لو كنت مكانى

أه يا زمانى… لو تبقى مكانى………. ولو لثوانى
وتكون مره واحده ضحيه….وتسبنى أكون الجانى
واخنق فيك جواك انفاسك
واقتل نبض هواك واحساسك
واملاك احلام تطلع اوهام
واجى فلحظه اهد حماسك
واسقيك م الشوق
تشرب وتدوق
وتفوق على جرح جزاء لاخلاصك
اه يا زمانى..لو كنت مكانى …وتدوق م اللى عملته معايا
كنت هتيجى وتترجانى..وتبكى تقولى حرام وكفايه
كنت هتبقى زى حالاتى ..تحس بجرحى ومر أهاتى
كنت تحس عذاب حكاياتى…وكل عذابى الساكن فيا
كنت هتبكى … كنت هتشكى
كنت تحس عذاب لياليا
كنت هتتعب
بس بجد بجد هتصعب
كل جراحك ديا عليا