سؤال محرج !!!!!!!!!

[بيسو ابن الملك]

سلام المسيح يا اجمل اعضاء
بصوا بقي كنت بعلم ابن اخويا اللي في اولي ابتدائي
شوية حاجات عن بابا يسوع وازاي بيحبنا وعن القديسين والقداس وكده يعني المهم
الواد سالني سؤال حقيقي معرفتش ارد انا هااكتب لكم السؤال بالظبط زي ماقاله
عمو هو ليه ابونا فلان عنده دقن هو لو حلقها بابا يسوع يزعل منه طب بابا
ليه مش عنده دقن طويله ؟؟؟؟؟؟؟؟؟؟؟؟
ياللا قول يا عمو قول بقي
فعلا ماعرفتش ارد عليه !!!!!!!!!!وقلت له يا حبيبي صلي وبابا يسوع ها يقولك ليه ولو مش قالك انا هاابقي اقولك ليه وهو دلوقتي بيصلي
بلييييييييييييييييز انقذوني وحد يرد

[نايف ميدع]

قول للولد لما تكبر حتعرف

[كيرو رافت]

حاول تبسط الامور ليه دلوقتى برد يكون سهل جداااااااااااااااااا
يعنى مثلا تقوله انت بتحب شعر راسك طويل ولا قصير ولما يرد عليك قوله ابونا كمان كدا بيحب دقنه طويله
وبابا موش بيحب الدقن علشان بتشوكه
او اى اجابه سلسه ما تعقدش الامور وتضخمها بكلام الولد ما يفهموش

[شمعة]

بصراحة انا حاولت اراد
لكن اظن انة اكيد لعدم ظهور لاهتمام بالعالم باى شى
حتى ان لبسة محدد مش بيغيرة
انت ممكن تقولة
بص يا حبيبى بابا يسوع بيبص على القلب من عايز لا دقن ولا جلبية
لو حبيبت ربنا من قلبك اوى مش هتهتم تكون نظرة الناس ليك اية
وبجد انا باذن ربنا هسال فى اقرب وقت
بس يعنى بلاش تخلية من دلوقتى يركز على المظهر الخارجى
عشان لم يبكبر مش يكون اهتمامة الشكل وتغيرة
من دلوقتى قولة ان افضل ما فى لانسان هو القلب
وربنا يخلهولكم

[bop_3006]

هاى شباب

انا اتفق مع شمعة على الرد الى قاله وممكن اقول حاجة ان
القساوسة والكهنة قبل مايترشمو للكهنة وينزلو يخدمو الناس فى مقتبل عمرهم بيزهبو للدير وبيمكسو فيه للصلاة والاختبار قبل النزول الى الخدمة وطبعآ فى الدير هناك متفرغين للصلاة فقط ومش بيهتمو بالجسد لان الاهتمام الاول والاخير للروح وينمو علاقتهم بربنا
علاشان كدا من لاحظة دخولهم الى الحياة مع ربنا بيهملو جسادهم لانهم بيهتمو بالروح وعلاقتها بربنا
فا بالتالى لما بينزلو العالم بيخدمو كاكهنة بتكون دقنهم طاويلة وبيكملو حياتهم على كدا الاهتمام بعلاقتهم بربنا وبخدمة الناس

وحاول يابيسو ماترتبكش لو الولد سائل سؤال ومش عارف اجابته ابقى قله حاجة منطقيا
ولو فى اى اسئلة تانية
احنا موجودين
اخوك باسم

[Narmar]

ههههههههههههههههه
يالهوى على الموقف
انت ممكن تقولة مثلا زى ما كيرو قالك دة احسن رد بصراحة

حاول تبسط الامور ليه دلوقتى برد يكون سهل جداااااااااااااااااا
يعنى مثلا تقوله انت بتحب شعر راسك طويل ولا قصير ولما يرد عليك قوله ابونا كمان كدا بيحب دقنه طويله
وبابا موش بيحب الدقن علشان بتشوكه
او اى اجابه سلسه ما تعقدش الامور وتضخمها بكلام الولد ما يفهموش

[بنت الراعي]

هههههههههه
حقيقي الاطفال دول مصايب انا كتير اتعرضت لمواقف زي كده
بس المهم انت تقوله المعلومه ببساطه فعلا زي ما كيرو قالك
بس انا كمان كان نفسي اعرف السبب هههههههه
بجد معرفش ليه او مافكرتش ليه قبل كده
ياريت لو حد يعرف يقولي
ربنا معاك يا باسم وحاول فعلا تقوله زي ما كيرو قال

[كرستين]

