المسابقه الرياضيه [الأرشيف] - †† منتدى ارثوذكس ††

M@@@NOOOO

06-21-2008, 02:59 PM

http://www.passionup.com/images/yelrosewbutani.gif (http://www.orsozox.com/forums/redirector.php?url=http%3A%2F%2Fwww.passionup.com% 2Fimages%2Fyelrosewbutani.gif)
اهلا باحلى واجمل اعضاء
النهارده جاتلى فكره جامده جدا
والفكره دى يارب تعجبكوا
هى عباره عن
مسابقه رياضيه
( اختبر معلومات فى كل مايخص الرياضه )
حلو الكلام
ماشى
طيب وبعدين هفضل اسئل كده وانتوا تجاوبوا وبس
امممممممم
مش لذيذه

طيب امال ايه انجز

حاضر هقول اهو

من الاخر كده اللى هيجاوب على الاسئله الرياضيه دى
فى جوائز وحاجات جامده جدا
http://www.s3udy.net/pic/decoration002_files/33.gif
واحد هيسألنى الجوايز دى عباره عن ايه

حاضر هقول اهو بس متزقش

عباره عن فيديوهات وتصميماات رياضيه

وطبعا زى ما انتوا عارفين
مليش فى التصميماااات

واللى هيساعدنى واللى هتعبه معايا جدا جدا
هو العضو الجميل توماس ( ReAl MaDrId )

http://www.hellasmultimedia.com/webimages/birthday/images/pty-confetti.gifhttp://www.hellasmultimedia.com/webimages/birthday/images/pty-confetti.gifhttp://www.hellasmultimedia.com/webimages/birthday/images/pty-confetti.gif
ونظام المسابقه
طوال الاسبوع هنسأل اسئله
وكل واحد هيجاوب اجابه صحيحه هياخد نقطه
لحد ما نوصل فى نهايه الاسبوع
ونشوف مين معاه اكبر عدد من النقاط
وبكده هيبقى هو الفائز معانااا
وانشالله هنعلن عن الفائز فى المسابقه دى
يوم السبت القادم (28 \ 6 \ 2008 )
عاوز اشوف احلى تفاعل

http://www.al-wed.com/pic-vb/10.gif

واول سؤااااااال معانااا
متى تأسس نادى تشيلسى الانجليزى ؟
وهنسهله شويه وهنعمل اختيارات
( 1905 - 1906 -1907 )
http://www.al-wed.com/pic-vb/10.gif
منتظر الاجابات فى رسايل خاصه
لمانو
من هنا (http://www.orsozox.com/forums/private.php?do=newpm&u=13014)

لتوماس
من هنااااا (http://www.orsozox.com/forums/private.php?do=newpm&u=29936)

ويارب تكون الفكره عجبتكو
اسف على الاطاله
ومنتظرين الاجابات والتفاعل
واذكرونى فى صلاوتكوو

bolalover

06-21-2008, 03:17 PM

اوووووووووووووووووووووو
مانو يا جامد يا جامد
فكرة جنان ياااض
بجد روعة
انا معاك في اليلة دي يا معلم
هدور علياجابة السوال و اجيللك يا برنس
بس بجد موضوع فوق الرائع
شكرا كتير مانو علي تعبك

M@@@NOOOO

06-21-2008, 05:25 PM

ميررررسى ليك جدا يابولا على اهتمامك .
وعلى فكره انا مكنتش متوقع كده خاالص
كنت منتظر رد فعل اقوى من كده

Narmar

06-21-2008, 05:42 PM

شكرا يا مانو على المسابقة
بس ياريت توضح الاجابات هنا ولا في رسايل خاصة ليك :)

M@@@NOOOO

06-22-2008, 11:23 PM

تم تعديل الموضوع يا احلى نارمر
ومنتظر الاجابات

milano kaka

06-23-2008, 12:23 PM

الله فعلا موضوع جميل ومسابقة نزود بيها المعلومات الرياضية
وانا هابعتلك الاجابة ومنتظر باقى الاسئلة

M@@@NOOOO

06-23-2008, 12:55 PM

هنسهل الاسئله شويه
ومنتظرين الاجابات
وميرسى لكل واحد رد وجاوب
وانا جايب اسئله سهله علشان نسهل الفرص للكل

- ما أقوى دوري كرة سلة في العالم؟
- ماقوى بطوله دورى فى اوربا ؟

milano kaka

06-23-2008, 01:31 PM

الله عليك يا مانو لما تحب تسهل الامور علينا اسئلة بالاختيار بتاعة
وكمان تجيب اسئلة سهلة كدة

