القسم الادبي
متشوقين (عاوز اعرف رايكم)
ازيكم يا احلى منتدى انا هقدملكم حاجه لسه مخلصها حالاً وبجد تعبت فيها وبعتبرها من احسن كتاباتى ونفسى تقولولى رايكم بصراحه …واتمنى ان اللى يدخل يكتبلى رد سواء ايجابى او سلبى او ملحوظه او نصح وشكراً يا احلىمنتدى
الزمان مخنوق فى صبره
والحنان مدفون فى قبره
والقدر مجروح حزين
والامل محبوس فى قفصه
والكلام أخرس فى همسه
والبشر متشوقين
لاقل بسمه….لهمس نسمه
لنصيب وقسمه معقولين
كل غالى اتقل قيمته
والشموخ ضاعت كرامته
واتخرس فينا اللسان
واللى خان ويا الجبان
بقيوا سوا متجمعين
والأسى هزم الحنان
واتنسى الحلم اللى كان
لؤلؤه فى عقد السنين
مستنيين لضحكه طارحه
متشوقين لطرح فرحــــــــــه
ومدلوقين على دنيا جارحه
وكل يوم ننزف انين
وحلمنا الخوف يموت
وهمسنا صداه سكوت
وجرحنا خيط عنكبوت
وفى ضل روحنا مربوطين
ونفسنا ننسى الدموع
ويحسنا ضى الشموع
ومستنيين نفرح يومين
مستنيين رضى القدر
والانتظار فى مكان خطر
والنصيب كتب علينا
نفضل بشر………. متشوقين
الزمان مخنوق فى صبره
والحنان مدفون فى قبره
والقدر مجروح حزين
والامل محبوس فى قفصه
والكلام أخرس فى همسه
والبشر متشوقين
لاقل بسمه….لهمس نسمه
لنصيب وقسمه معقولين
كل غالى اتقل قيمته
والشموخ ضاعت كرامته
واتخرس فينا اللسان
واللى خان ويا الجبان
بقيوا سوا متجمعين
والأسى هزم الحنان
واتنسى الحلم اللى كان
لؤلؤه فى عقد السنين
مستنيين لضحكه طارحه
متشوقين لطرح فرحــــــــــه
ومدلوقين على دنيا جارحه
وكل يوم ننزف انين
وحلمنا الخوف يموت
وهمسنا صداه سكوت
وجرحنا خيط عنكبوت
وفى ضل روحنا مربوطين
ونفسنا ننسى الدموع
ويحسنا ضى الشموع
ومستنيين نفرح يومين
مستنيين رضى القدر
والانتظار فى مكان خطر
والنصيب كتب علينا
نفضل بشر………. متشوقين
مع تحياتى / الشاعر رامى فايز (مسجله بشهر عقارى المنيا)
