يالى بتلعن فى بلادنا اللى خربت

يالى بتلعن فى بلادنا اللى خربت
يالى بتلعن أن خيــراتنا أتــنهـــبت
متنساش أن الأرض ديه باركها المسيح
ولا هو كل اللى الفرصه ليه تتيح بيلعن
و ماهواش عارف بيلعن أيه … بيلعن مصر ؟؟
طب ماهي ملعونه بينا
و خرابها ده كان على أدينا
ده اللى بيرمى الزباله فى الشوارع
و اللى فعربية اسعاف بيسارع
و اللى ظالم و ظلمه واجع
و اللى بكذبه بقى نجم ساطع

بدل ما تلعن بارك
بدل ما تهد شارك
ابنى
علم
اتعلم
و لو يأست لازم تصمم
ولا تقعش
و أن وقعت
ماتفضلش مكانك قوم
و لو ماتقدرش
بص ليسوع فوق
و اصرخ بعلو الصوت
و قوله
انا تعبان بارك حياتى
ارضى بتتهان بارك بلادى