ما تجاوب عليهم واحنا نبعتلك الاجابات كوبى وباست
ههههههههههههههههههههه

ELMAGEK

06-24-2008, 10:39 AM

مانو حبيبى مسابقة جميلة
وياريت يا غالى تقول النتايج اول باول
عشان نبقى متابعين معاك
يعنى مثلا
فلان جاوب يبقى قدام
1
كدة يعنى
وشكرا يا جميل على المجهود الرائع

bolalover

06-24-2008, 11:05 PM

اكسلنت بجد يا مانو
و الاعضاء اهم ابتدوا يتجوبوا معاك
بس انت اعلن النتيجو اول باول

اسامه سمسم

06-24-2008, 11:08 PM

مانو
مانو اوه اوه
ممتاز وانا هشوف الاجابه وارد عليك

M@@@NOOOO

06-24-2008, 11:40 PM

ياجماعه فى ناس شغاااااله
وجاوبت والمنافسه ابدت تحلو
وكده
ميلانو : 3 نقط
فادى ( الماجيك ) : 3 نقط
وعاوزين الباقى يتفاعل
وهنعلن عن الفائز وهيبقى يوم السبت اللى جاى انشالله
والسؤااااااال بيقووول
كم عدد البطولات التى حصل عليها نادى ريال مدريد ؟

milano kaka

06-25-2008, 11:26 PM

يلا مانو بسرعة نزل باقى الاسئلة
اسف ازيك الاول
ويلا منتظرين باقى الاسئلة علشان نعرف مين الفائز
ووضح النقاط

M@@@NOOOO

06-27-2008, 04:47 PM

اولا انا سعيد جدااااا
ان الناس ابتدت تشتغل
ولحد دلوقتى
الناس متساووين فى النقاط
وهما
فادى ( الماجيك ) : 4 نقاط
ميلانو كاكا : 4 نقاط
بوببا : 4 نقااط
وده اخر سؤااااااال معانا الاسبوع ده واللى هيحدد مين الفائز
والسؤال هووو
مطلوب من كل عضو
عمل احصائيه عن الدورى المصرى
من حيث الاهداف التى احرزت
وعدد الكروت الحمراء والصفراء
+
عدد الاهداف التى احرزها النادى الاهلى
والتى دخلت شباكه
وكذلك عدد الاهداف التى احرزهاا نادى الزمالك
وعدد الاهداف التى دخلت شباكه
ومن هو هداف النادى الزمالك
زمن هو هداف النادى الاهلى
منتظر الااجاااباااات
وسورى اذا كان السؤال صعب وغلس شويه
بس علشان يحدد مين الفائز معانا فى اول اسبوع
وانتظروا المفأجات
مفأجات وجوائز هتعجبكوا جدااا

ELMAGEK

06-27-2008, 07:42 PM

اية يا عم مانو انتا فين انا مجاوب
على الاسئلة دى من الصبح
انتا فيييييييييييييييين يا واد

M@@@NOOOO

06-28-2008, 12:59 AM

الاجابه وصلت يا احلى ديدووو
ها وبعدين كلهاااا ساعات
ونقول مين اول الفائزين معانااااااا
ها مين هيقدر يجاوب تانى

M@@@NOOOO

06-29-2008, 11:24 AM

اجوبه جميع اسئله هذا الاسبوع

http://www.siggiez.com/lines/ea/bunfloralbar.gif

متى تأسس نادى تشيلسى الانجليزى ؟
عام 1905
نقطه

http://www.al-wed.com/pic-vb/10.gif
ماهو اقوي دوري كره سله ؟
الدوري الامريكي للمحترفين
nba

ماهو اقوي بطوله دوري في اوروبا ؟

الدوري الانجليزي يليه الاسباني والايطالي
نقطتين

http://www.al-wed.com/pic-vb/10.gif
ماهو عدد بطولات نادى ريال مدريد؟

71

نقطه

http://www.al-wed.com/pic-vb/10.gif
احصائيه الدورى المصرى
الاهداف التى احرزت
577
وعدد الكروت الحمراء
27
والصفراء
264
عدد الاهداف التى احرزها النادى الاهلى
47
والتى دخلت شباكه
22
وكذلك عدد الاهداف التى احرزهاا نادى الزمالك
45
وعدد الاهداف التى دخلت شباكه
30
ومن هو هداف النادى الزمالك
جمال حمزة 7
عمرو زكى 7
ومن هو هداف النادى الاهلى
ابو تريكه واحمد بلال
ومحمد بركات واسامة حسنى
برصيد 6 اهداف لكل منهم
3 نقاط

