سؤال لكل الشباب والبنات بالمنتدى؟ضرورتدخلوا وتجاوبوا بليز

[وردة حزينة]

سؤال لكل الشباب والبنات بالمنتدى؟ضرورتدخلون وتجاوبون بليز

البنات:-


تقدم لخطبتك شاب واعترف لك بماضيه وقال انه كان يعرف فلانه وانه طلع معاها وحصل كذه وكذه وكذه وكذه , وقال لك انا بصراحه زهقت من الوضع الي كنت فيه...

سؤالي هل تقبلية عريس مع انه ماضيه فية كثير من المصائب؟








الشباب:-


ذهبت الى خطبه فتاة وعترفة لك بماضيها وقالت انها كانت تعرف فلان وفلان وانها كانت تطلع معاهم وحصل بينهم كذه وكذه وكذه وكذه وقالت لك بصراحه انها هتكون وفيه ليك بعد الجواز

سؤالي هل ستتقبل ماضي البنت مع ان ماضيها فية كثير من لمصائب؟؟


لو سمحتوا ميش عايزة اجابات مثالية بعيد عن الواقع لكن عايزة اجابات واقعية
كل واحد وواحدة تتخيل انها حصل معاهم الموضوع دة ويقولولى هايعملوا اية

[sawsaw]

هو انا من ناحيتى لو كنت بحبوا اوى هسامحوا عشان مش هعرف احب غيرو بس هيجول فى فكرى وقتها سؤال هل هو هيقدر انى سامحتو وفعلا مش هيرجع للى كان هو فيه فى الاول
هل هو صادق معايا امام الله
هل هو مش ممكن يخونى بعدين لو انا ضايقتو؟
من الناحيه الواقعيه الى يخون مره يخون الف
ده فى الرجال لان من الاخر عندهم هرمونات مسؤوله عن الخيانه
الخيانه بتبقى فى كيان الراجل محدش يفهمنى غلط
ولا حد يفهم ان بشتم الرجاله
دى حقائق علميه
ان الرجل قلبو يساع كتير
لكن الست قلبها ميساعش غير راجل واحد وبتكون وفيه ليه للنهايه مهما عملت ومهما كان ليها ماضى
ده رائئى فى الموضوع

[melanora]

بامانة لو كان صادق فعلا
ممكن ممكن اقبل

[مادلين بنت المسيح]

بصي يا فوقا
هقبله علشان قالي علي الحقيقة من الاول ومرداش يغشني
لكن لو اكتشفت دة بعدين وهو كان مخبي عليا دة هايبقي فيها كلام تاني
لازم نتفق من اولها علي الصراحة حتي لو هزعل
وانا كمان كذلك
____________

[جاسيكا]

اولاً هحترم صراحتة جداً وعلى فكرة صراحتة ممكن تكبرو فى نظرى كتير جداً
لكن انا مش هكون متأكدة من كلامة هيكون فى شك شويتين لكن هحاول انى اعرفة اكتر وساعتها ممكن اكون اتعرفت على شخصيتة اكتر وعرفت هل كان صادق فى كلامة او لا

موضوع جميل وسؤال جميل ومهم ان كل واحد وواحدة يسألو نفسهم بالسؤال دا
ميرسى كتير ليكى ياقمر

[جوسى]

طبعا احترم صراحته

و مفيهاش حاجه لو عايزة اتاكد من صدق كلامه شويه اختبارات
يععنى و اقبله يمكن انا اكون سبب فى تغير مجرى حياته و يكون انسان صالح

[beshoi_soft]

الى يخون مره يخون الف
ده فى الرجال لان من الاخر عندهم هرمونات مسؤوله عن الخيانه
الخيانه بتبقى فى كيان الراجل محدش يفهمنى غلط
ولا حد يفهم ان بشتم الرجاله

انا فهمك مش غلط بس مش كل انسان فى طريقة الخيانة ما هو لو بــ بحبك جدااا مقدرش يعمل معاكى اى حركة خيانة وانتى لو واثقة فيةهتلاقى اقلبوا افتح ليكى ويحكليك كل حاجة بتحصل معاة ها يعتبرك زى اخوت وكدة مقدرش يعمل معاكى اى حاجة وشكرا
يا استاذة
sawsaw (http://www.orsozox.com/forums/members/8534.html)
تحياتى ليكم

[sawsaw]

