عاوز رأي كل واحد ويقول رائية بصراحة

[ZAKARIYA]

يا جماعة ايه رائيكم في الموضة دلوقتي ( موضة اللبس والهدوم )


انا بقولكم بصراحة بنزل اجيب لبس مش بعرف اشترى حاجه

انزل اجيب اي حاجه الاقي الموضة تيشيرتات ( عليها جماجم )
( وترتر) ( وخرز ) وبلاوي زرقة
:em3000:
والبناطيل المتنيلة المقطعة
طب اللي عاوز لبس محترم شوية عن كده يعمل ايه يشرب من البحر
:10500:
انا عن نفسي مش عارف

؟؟؟؟؟؟؟؟؟
:11900:
ليكم حرية النقاش وكل واحد يقول اللي يعجبة

[M@@@NOOOO]

اناااا من وجه رأيى وبصرررراحه
ان كل واحد ينام على الجنب اللى يريحه
يعنى البس اللى على ذوقى انا وبس
وفى محلات كتيرررررررررررررررررررررر رررررررررررررررررررر جدا فيهاا لبس محترم وجميل
وده رأيى تقبل مرورى
واهلا بيك معانا فى المنتدى
منورنا بوجودك الجميل ده
ربنا يبارك حياتك

[melanora]

ايوة فعلا رغم انة فية محلات بتعرض لبس ممكن يكون شاذ احيانا للاتنين سواء بنات او ولاد ولكن فية محلات محترمة اوي اوي والرك علي الاختيار الكل موجود لكن احنا نختار اية

[جوسى]

اشكرك على الموضوع

وبصراحه انا مش عارفه اقول ايه

بس كل اللى هقوله احنا بقينا عايزين نقلد و خلاص

[aymonded]

هو الموضوع من وجهة نظري مش قضية ، لأن اللبس أزواق ، وكل واحد له زوقه الخاص ، وكل سن له زوقه المتغير من يوم لآخر ، ومش شرط اللي يشتري بيقلد ، ولكن كل شخص له الحرية ما يشترية وما يلبسه ، حرية خاصة ، وليس لنا أن نتدخل فيها ، إلا إذا كانت خارجة عن اللياقة مثل إنسان نصف عاري أو يلبس ملابس خليعة ، وهذا بالطبع لا يحدث على الإطلاق لأي شاب سوي من الشباب ، وانا - بالطبع - فقط اقولها على سبيل المثال الذي يمكن أن نعلّق عليه ، وهذا لم أراه بالطبع أنه حدث ( ولا أحد يقول أن هذا يحدث في المصايف لأن هذا طبيعة المكان وليس خارج عن اللياقة ) ، غير كده عادي ...

ولكن لكل لبس مكان يليق به ، يعني في عمل أو حفلة أو أي مكان آخر فله زيه الخاص الذي يليق به ... وهكذا ...
ولا ملامة على من يختار ما يتفق معه وزوقه الخاص ...
هذا رأيي الشخصي جداً ، النعمة معكم جميعاً آمين

[بنت الراعي]

بصراحه هااقول ايه بعد كل اللي تقال ده
بس فعلا ده حريه شخصيه بس صدقوني احيانا بنتازي من لبس البعض
لكن كل واحد حر وزي مافي الوحش في الكويس
وانا من هنا باادعو كل النااس وخصوصا البنات ارجوكم
كل واحده تحافظ علي الوزنه اللي ربنا هايحسبنا عليها(الجسد)
لكل حاجه حدود ممكن نكون مواكبين الموضه والعصر لكن مع الاحتشام
وربنا موجود

[keroo82]

موضوع حلو جدا
انا مبحبش الموضة بتاعت الايام دى
مثلا البنطلونات اشكال والوان فى مقطع وفى مليان جيوب انا بحب الكلاسك المحترم
وكل واحد وحسب رغبتو دى حاجة ترجع لية
لكن افضل اللبس الجميل اللائق باولاد المسيح
شكرا على الموضوع الجميل
ربنا يعوضك

[اللة يرعانى]

انا رائى لو الموضة دى لبسها محترم البس منها غير كدة مش لازم البس تبع الموضة فى محلات كتير بتبع لبس كتير محترم سواء للبنات والولاد والبس لبس الى يناسبنى كمسيحى مش البس لبس كل ناس تتكلم علية وتقولو دى موضةمرسى على سوال

[elphilasouf]

ولا اروع كل عضو قال رأيه
اشمعنا أنا يعنى
هههههههههه
موضوع بجد حلو يا زكريا
وعمتا بين الشاري والبايع يفتح الله
والى يدور يا ما يلاقى
يعنى انت لو دورت هتلاقى اللبس الى انت عايزه
وبعدين دي ازواق ممكن الواحد يعجبه بنطلون مقطع او مخرم سيبه هو بيحب التهويه
تقبل مروري

[ظريف]

كل الأمور تحل لى ولكن ليس كل الأمور تناسبنى

[عماد حسنى]

جميل جدا انك تلبس على الموضه او ما يوكب العصر
لكن الاجمل ان يكون اللبس محترم ويليق بأبناء المللك

وفى الاخر اللبس عموما اذواق ولولا اختلاف الاذواق لبارت السلع
شكرا يا جميل على الموضوع