http://www.al-wed.com/pic-vb/10.gif

M@@@NOOOO

06-29-2008, 11:33 AM

والفائزين معانا هذا الاسبوووع
( احنا كنا متفقين ان عضو بس هو اللى هيفوز )
لكن استثناء هذا الاسبوع
هيكون معانا اتنين فائزين
http://www.geocities.com/TimesSquare/Corner/7218/xmas/ny14.gif
والفائزين همااااا
فادى ( الماجيك ) : برصيد 7نقاط
وميلانو كاكا : بنفس الرصيد
وميرسى جدا لكل الى جاوب معاناااا
وحظ سعيد لكل الاعضاء
والجوائز هتتبعت على رسايل خاصه لكلا العضوين
منتظر رأيكو فى الهدايا ويارب تعجبكوا

b o b b a

06-29-2008, 03:53 PM

مبروووووووووووووووووووووو ووووووووووووووووووووووووو ووووووووووووووووووووووووو وووووووووووووووووووك ماجيك
مبروووووووووووووووووووووو ووووووووووووووووووووووووو ووووووووووووووووووووووووو وووووووووووووووووووك ميلانو كاكا
علي فكره انا فهمت السؤال الاخير غلط افتكرت احصائيات الدوري منذ البدايه يلا حظ سعيد المره القادمه

b o b b a

06-29-2008, 03:54 PM

شكر خاص ليك يامانو علي مجهودك الرائع ده

M@@@NOOOO

06-30-2008, 04:29 PM

ميرسى ليك انت يابوببا انك حاولت
واسف لو كنت فهمت اخر سؤال غلط
ويارب تكون المسابقه عجباك
وانتظروا باقى الاسئله

b o b b a

07-02-2008, 02:52 AM

عايزين نكرر المسابقه تاني يامانو دي حلوه اوي احنا هنتعبك معلش

M@@@NOOOO

07-10-2008, 08:23 PM

اسف على التأخير
ولكن هنتبع نظام جديد فى المسابقه
وهى
( اللى عاوز يشترك معانا يكتب اسمه هنا )
ولو ملقتش عدد كافى لحد يوم السبت
هضطر الغى المسابقه
النهارده الخميس 10 \ 7
ولو المسابقه اشترك فيها اعضاء كتير
هنبدأ يوم السبت بأسلوب جديد ومميز
ســـــــــلام الرب معكم
واذكرونى فى صلاوتكو

RealMadrid

07-10-2008, 10:50 PM

اولا :
مبروووووووووووووووووووووو وووووووووووووووووووووووك على الي فازوا معنا
ثانيا :
يا رب التصاميم الي هنعملها انا ومانو تعجبكوا

وشكرا ليكوا تاني

milano kaka

07-11-2008, 01:46 PM

فينك من زمااااااااااااااااان ويلا انا ارشح نفسى هنا زاى ما انت بتقول ومنتظرين باقى الاسئلة
وشكرا

b o b b a

07-11-2008, 11:42 PM

انا معااااااااااااااااااااااا ااااااااااااااااااااااااك و

ELMAGEK

07-12-2008, 04:12 PM

انا موجود يا جميل

kemo

07-13-2008, 04:38 PM

معلش يا جماعة ممكن تقبلونى علشان أشترك معاكو فى المسابقة
بس أنهارده الأحد لكن انا مكنتش أعرف بالمسابقة غير دلوقتى
ممكن أشترك

M@@@NOOOO

07-13-2008, 11:31 PM

طبعا تشترك ونص كماااااااان
بس ياجماعه
اناااا بأعلن انى مش المسئول عن المسابقه
واللى هيبقى مسئول عن المسابقه دى
العضويين الرياضين الجمال
زيزو ميرو
والماجيك ( ده بعد موافقته طبعا )

ELMAGEK

07-14-2008, 11:12 PM

يا مانووو يا بلاش واحد غيرو ماينفعناش
يا مانووو يا بلاش واحد غيرو ماينفعناش
يا مانووو يا بلاش واحد غيرو ماينفعناش
يا مانووو يا بلاش واحد غيرو ماينفعناش
يا مانووو يا بلاش واحد غيرو ماينفعناش
يا مانووو يا بلاش واحد غيرو ماينفعناش
يا مانووو يا بلاش واحد غيرو ماينفعناش
يا مانووو يا بلاش واحد غيرو ماينفعناش