الاطفال اكبر مشكله بس نعمل ايه لازم نستحملهم
بص حاول تبسطله بس منخيرهوش لانى كل الاباء الكاهنا مربين دقنهم اتحاله كلهم بيحبوها كدا بس ده بيدل على القداسه انى كل حاجه فى الكاهن ملك ليسوع فهمت حاول تقوله بس بطريقه مبسطه لكن اوعى تقوله حاجه مش متاكد منها لانه هيصدقها ربنا معاك

[كراكيب]

اولا انا ضد انك تقوله صلي وبابا يسوع هيقولك لان خيالالطفل في المرحلة دي بيبقي خصب جدا وبيصدق جدا وممكن يفقد ثقته في بابا يسوع لو مردش عليه
ثانيا انت ممكن تقوله ان ابونا بيعمل كدة عشان هو مكرس لربنا وتفهمه يعني ايه مكرس لربنا وممكن تستعين بالكتاب المقدس المصور وتوريه بعض الصور لكهنة مثل هارون وعالي الكاهن وازاي انهم كاوا بيربوا دقنهم هو في الرقت ده هيربط بين الكهنة دول وبين ابونا في الكنيسة
يمكن عشان بخدم المرحلة دي كان ده ردي وياريت لو حد ليه تعقيب يعقب

[كراكيب]

انا اسف ياكيرو اني هقولك ان ردش مينفعش لان عقلية الاطفال حاليا تختلف عن زمان لازم الاجابة تكون مقنعة والا هيفقد ثقته في اللي قدامه ومش هيساله تاني

[كراكيب]

الاطفال مصايب يابنت الراعي يالهوي ده لو فيه قسم للاطفال في المنتيدي كانوا قطعوكي
انا بهزر وعارف انك بتهزري بس برخم عشان بقالي فترة مكلمتكمش

[بنت الراعي]

ميرسي ليكم يا جماعه وهو فهمه ببساطه
وقاله زي ماكيرو قاله
ومعلش هو بس ظروف شغله منعاه من الدخول

[بنت الراعي]

الاطفال مصايب يابنت الراعي يالهوي ده لو فيه قسم للاطفال في المنتيدي كانوا قطعوكي
انا بهزر وعارف انك بتهزري بس برخم عشان بقالي فترة مكلمتكمش
هههههههههههه
منور المنتدي يا ميدو بتغيب كتير
ههههههه انا فعلا بهرج لاني مريت بمواقف كتير زي اللي باسم مر بيه
وخصوصا مع ابن اخويا برده هو هو
بجد بيسال اساله بيحرجنا بيها
علي فكره ردك حلو اوي وفعلا هو ممكن يفقد الثقه في ربنا بس
هو عارف وفاهم يعني ايه ربنا وبيحبه جدا وثقته كبيره جدا فيه وصعب اوووووووووووي
انها تقل او انه يفقده انا عارفاه
ميرسي يا ميدو ربنا يعوضك ويفرح قلبك

[قلب المحيط]

طيب ياجماعة كلكم قعدتو تقولو كلام بس مقلتوش اجابة فين الاجابة انا عن نفسي معرفش لية الاب الكاهن مطول دقنة وهل هو شرط ؟ وهل دة مذكور فيي الكتاب المقدس؟ ياريت اجابة كاملة ومقنعة لاني بجد انا معرفش مش الطفل بس

[piroocool]

انا بقى بقولك تقوله بص انت مش يفنع الوت حد يعرف كل حا جة الا فى وقتهاااااااااااا
او دا يكون تجربة من ربنا ليك فى نفس الوقت عشان انت بتعرف الواد شوية حا جا ت تقول انا اعرف كل حا جة
فر بنا عمل كدة عشا ن الشيطااااااا ن ما يد حكش عليك

[اميرة ماريا]

بص انا عندي بنت ولما كانت بتسأل لازم اجاوبها ممكن تقوله ان ابونا مش فاضى للحاجات ده هو على طول فى الكنيسة ,بيصلى , بيساعد المحتاجين ......المهم انك تفهمه ان ابونا مش بيهتم بالحات الصغيرة ده وكان فيه حد قال لك انك تورى له بعض الصور لبض الكهنة ليقتنع

[elphilasouf]

يا جماعه ابونا مربى دقته دليل للوقار

[ELMAGEK]

تربية الدقن عند الاباء الرهبان عبارة
عن زهد فى العالم فهو لا ييهتم بمظهرة الخارجى على قدر اهتمامة
بالطهارة الداخلية واعطى مثلا بابونا يسطس الانطونى الذى كان
لايستحم ولا يحلق دقنو غير مرة واحدة فى السنة
وهذا ذهد للعالم والاشياء التى فى العالم
وعن والدة فهو فى الاول والاخر رجل
دنيوى اى عايش فى الدنيا وليس من الرهبان الذين
تركو الحياة
فمن الطبيعى ان يمارس حياتو كغيرة من الاخرين
ويارب تكون الاجابة صح