنى فاكره

اما حكاية الحب الثانى دى بيتبقى بعد وقت طويل وتفكير وتأنى علشان يقدر يتاكد ويحدد اية نوع العلاقة ممكن يكون حب ترفيهى يعنى عايز يخرج زى ما كان بيخرج مع الحب الاول وبيتهيأله انه بيحب تانى علشان يعوض اللى كان بيعمله فى الحب الاول
على كدة المفروض يفكر ويعمل كل حاجة ممكنة علشان موش يغلط او يكون حذر فى الحب الثانى
انا اسف طلعت من الموضوع
بس ممكن الحب الثانى اكتر علشان ممكن الحب الثانى لاقى فى حاجات مكنش متوقعها او مكنش لاقيها فى الحب الاول يعنى حاجات احسن

اسف على الاطالة وردى الرخم دة ومحدش يزعل منى اذا مكنتش رديت على الموضوع صح

ربنا يباركك ويحفظك
اذكرنى فى صلواتك

[miso]

اما حكاية الحب الثانى دى بيتبقى بعد وقت طويل وتفكير وتأنى علشان يقدر يتاكد ويحدد اية نوع العلاقة ممكن يكون حب ترفيهى يعنى عايز يخرج زى ما كان بيخرج مع الحب الاول وبيتهيأله انه بيحب تانى علشان يعوض اللى كان بيعمله فى الحب الاول
ده جزء من رد روفاااااااا وعلى فكرة الكلام ده صح فعلا
علشان كدة لازم الحب التانى يبقى بعد فترة ويكون اتعلم من الحب الاول عشان التانى مش يفشل
ولو الحب التانى مش حب حقيقى مش هيقدر ينسيك الاول
ولو التانى محستوش صح وكان مجرد تعويض عن الاحساس اللى كنت بتحس بيه فالاول يبقى ده ظلم للشخص اللى هو الحب التانى.

[moky]

الحب الاول في احيان كتيرة جدا جدا بيبقى مش حقيقي لانه ديما بيبقى حاي فيها للأنسان في مرحلة صغيرة من عمره بتبقى تقريبا كدة في سن المراهقة بيبتدي كل واحد يتخيل الحب و يعيش فيه و يبقى سعيد و بيبقى حاسس انه عايش الحب بجد و انه مهما حصل مش ممكن ينسى حبيبته و الحب الاولاني و الكلام ده
لكن بالعكس ممكن بعد فترة من الحب الاول بعد ماكل واحد يدي لنفسه فرصة انو ينسى الحب ده
و انه مش يبقى بيدور على حب تاني و خلاص يشغل بيه وقته علشان مش يفضل من غير حب
فعلا يلاقي الحب اللي بجد اللي يمكن يكون غقوى بكتييييييير جدا جدا جدا من الحب الاول
و دخ بنشوفه في الجوازات الناجحة اكيد كل واحد فيهم كان ليه قبل الجواز حبيب اولاني بس بعد مالقوا بعض و حبوا بعض كل حاجة اتغيرت و بقى كل همهم انهم يعيشوا مع بعض طول العمر و ده هو الحب الحقيقي بجد
الحب الحقيقي مش مشكلة يكون اول او تاني او تالت الحب الحقيقي ممكن نفضل ندور عليه ول حياتنا و مش نلاقيه غير مرة واحدة بس
و ياريت مش نحط نفسنا في حكاية اني مش ممكن انسى الحب الاول و الوسادة الخالية بقى و الشغل ده
احيانا كتيييييييييير جدا جدا الحب الثاني او الثالث او حتى الرابع بيكون هو الحب الحقيقي اللي بجد
اللي بعيد تمام البعد ان شعور حب حسيته قبل كدة

اسفة جدا جدا بجد لو طولت في ردي بس بجد موضوع هايل و سؤال حلو اوي يا كيرو بجد
ربنا يبارك حياتك و خدمتك و يعوض تعب محبتك امين يا الهي
اذكرني في صلواتك كتييييييير جدا
اختك الغلبانة موري

[b o b b a]

الحب الاول بيسيب اثار كتير داخل الانسان علشان بيبقي هو الخبرات الاولي للانسان في العاطفه لكن الحب التاني اكيد يقدر ياخد مكانه ويخليني انساه كمان لاني اكيد الحب الحقيقي للشخص ده هينسيني اي حاجه تانيه كانت قبليه

[marmora_mrmr]