انا معاك يا بشوى فى ردك مش كل الرجاله كده بس فعلا
فى حقيقه علميه الراجل يقدر يحب اكتر من ست فى وقت واحد
لكن الست متقدرش تحب اكتر من راجل
بس فعلا الكلام ده مش كلامى ده كلام علماء فى علم النفس والطب
ان الراجل يقدر يحب اكتر من واحده ويخون ومبيبقاش عارف ان الى بيعمله ده خيانه
فعلا بجد فى هرمونات فى الراجل مسؤوله عن الخيانه قريت عنها كتير وكمان درستها
بس الهرمونات دى مبتقاش معدل افرازها فى كل الرجاله واحد فى رجاله بتبقى قليله جدا وفى رجاله بتبقى زايده اوى
من الاخر الراجل الى قبل الجواز كان بيكلم اكتر من واحده وضحك على اكتر من واحده استحاله يتغير بعد الجواز
بيقى ايوه حابب مراته وبرضوا بيبص بره ده شىء بقا فى طبعه
الا اذا هو فعلا تاب توبه صادقه من قلب صادق لله ففعلا انا هبقى متاكده انه بقا انسان كالطفل البرىء كانه لسه مولود جديد فعلا ربنا بيبقى غيره كلوا على بعضوا وخلقوا من جديد وبتبقى نعمه المسيح موجوده فيه
لكن لو واحد بيقول انه تاب كده وبس ومش توبه حقيقيه هتلاقيه
اى سبب يضايقوا من مراتو يروح يبص لواحده تانيه فى الحال وبدون تفكير
واسفه جدا على صراحتى فى الكلام
واسفه جدا على التطويل
ونعمه المسيح تحمينا وتحمى اخواتنا
اختك الصغيره سوسنه

[SAMOOOOO]

اولا من رايى الشخصى
صعب اصدق بسهوله لان فعلا اللى يخون مره يقدر يخون اكتر من مره
بس طبعا مش كل البنات زى بعض
لو حسيت فيها انها عاوزه تتغير ممكن اغيرها للافضل ونعيش زى الفل
لكن لو حسيت مفيش اى فايده فمينفعش من الاول

ثانيا بالنسبه لكلام سوسنه
اسمحيلى اعارضك فى رايك لان مش كل الرجاله كده
الرجاله انواع زى ما الستات كمان انواع وصوابع ايدك مش زى بعض نهائى

[cat girl]

بصى يا ستى بالنسبه للولد دى يعنى ممكن تعدى شويه لكن للبنت لما تيجى تقول لخطيبها كده دى تبقى صعبه اوى اوى مهما حصل وانا عن نفسى لو ولد مقبلش ان يحصل معايا كده من اللى هتجوزها وهتشيل اسمى وعموما يعنى ده يتوقف على المواقف اللى حصلت بينهم دى لو ينفع انك تسامحى فيها وممكن تتصلح يبقى ممكن يقبله بس علشان صراحته بس لازم يتاكد الاول دى صراحه منها او منه ولا هو مضطر انه يصارحه وميرسى ليكى يا قمر

[sawsaw]

ثانيا بالنسبه لكلام سوسنه
اسمحيلى اعارضك فى رايك لان مش كل الرجاله كده
الرجاله انواع زى ما الستات كمان انواع وصوابع ايدك مش زى بعض نهائى

يا سامو انا فعلا قولت كده فى الرد التانى الى انا كتبتوا ممكن تقراه بتركيز شويه

[SAMOOOOO]

سورى يا سوسنه اصل مش قريته كويس

لا كده بصراحه معاكى حق فى كلامك
بس مستغرب شويه عن موضوع الخيانه اللى فى هرمونات الرجل دى
لان مش قريتها عنها قبل كده
واول مره اسمعها منك

كده خليتينى انسى اشكر البنوته الورده الحزينه على المناقشه الجميله دى
ميرسى كتير يا ورده يا حزينه مواضيعك بجد هايله وبتعجبنى
لكن اللى بيضايقنى انك حزينه

[sawsaw]

سورى يا سوسنه اصل مش قريته كويس

لا كده بصراحه معاكى حق فى كلامك
بس مستغرب شويه عن موضوع الخيانه اللى فى هرمونات الرجل دى
لان مش قريتها عنها قبل كده
واول مره اسمعها منك