انتا اكيد بتهرج يواد صح
عايزين مين
مااانووووووووووووووو
مااانووووووووووووووو
مااانووووووووووووووو

milano kaka

07-14-2008, 11:49 PM

اية يا مانو هتسينا وتروح فين انا مش هينفع ادخل وانت مش مسئول مانو
يلا نقول مع الماجيك مانو مانو مانو
مع احترامى لكل الى انت رشحتهم يكونو مسئولين زيزو والماجيك
انا عايزك انت والكل عايزك
حتى الى انت رشحتة قال مانو ما يكون المسئول

M@@@NOOOO

07-16-2008, 04:57 AM

بشكركم بجد
بس بجد الفتره دى صعب انى ابقى مسئول فيها عن المسابقه
وفتره وهرجعلكوا احسن من الاول كمااااااااان
صلولى كتير وربنا يوفقكوووووووا

ELMAGEK

07-16-2008, 03:00 PM

خلاص يا جماعة وانا بصفتى
الى رشحو مانوو عشان يمسك المسابقة
بعلن رسميا توقف المسابقة لحين عودة احلى
مانووو فى الدنيا والموضوع دة يا ابنى بتاعك ومحدش هيمسكو غيرك
وشكرا ليكم ونركم امس

الـــــــــــغــــــــــا ء

M@@@NOOOO

07-17-2008, 01:51 AM

اسف بجد ياجماعه
وميرسى لميلانو وفيدو على روحهم الجميله دى
وانشالله هتستمر المسابقه من اول يوم السبت اللى جاى
اذكرونى فى صلاوتكو

milano kaka

07-30-2008, 04:01 PM

مااااااااااااااااشى يا احلى مانو فى الدنيا منتظرين يوم السبت علشان تمتعنا بالمسابقةوالاسئلة

M@@@NOOOO

08-02-2008, 06:39 AM

ورجعنا من تاااااااااااااااانى
واسئله جديده
وجوائز جامده جدااااااا
يلا نبتدى ونقول بأسم الصليب
والمسابقه هتكون بطريقه مختلفه شويه
هديكو عشر اسئله
واكتر عضو هيجمع نقاط صح من الاجابه على الاسئله دى
هيكمل معاناا لنهايه الاسبوع
ودى الاسئله
وسهله جدا
س1
أين يوجد أكبر ملعب مسقوف للسلة ؟

س2
من ابتكر لعبة البلياردو ؟ ومتى ؟

س3
من أول من عرف الشطرنج ؟

س4
متى بدأت رياضة ركوب الزوارق ؟ وأين ؟

س5
أين أقيم أول سباق للضاحية ؟

س6
من أول من ابتكر رياضة ركوب الدراجات ؟

س7
من أول من عرف رياضة ركوب الخيل ؟

س8
من أول من عرف كرة القدم الحديثة ؟

س9
متى بدأت مباريات كأس العالم لكرة القدم ؟

س10
من أول من عرف لعبة الجولف ؟ ومتى كان ذلك ؟

kemo

08-02-2008, 03:49 PM

نجيب الإجابات فين ؟ أنا عارف كل الإجابات بس مش عارف أوصلهالك يا مانو

milano kaka

08-02-2008, 03:55 PM

هاقولك يا كيمو وصلها لى وانا اوصلها لمانو على رسالة خاصة واوفر عليك التعب
هههههههههههههههههههههههه
اببعتهالة على رسالة خاصة

milano kaka

08-02-2008, 03:59 PM

اة نسيت ققول
تائة وجارى البحث عن اجابات الاسئلة لكن انت جيت حامى علينا مانو
لكن حمد الله على السلامة ماااااااااانو وحشتنا كتير

kemo

08-02-2008, 04:08 PM

يا أخ ميلانو الأستاذ مانو لا يستقبل رسائل خاصة كل ما أبعتهالو تجلى رسالة إدارية بعدم إرسال رسائل خاصة ليه

milano kaka

08-02-2008, 04:11 PM

طب ولا تزعل نفسك وانا قولتلك ابعتلى الاجابات وانا هابعتهالوة من غير متتضايق
يلا انا منتظر الاجابات ههههههههههه

ELMAGEK

08-02-2008, 04:16 PM

اية دا لو اية دا كلو
اية يا عم مانوو براحة عليناشوية
يا راجل بجد اسئلة اصعب من امتحان الكلية
ههههههههههههههههههههههههه هههه
هدور اجى يا غالى

