يوم من عمرى

من بين كل العيون مش شايف غير عنيكى
ولسه فى ايديا يا عمرى مكان لمسه ايديكى ..

كان حلم ولا خيال ده ماكنش يوم عالبال
اشوف حبيبتى قدمى ويتتحقلى المحال ..

كنت فاكر انى بحبك اتارينى مغرم فى عشقك
روحت وغبت عن وعيىّ لما أتنفست نفسك..

كنت فاكر انى بهواكى أتاريه شويه يا ملاكى
لما قعدت جمبك عرفت معنى و قيمه حياتى ..

شاورنا على بعض بقلوبنا وقولنا يدوب كلمات
والإيدين تدوب من سلامنا والعيون بتحكى حكايات..

تعالى وكملى معايا وقوليلى أيه الحكايه
اقولك انا أحساسك ولا تقولي أنتى اللى جوايا..

قولى عن يوم من عمرنا نسينا فى نفسنا
قولى عن حكايتنا سوا احكى عن قلوبنا وحبنا..

تعالى وخليكى معايا نوصف فى يوم لقانا
نحكى ونقول من البدايه ازاى أتولد هوانا..

تعالى يا كل عمرى ده اليوم اللى استنيته عمرى
تعالى من تانى جنبى تعالى يا كل أملى..