كده خليتينى انسى اشكر البنوته الورده الحزينه على المناقشه الجميله دى
ميرسى كتير يا ورده يا حزينه مواضيعك بجد هايله وبتعجبنى
لكن اللى بيضايقنى انك حزينه

انت اكيد عنك تول بار جوجل
او افتح جوجل واكتب هرمونات الخيانه عند الرجال
هيطلعلك ميت بحث بالعربى
اقرا اى واحد منهم
انا الحاجات دى اختها بالانجليزى وصعب جدا اترجمها
بس هى موجوده بالعربى فى جوجل

[SAMOOOOO]

خلاص اوك هشوفها
شكرا ليكى كتير

[sawsaw]

العفو يا سامو

[روفــــا]

اولا هحترم صراحتها واكيد هبقى صريح معها انا برضة فى كل حاجة بس انا هقعد افكر شوية وبعدين هسمحها وهرتبط بيها وهشوف اية اللى خلاها تعمل كدة قصدى نقطة الضعف اللى خلاها تعمل كدة وهعلاجها حتى لو مكنش فى نصيب علشان موش تعمل كدة تانى وبعد ما انهى نقطة الضعف دى هحاول اختبرها واشوف هتعمل اية لو ضعفت تانى يبقى مينفعش اسمحها لو قدرت تتغلب على الحكاية دى خالص يبقى اعزها واقدرها بعد كدة حتى برضة لو مفيش نصيب

[pirooo]

انا اختلف مع cat girl الولد زى البنت
ودى مسالة متتنسيش العمر
كلة ولو تم التسامح بينهم
دلوقتى هتسبب مشاكل كتير
بعدين ولازم يفكرو الف
مرة وميمشوش ورى مشاعرهم
ياريت ياجماعة لو انا غلطان
حد يقولى وشكررررررررررا
ربنا معاكوا

[كيرو رافت]

شوفى يا ورده
الحب يصنع المعجزات ويمحو السيئات
هو لو انسان بيفكر بعقله بس اكيد هايبعد عنها وموش هايفكر فى الارتباط بيها انما لو اعطى لعقله مساحة ان قلبه يتدخل اكيد هايكون فيه نوع من الرحمه والمغفرة
انا شخصيا من الممكن جداااااااا ان ارتبط بانسانه اعترفت لى بكل شئ بس لو حسيت فى كلامها بالمصداقيه موش مجرد انها بتخلص ضميرها وخلاص لا
لوحسيت من كلامها انها هى كمان هاتنسى الفترة اللى فاتت من حياتها وهاتبدأ من جديد ماعنديش مانع ابدأ من جديد
كلنا بنغلط وموش معصومين من الخطا المهم هو معرفه الخطأ وعدم الاستمرار فيه

ميرسى يا اغلى ورده على السؤال الجميل ده

[اللة يرعانى]

انا رائى هحسبو من ساعة لما عرفنى اما الماضى دة بتاعو شى يخصو او لو ماضى فى حاجات غلط كتير عملها مش هوافق علية للانى ممكن يعمل معايا زى البنت الى كانت فى الماضى بتاعو وشكرا على سوال

[اسامه سمسم]

:em17:بصراحة انا مش هقبل طبعا
لانها ممكن تعمل معايا زى
الى قبلى
ولى فية طبع مش ممكن يغيرة
ودى اكيد هتكون بنت مش جادة فى حياتة
وميرسى على الموضوع الجميل ده

[sarsora]

سؤالي هل تقبلية عريس مع انه ماضيه فية كثير من المصائب؟
مش عارفة
حسب الموقف و صدق ترفاته فى امور كتيرة جدا على اساسها هبنى قرارى

[ماروجيرافك]

شوفي هو بنسبالي فانا اسف صعب اني اتحمل حاجه زي دي لان مهما كنت بحبها فنا رجل شرقي غصبن عني
غير اني هفضل طول الوقت الموضوع دي امام عيني
والمشكله الاكبر بعد كده لو عرفت ان فلان وفلانه عرفين الموضوع هبقي شكلي ايه قدامهم معلش الكرامه تحكم

شكر خاص ليكي علي موضوعك المتميز
الرب يبارك ثمره خدمتك

[the shark]

اذا بديك الحقيقة انا ما بتجوز وحدي اتعدت علاقته الخطوط الحمرا مع شخص ما
و ميرسي كتير ع الموضوع الحساس هدا