M@@@NOOOO

08-02-2008, 07:01 PM

جارى حل المشكله يا احلى كيمووو
وفى انتظار اجابتكوا على رسايل خاصه
وشد جيلك ياميلانو انت وابو الفدا
يلا عاوزها نار
ههههههههههه

milano kaka

08-03-2008, 02:00 AM

وشد جيلك ياميلانو انت وابو الفدا
يلا عاوزها نار
ههههههههههه

نااااااااااااااااااار من اية انت كمان جاى تهدى النفوس مش كفاية مدخلنا امتحانت ولا ثانوية عامة
على العموم الاجابات اتبعتت اتمنى انها تكون وصلت وتكون صحيحة

ELMAGEK

08-03-2008, 02:42 AM

نار اية ربنا يولع فيك يا بعيد انتا يا ولا انتا
جايب اسئلة ملهاش اجابة
ناقس تقول مين اول واحد
اخترع كرة الريشة
ههههههههههههههههههههههه
بتفكرنى بفيلم الناظر
بيقول فية واذكر اسم مقاول السيراميك
ونوع السيراميك
ههههههههههههههههههههههههه هههههههه
حرام عليك يا راجل

M@@@NOOOO

08-04-2008, 04:56 PM

هههههههههههههههههه
اذكر نوع السيراميك
ههههههههههههههه ياتحفه
خلص بقى ياواد وابعت الاجابه
وميلانو وكيمو وصلت اجابتهم
واجابتهم اكتر من روعه
وبكره اخر يوم لتسليم الاجابات
سامع يافيدوووو

milano kaka

08-05-2008, 01:36 AM

نوع السيراميك كيلوباترا المهم اسم المقااااااااول

ELMAGEK

08-05-2008, 02:00 AM

هههههههههههههههه
اكيد انطونيو يا بورف
ههههههههههههههههههههههههه ههههه
وصلت يا مانووو

M@@@NOOOO

08-05-2008, 02:13 AM

هههههههههههههههههه
انتوا عيال فقرررررررررررررررررررريه بجد
والاجابات كلها وصلت
وكلها اجابات تحفه
وبكره هنزل بكام سؤال تاااااااانى
وفى نهايه الاسبوع
هنجمع اكتر واحد اخدت نقاط وجاوب صح على كل الاسئله دى
وهو اللى هيكون فايز معانا

M@@@NOOOO

08-08-2008, 06:36 AM

ورجعنالكو تانى
والسؤال الفيصل اللى هيحدد مين الفايز معانا بكره
والسؤال هو
مين اول منتخب فاز بكأس العالم
وفاز بيها كام مره
وكاس العالم اقيمت فى هذه البلد كام مره
منتظر الاجابات وربنا معاكووووووووو

milano kaka

08-08-2008, 06:54 PM

انا مش عارف اشكرك ازاى يا مانو على المجهود الى انت بتعملة
بس حدث معايا حدث مش جديد عليا لازم يكون فى مطب صناعى نعمل اية بقى قانون المرور التزامنا بية ما بقاش اختيااااااااااااااااااااا اااااار والمطب بيقول
m@@@noooo تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة
وشكرا لحسن استماعك ومشاهدتك للمطب وانتظرنى فى مطب جديدمع كل اجابات تتبعتلك

M@@@NOOOO

08-09-2008, 01:59 AM

سورى بجد يا احلى ميلانو صندوق الرسايل كان مليااااان
بس خلاص مسحت بعض الرسايل
وفى انتظار اجابتك يا احلى ميلانو

M@@@NOOOO

08-10-2008, 08:33 AM

ورجعتلكوا مره تانيه
مع اجابات اسئله الاسبوع ده
واعلان العضو الفائز معاناااا
http://www.al-wed.com/pic-vb/754.gif
اولا : الاجابات
أين يوجد أكبر ملعب مسقوف للسلة ؟
في ولاية أنديانا الأمريكية
نقطه

