اجرى العب بعيد يا شاطر

[Narmar]

سلام المسيح معكم

كام واحد فينا سنه اقل من 25 ؟؟
اعتقد 95 % من المنتدى
واغلبيتنا من 15 ل 25
كام مرة قعدت مع ناس كبار ولقيته بياخد كلامك باستهزاء
كام مرة حسيت انك صغير
انا النهاردة مش عاوز اطول عليكم فى الرغي عشان عارف نفسي رغاى
بس كل اللى عاوز اقولة
اوعى تشوف نفسك صغير مهما كان سنك
اوعى تفتكر ان صغير مهما كان عمرك 10 ولا 20 ولا اى حاجة
بولس الرسول قال لتيموثاوس لا يستهن احد بحداثتك
خليك واثق في نفسك
خليك قادر انك توصل للناس ان ليك لازمة
طبعا دة هيتحقق لو انت مشيت بمنهج المسيح
وبعدت عن الهيافة هههههههههه
خليك معاة هتكسب كتير
عاوز مناقشتكم فى كل واحد امتى بيحس انه صغير وان الكبار بيقولوا علية طفل
قولولي المشاكل وكدة
عاوز اشوف راي كل واحد فيكم انا مش هتكملم ولا اقول رايي غير اما اسمعكم :)
ربنا معاكم
MenA NarMaR

[كرستين]

ميرسى يا نارمر على الموضوع الحلو ده بس على فكره الكبار دايما كدا خصوصا لما حد يكون عنده 60 سنه يقول هو انا هتكلم مع عيل عنده 20 سنه وحتى لو كلمنا صح بيستهزوا بينا دايما بس الاكيد انى لينا حبيب بيسمعنا وبيحترم راينا قوى ومش بيسخر مناا لكن بيشجعنا بجد يسوع قيب مناا قوى لكن احنا الى مش شايفين
ربنا يباركك

[Narmar]

شكرا لردك ورايك يا الجميل يا كرستين
وفعلا كلامك صحيح
و لينا حبيب بيسمعلنا هو ربنا اكيد
وزى ما قال
لا يستهن احد بحداثتك على لسان معلمنا بولس الرسول :)
اشكرك بشدة يا كرستين :)

[ماروجيرافك]

كام واحد فينا سنه اقل من 25 ؟؟
اعتقد 95 % من المنتدى
واغلبيتنا من 15 ل 25


يعني انا كده عاجوز المنتدي ماشييييي هههههههههه
اولا شكرا فعلا علي هذا الموضوع المهم وانا لي تعليق اذ سمحتو يجب ان يكون في حدود بينهم لانه يوجد فرق في طريقه التفكير وعوموما الاشخاص الكبار دائما يعتقدون انهم علي حق لحكم سنهم ويوجد بعض الشباب ايضا يعتقدون انهم هم الصح وباقي البشر خطاء
الرب يبارك ثمره خدمتك

[Narmar]

شكرا ليك يا ماور
بس انت مش فهمت قصدى يا جميل
انا كنت اقصد
ان فى ناس شباب بيستهونوا بنفسهم وبقداراتهم بس
وكل شخص علية انه يعمل بعمل الله جواة
شكرا ليك يا باشا :)

[ماروجيرافك]

انا فهمت قصدك بس حبيت اوضح نقطه تانيه دي بعد اذنك

[مرموره]

خليك واثق في نفسك
خليك قادر انك توصل للناس ان ليك لازمة

فى البلد ديه صعب اووووووووووووى
حتى لو أثبت انى ليا لازمة بين ااقرب الناس ليا
الحاجة الوحيده الى المفروض نثبتها ان احنا ولاد الملك .
بس فى ناس كتير كبار بيحترموا رأى الشباب أبسط مثال أستاذ أيمن
و فى ناس تانية بيستهتروا بس ده حقهم لانهم شافوا اكثر
و ان كبرنا و لا صغرنا هما اكبر و لازم نطيعهم مهما حصل طول ماهو كلام ميعرضش تعاليم ربنا .
ميرسى كتير اوى للموضوع

