+++يا شمعة الغطاس+++

+++يا شمعة الغطاس+++
يا شمعة الغطاس خليكى منارة للتايهين لمى الشمل على نيلك زى ايام الفاهمين
كنا نولع شموع الحب واحنا صغيرين
يا شمعة الغطاس نورى لكل التعبانين خلى نورك يشيل ظلمة المظلومين
اصرخى بالامل لكل المجروحين
زعقى وقولى يابلد تعبنا من الانين فوقى بقى وانصفى ولادك المقهورين
نورى يا شمعة او السعى قلب الظالمين خليكى دايما امل يهدى المطحونين
التاريخ هايكتب قصة كل ظلم مبين
بكرة يفضح كل اللى مش باينين ويشيل القناع من وش المزيفين
يا شمعة الغطاس نورى الامل للمحبين
ازرعى الحب فى قلوب الكارهين انزعى الشر من وجوة الحاقدين
ابدرى الخير والحب لارض المصرين نورى كل القلوب بالايمان اليقين
واجمعى بالحب كل قلوب البعيدين
خلى نور الايمان يصحى النعسانين وبالحب نورى ظلمة الصاحين
خلى المحبة فى قلوب القاسين خليها حياة نعيش بيها طول السنين
وتبقى يابلد منارة للحب وشفا للحاقدين والعدل يبقى نور لكل العايشين
وكل عيد وانتم طيبين