من ابتكر لعبة البلياردو ؟ ومتى ؟
الفرنسيون ، 1429م .
نقطه
من أول من عرف الشطرنج ؟
الفرس عام 590م ، وتأسس اتحاد الولي للشطرنج عام 1924م
نقطه
متى بدأت رياضة ركوب الزوارق ؟ وأين ؟
عام 1865م ، في بريطانيا .
نقطه
أين أقيم أول سباق للضاحية ؟
في فرنسا عام 1898م ، بين انجلترا وفرنسا .
نقطه
من أول من ابتكر رياضة ركوب الدراجات ؟
الفرنسيون عام 1868م ، وكانت مسافة السباق 2 كم
نقطه
من أول من عرف رياضة ركوب الخيل ؟
الفرس عام 3000 ق م وأدخلت في المباريات الأولمبية عام1912م
نقطه
من اول من عرف كرة القدم الحديثة ؟
البريطانيون
نقطه
متى بدأت مباريات كأس العالم ؟
1930م
نقطه
من أول من عرف لعبة الجولوف؟ومتى كان ذلك؟
الاستكلنديون........عام1457م

http://www.siggiez.com/lines/ea/bunfloralbar.gif

الجزء التانى من الاسئله
واللى حسم الموقف للعضو الفايز

مين اول منتخب فاز بكأس العالم ؟
الأورجواى
نقطه

وفاز بيها كام مره ؟
مرتين
نقطه
وكاس العالم اقيمت فى هذه البلد كام مره؟
مرة واحدة
نقطه

http://www.siggiez.com/lines/ea/bunfloralbar.gif

وبكده يكون مجموع نقاط الاسئله
هى 13 نقطه

http://www.siggiez.com/lines/ea/bunfloralbar.gif
ثانيا : العضو الفايز معانا

ELMAGIC 9.5
KEMO 12
MILANO KAKA 10

وبكده العضو الفائز معانااااااا
هو
kemo
الف الف مبروك يا احلى كيمووو
وهاردلك باقى الاعضاء
جارى ارسال الهديه فى رساله خاصه
ويارب تنال على اعجابك

kemo

08-11-2008, 12:05 PM

الهدية جميلة جداً بس أنت مش ناوى تنزل بالجزء التانى من الأسئلة إحنا مش عايزين توقف فى المسابقى دى خالص .

ELMAGEK

08-12-2008, 11:38 PM

اسف يا مانووو انى مش كملت بس دة
كان فى ظروف غصب بعنى بس كدة مش تسال عليا
؟؟؟؟؟؟؟؟؟؟؟؟؟

M@@@NOOOO

08-14-2008, 06:26 PM

اسف على التاخير فى نزول الاسئله
وهنرجع تانى يوم السبت اللى جاى
وسامحنى يافيدو على التقصير فى السؤال
ويعلم الله انا كمان عندى ظروف

kemo

08-16-2008, 04:54 PM

فين الأسئلة يا معلم ؟

M@@@NOOOO

08-16-2008, 10:50 PM

سورى على التأخير يا اجمل اخوات
ورجعتلكوا من تانى
ومسابقه جديده واسئله شديده
وجوائز جميله
ملحوظه
( المسابقه مفتوحه لجميع الاعضاء )
نقول بأسم الصليب ونبتدى الاسئله

أقدم نادي في العالم لكرة القدم هو ؟
سجل اللاعب البرازيلي بيليه أكبر عدد من الأهداف فكم هدف احرزها هذا الاعب وفى كم مباراه ؟
اول دولة عربية تشارك في الألعاب الأولميمبيه ؟
من هو اول لاعب يطرد في مباريات كأس العالم ؟
أول دولة عربية وصلت لنهائيات كأس العالم ؟

والغرض من كل هذا فى النهايه
هى الاستفاده ومعرفه الكثير عن كل مايخص الرياضه
ربنا معاكم
وفى انتظار اجابتكم
صلولى

kemo

08-16-2008, 11:47 PM

أنا باعت إجاباتى يارب تكون وصلت وتكون صح .
شكراً على تعبك يا معلم مانووووووووووووووووو.

M@@@NOOOO

08-18-2008, 02:00 AM

ايون يااحلى كيموو وصلت ياغالى
والماجيك كمان وصل
والمسابقه ابتدت تولع
وفى انتظار باقى الاعضااااااااء

kemo

08-18-2008, 02:50 PM

أخر يوم لتسليم الإجابات أمتى ؟

M@@@NOOOO

08-19-2008, 05:52 PM

اخر يوم لتسليم الاجابات كان النهارده ياكيموو
ولحد دلوقتى وصلت الاجابات من
kemo
el magic
milano kaka
والجزء التانى من الاسئله
هينزل بكره الصبح انشالله
على فكره اجابتكوووا كلها جامده
والمسابقه ابتدت تولع
واخر يوم لتسليم اجابات الجزء التانى اللى هينزل بكره بأذن المسيح
هيكون يوم الخميس بالليل
ربنا معاكو ويفرح قلبكوووو