[روفــــا]

كام مرة قعدت مع ناس كبار ولقيته بياخد كلامك باستهزاء
كام مرة حسيت انك صغير

هو ممكن ميكنش الكبار بياخدوه باستهزاء هما بيخدوه انى لسة صغير ومعرفش حاجة فى الدنيا بس موش اكتر بس برضة بقول كلام صح وهما بياخده بيفكروا فيه ولو فى حاجة فى كلامى بيعدلوا فيه وبيقتنعوا بالكلام اللى بيطلع صح موش منى انا لاء من الكلام الصح اللى بيفكروا فى كل الاراء وحكاية الاستهزاء حصلت معايا مرة وقولت راى وكان صح اكتر من 200 فى 100 ومعملوش بيه وبعد كدة ندموا وقالوا ياريت كنا سمعنا كلامك بس وبعد كدة معندش بتكلم الا لما يكون اللى قدامى دول هيتقبلوا راى

[روفــــا]

موضوع جميل وحلو يا نارمر

[بنت الراعي]

بص يا مينا انا في جمله قولتها عجبتني جدا وهي
ده طبعا لو مشينا بمنهج المسيح
صدقني احنا لو عايزين الناس يحترمونا والاكبر مننا يهتمو بينا زي ماانت قولت
مفيش غير المسيح هو بس اللي يقدر علي كل شئ
وعايزه اقولك حاجه كمان احنا في المجتمع ده مفيش حد المجتمع بيحترمه من فراغ لازم نفرض وجودنا علي المجتمع ونحسسه اننا موجودين ولينا لازمه ومهمين اوي كمان يعني المسيح والانجيل هما مرايه واحنا نبص فيهم ونعرف ماشين صح ولا غلط محترمين ولا لا وكمان علشان نخلي اللي قدامنا يحترمنا لازم احنا الاول نحترم نفسنا ونحترم اللي قدامنا
ميرسي اوي يا نارمر موضوع جميل جدا ربنا يعوضك ويباركك

[zecooo]

مرسى يا نرمر الموضوع جميل اووووووى

[Narmar]

اشكركم كلكم على ردودكم الجميلة :)
مستنى باقى الاراء :)

[marmora_mrmr]

مرسي جدااااا يا نارمر علي مناقشتك اللطيفة دي
بس بصراحة مرمورة عمرها ما حست في يوم انها اصغر من اللي حواليها او ان رائيها ايا كان اقل من حد هي بصراحة بتثق في نفسها اوي وبتحاول تنمي تفكيرها بالقرأة والمناقشات
وده يمكن بيخلي الكبار يحسوا انها اكبر من سنها
مرمورة شايفة انه علشان مش اخسر ثقة اللي قدامي في رائيي ان الواحد المفروض مش يتكلم في الفاضي والمليان
لانه مش عيب ان الواحد يتكلم في الموضوع اللي يعرفه ويقول اسف مش هتكلم لان مش عندي خبرة في الموضوع التاني
ده يخلي اللي قدامك يحترمك اكتر لانك مش من الناس اللي تحب تحشر نفسها في كل حاجة وتدي اراء في مواضيع هي ما تعرفش عنها حاجة بس علشان تبين انها فاهمة ومثقفة وطبعا ده ممكن ياثر علي الشخص بالسلب لانه لو ادي رائيه في موضوع هو مش عارفه وكان رائيه غلط اكيد مش هيثقوا فيه تاني ويستهزئوا بكلامه بعد كده
والقدرة علي النقاش واثبات صحة رائيك وعدم الخوف من مواجهة الاخرين برائيك حتي لو كان مخالفا لتفكيرهم ما دمت مقتنع بيه طبعا بيجي من ثقة الشخص بنفسه وثقافته واحترامه لافكاره مع بعض التشجيع من الاخرين علي النقاش والحوار
مرسي ليك وده راي مرمورة ولو غلط سامحها
pray for me