اية الى شدك فيها ؟

[M!SS N@NO]

الموضوع دة انا شفته فى منتدى وكنت عايزة اعرف رايكم فيه

المرأة الفاضلة صندوق مجوهرات يكشف كل يوم عن جوهرة جديدة

من يتزوج امرأة لأجل جمالها كمن يشتري بيتا لجمال طلاء واجهته

لا تختار زوجتك بعينيك بل اخترها بأذنيك



انا حبيت اسال الشباب سؤال كده بس ياريت تجاوبوني بصراحة

لو اعجبت ببنت و اتشديتلها اوي

ايه هيبقي سبب الاعجاب ده او ايه السبب اللي خلاك تتشدلها
شكلها ولا عقلها ولا هدوئها ولا ايه بالظبط
ياريت اسمع اراءكم بجد

و انتوا يا بنات نفس السؤال ايه اللي ممكن يشد اعجابك فى الولد؟؟؟

[جوسى]

ميرسى يا نونا على موضوعك

بس مش عارفه انا هجاوب فى الاخر

[ماروجيرافك]

بصراحه لازم اعرفها كويس وسعتها اقرر ايه اي شدني ليها
شكرا للموضوع الجميل دي

[nermos1982]

اكتر حاجة تشدنى ليه :
انه يكون ابن ربنا وابن الكنيسة
اخلاقه وشخصيته
خوفه عليا وحبه ليا

[اللة يرعانى]

مرسى على سوالك الجميل اكد اكتر شى لازم يكون قريب من ربنا جدا واكيد الطبع بعد كدة

[melanora]

مممممممم
اقولك
الاخلاق والشخصية وطريقة التفكير

[kokodody66]

هدؤها طبعا و ادبها واخر حاجة افكر فيها الشكل

[roset]

انا اكتر حاجة ممكن تشدنى لحد شخصيتة وخفة دمة

[Narmar]

الدمـــــاغ العالية مش بحب الاغبيا هههههههههههه
وعلاقتها بربنا طبعا :)
شكرا يا حنان على موضوعك الجميل :)

[M!SS N@NO]

ميرسى لمرورك وردودكم الرائعة
ربنا يبارك حياتكم ويرعاكم ويحافظ عليكم

[SAMOOOOO]

بالنسبه لرايى الشخصى

يشدنى فى البنت لما تكون رذينه كده وعاقله وتكون عندها شخصيه ومش اى ولد يقدر يقرب منها او يتعرف عليها بسهوله وتكون بتحب الترانيم لدرجه انها ممكن ترنم بصوتها بجد
ويكون بتعرف تتعامل مع الناس باسلوب محترم وبتعرف تنقى كلامها كويس
ومتكونش من النوع اللى بيتعرف على ولاد كتير
ويكون لبسها محترم لايق عليها

دى بقى حاجه رئيسيه بالنسبه ليا ودى حاجت بتشدنى فيها

ميرسى يابت يا حنان يا عسل
ومستنى اشوف رايك انتى كمان

[M!SS N@NO]

ميرسى يا سامو
وبجد رايك بيدل على شخصيه محترمه حقيقى
بس ايه حكايه الترانيم دى
يعنى لازم تكون بترنم يعنى

ويا سيدى انا رأيى ان اللى بيشدنى فى الولد شخصيتة القوية وأنه ميكونش خفيف كده
وكمان يكون عقله كبير وبيعرف يتصرف بحكمه فى اى موقف ويكون مرح ودمه خفيف بس فى وقت الهزار مش عمال على بطال
وأنه مش يكون بتاع بنات ممكن يكون ليه زميلات بنات أنا انسانه متعلمه ومتحضره بس مش اكتر من الزماله
وكمان بيشدنى فى الولد أهتمامه بنفسه وبمظهرة الخارجى بس فى حدود المعقول وفى حدود الرجولة
يعنى مبحبش الولد اللى يطول شعره زى البنات ولا الولد اللى بيلبس دهب ممكن سلسله بس ويكون فيها صليب مش قلوب ومفاتيح تونه وسلمون وبولوبيف وكمان مش بحب الولد اللى بيربى ضفر صباع ايده الصغير
عشان اللى بيعمل ده كله مش بعتبره راجل اساسا

[SAMOOOOO]

ههههههههههه
لا مش اقصد انها تكون مرنمه
بس تكون من النظام اللى بيحب ترنم مع نفسها بصوت واطى لما تكون فاضيه
لان ده بيدل على ان البنت دى على قدر عالى من الهدوء
لان الهدوء صفه جميله جدا لما تكون فى البنت

وكمان انتى كلامك واختيارك كويس ويدل على انك محترمه بجد

وربنا يحفظك لينا

[ملكش دعوة!]

شكرا على الموضوع
هو لازم يكون عنده صبر علشان يستحملنى
لازم يكون شخصيتة قوية ومفترية ويكون وحش
لازم يكون دمه خفيف علشان لو بايخ هودى
عند مامتة تانى هى المشرحة نقصة جسس

[M!SS N@NO]

ميرس ليك يا سامو على كلامك الجميل ده وعلى اهتمامك بالموضوع وانك تعرف رأيى
ربنا يبارك حياتك

[M!SS N@NO]

ليه يا انسه ملكش دعوة كده
لازم يكون مفترى ويكون وحش؟؟؟؟؟؟؟؟؟؟
ع العموم طلبك موجود مفيش أكتر منه
ميرسى ع المرور والرد يا جميلة
ربنا يكون معاكى وينولك مرادك