القسم الادبي
مبقاش للفرح مكان
بقالى كتير منكدتش عليكم فمهانش عليا اسيبكم تفرحوا كده كتير فقلت انكد عليكم شوية . والموضوع ده ساعدنى فيه شخصية عزيزة عليا اوى اوى وبحبها اوى اوى اوى .ساعدتنى بجزء كبير من الموضوع.ربنا يخليها ليا يارب ويفرحها
اسيبكم بقى مع النكد
تعبت منك يا حزن
لحد امتى تخون احباب
وتلعب بقلوب وتفرح بطعم العذاب
ودايما تشجع و تدى اعذار لاى كداب
كفياك يا حزن حقيقى تعبت منك
مش هاين عليك تدينا الفرح ولو لثوانى
بتدور دايما تهدم اى فرحه واى ابتسامه وتتحدانى
ياما حاولت اتحداك واقف قدامك
لكن حسيت بيك انك بتستكتر حتى الاحساس بيك
لو اندمجنا معاك بتقسى علينا
ولو فرحنا تقتلنا
تعبنا منك يا حزن
والغريب اننا اتعودنا عليك
لما تبعد لحظة نجرى عليك ونقسى
ليه بتعودنا على الاحزان
كل قصة وليها خلان
وكمان بتقدر تقسى الاحباب
وتدمنهم لجرعات القسية والعذاب
خلاص تعبنا من كتر الاحزان
تعبنا من الالام
ننساها لحظة تسكن معانا دهور وايام
ملينا العذاب والفراق
ملينا الوحدة والايام
وحشتنا اوى الافراح
وحشتنا اوى الابتسامات
فين ضحكة عيون حبيبى؟
فين بسمة شفايفه وصوته؟
فين لمسةايديه وحنانه؟
راح فين كل ده؟
خدته مننا ليه يا حزن؟
خدته مننا ليه يا فراق؟
ليه كل حب نهايته الام وجراح
ليه كل حب نهايته عذاب واوجاع
ليه كل حاجة فى حياتنا احزان
مفيش للافراح مكان
ليه؟