سؤالك جميل يا كيرو
الحب الاول دايما بياخد اهمية كبيرة اوي مننا وبيشغل تفكيرنا موضوعه كتير
ده لانه بيكون بداية لمشاعر جميلة واحاسيس اول مرة نختبرها في حياتنا
وبالتالي هو مهم جدا لانه بيعتبر اول تجربة الواحد بيمر بيها ممكن تنجح وممكن تفشل
واكيد بيكون ليه دور مهم في تكوين الشخصية وترك انطباعات داخل الواحد فينا بيكون ليها اثر كبير ومش نقدر ننكر وجود رواسب للحب الاول
مرمورة عندها سؤالين
طيب اذا كان هو مهم اوي كده وبياثر فينا جامد وبنعاني من جراحه بعد كده لو فشلنا فيه
ليه مش بناخد بالنا منه ونعرف قوة تاثيره علينا وبالتالي نكون حريصين في تعاملنا معاه علشان الجرح منه بيكون قوي جدا لاننا بندي كل مشاعرنا لشخص واحد ؟

طيب ليه بنلقي كل الحمل علي الطرف في الحب التاني اللي هنحبه بعد ما اتجرحنا من الحب الاول ونقول لازم يكون شخص يقدر يعوضني عن الحب الاول وينسيني حبيبي الاولاني؟ بصراحة ده بيكون متهي الظلم للطرف التاني
هو ذنبه ايه ؟ علشان حبنا وعاوز يقرب مننا نقوله لاء لازم تكون افضل من حبيبي الاولاني وتنسيني حبه علشان احبك
طيب احنا بنبهدل مشاعرنا وبنسيبها تتجرح مع ناس ما تستاهلش ونرجع نحمل الطرف التاني اللي هنحبه الذنب والمسؤليه ونقوله لازم تكون قد انك تمحي الحب الاول من حياتي
لاء طبعا
الموضوع في ايدينا والقرار لينا اننا ننسي ونبتدي من جديد ونعرف انه كان حبنا الاول من البداية غلطة ولازم نصححها
مش نفضل عايشين علي ذكريات وبقايا حب كل اللي اخدناه منه في النهاية ذكريات وجروح

مشاعرنا دي اجمل حاجة فينا ياريت كل واحد يوجهها للشخص المناسب في الوقت المناسب ويحافظ عليها وبلاش تسرع في الحب لان النتيجة هتكون جروح
معلش مرمورة طولت عليكم وده رائيها الشخصي ولو غلط سامحوها
pray for me

[nermos1982]

معنديش رد اقوله بعد رد مرمورة .فعلا احنا اللى بنبهدل مشاعرنا وقلبنا مع ناس يمكن متستحقش اننا حتى نفكر فيها .بنمشى ورا قلبنا وبنلغى عقلنا .بيبقى قدامنا عيوب مالها اخر فى الشخص اللى بنحبه ومع ذلك بنعمل نفسنا مش شايفنها وده طبعا تحت اسم اننا بنحبه .وبتكون النتيجة اننا بنقول انه بقى حب اول وهايكون فيه بعده حب تانى .
ليه نسيب نفسنا نوصل للمرحلة دى واحنا شايفين الحل قدامنا ؟
اكيد الحب الاول مش هايتنسى بسهولة بس مع وجود الجرح والالم والخيانة هايكون فيه اسباب قوية لنسيانه . واكيد اتعلمنا منه ازاى نختار. ازاى نحكم على الشخص اللى قدامنا .قدرنا نحط معايير للاختيار غير اللى كانت موجودة الاول .
طولت عليكم معلش بس الموضوع جميل جدا .ميرسى بجد يا كيرو
ربنا يعوضك ويفرح قلبك

[keroo82]

انا مش لاقى كلام اقولو بعد اللى قولتوة يا اخواتى واحبائى
ميرسى لكل واحد فيكم على مروركم وردكم الجميل
ربنا يبارك حياتكم ويفرح قلبكم

[دموع حزينة]

الحب الاول صعب نسيانه اللى بحب اقوى منه ممكن نقول ان الحب الاول ده مجرد تجربة الانسان بيتعلم فيها يعنى اية كلمه حب وبتعلم يعنى اية مشاعر جميله بيعشها لكن الحب التانى اكيد بيكون اقوى من الاول لان هنا اكيد مش هاضيع فيها حبيب ليا مهما كان الصعوبات اللى هاتوجهنى بجد موضوع وسوال جرىء اوى كيرو ربنا يباركك

[piroocool]

هل ينسى الإنسان حبه الأول ؟
وإذا أحب الإنسان للمرة الثانية ,
فهل سيأخذ هذا الحب نفس المكانة التي أحتلها الحب الأول في حياته ,
سؤال أطرحه على الأصدقاء في هذا المنتدى
وياريت المشاركة منكم بأرائكم الشخصية


الا جا بة
من را ى الحب الاول من الصعب ان ينسى
الحب التا نى لم يا خد ابداا مكا ن الحب الاول
مهما كا ن شدة الحب التا نى لا ن الحب الاول
هو الذى بيتحرك فيه نبضا ت القلب
يعنى هو الى عملك الحب
مو ضوع جميل جدااااااا